Lab Made 分子雪糕專門店 (Closed)

有一段時間無食分子雪糕, 見今晚行過就去睇下有咩新口味.上到去時間約8點左右, 可能D人食緊飯, 所以無咩人, 仲有幾張枱無人坐.睇下有咩口味先, 有次試過朱古力類好甜, 所以都係揀清清地好, 最後都係翻兜<腐竹雞蛋糖水>$44店員一聽到ORDER即刻整, 完成前後唔洗5分鐘, 捕捉出煙一刻, 好似無以前無大煙, 無咁過穩.樣子跟之前差唔多, 聞落就唔太重味, 一啖食落口, 似足腐竹蛋糖水, 我鍾意. 不過雪糕質感好似比以前硬左D, 不過都滑既. 甜味唔算太勁, 淡味D幾好, 食完唔洗搵水飲.整體 間中食下都可以, 不過好似過左最初既熱潮, 已經較少人幫趁.