十三姨 (通菜街)

Open Now

Now Closed

相信大家對十三姨都唔陌生，除左黃飛鴻入面嘅十三姨，當然仲有旺角通菜街嘅十三姨！記得十三姨幾年前風靡一時，我嗰陣都不時會食個招牌鵝肝飯😋最近經過十三姨，見到到宜家都仲要排隊，原來仲係人氣不減😆ꞋꞌꞋꞌꞋꞌଘ老闆娘鵝肝煎蛋撈飯 $148 ▸ 7/10必試呢個十三姨嘅招牌！三片大大塊焦香嘅鵝肝 肥美邪惡配太陽蛋嘅蛋黃汁 油蔥酥 葱花同埋好正嘅惹味秘製xo醬🌶️撈飯食真係好滿足🤭今次食略嫌火侯大左少少鵝肝同太陽蛋都熟左啲🙂‍↕️ଘ十三么 $74 ▸ 6/10呢款係雞湯粉絲拼米粉配料有手撕雞 雞叉燒 溏心蛋十三姨嘅湯底標榜以鮮雞熬製但我當日食就覺得偏鹹食唔到雞湯鮮味 又或被鹹味蓋過雞叉燒有輕炙添加香氣肉質正常 唔鞋但亦未算嫩每枱附上一份蝦片，我地嗰份稍微淋左🥲個人唔推薦佢嘅湯麵，但鵝肝飯係可以一試的！印象中佢其他飯都ok～𝘙𝘦𝘷𝘪𝘴𝘪𝘵: 𝘳𝘦𝘷𝘪𝘴𝘪𝘵𝘦𝘥👅𝘙𝘦𝘴𝘦𝘳𝘷𝘢𝘵𝘪𝘰𝘯: 𝘸𝘢𝘭𝘬-𝘪𝘯 𝘰𝘯𝘭𝘺🏘: 旺角通菜街1M-1T號華發大廈地下C號舖 (分店設於佐敦、尖沙咀)🕘: 星期一至日 12:00-16:45，18:00-22:45☎️: 28856728🚶🏻‍♀️: 旺角站E2出口/油麻地站

⭐️鮮蟹粉沾麵 $158講左一排終於試到！本menu未更新，直接同侍應落單就得🙌🏻 除咗麵同埋蟹粉醬，仲跟咗蟹醋同埋黑糖薑茶用嚟驅寒，個人覺得都幾sweet😆雖然唔係好重蟹黃味，但份量都幾足同個麵都幾掛汁👍🏻 ⭐️老闆娘鵝肝煎蛋撈飯 $148之前食過幾得幾好食所以今次再嗌✨起邪惡嘅膽固醇超標厚切鵝肝煎到完油香四溢，食落入口即溶，無論直接食定撈飯都好正！個人覺得有少少辣，不過幾開胃🤣 將炸蒜 、肉碎、太陽蛋、鵝肝撈埋，再落埋秘製撈飯醬料，口感好豐富，咁大碗飯都食得曬！ ⭐️西多雞翼 $38炸完之後再用咗蜜糖醬炒，幾香甜惹味！同埋單骨好易食，一隻接一隻好快清晒😋 #fookdie旺角#十三姨 #鵝肝飯 ##hongkong #hkig #foodie #hkfoodie #foodinstagram #香港美食 #九龍美食 #旺角美食

旺角逛街經過，剛好發現有位置，立即入去試試。首先叫了「十三飛」，即是牛肩胛、牛肋條、溏心蛋湯麵，我特別轉配六蔬配銀針粉，又健康又低卡。牛肉肩胛和牛肋條入口嫩滑多汁，肉汁和湯頭結合在一起，口感超濃郁！溏心蛋口感綿密值得加分，而且拉麵變成六蔬配銀針粉，菜的鮮甜和銀針粉的清爽口感，簡直是絕配！這道菜不僅美味，營養也超豐富！推薦給喜歡牛肉又想健康飲食的你們，絕對不會失望～另外同行友人叫了「大三元」，即是燒手撕鷄拌鷄油飯，配燒鷄叉燒，當然啦飯亦轉成椰菜花飯。手撕鷄肉質鮮嫩多汁，經過烤制後散發出濃郁的燒烤香氣，口感細嫩，搭配燒鷄叉燒的微甜和燒烤香氣，又係絕配！而且飯被椰菜花取代，輕爽清新，口感獨特～這間餐廳料理不僅好吃，而且健康，推薦給喜歡新奇料理和注重健康的你們，一定會大呼過癮。

十三姨專登嚟食膽固醇飯，落狗屎嚟到要排隊，諗住等一陣，如果條隊唔郁就走，點知條隊郁得好快，10分鐘內入得～老闆娘鵝肝煎蛋XO醬撈超級邪惡膽固醇飯，三塊厚切鵝肝+蔥+半熟煎蛋+蒜片+XO醬一上枱已經聞到好香，落埋佢個醬汁撈勻，鵝油好香有少少辣係好惹味唔記得叫咩名嘅粉絲拼米粉湯底都算濃郁，好食但唔夠鵝肝飯咁有驚喜，粉絲拼米粉口感就好似摻摻咁，下次想試下翠玉瓜麵爆漿芝士煉奶炸年糕好芝士，鐘意芝士嘅人會好鐘意，但對我嚟講好漏

一入到間餐廳就已經成浸噏味，衛生程度真係好麻麻，啲筷子係木製，有啲濕淋淋感….未落單前會送上蝦片同茶，蝦片上有啲黑色點，唔知咩黎，所以避開唔食果塊，食左一兩塊唔覺得有咩特別（有少少多舊魚既gimmick野）個蟹醬沾麵唔起個menu入面，職員話未更新菜單，直接同職員落order就得，上菜果時有麵，蟹醬，雞湯（濕麵用），醋同薑茶（驅寒），蟹醬比想像細兜，唔夠用嚟沾晒成個麵食，同埋味道都好普通。呢間餐廳仲要收加一服務費CP值超低衛生麻麻唔會再有下一次

老闆娘鵝肝煎蛋XO醬撈飯 $157👼🏻推薦指數：環境指數：❤️❤️❤️店鋪裝修風格中式為主配合木系餐桌用具。座位之間距離較近。不過小店坐得舒唔舒服都唔係重點。食物質素：❤️❤️❤️❤️撈飯配料包括蔥、半生熟煎蛋、XO醬、蒜片等。店員建議再額外加佢地特製既醬油。但個飯撈完之後已經好夠味，所以唔建議加。主角鵝肝入口即溶，鵝肝油脂亦都好香，生熟程度啱啱好，不過鵝肝本身既油脂同埋xo醬既紅油，令到個飯比較油膩，食到一半已經有飽既感覺。建議二人同行，其中一個叫呢個飯share黎食比較好。服務質素：❤️❤️❤️一坐低店員會放低一碗蝦片，味道正常。店員都有主動幫客人加茶。性價比：❤️❤️（滿分為五個❤️）性價比不算太高，但食物水準對得住價錢，鵝肝飯並唔係到到都有得食。值得一試！

餐廳叫十三姨，好容易令人聯想到十三么，十三飛之類的麻雀用語，點知打開menu，餸菜名又真係有大三元，十三么，的確玩味十足又好記呀～店家主打麵食，實是一家非一般的麵店，因為無論你想減肥或增肥都總會迎合到你心意餐廳以中式木系的裝修格局，古色古香的外貌卻有一個玩味十足的menu和一道道是非凡創意的食物，真的看得出店家心思誠意滿滿呀～舖坐低仲會先附上一大杯彩色蝦片，可以食住睇menu🔮花雕啫喱蕃茄餐牌上面有一系列名為‘’最住配角‘’的前菜小食，而這道花雕啫喱蕃茄，實在真的配得起這個最佳配角的名銜。原個新鮮大蕃茄切開薄片，廚師刀功了得，每片切得厚薄一致，平均舖在托盤之上，十分得體；特製的花雕啫喱加入黑糖調味，整成啫喱奶凍的效果，上面灑上金梅片粉，入口酸甜醒胃，鮮蕃茄的爽甜配以花雕啫喱的酒醇香，那種回甘回甜的清爽感覺，絕對係一試難忘呀～🔮西多雞翼雞翼醃得十分入味，先炸再以蜜糖漿炒均勻，外面炸的甘香酥脆，單骨雞翼容易食，肉質嫩滑易離骨，入口味香又甜甜地，十分惹味🔮十三飛 （安格斯牛肩胛，牛肋條，糖心蛋，粉絲+翠肉瓜麵）麵要好食，湯底絕對是靈魂人物，此湯底用料十足，每天以大量的牛肋條和牛骨，與及超過十

餐廳裝潢充滿中式古典味道，主打新派港式撈飯及陽春麵，食材矜貴以平民煮法呈現，創意又惹味!!🧧- 鮮蟹粉沾麵 HK$158 🦀🍜蟹香滋味甘香美味!!鮮蟹粉非常超料加入蟹黃及蟹肉，蟹味濃郁又自然，再加入大量蟹油令香氣更濃郁，味道好有層次感。陽春麵口感軟滑有彈性，吸收所有蟹黃精華!!亦可加入蟹醋轉換口味，仲非常貼心準備了薑茶驅寒，補身又滿足!!- 大三元 HK$78 🐣🐥🐤🍚雞肉勁量套餐！！炙燒手撕雞伴雞油飯雞絲超多，伴入雞油及豉油咸香十足啖啖肉。蔥、紫洋蔥及炸蒜香氣十足，超惹味令人無法抗拒!!炙燒雞叉燒肉質嫩滑無比，出色!!- 蔥油雞腿肉串 HK$28 🐣可以不試!!蔥油味道偏咸味充滿油膩感，雞腿肉偏乾，兩者未能融為一體。

今日又行旺角，同朋友見到呢間嘅餐牌好得意，「十三飛」、「大三元」、「十三幺」…突然激起我想打牌嘅興致🤣就有興趣試下呢啲菜式！我prefer食湯麵，就揀咗「十三幺」陽春麵！其實佢有其他面底揀，有米粉、銀針粉、粉絲、米粉拼粉絲等等，搞到我有選擇困難症！😂然後個餐送埋嘢飲，凍飲唔洗加錢！我就揀咗百香果烏龍茶，本身我都驚佢會太甜，糖漿個種死甜，點知出到黎好清新，微甜程度，啱嗮我！👍🏻而「十三幺」陽春麵就係手撕雞，雞叉燒同溏心蛋，湯底幾濃胡椒味，加少少炸蒜，好多麵！食到好滿足！仲有仲有，佢送嘅蝦片都好好食！

之前係通菜街搵野食，經過呢間好多人排隊就諗住試吓，攞咗飛都唔係等咗好耐就入得。入到去坐低都未打開餐牌侍應就送上茶同彩色蝦片好貼心。餐廳環境唔算好大座位有啲逼夾多數要搭枱坐。不過室內環境有中餐廳特色，有古色古香客棧嘅特色。🍲十三飛 $80湯麵入邊有安格斯牛肩胛，溏心蛋，仲有腸粉驚喜地幾夾碗湯麵。而牛肉係半生熟上入口即溶，口感好嫩份量亦好足。最開心係可以雙拼麵粉絲併米粉一次滿足兩個願望。個湯係唔錯，但越食越鹹。🍜炙燒雞叉燒湯翠玉瓜麵 $84呢碗個湯就同十三飛唔同，而湯麵入邊有雞叉燒，溏心蛋。。諗住試吓唔同麵，就揀咗加錢轉青瓜麵，點知真係無揀錯，翠玉瓜麵好驚喜，對於想減肥嘅人嚟講，我會超級推介，又飽肚又清爽，有好健康感覺好似食好多都得。另外佢個雞叉燒都好特別個樣好似日式叉燒，但係食落好嫩滑嘅雞肉。🐙椒鹽魷魚絲 $38魷魚份量唔算多，但味道唔錯炸得幾脆，當小食送麵食都幾好。整體嚟講兩碗湯麵都有驚喜同出色個湯係幾好飲，不過飲到最後係有啲鹹要不停飲水。絕對會再食個翠玉瓜麵真係唔錯。

一入到去已經好多蚊滋周圍飛 店員完全當冇事 可想而知衛生幾差 杯同筷子都係木製 摸落去未乾透濕濕地 感覺好唔衛生 見到送既蝦片係一個冇封口既包裝袋拎出尼 咁多蚊滋都唔封實好唔衛生送既蝦片食落口好硬應該係放左好耐 叫左一個鵝肝飯 份量好少 味道普通 百幾蚊尼講性價比好低 仲叫左個雞絲湯米粉 賣相味道都好一般 入面有幾舊腸粉 唔知放落去做乜 腸粉都唔索湯社交媒體網站見某位藝人吹奏到咁好食咁高質素 點知完全係貨不對辦 整體尼講食物 環境 衛生都差 絕對唔會再去

之前見好多foodie推薦呢間餐廳，雖然見到openrice都有d負評，但依然想自己試一次，點知體驗極差，被安排坐最入面既位置，衛生環境極度差劣，好多烏蠅同蚊圍住豉油樽同餐具，當食物來仲圍住食物飛，我同搭枱既人都狂拍，但員工好似視而不見。食物方面，每枱都附送既蝦片，味道油益，而且唔脆，不過唔駛加錢就算，正餐叫了一個鋪頭最出名既鵝肝飯，覺得鵝肝質素麻麻，份量極少，而個飯就好油膩，完全名過其實，還有員工係門口吸煙，煙味傳晒入店舖，真係冇下次

吃着好的了🥰老板娘鹅肝煎蛋饭🍚才是鹅肝该有的味道，丝滑绵密的让牙齿都打滑。外焦内软的鹅肝在口中迸发出油脂🪿，又带上脆米和蛋液来鲜上加鲜，全是油润碳水的快乐南乳雞翼🍗酥香油炸的口感脆到炸裂，咬开厚实的鸡翅里面还包含着汁水⚡️，腐乳的咸香混合着奶香，但会稍微有点咸💦↗️服务员的态度都很好，送的虾片也挺不错

十三姨人氣一直keep住，大部份時間過去都要排隊。呢度主要食雞，但係我更加鍾意鵝肝飯✨落單之後會先送上七彩蝦片，每次嚟食都覺得好好味，又脆卜卜😆老闆娘鵝肝煎蛋撈飯，一客有三件鵝肝，油脂充足，煎至表面微焦，入面軟嫩，食落去香氣十足🤤配埋蛋汁撈飯真係無敵！另外仲點咗大三元，炙燒手撕雞伴雞油飯，手撕雞都幾嫩滑，略嫌雞油飯未夠香🤏🏻另外仲有配埋炙燒雞叉燒同糖心蛋🥚飲品而家都有好多選擇，除咗基本嘅菊花蜜，汽水，烏龍茶之外，仲有唔同嘅特飲，我同朋友都點咗400次岩鹽咖啡，賣相靚得來又好飲😋

入到嚟，坐低睇完餐牌，個小妹妹主動問係咪落單，好啦，落完單，等半個鐘，我問佢地有無落單，居然話無，有無搞錯呀？成個野2枱客都可以漏單？無下次，建議都唔好去，對唔住都唔講，門口個金毛阿姐仲大大聲話：你一講個客就走人啦，哈哈，我朋友係度，如果唔係實拍枱鬧，唔通我仲等你半個鐘野食？你地已經無理會客人嘅單，仲一啲歉意都無，客人多唔怪你，但果時下午4點，2枱客，班人坐哂係度都算 ，客人嘅單都跟唔到？我介紹我朋友嚟食，最後大失所望。