十三姨 (通菜街)

Open Now

Now Closed

上星期叫左外賣去拎 我見人多 連staff都應付唔黎 就諗住行埋去睇係唔係有得拎定還是要行出去再等。 點知我都未睇擺出黎既外賣，個staff已經一邊用左手擋住我 一邊態度差勁地講話唔好自己拎 唔好自己拎。我距離個外賣起碼有成2個人身位，都唔好話拎，我望都未望到，再加上我完全都無打算自己拎。姐系我覺得系怕其他人偷走個外賣既話就唔好放到去門口最出，你地客人多 又幫唔到客人處理既時候，你地無去解決而又唔去增加人手 但就用極差語氣發洩左落個客人度，我就覺得唔合適啦，唔講以為我偷幾十蚊外賣。

呢間人氣店，星期六lunch去，門口排滿非廣東話人士，要拎籌，排左半個鐘內就可以入去，兩人喎！跟餐即上小食，蝦片和茶$74 十三幺 +12 轉翠玉瓜麵拼粉絲 乾蔥另上上枱熱辣辣湯底清淡，冇味精，少許胡椒味配料唔算多，雞肉絲偏鞋口，用上黑胡椒調味；雞肉卷就一般；翠玉瓜麵+粉絲口感幾好喎，爽爽地，一啲唔會瓜味、怪味，食完唔會好heavy，食左好多澱粉落肚，因為仲有一兩舊類似腸粉物體。冇影到佢枱面上嘅調味料添😓 秘制青辣醬，好香，多渣，少少辣，加落清清嘅湯底，唔錯*建議叫冇雞肉卷，灸燒手撕雞絲果款，價錢又平d添 $148 加一 老闆娘鵝肝煎蛋撈飯呢個好邪惡三塊經煎香後的鵝肝超～肥美，充滿油脂感，調味料盤上有秘制豉油，按自己份量加多少，配埋太陽蛋，所有配料(xo醬乾蒜乾蝦）撈埋一齊食，口感濕濕地，咸香咸香，唔算話超油膩，可以試下整體來講，呢個價錢，份量，服務，尚可。

係旺角行完街有啲晏，又唔知食咩好，上網碌到十三姨嘅鵝肝飯好似好正咁一於去試試佢🤩.一入座會有一份蝦片贈送，味道正常.老闆娘鵝肝煎蛋撈飯有三塊鵝肝，鵝肝都幾肥美，配蛋黃汁、蔥花、XO醬，再加埋自家制豉油，撈埋一齊食一流，好惹味，下次會想試埋個蟹粉麵.十三么 呢款入面有雞叉燒、手撕雞、溏心蛋係粉絲拼米粉，湯底用鮮雞熬製，胡椒味幾重.

今日去開旺角，試吓十三姨既湯粉先呢碗十三飛非常足料，有安格斯牛肩胛、牛肋條等，湯底充滿着牛肉嘅味道，但唔會太鹹。牛肩胛稍為略薄。朋友轉咗去個面底做翠玉瓜面，好清新同埋好健康，啱晒啲生銅人仕。

十三姨的鵝肝煎蛋飯真是無可挑剔，鵝肝煎得外脆內嫩，香氣四溢，配上滑嫩的煎蛋，味道絕佳。十三么和十三飛刀這兩道菜也非常出色，配料豐富，讓人吃得非常滿足。十三么的配料多樣，口感層次豐富，而十三飛則以其獨特的調味和豐富的配料讓人驚喜。每一口都充滿了驚喜和滿足感，絕對是飽肚的好選擇。

之前已經聽過好多人介绍不過多數都話午、晚市通常都有好多人排隊今次咁岩夜左係旺角揾野食終於食到濃味出色湯粉🍜十三飛（銀針粉）安格斯牛肩胛、牛助條、溏心蛋要讚牛肉濃湯底出色，牛肋條炆得好淋，起乎安格斯牛肉就比較諧身，但湯底太出色，加入大量乾蔥蒜，少少青檸汁，清新又惹味🍜灸燒手撕雞湯粉絲估唔到有人會將手撕雞灸燒，將濃濃燒烤味融入湯底，加埋蔬菜粉絲，味道特別得嚟令你難忘

14/12同朋友試左呢間幾出名嘅港式茶餐廳。當中環境幾多人下，比較擠迫。當時食左佢最出名嘅鵝肝煎蛋飯。當時餐廳會送上台桌一個蝦片，唔錯。個飯同啲xo醬乾蒜乾蝦一齊食，幾好味下。鵝肝算肥美，外脆內軟。份量唔錯。整體ok，不過未係網上講咁好味，不過不失。算可以試下。

早幾日經過旺角，試吓十三姨超出名嘅鵝肝飯。香港都幾少地方食到鵝肝飯，佢哋呢個飯都好有誠意有三舊肥美嘅鵝肝，配上自家豉油同埋XO醬等等，真係好惹味。下次會再幫襯！超好食！如果新界都有就好！

呢間餐廳係朋友介紹，話超好味，所以嗰日路過旺角都特登排隊想試吓食（都排咗差唔多20分鐘先入到去㗎 ）都仲算接受到.入到去坐低，店員會比七色蝦片我哋食，又幾特別，其他餐廳好少見。佢嘅湯底比較清，加咗啲黑胡椒粒，感覺冇咁單調。而且有粉絲同米粉，兩種唔同嘅口感，都幾得意喎。啲肉都比得幾足嘅，再加埋隻糖心蛋，最後食到好飽飽啊.我覺得係不過不失，未試過可以去試吓嘅～但如果要排超過30分鐘會建議不如下次再食😂

📍十三姨 (通菜街) (旺角)🌏旺角通菜街1M-1T號華發大廈地下C號舖📝 6.5/10啱啱去完旺角做Facial，肚餓於是在OpenRice搜尋一下餐廳，我看到了一間叫做「十三姨」的餐廳，名字特別吸引我。見到菜式叫做「十三么」「十三飛」，猜想老闆娘一定是個麻雀愛好者。十三飛雞湯清淡可口，喝起來好舒服清新口感，適合鍾意清淡口味的人。炙燒手撕雞煙燻味濃郁，至於雞叉燒有日式叉燒的風格，包着微辣的胡椒，添獨特嘅風味。

湯底真係正既，十三么點解會叫十三么嘅？呢碗叫做十三么係唔係因為有十三種材料？我就只數到11種材料：1）湯底2）雞叉燒3）雞𢇁4）半熟蛋5）米粉6）粉絲7）芽菜8）椰菜絲9）炸乾蔥10）葱花11）湯底內的胡椒粒最讚嘅地方，應該真係係即叫即煮，所以連煲上熱辣辣👍🏻（最憎啲湯粉麵上枱嘅時候唔夠熱😛）

想試這家餐廳很久了,   剛去附近辨事, 就即刻去試一下整家點. 感覺很木系,  杯/筷子. 煲架等等全是木 ,  在枱上有一杯很美的彩色蝦片免費享用 ,   然後我們點了十三么 -  粉絲米粉 裏面有秘制手撕雞, 雞叉燒,  溏心蛋 -  湯頭很香, 好味老闆娘鵝肝煎蛋飯 -  老實說, 有一點失望, 並不是想像中大片的鵝肝.  這個價錢有一點貴,  整個飯唔可說是超好吃, 不差吧, 都是用心制作吉列生蠔 - 正常發揮椒鹽魷魚蘇 - 正常發揮400次岩鹽咖啡 - 這個做得出色,   岩鹽是自己親自加, 可多可少自行選擇.   咖啡口感好厚, CREAMY 有點杰身, 好飲黑牛 -  都唔錯未試過, 是抱有期望, 不過試過都係覺得一般吧.  不過人氣店都好多人幫襯.  未食過試下也無妨.

一坐低首先有杯色彩繽紛嘅蝦片作爲開胃小食，仲有隻靚靚香檳色嘅杯裝住，成件事即刻好少女 😍😋 十三么 ~ 有炙燒手撕雞配雞叉燒，個湯偏清淡，不過個炙燒手撕雞焦香味好濃，好惹味 🤤😋 十三飛 ~ 有安格斯牛肩胛配牛肋條，味道相對濃厚，牛肋條好淋好入味，湯入面有三條腸粉，但索唔到湯汁，建議連湯食有味道d~😋 西多雞翼 ~ 炸到金黃色剛剛好，而且好夠脆口，如果有多d蜜糖就更加好啦 😍第一次食粉絲拼米粉，口感原來又幾特別，d麵少少淋得嚟又會帶點煙韌 👍🏻 另外個湯入面加咗青檸/檸檬，令個湯清新d無咁膩！下次如果唔駛再排隊嘅話會想試埋個鵝肝煎蛋撈飯！

國慶那週的某一個工作日中午去吃的十三姨。假期難免多人一些，在店鋪門口等了十幾二十分鐘（好在算很快沒有等太久） 選了十三飛和雞肉叉燒飯。兩個餐的味道都不錯，份量也夠大（尤其是我的十三飛）套餐是包飲品的，不加特飲的話就不需要加錢。菜品價格不算便宜，但是偶爾嘗試一下也不錯。店鋪的辣椒醬味道不錯，很惹味，但是爆辣。朋友不相信加了一大勺進飯裡，一口下去直接飆眼淚🥲 順帶一提，空調也很勁。怕冷的朋友記得穿件薄外套。其實國慶那週天氣依然很熱，但是我們一坐下馬上被冷到縮成一團🤣不過這也不算缺點，空調勁總好過吃飯熱到狂流汗。 整體而言是值得一試的餐廳，有空的話和朋友、同事亦或是家人來吃都不錯✌️

bkmark咗好耐嘅呢間, 淨係menu都令人目不暇給, 一坐低店員會俾個七彩蝦片, 好新鮮好夠脆, 未決定到食咩都可以充住饑先😂又有個唔知係咪期間蟹粉撈麵勁吸引, 1516咗好耐最尾都係決定第一次食試咗招牌先, 叫咗十三么同十三飛, 一個啱牛魔王 一個食雞為主, 兩個都有蛋, 另外麵底係米粉+粉絲, 感覺無咁heavy但其實都係幻覺黎, 上到黎都係好大碗, 勁飽 係男仔都食得飽嘅份量, 粉夠肉都好夠。細節位佢個麵會跟一舊lemon, 應該係中和下無咁濟, 娃娃菜都好食 正常發揮