Video
7-min walk from Exit C, Hong Kong MTR Station
continue reading
Introduction
Inside or out, Chef Rene-Etienne Bedu aims to give you a very personal experience of the true taste of French cuisine. Rene's philosophy is very simple, quality produce cooked precisely and presented with the minimum of fuss, utilizing the freshest and finest of ingredients.
continue reading
Opening Hours
Mon - Fri
12:00 - 14:30
18:00 - 22:30
Sat
18:00 - 22:30
Sun
Closed
Above information is for reference only. Please check details with the restaurant.
Signature Dishes
Review (31)
團購見到有優惠，覺得好吸引又低食，5道菜仲有酒飲都只係二百幾蚊，所以決定一試。優惠卷用到12月31號，我12月中打去訂位，所有dinner時段經已full, 只能簡lunch,仲要得幾日比我簡。真係好誇張,可想而知餐廳有幾popular。聽電話既係一位菲籍女侍應，非常有禮貌兼有耐性（但故事未完）。餐廳裝修簡單，以白色為主調，冇任何花巧既佈置，感覺大方乾淨。Serve我地既係1位應該係中東或印度籍既男侍應，操一口流利廣東話。態度有善，好有禮貌，說話自然。跟歺有一杯智利氣泡酒，味道相當唔錯，冇苦澀味，好易入口。歺前小吃：芝士+火腿+面包面包好大塊，烘得啱啱好，外皮脆脆地，入面非常軟熟，一啲都唔硬。蒜蓉牛油非常平均地塗係面包上面, 咬每一啖都食到蒜蓉牛油香味，而且味道啱啱好，蒜蓉味唔會太濃烈。火腿質感較濕潤，唔系風乾火腿，味道有D太咸，但依然好食。芝士有2款，食落囗感好滑，質地較軟身。我將火腿倦住芝士泥食，芝士能夠cover火腿過多既咸味，口感幾特別。1st頭盤：洋蔥湯，青菜沙律佢既洋蔥湯係根據香港人口味而製作。食過真正法國洋蔥湯既都知佢所謂既洋蔥湯其實係唔會飲到湯，而係將好多面包浸係啲湯度，基本上只會食到浸到淋bat bat既面包，口感十分怪仲有啲核特。但係佢依個就唔同，佢真係一碗湯。入面只有一嚿細細地既薄面包，而且烘到好脆，唔會比湯浸到淋bat bat, 湯既面層有啲焗過既芝士，味道濃郁，咬落有一條條絲。湯既味道清清地，散發住陣陣既洋蔥香味。製作好有心機。沙律材料好簡單，只有菜同車厘茄，用橄欖油同唶調味。蔬菜非常非常之新鮮，比一般既翠綠還要翠綠。新鮮既程度就好似即摘即食咁 ，就算係其他高級西餐廳都從未食過新鮮到咁既菜。可惜落得太多橄欖油，每片菜都沾滿油，食到成囗都係油。2nd頭盤：煎帶子不過不失。有4片薄帶子，好明顯係1開2，味道唔夠鮮甜，但就煎得幾香，有咬口。伴碟既係切粒既紅黃青蕉，望落就幾新鮮，但我本身唔食蕉，所以味道不詳。主菜：牛扒失望。牛扒既鬆軟程度明顯唔係天然。切落去已經覺得怪，食落口感的確係怪怪地，一咬開就咬開，連基本肉咬落去應有既質感都冇。不過又未至於食唔到，味道尚可，有肉味，有些少肉汁，勉勉強強可接受。甜品：焦糖燉蛋，雲呢嗱布甸一級棒！2樣口感都非常幼滑。燉蛋蛋味香濃，配合面層既焦糖簡直係味蕾一大享受。布甸既質感好似燉蛋，雲呢嗱味非常濃郁。雖然2樣野味道好香濃，但又唔會太甜，一啲都唔膩。二百幾蚊有咁多道菜仲有酒飲有咁既質素有咁既環境，已經相當唔錯，其實真係冇野可挑剔。但係世事就係咁，當你以為所有野都好OK既時候，偏偏出現一位唔老實趕收工既女侍應。當時2點半未夠，得返我一枱客，我食緊主菜。女侍應(訂位時聽電話果位)非常之唔好意思咁走過泥講對唔住，話佢地收2點半，示意我地食快啲（當時男侍應唔係度）。都覺得奇怪邊有歺廳會2點半落場，但當時冇諗咁多。於是我快快手食埋件扒，甜品都未上，佢就好有禮貌咁拎張單泥比我埋。2點九我一食完甜品就即刻起身走人，女侍應即刻準備say goodbye 。男侍應見我走得咁急就覺得好奇怪。走過泥叫我地唔洗咁趕，慢慢坐到3點都可以。其實呢啲事就好常見，但估唔到高級餐廳都會發生呢啲低級事情。雖然位女侍應好有禮貌，但為左趕收工而唔老實呃顧客就點都唔應該。何況只係午市，就算我坐到三點，其實都阻唔到妳幾多。就係咁，扣哂分。
continue reading
yahoo團購再一次滲入我生活...哈哈，今次豪D買左2張＄178的團購券同朋友食生日飲之用（嘩，中環蘇豪區仲有酒飲都係每人＄200）即 買即訂位book左晚餐時間1930，地方比心目中偏遠，時間遲左少少，一坐下即見到西班牙火腿加芝士，待應好快地比左水我地再選擇食咩做主菜同酒只有3桌客，外國人大多數，待應都係外國人我地2個女仔叫左帶子，羊架，牛扒同甜品每款要一樣洋䓤湯同包：包味道好好，好有蒜茸味又有件，湯味道濃同上方有包同好多芝士，料好多同好好味，更加特顯洋䓤味濃酒：有白，紅，汽酒，最後我地2個都選汽酒，普通吾難入口西班牙火腿加芝士：只可說普通，芝士味吾夠前菜（帶子沙律）：帶子厚身，大隻又夠鮮，但成碟覺得太油，食左帶子都吾想食其他配料主菜：配料全部好好食，吾油又夠味道，薯蓉好有口感吾似粉整出黎，羊架：但羊架份量3件，味道吾蘇，幾滑，但3口已經食完太細份了牛扒：叫了7成都差不多全熟，但好在吾硬，可想而知肉質吾差先有，份量都叫正常，汁都夠味甜品：奶凍夠滑同有雲利拿籽味道好特出，燉蛋蛋味重而焦糖夠厚身，所以可以口口都有焦糖味十分好總結：食左2小時，覺得這個團購都抵同好味，每人最後結數＄200／位，待應好好（記得我飲暖水，全程都比暖水飲）好窩心，過左一個好愉快的晚上
continue reading
團購原因係因為上open rice 見到幾高分咪試下囉。之前睇過網上又話係一個著名model介紹乜乜乜,期望都幾高下架。一入到去，環境Okay o既，侍應態度都好好，我同我老公去食，個menu團購嚟講幾豐富，前菜有蒜蓉包，芝士同Parma ham 仲有得揀沙律/洋蔥湯，呑拿魚他他/煎帶子。主菜有羊扒，牛扒同三文魚。甜品有奶凍同creme brûlée 。先講前菜(sorry 無影相太肚餓) (學某食家口吻)蒜蓉包有蒜蓉味，亦比一般其他餐廳蒜蓉包大塊，蒜蓉牛油亦都係搽滿塊包(最憎啲蒜蓉包搽唔滿，留好多白邊，你懂的) 塊包夠熱夠脆，最加分o既係外脆內軟，唔會成塊都脆到𠝹親口腔。芝士同Parma ham 就ok la ，無咩可以評論，同我係嗰啲吉吉島呀，叉叉super 呀，孖ket place呀度發姣買番屋企食嗰啲無咩分別。洋蔥湯好麻麻，有啲似用濃x寶煮o既味, 塊芝士係成碗湯最好味o既o野。呑拿魚他他好一般雞肋型o既菜色。呑拿魚顏色唔係幾新鮮，亦冇咩特別醬汁味，淨係食到黑椒味。仲食到呑拿魚筋比起呑拿魚他他，帶子稍為好啲，個帶子煎得幾香，顏色都靚，食o既時候覺得ok好食，但係係嗰種食完你就會忘記佢，同朋友講起帶子(唔好問點解無喇喇會同朋友傾帶子,我都唔知) 都唔會推介俾朋友.主菜方面我試左牛扒，大中伏! 😡😡😡😡😡😡😡😡😡😡😡😡😡😡😡😡(係呀，無相呀sorry )塊扒同係花x餐廳呀，第x牛扒一樣，但價錢當然唔同喇！原價食超唔值。個汁稀Liao liao , 我真心覺得花x 呀，第x呀嗰啲"咋咋"聲o既汁好食好多。要食靚扒的你一定會失望至極。配菜又擺得唔靚，又太油。我知道炒菜落好多油顏色會靚啲，會滑口啲，但火侯唔夠，食落除左油味，咩味都冇。好失望。甜品係唯一我覺得真係好食o既，creme brûlée 好滑，個焦糖亦好靚。奶凍個奶味好濃，會齒頰留香。可能係我期盼過高喇，唉。
continue reading
早陣子~買左呢間餐廳既團購~ 抱住搏一搏既心態! (想去中區食下西餐, 又想平~哈哈~)Book左幾個星期, 原本想訂星期五六去食, 不過都冇位........ (反而咁樣就比較放心..... 間餐廳咁旺, 應該好穩陣.)食物質數同味道唔錯~Parma Ham and cheese - 味道唔會太鹹, 好食~洋蔥湯 - 少少杰身, 味道好濃, good~ (以前試過第二d餐廳, 比較"水", 呢度整得較"挺身").吞拿魚他他 -d貨應該好新鮮, 好味道~ (我太太試左都話幾得), 另外煎帶子一般.主菜~牛扒同埋羊架, 兩者都做得唔錯, 個汁好好味, 薯蓉係用薯仔整既~唔係用粉開果種.甜品反而好普通, 奶凍同埋蕉糖布甸都係一般水準.總括而言, 野食係正既~ 不得不提, 杯Sparkling wine出奇地好飲~~~
continue reading
一週年紀念，但為了短期內擁有磚頭及婚禮，男朋友及我都決定到這餐廳。其實我好想去跑馬地amigx 架😫不過，為了共同目標，男朋友由肯花費的，突然便了慳家的人，也放棄了買新game. 講返間餐廳先，男朋友book左位，我地早去到，侍應就讓我們選擇座位，groupon有特定的menu，其實，價錢我也不清楚，但也不過不失除了甜品，得cream brûlée 好味，另外那個像熱香餅的味很怪
continue reading