La Vache!

Open Now

Now Closed

同其他酒店扒房比既話LA VACHE既環境同氣氛就無咁好架啦一定🤣但性價比黎講真係算不錯Total $600 per head 但食到超飽 樣樣都仲可以refill 最有驚喜真係佢既薯條同HOUSE WINE同個甜品牛我就覺得中上偏好 唔會overcook, 叫左medium rare 肉汁鎖得住會再encore🥰

老公話想食扒，所以就去左同環La Vache! 到食餐晚飯。基本上一坐低都唔洗諗食乜，只係揀牛扒嘅生熟程度就得，絕對係我呢D唔想煩既人我點了medium（五成）的熟度，上台前牛扒就會被切好.滿滿的肉汁,一個字,正!!!!!套餐還包括沙拉 麵包 跟薯條🍟薯條有得無限refill!! 每條都香香脆脆食到最後再另加左一份Staff會推住車讓客人選擇..整體來說，我非常喜愛環境感覺和服務態度

話說呢間嘢我已經mark咗好耐要去食咁啱今日要出去港島做嘢（新界鄉下人平時都係新界返工）咁就係試一試呢間嘢嘅好日子啦我哋5.9左右就到咗門口，舖頭未開 但已經有幾個人喺度等位最後六點開門我哋都成功Walk in坐低冇幾耐 待應就問我哋要distilled water定sparkling同埋問我哋要唔要開酒因為要揸車所以都冇飲酒所以我哋叫咗sparkling $68好快就上咗沙律我就覺得一般冇咩特別我同男朋友食咗兩啖都冇再食包方面真係硬過我條命🤣牛扒都好快上咗 我哋叫咗Medium～主菜薯條亦都緊接着上菜冇錯，聽講個個都話薯條先係重點有啲BBQ味嘅shakeshake薯條又真係幾好食，仲要熱辣辣牛扒方面作為配菜真係有啲一般有牛味 但咬極都咬唔唔爛🤣侍應問我哋hows ur steak我哋如實咁講話less tendor than expect佢聽完轉身就走，我同我男朋友都呆咗我哋講笑話佢係呢間餐廳嘅npc只係負責問，但係唔會解釋🤣不過再有另一個staff加薯條嘅時候我哋講咗同樣問題咁佢都有解釋佢哋嘅ribeye係偏瘦啲甜品蛋糕見到都唔係好食得落所以我哋冇食埋甜品🤣講真同類型嘅餐廳 top

呢間法式牛扒超人氣，勁多人打卡book枱嚟食，同朋友慶祝生日一流啊！每人入到嚟都係食同一個set，包麵包，沙律，牛扒同薯條任食，午市同晚市一樣價錢，都一樣係$398加一，但午市open rice 有得訂枱，晚市夜晚要5位以上先book到。🍴餐包 (set $398)係切開曬嘅法包，正常法包味，口感煙煙靭勒，搽埋牛油，正啊！🥗沙律好大份，沙律菜都好新鮮，有嘅核桃增加口感，配上醋汁，酸酸甜甜好開胃！🍴法式牛扒配薯條 medium rare 牛扒調味剛好，肉質偏軟但少少鞋口，唔係靚牛扒，肉味欠缺，牛味唔濃，但醬汁搭救，steak sauce好好味，好香濃creamy，好重牛油味，好鍾意個醬！薯條即叫即炸，好新鮮好脆，已經落咗鹽調味，超邪惡，可以問佢拎茄汁。侍應會不停幫你加薯條，真係食到夠為止，超飽🤣🍴檸檬蛋白撻 大概$150甜品有驚喜！睇落好多cream，但食落係酸酸哋，一啲都唔膩，個餅皮好鬆化，好好食，停唔到口，可能係牛扒薯條太膩，覺得甜品好fresh好正！推薦指數: 8/10慶祝節日生日一流，一早bookmark可以係甜品上面寫字，食到差唔多侍應會拎甜品過嚟，播歌唱法文生日歌，超有氣氛！

係中環做完野同朋友諗住食餐飯，朋友話想食扒，所以就去左同環La Vache! 到食餐晚飯。一如以往，基本上一坐低都唔洗諗食乜，只係揀牛扒嘅生熟程度就得，絕對係選擇困難症人士嘅福音😂揀好晒之後，侍應馬上拎左麵包同沙律過黎，沙律醬汁酸酸甜甜好醒胃，而且沙律菜亦都夠新鮮爽脆，好味道😋之後就到主菜牛扒，我地揀左Medium Rare，但一上枱見到啲血水流晒係隻碟到😥 好明顯係一煎好就切開上碟，完全冇Rest過而且牛扒偏硬，咬到牙骹都軟🥲 之前食過幾次尖沙咀間La Vache! 都冇試過呢個情況，唔通2間分店啲牛唔一樣？🤔整體黎講 野食嘅話尖沙咀分店好似好少少，但座位，舒適性嘅話就中環分店略勝一籌

係IG係咁俾人洗版，今次終於到我去啦～依間餐廳既booking都好full，要係openrice早兩個星期訂枱。不過佢剩係得午餐時段可以揀，大家book既話要留意下。去到附近已經見到大大個紅色牛牛🐮招牌，真係好易搵。手上拎住幾件蛋糕諗住食完飯去野餐chill下，侍應都好好幫我地將啲蛋糕雪住，服務唔錯。入到去見到裝修氣氛幾好，係行氣質優雅低調路線，而我地既朋友已經坐定定等我地。我地一人手攞著個餐牌，睇黎睇去都剩係得drink meal，可能侍應都見到我地係新手，就過黎guide我地。原來我地係咩都唔洗揀架，餐廳只係得一個餐，只要揀塊牛幾成熟就👌，真係懶人界、選擇困難症患者、乃至天枰座一大福音！😆侍應就推介我地揀medium， 所以我地就嗌左medium 同 medium rare 試下個分別，其他野就交俾佢地啦。有個得意既位係佢會將個M字同MR寫係枱方便記認，我諗大家都估到係咩意思啦。頭盤個沙拉🥗係有啲驚喜，除左平日食開既紅菜頭同生菜，佢仲不惜工本加左好多好多核桃。紅菜頭切到薄一薄，生菜又爽脆，再加上核桃既脆脆口感，成個人都感覺開胃左又健康左。之後就係重頭戲，我地既牛牛🐮終於到！成盤牛扒

看到openrice有很多好评才决定试一次，试过后立刻后悔了，只有沙律牛排加薯条一种选择，牛排量很少，而且味道其实很一般，感觉花园餐厅的牛排都更好吃一些。虽然薯条是任食的，但是只是正常味道的薯条，沙律还算OK，但398加一的价格绝对不值得，这个价位有太多好吃的扒房可以选择。餐厅的位置也不好找，从中环站出来要走很久。餐厅服务和装修中规中矩。总而言之是家华而不实的餐厅，不要被任食薯条的噱头欺骗，非常不推荐。

🍪 【#中環】La Vache!💥法式浪漫扒房 慶祝節日生辰💥.🍪每逢週年紀念日、生日、節日，去間靚餐廳同情人或者朋友撐枱腳，可以留下美滿回憶！La Vache! 擁有法式浪漫格調，價錢合理，絕對係好嘅慶祝餐廳！❤️✧With romantic parisian ambience and fare at a reasonable price, La Vache! is an ideal spot for celebration! 🍪只供應一款牛扒餐，$368包一塊牛肉、無限量供應薯條、合桃沙律。甜品車仲有精緻法式甜點！✧The only set menu includes steak with house sauce, free-flowing french fries and green salad with walnuts. Don't miss out the parisian delicacies on the confectionery trolley! 🍪餐廳提供上等食材、悅耳音樂、友善服務，職員引以為傲。✧The restaurant takes pride in its

今日放假約咗朋友去中環食lunch，朋友建議去La Vache!鋸扒。之前試過夜晚黎食，未試過lunch，一於就過黎試下！原本先上餐包，可惜食完先醒起唔記得咗影相。而每個餐都配有沙律。沙律菜夠新鮮，我鍾意份沙律入面有walnut，為沙律增添堅果香味。餐廳入面其實都冇得你揀，只係得牛扒餐，你要揀既只係要幾熟。牛扒上枱既時候，餐廳會用小蠟燭繼續溫熱碟牛扒。所以平時食開medium既我叫咗medium rare，俾D空間件牛扒食食下變medium。Ribeye表面煎香，內裏肉質夠鮮嫩，呈粉紅色，充滿肉汁。店員會不時問你需唔需要refill跟餐薯條，我幾鍾意咁樣安排，因為refill既薯條係熱既，食落去感受到啱啱炸好既香脆，咁既薯條先係最正！Lunch同Dinner既分別係Lunch係包埋甜品，Dinner係要加錢先有甜品。呢個跟餐甜品係法式杏仁金磚蛋糕，好似係家喻戶曉既法式甜品，我唔太清楚，只係知食落唔太甜，都幾好！如果唔特別叫野飲，每人都只係$338一個餐，加埋一就$371.8，算係幾平！而餐廳環境其實都幾嘈，音樂聲幾大，一大班人黎聚餐係唔錯，但如果你係想約另一半黎個浪漫約會，呢到就唔建議

朋友想食這間扒房，但訂枱要六人才可，我們只好walk in ，本身諗住六點前到應該唔係好多人，點知門口已經有好多人排緊，好彩我們最後也第一輪成功入到去，入到去環境比較昏暗，服務員全是講英文，好似去咗外國一樣，全間餐廳只得一個menu，唔怕有選擇困難症，牛扒上枱，下面有啲火㷫住，我們叫了三成熟，比較韌，至於薯條係可以任食，薯條好味，熱辣辣，食到停唔到口，佢嘅沙律菜味道也調教得幾好味，連我唔係好食沙律菜的人也覺得不錯，整體而言ok，但就比較嘈，唔係幾適合傾計.

呢間steak house個vibe好似英式pub 而佢地既牛扒套餐$318會有沙律作前菜同薯條（超級香脆，仲要係任食㗎）肉眼扒會跟自家特濃牛扒汁 將牛扒本來鬆化既口感同層次推到極致 咁大塊扒 好彩餐廳用蠟燭放喺鐵碟下面 令到食足成個鐘既我都可以享受到暖暖既牛扒🤣

We visited with group of friends in this french steak house located in Central Soho. They served only one menu which is very simple and price is also very reasonable. It comes with bread and butter and the organic green salad with perfect light vinaigrette dressing. Best part comes here 😋steak and frites. 🥩10oz USDA prime ribeye, unlimited frites and their homemade sauce, which match perfectly with that juicy mouth melting 🤤steak. ( We refilled fries and sauce twice 😆)We had their signature dess

啱啱放工就即刻過嚟8:30嚟到唔需要排隊一排冇來依然咁熱鬧一樣全場滿座再次來嘅原因系因為好掛住呢度嘅牛扒牛扒好有口感，好有牛味，五成熟啱啱好薯條任食，一定要嗌拿破崙，因為真係超好味😋

點樣食推介✨⭐️人氣任食薯條扒房⭐️⭐️中環扒房⭐️La Vache! (中環)中環蘇豪卑利街48號地舖🍖aujourd’hui/today $338 pp (7.8/10)黎依度食飯最好嘅就係唔洗諗咩👻！一個餐包沙律、餐包、牛扒同埋任食薯條！沙律就冇咩特別，醬都冇乜好健康，個餐包都普通，建議大家食一舊留肚食牛扒同薯條好過，但要讚下佢個牛油好香，唔錯👍🏻牛扒方面佢係用鐵盤上，然後下面放左d蠟燭keep住舊扒保溫，男朋友建議medium rare，因為d蠟燭會搞到d牛食到最後會再熟d，但我自己死都要食medium🤡，然後試完medium rare先知自己柒jor，好明顯medium rare個塊肉質方面嫩滑超多，食落肉汁都多d🥲，然後男朋友好好咁讓左半塊比我食🤣，食得好開心～店家本身有蘑菇同芥末醬你點黎食，但都係食牛扒本身原汁原味最正！我會話佢地d牛本身唔算超級高質，但係烹煮方面做得好好，精湛嘅火候控制令到塊扒變得出色👍🏻薯條方面係幼薯，永遠都係新鮮炸起好脆，仲要超香牛油味，我覺得都ok👍🏻回頭指數: 🍧🍧🍧🍧 (滿分:🍧🍧🍧🍧🍧)好坐指數: 🧎🏻‍♀️️🧎🏻‍♀️🧎🏻‍♀️🧎🏻‍♀️(滿分:🧎🏻‍♀️🧎

由於同行好朋友知道我哋鍾意食牛扒同埋佢哋鍾意食薯條😂😂😂所以book咗呢一間好出名食牛扒薯條嘅地方同我哋慶祝周年紀念相識同埋生日🎂其實都好啱有選擇困難症嘅朋友😂因為剩係得牛扒揀，所以好快就可以點套餐，然之後坐嘅地方到幾舒服，加上一邊傾偈一邊食薯條，薯條任食係開心嘅🎈🎈🎂佢嘅牛扒煮得啱啱好，當然你都可以揀自己喜歡嘅熟度；之後再送咗一舊小蛋糕俾我哋食，個蛋糕都好好味呀🎈🎂🎂雖然個價感覺上係貴啲，但係大家都食得好滿足同埋好開心🥳