圓圓小姐 (西九龍中心)

Open Now

Now Closed

西九龍中心food court真係幾多野食，今日係度食lunch順便買杯茶飲😏成個場好似得呢間LadyBobo，睇相好似幾正咁。主打黑糖珍珠、芝士奶蓋同水果茶飲。.🍴芋泥QQ鮮奶$34平時都好鍾意周圍飲唔同既芋泥鮮奶，呢個加左煙韌芋圓同地瓜圓，QQ好彈牙唔痴牙，加埋個芋泥底唔會太甜又好夾👍🏻.🍴香橙柚冰茶$32 +$4 黃金珍珠 呢個水果茶，係包括：橙、葡萄柚同鳳梨，酸酸甜甜咁，加左黃金珍珠(黃黃地色)，更加豐富口感，珍珠份量多唔會好甜.深水埗區黎講呢間茶飲店整體黎講好滿意❤️

［嚴選食材 新鮮果茶］西九龍中心係兒時回憶，太耐無去，依家八樓上面變成一個food court，勁多嘢食！！芝士戀戀草莓果茶充滿着清新同滿滿嘅士多啤梨🍓果茶，因為呢個杯係沙冰嚟嘅，所以飲落去每一啖都好透心涼，幾驚喜。舖頭標榜嚴選茶葉無添加香精，飲落去覺得真係幾天然，唔會飲落去唔會覺得飲緊士多啤梨糖水喎！.黑糖波波鮮奶雖然叫咗杯凍嘅黑糖波波鮮奶，但係第一下飲落去啲珍珠係暖笠笠，同凍嘅鮮奶夾埋一齊飲，夠溫暖💛珍珠夠煙韌、黑糖味好香，飲得出真材實料，夠天然

唔知坐住西九龍廣場9樓的過山車，係呢個人來人往既商場入面飛翔係咩感覺呢。可惜到我夠高時佢已經停左，如果唔係學黎明坐頭卡應該幾開心。雖然過山車我無得坐，不過珍珠奶茶我就可以飲.Food Court 新開的圓圓小姐，係我愛的台式茶店類型。 各種茶類款式／水果茶都應有盡有， 淨係珍珠都已經有兩款， 水果茶又係現打現做，大大杯，超愛。-圓圓珍珠花蜜鮮奶茶 🎉黃金同黑糖珍珠仍然微溫 狀態， 粒粒size都 適中， 煙韌有口感 ，不過計我話最重要係珍珠份量超多 ，i like. 花蜜鮮奶味道濃 帶香甜 不在話下，茶味也滿滿的😊😊-戀戀草莓果茶 無糖草莓沙冰現場新鮮即打，草莓新鮮甜中又帶有微酸, 健康清新， 一整個少女心爆發 ， 沙冰伴有以香片做base的果茶 ，比用syrup 做成的果汁有益得多了。

上文提過晌西九龍中心嘅美食廣場搵食，試咗一家主打台式拌麵嘅「阿佳拌麵」，搵嘢飲就求其揀咗「圓圓小姐」，完全無咩原因，純因喺隔離鋪，唔使左搵右搵咁麻煩。 西九龍中心個場嘅環境就唔多講，相信大家都知大概喺點，所以，索性簡單介紹店家有咩飲，貼出佢嘅單張，就一見了然，選擇都好多吓，定價亦相宜。 順帶一提，晌落單時，見到前台有個「安心食材」嘅介紹，話佢哋所用嘅茶葉、鮮果、蔗糖、黑糖都天然、新鮮，無添加、無化學成份，飲起嚟都放心好多。 百香鳳梨果茶 $34百香果喺老婆嘅心水食材，所以，一眼就睇中呢一款鮮果茶，仲要大杯添。睇見一粒粒百香果籽沉澱到底，就知有幾真材實料，選上半糖，味道啱啱好，唔會話因喺百香果而過酸，入口清涼鮮爽，陣陣百香果味，又滲出菠蘿嘅香甜，加上茶底確喺幾芳香，襯啲台式濃味食物真喺絕配。 芝士特濃黑糖波波鮮奶 $35始終都喺偏好黑糖嘢，呢一款最合小弟心水，有芝士奶蓋、有黑糖、有珍珠，就算只有中杯裝，其實份量都好夠飲。雖然話喺鮮奶，但混入黑糖後，都變到好似杯珍珠奶茶。先試試奶蓋，打得好綿密，淡淡嘅芝士鹹香，做得好唔錯，而啜一口鮮奶，鮮香充滿奶味，又滲出黑糖嘅純甜味，晌等候期間，見到喺採

呢個商場直頭係童年回憶記得細細個嘅時候就喺度玩商場裏面嘅過山車 仲有溜冰場 依家頂層就做咗food court有好多好多食肆 想飲返一杯嘢就特登上咗嚟呢度幫襯一間 貪佢夠健康同埋標榜無添加冇人工果糖 佢標榜 :✔︎嚴選茶葉無添加香精✔︎天然蔗糖不含人工果糖✔︎手工黑糖傳統熬煮✔︎天然鮮果無添加濃縮汁可以選擇增加口感有•珍珠 •仙草 •芋圓 •荔枝椰果 •寒天晶球 ♥︎ 芝芝戀戀草莓果茶 🍓 $39 大充滿士多啤梨味道嘅新鮮果茶 每一啖個冰凍好味😋 確實真係有驚喜♥︎ 黑糖珍珠鮮奶 $30 中溫暖嘅珍珠 上冰凍嘅鮮奶 混合成為一種溫暖的溫度 咬落珍珠煙眼 充滿鮮奶味道飲得出係真材實料 真係天然嘅美味

行完鴨寮街換手機殼、買自拍神棍，再到西九龍中心買衣物，行到有點攰，上到8樓的美食廣場歇一歇。看到「圓圓小姐」茶飲店，數個月前嚐過一趟，知道出品質素高，故此，有信心再嚐一會。裝修跟之前到訪的旺角店差不多，頗有特色，始終位處美食廣場，故不乏客源，皆因有質素，價錢又大眾化，所以，亦眼見不少人光顧。這裡的茶飲選擇十分之多，基本上分了六個種類：好茶&芝士茶、圓圓珍珠、黑糖波波、奶茶&鮮奶茶、鮮奶及真鮮果。此外，可以額外加配料，如黃金珍珠、嫩鮮草芋薯圓……等等，而甜度、冰量亦可自決，不過，有些飲品就指定了，不可以更改的。上回試了百香果跟鳳梨配搭的「百香鳳梨果茶」（$34），極之好喝，所以，推介給友人。友人一試大讚，一口啜上來，有百香果和鳳梨的清甜鮮香甜蜜味，看得見是採用新鮮水果，真材實料，故味道十分自然，又沒有死甜的毛病，加上茶底芳香亦記一功，友人說沒有介紹錯。今次就改試黑糖波波系列，選了這重量級大包圍式的「芝士特濃黑糖波波鮮奶」（$35），上層是厚厚而濃郁的芝士奶蓋，入口綿密帶有些微鹹香，中間是特濃的鮮奶，跟黑糖混和，非常好喝，而黑糖珍珠清甜而極具咬口，QQ彈彈的，真是沒甚麼地方可挑剔。品嚐到美

行西九除咗要去食雪糕達人🍦之外，梗係唔少得係喺food court食野😋😋今次試咗呢間台式飲品，價錢算平，而且都算大杯👍🏻-圓圓珍珠 花蜜奶茶🧋 相比一般珍珠奶茶，呢杯比較特別，因為佢哋會混珠，一杯有齊黃金珍珠同黑糖珍珠，茶底都好香，而且會飲到有少少花蜜味，幾好飲🥰😚

如果係第一次飲圓圓小姐嘅朋友仔，我第一個首推鮮果系列，因為佢哋嘅水果茶係用100%新鮮生果製作，冇添加任何果醬濃縮汁，芝士草莓果茶 $39 茶底係茉莉綠茶，都係冇落香料茶精，成份咁天然，甜度照正常就啱啱好啦，酸酸甜甜嘅草莓，加上鹹香綿滑嘅芝士奶蓋，味道好有層次😋第二個推薦就係黑糖波波系列，貪心嘅我一於叫鮮奶三重奏 $34，有齊招牌黑糖珍珠、芋圓同仙草3款配料，一次過滿足3個願望！黑糖珍珠Q彈入味，芋圓煙韌有咬口，仙草滑嫩爽口，口感超級豐富，鐘意飲手搖飲品有野𡁻下嘅朋友仔唔好錯過啦😆

❤我久唔久都想飲杯珍珠奶茶🧋今次就試吓呢間係西九龍中心上面嘅@圓圓小姐 @Lady Bobo 😍去到嘅時候已經見到🈶️好多人排緊隊👍原來味道真係唔錯噃😋❤️..🧋鮮奶三重奏$34👑.. ❤️呢杯好有驚喜😋原來三重奏裡面有有仙草、芋薯圓同埋黑糖珍珠🧋芋薯圓仲好香好好味添😋大滿足💯❤️..🧀芝士特濃黑糖波波鮮奶 $35..❤芝士控一定要試吓嚕😋濃濃嘅芝士味道加埋黑糖波波🧋超配呀🤤👍..💰$69/2ppl🚩圓圓小姐 Lady BoBo..📍深水埗西九龍中心8樓80-83號舖

有日去完玩具街買嘢俾表弟妹之後，就去咗附近西九龍，細個時候成日都去，而家多年無去，感覺既熟悉又陌生🍫朱古力奶茶🧋$31要哄表弟仔，買咗杯朱古力奶茶俾佢，佢一向鐘意飲朱古力，係咁大讚好味，飲咗好多😌開頭諗住小朋友唔好飲奶茶啦，點知佢媽媽話佢間唔中偷飲媽媽幾啖奶茶😂所以照買咗俾佢，不過就要咗少甜，朱古力味幾濃🧀️芝士特濃黑糖波波鮮奶🧋$35要咗走冰少甜，有淡淡芝士鹹香味，估唔到加埋落黑糖奶茶入面又幾好飲，黑糖味道都好夠💰$66/2ppl🚩圓圓小姐 (深水埗) @ladybobo.tea 📍深水埗欽州街37號西九龍中心8樓80-83號舖

圓圓之前已經飲過兩次，佢地最出名係黑糖珍珠同鮮果茶，茶飲大部份都係廿幾蚊正常價，今次去開西九龍中心又見倒，忍唔住又買杯飲下。黑糖波波可可鮮奶($30) - 可可味好香濃，雖然冇得揀甜度，但都唔會太甜，配埋煙韌珍珠，朱迷表示冇投訴。香橙柚冰茶+芋薯圓($39) - 鮮果冰茶唔可以改變冰量，味道以橙味為主，唔會過甜過酸，入面仲飲倒柚子肉同白珍珠，比起黑珍珠前者比較爽口，朋友另外仲加左芋薯圓，香甜又飽肚。

離開咗深水埗一段時間嘅圓圓小姐載譽歸來，新店喺西九龍中心嘅8樓美食廣場，所以我基本上每個星期都會嚟朝拜吓。價錢仍然係咁經濟實惠，所以就算變咗樓上鋪都不乏捧場客。平時飲開圓圓珍珠炭焙烏龍奶茶，今日想試吓新嘢。經店員介紹，今日就決定揀兩杯新嘗試。圓圓珍珠系列係佢哋嘅手本名曲，最愛嘅當然係佢嘅混珠，即係黑糖珍珠加黃金珍珠，所以今次揀咗圓圓珍珠鮮奶茶。兩款珍珠口感煙韌，配合以鮮奶製作嘅奶茶別有一番風味。鮮奶三重奏只有中杯選擇，入面有黑糖珍珠、芋薯圓同嫩仙草，再加入鮮奶。原本飲開微糖，不過店員話三重奏嘅配料已經有甜味，所以建議我揀無糖。果然味道已經夠甜夠香，而且口感豐富，呢個新嘗試真心正！

大家唔知有無上過去西九龍中心頂樓個food court 呢？上面有超多嘢食，唔單止嘢食，亦都有嘢飲。食完嘢口乾乾，搵番杯嘢飲先。 百香鳳梨果茶🍍：因為我好怕飲一大杯珍珠奶茶會太飽，呢度有果茶可以揀，百香鳳梨果茶果味濃郁，呢度係用新鮮水果，現榨現調，百香果同鳳梨混合起嚟酸酸甜甜，經過熬煮，香氣四溢，冰涼又解渴。百香果嘅果籽令到成杯飲品嘅層次風味更加豐富。而茶葉係純天然，無香料香精，茶味回甘。 黑糖波波鮮奶🧋：男人都愛「波波」🤣老公揀咗杯黑糖波波鮮奶，呢度嘅黑糖係天然手工黑糖，傳統熬煮製成，味道都唔會太甜。鮮奶香醇，珍珠Q彈有嚼勁，味道唔算太甜，飲晒成杯都唔會覺得好膩。

💖西九龍中心都有圓圓小姐，之前飲過覺得好好味😋，甜度適中又足料，今次再黎飲！1⃣️芝士奶蓋百香香鳳梨果茶(L)🍍 $39💖厚厚嘅芝士奶蓋🧀鹹香，入口順滑。百香果果肉好多，味道酸甜微開胃。鳳梨味加強甜度，飲落味道更清新豐富。茶香🍵配上果香香醇，大大杯好滿足！我要左微糖🍬，感覺更健康。2⃣️芋泥QQ鮮奶🍠 $34💖芋泥綿密，芋頭味道濃郁，同奶香混合更香醇。仲有好多芋圓，口感彈牙、有嚼勁。可以揀甜度🍬同冰量🧊，飲落更健康濃郁！💖美食廣場有好多位，同朋友坐低飲番杯都唔錯！

While having my dinner at Dragon Centre food court, I saw that Lady Bobo also have a stall there, thus I decided to buy a drink. For a take away stall, they offered a wide range of drink such as fruit tea, bubble milk and tea, cheese foam milk, brown sugar drink and latte etc.Pineapple & passion fruit tea - It was blended till smooth, with cheese milk foam making it milky and the cheese foam making it salty. There is still passion fruit bits in it, and was sweet and sour in taste. I topped up ya