Lab Made 分子雪糕專門店 (Closed)

從社交網得知, Lab Made由今天開始推出「火焰雪糕芝士撻」, 賣相很是吸引, 還要每日限量400個, 十分矜貴。剛好今天我上午放假, 就決定上班前先去吃一個, 暫無緣吃其他排隊芝士撻, 唯有吃Lab Made的先過過癮吧。原來荃灣城巿中心改了名叫千色滙, 先check過千色匯Lab Made分店開12點半, 我準時到達, 店員卻說未準備好, 足足遲了20分鐘才開。而本以為會有些人排隊, 又竟然不見有人吃, 我是唯一一個吃芝士撻的。這間Lab Made是Cafe來, 可以舒舒服服的坐下吃。先在櫃枱買票, 找個位子坐下, 店員就會送上餐點。枱面的公仔好可愛火焰雪糕芝士撻 $22, 一般的蛋撻size, 頗嬌小的。中間的芝士部分是雪糕來的, 有澳洲芝士的濃, 和意大利芝士的滑, 味道確實很香濃, 帶一點芝士的酸味。撻皮好結實而牛油味很香, 大愛! 外皮微暖, 中間雪糕冰涼, 形成對比, 加上外脆內軟, 面層更有即叫即燒的薄脆焦糖, 整個口感甚為有趣。和坊間的芝士撻不同, 這其實是沒有流心效果的, 初咬下去時, 是很實淨的雪糕, 慢慢就有點溶, 所以極其量只能等到溶心效果。小小的芝士雪糕

Lab Made 多創意, 人所共知 .... 不過, 近期 流心芝士撻 熱賣, 任您再多創意都要跟一跟風 ~對了, Lab Made 的又一新搞作, 就是賣 $22/件 (不設外賣) 即點即製的 " 火焰雪糕芝士撻 " ~店長見我們拿起相機拍照, 更親自前來講解有關 " 火焰雪糕芝士撻 " 的製作過程 ~1, 店員會先把幼細的砂糖灑在分子雪糕上, 此步驟最重要的, 是要灑得均勻 ~2, 店員會用火槍, 把砂糖燒至微焦, 此步驟最重要的, 是要控制火候, 很講究技巧的 ~3, 烤好之後, 店員便把雪糕小心翼翼地轉移到熱辣的批底, 此步驟最重要的, 是要眼定手定, 很考功夫 ~火焰雪糕芝士撻 $22 (不設外賣)批底熱辣辣、火焰雪糕夠冰凍, 一口咬下, 風雲變色, 冰。火兩極口感, 瞬間融為一體, 味道亦周旋於甜、鹹、焦香之間 ~ 本篇完 ~

芝士撻旋風直捲至創意爆錶的 Lab Made 分子雪糕專門店手上，流心芝士撻今年吃得特別多，反而雪糕芝士撻倒是第一件，Lab Made 誓將強項 --- 分子雪糕的元素放入芝士撻當中，製成這個又熱又凍、愈食愈流心的「火焰雪糕芝士撻」上 !店員會將芝士雪糕放在已清潔及清毒的隔熱墊上，先將砂糖均勻地倒在雪糕頂上，再用火槍將砂糖加熱至微焦，即場製作焦糖玻璃。冰火交融的「火焰雪糕芝士撻‬ 」由今天開始在大坑、尖沙咀、荃灣 ‪‎lab_made‬ 發售，價錢 $22/pcs，每日限售400件，為保持冰火狀態，只能堂食不能帶走。

隨萬聖節新出的食腦雪糕，造型夠晒嚇人而且有諗頭！血淋淋的腦袋，其實是震騰騰的奶凍再加上士多啤梨醬，士多啤梨甜酸度剛好。而底下雖說是蛋糕味雪糕，其實比較像雲尼拿雪糕，但雲尼拿味都挺突出的，整體還不錯。

第一次食份子雪糕，以往份子雪糕比我嘅感覺，係應該食豆腐味有西瓜味， 食牛奶味有可樂味。。咁樣嘅 但係今次試完先知，原來成件事唔係咁匪夷所思嘅😂因為係晚飯後嘅緣故，今晚揀咗比較冇咁"漏"嘅玫瑰荔枝紅桑子味道($44/杯)！見到店員整雪糕嗰陣真係好得意，將材料放入一個類似攪拌器嘅大碗度，之後一路搞一路會有好多白色嘅煙冒出，就好似啲魔法一樣！🍭🍭只係前邊買雪糕嘅人太多，所以影唔到整雪糕嘅過程真係好失望。。😭好快，雪糕到手😊第一個反應係用匙篤吓雪糕頂頭嘅兩舊cream，發現原來係"硬斌斌"但超輕身嘅糖果，🍬一啖咬落去，可以用鬆軟黎形容，口感比馬卡龍硬少少，但感覺都係唔錯嘅！🍦第二啖食左一匙羹雪糕，果然識到玫瑰花香嘅味道😍荔枝味相對紅桑子嘅味道濃烈一啲，🍒非常夾。於是乎,第三啖加埋"硬彬彬"嘅糖果加埋雪糕一齊食，口感即時變得好得意，一硬一軟，同時喺口中一齊溶化❤️下次等我冇咁飽，一定會去再試埋奶醬脆多味😆😆

經過一番誘惑後Oli和Thomas終於出來一起往 Lab Made Cafe食分子雪糕星期六的下午也得小貓幾隻幫襯是否開得太濫呢?今期有奶醬脆多,英式糖漿餡餅,香脆燕麥配士多啤梨和玫瑰荔枝紅桑子味~經一番掙扎後揀咗頭尾兩款各$44奶醬脆多味道充滿茶餐廳的影子好真實雪糕內更藏有麵包脆粒來增添口感很有趣味呢,另一款玫瑰荔枝紅桑子先試那蛋白脆脆咦痴牙嘅再試雪糕出事了極像洗手間那股香精味吃了一兩口大家都放棄啦~

每次聚會後，我地都必定會食個甜品，先叫完滿晚餐(真係想瘦都難)，今次真係太飽，所以KaKa話不如食雪糕，去食Lab Made，其實我好少食雪糕，所以理所當然地未食過~~照KaKa所講，佢地每次都係得4款雪糕揀，今次呢幾款就係﹕ 雙黃蓮蓉月、黑糖鮮奶焙茶、蘋果金寶、芒果菠蘿乳酪，當然，以KaKa鍾意食月餅嘅程度，一定係揀雙黃蓮蓉月喇~雙黃蓮蓉月 - 其實我就食唔到有任何蓮蓉味，但係KaKa話佢食到少少(可能我前一晚先食完一個大大蓮蓉壽包)，其實個雪糕就無乜特別，下面有啲餅碎，我就覺得係消化餅囉~你當睇佢整吓出晒煙嘅雪糕就叫抵嘅，但係……我覺得……食哈根大師好過食佢，佢唔值我俾$44

行街行到攰攰地黎左食雪糕，全個商場得lab made可以食少少又有得坐下，但啲枱櫈超污糟，店內沒垃圾桶，食客只能將食完嘅雪糕杯、飲品留在枱上，店員沒有出來處理嘅意思。係無得揀嘅情況下坐左一張勉強較為乾淨少少嘅位，雖然都係成地餅碎，至少枱上無垃圾。點左黑糖鮮奶培茶雪糕，原來係咁細size，好珍貴喎。茶味香濃，上面淋左一層黑糖糖漿甜甜地，仲一舊cream同有幾粒卜卜米，無乜特別，原來呢啲就係分子雪糕，算我孤陋寡聞未識欣賞。價錢略貴，算了，純粹想坐下。順帶一題，可能係中秋節，年輕店員都心不在焉，十問九唔應，就算係撘，都係超快速無人聽得到，除左本人，其他食客亦同樣吓吓吓，對唔出名嘅lab made非常失望。

小有設坐位架店， 試了apple crumble 味，44元杯，上面放了煮腍蘋果蓉，雪糕加了消化餅碎，一粒粒麥皮口感粗糙，第一口味就是老麥蘋果批，有點玉桂味。杯飲品都索價42元，用乾冰營造了泡泡同出白煙效果。 紫色成杯顏色水，加埋素糖漿個色水似墨水

有一段時間無食分子雪糕, 見今晚行過就去睇下有咩新口味.上到去時間約8點左右, 可能D人食緊飯, 所以無咩人, 仲有幾張枱無人坐.睇下有咩口味先, 有次試過朱古力類好甜, 所以都係揀清清地好, 最後都係翻兜<腐竹雞蛋糖水>$44店員一聽到ORDER即刻整, 完成前後唔洗5分鐘, 捕捉出煙一刻, 好似無以前無大煙, 無咁過穩.樣子跟之前差唔多, 聞落就唔太重味, 一啖食落口, 似足腐竹蛋糖水, 我鍾意. 不過雪糕質感好似比以前硬左D, 不過都滑既. 甜味唔算太勁, 淡味D幾好, 食完唔洗搵水飲.整體 間中食下都可以, 不過好似過左最初既熱潮, 已經較少人幫趁.

在Slide the City見到這杯噴煙的東東,吸睛度極高,可惜只能用代用券購買, 便打消念頭了!然後在商場發現Lab Made店, 便立刻購入了!原來噴煙效果是以乾冰形成, 一邊飲一邊引來很多奇異目光, 哈哈.味道也相當不錯! 不會有藥水怪味,是荔枝味soda, 乾冰令整杯飲品更冰凍,而且冷卻時間能維持很長,是我很喜歡的地方!*小心不要接觸到乾冰喔

拿！呢啲係咪就係傳說中份子雪糕既由來？（本人才疏學淺，純粹講笑）講就講話係利賓納味、蘋果味，但一食落口，擺明山渣餅味啦！說什麼利賓納味，只是浮雲💭而且蘋果粒某程度上我覺得係可有可無既，唔覺有咩特別咁😐但我鐘意食呢杯比焦糖海鹽多好多，而且個個都話好酸既情況下，可能我一早有定心理準備會好酸，所以當下食落反而覺得幾好，無想像中酸就已經大成功了😆😆但都係太甜了...愈食愈甜 之 我需要飲水解甜😀 ·好多人都覺得勁爆之好食既焦糖海鹽.......但其實我唔覺得😫由幾年前某一日在日本東京開始，由於食過一次由焦糖海鹽整既甜品（該甜品仲要極度出名到至少要排隊2小時先食到）但自果次我食過後.....對焦糖海鹽系列既所有甜品，一律極之反感！好大陰影所以呢杯很多人都讚好既焦糖海鹽唔係我杯茶，我好辛苦地試左幾啖，頂，對我嚟講真心太甜太甜太甜，我平時係個連糖都唔太食既孩子😀但無可否認，食得出超重牛奶味，鐘意食呢杯野既人，鐘意焦糖海鹽既人，的而且確會幾鐘意食呢杯雪糕既

好慘情~ 明明遞左信都做到乜咁....乜道理...... 為左comfort我自己從而達至心理平衡，於是我偕同我的同事們一起在荃灣這個地方吃雪糕~ 不過嚟到又俾另一新品所吸引~ 玫瑰荔枝分子冰茶老實講個店員講到又話底下一粒粒嗰啲係乾冰，人係唔可以飲架，入左胃就唔知點算了~ 嚇鬼完你一輪，搞到你飲都飲得神經兮兮! 生怕自己真係飲左落肚~ btw~ 其實玫瑰荔枝味但係呈紫色你都知, 大部份其實係色素，不過又真係幾好飲嘅~ 又唔係落左好多糖漿，又真係飲到兩種味道，加上好似soda咁~ 其實到最後啲乾冰都會痴埋一舊，所以唔多手/口，都唔會咁容易食到~ 一路飲都覺得自己好似係外太空飲緊野咁，好唔現實，仲要一路飲一路出煙.....飲完都覺得自己一肚煙同氣~哈哈

見到Lab Made今期嘅雪糕好吸引！特別係B.奶醬脆多！原本以為學生證有優惠，可以－$10！點知個優惠完咗！個雪糕有多士粒！不過太多！個醬好鹹！唔太甜！麻麻地！

這個星期 2/7 - 15/7 的雪糕新口味:A) 夏日熱辣辣!! (Pina Colada) (含Malibu酒)B) 奶醬脆多C) 薄荷朱古力脆脆D) 熱情芒果配甜乳酪而我當然是選 A, 夠抗炎夏, 更何況Pina Colada是我喜愛的雞尾酒, 有齊菠蘿、椰子及酒香, 雪糕內有菠蘿粒做餡。  入口已沒有以往的快溶, 嗒嗒下, 不錯!另外買多杯夏天限定的 蜂蜜青蘋果分子冰茶 , 玫瑰荔枝分子冰茶...下次先! 店員教說杯底的乾冰不要吸進口, 也不要把吸管插進乾冰內。「藍色加綠色變紫色」--- 喝的時候把綠色液體倒進杯內的藍色液體, 很快便察覺它的變色。先小心翼翼地啜一口, 味道冰爽醒胃, 帶蘋果香, 不過偶爾的「論盡」... 乾冰散出來的氣可直衝上腦, 連鼻塞也通了, 勁!