la petite bakery

Open Now

Now Closed

印象中永華樓下係有間細嘅西式麵包鋪，不過就唔係成日經過。星期六近八點經過，見到竟然未收鋪，就望多兩眼。其實我係比門口個乳豬蛋糕吸引到，因為真係好似真嘅...不過好貴，如果有圖片係切開一半睇下入面就好啦。入到去見到有啲蛋糕放咗喺度，叫紅棗合桃蛋糕，30蚊，我就好好奇究竟入面係咪都係紅棗。店員話除左個面，入面都會有料，又話呢個蛋糕剛焗起，我就心心眼買一個黎試。我就唔係好識點評論蛋糕，不過呢個係幾特別幾香，個面都有好多芝麻。如果食厭平日果啲海綿蛋糕，呢個都可以試下，健康之餘又好大個，相信老友記尤其會鍾意！

今日又有驚喜，Bagel貝高美味可口，有藍莓芝士，朱古力和火腿芝士，款款都很好味，一試難忘，價錢合理，性價比高，一定要再買，仲有不時限定新品推出，值得推介比愛吃的朋友

我在較早前，想買三重朱古力包，但太好賣而售罄。今次終於買到了，十分開心，還見到有一款合桃厚方包三片裝，很特別，外型是全黑色的的，於是在好奇心驅使下買了一包來試試。喜歡吃朱古力的我，當然覺得三重朱古力包十分美味，重點是它夠足料，難怪它咁受歡迎，強烈推介朱古力迷一定要試試。另外合桃厚方包也有驚喜，味道像竹炭，包分佈一粒粒的合桃碎，很特別，我以前未食過。因麵包本身夠厚身，想減肥的女士，午餐只吃一片也夠飽。👍🏻😋

自己非常鍾意食麥包，行過筲箕灣區的 la petite bakery 麵包店門口見到有一款「無糖種子包」，好奇心下就買半條來試一試。😆麵包十分鬆軟，重點是我吃第一口時，已經有好多種子在我口內，例如南瓜籽，黑白芝麻和燕麥等，不用夾芝士或塗花生醬也很美味。唯一注意是食的過程中會有種子跌下來，自己要小心地一口一口慢慢地吃。總括來說，此麵包很適合素食者或追求健康人士吃。下次會試其他特色麵包如竹炭合桃包，什糧吐司和黑棵麥等。

忙裏偷閑到筲箕灣逛一逛，想不到有意外驚喜，令很久沒有寫食評我，都忍不住要寫食評向大家分享。我在筲箕灣行過一間麻雀雖小的麵包店，好奇便入去看看，發現它原來是五臟俱全，除了有腸仔包，吞拿魚等常見的麵包外，還有很多我未食過的麵包，例如玉桂卷，薯仔沙律包等，個個麵包都好大個，份量十足，買來當早餐吃是不錯的選擇。由於我喜歡吃芝士，所以我便買了一個雙重芝士包和一個玉桂卷回家試食。雙重芝士包的麵包既鬆軟，芝士味又香濃，驚喜發現原來包內除了有一片片半融的芝士外，還有少量一顆顆芝士粒，很美味。另玉桂卷不但玉桂味很香，而且麵包十分鬆軟，味道不太甜，適合下午茶時配咖啡一齊食。雖然麵包的價錢屬於中價，但麵包的質素佳，味道一流，可見麵包師傅用心製作，個人認為物超所值，所以推介給大家。下次我會試埋三重朱古力包和黑芝麻吐司。