Video
15-min walk from Exit A, Whampoa MTR Station
continue reading
Payment Methods
Above information is for reference only. Please check details with the restaurant.
位於紅磡海逸道8號海逸坊的海逸皇宮大酒樓，如果坐窗邊的話，這裏可以看到海景，家人很喜歡到這裏晚飯。今晚叫了三個餸，味道不錯！1）脆皮炸燒雞：炸得非常香脆，雞肉肉質算嫰。2）排骨二弄：一碟排骨用了兩種煮法，分別有酸甜及椒鹽，叫一個餸就有兩種口味，抵食！3）清蒸海上鮮：這條鮮魚味道不錯！
continue reading
與市區的餐廳比較，這間算係咁啦雖然食物味道不是超凡，因價錢不是太貴，所付出與回報是正比例，食物標準就預咗係普通酒樓Standard，不過不失，晚市有啲餸菜都幾好味，真的不是太差。如果比起$300飲一歺茶，又貴又食唔飽，性價比低，食裝修為主，我就寧願比平啲，水準不是太差嘅食物，費事勞氣環境寬敞樓底高，唔係好靚，不過開陽。員工態度，就睇吓邊個炒散返工，撞彩吧！
continue reading
今天星期日，同屋企人小朋友一齊去附近飲茶，諗住近近地行10分鐘便來到海逸皇宮，一入到門口接待處位置完全冇人理會，只看見有枱員工在吃飯。我哋都要示意我哋要找位置，員工遠距離叫我哋自己搵位坐，我哋坐了下來，等咗一陣都冇員工過嚟，咁我哋都要叫開茶，同埋都要拿多一份碗碟，見到有個女員工經過，都唔知佢聽唔聽到行過咗就算，一個回答都冇。真係勁冇禮貌，個個都十問九唔應！到底係間酒樓請唔夠人定係啲員工Hea做？真係勁無奈，原本諗住開開心心飲餐茶，今次係第一次來，亦都係最後一次。
continue reading
疫症期間免得出外同人逼，近近哋去海逸皇宮大酒樓晚飯，可能近工廠區，晚上人吾多，地方闊大。帶了生日蛋糕不另收費。食物方面：脆皮燒雞香嫰，特價98蚊一隻抵食，菠蘿咕嚕肉好味，芥蘭炒臘肉惹味，飯後還有蕃薯糖水送，整體食物唔錯，值得再去。
continue reading
公司同事午飯茶聚，全部點心都係蝦，哈哈哈！海逸蝦餃皇，雪白勁厚餃皮。原隻蝦燒賣皇，一咬即散不夠結實，蝦鮮爽肉甜美，偏肥味道可以。黑椒金錢肚，羶嗅味強烈，黑椒都遮掩不了，質地非常軟棉。蒜香蒸排骨，肥到入唔到口，舊舊都肥騰騰，晶瑩剔透的肥膏要咬走晒，只得兩成係瘦肉，味道非常油膩。上湯鮮竹卷好淡，北菇棉花雞正，蠔皇叉燒包平凡。鮑汁鳳爪，炆雞腳都已經爛晒，非常入味，濃到有點濁，肉嫩滑微膠合格。原隻鮮蝦腸及布拉白腸粉，一試無妨。香芋蝦春卷，有 9 成都係芋蓉吃不到蝦肉。脆皮燒腩仔，完全唔脆勁肥勁多肥膏。酥炸素鴨，豉油味重略咸，不吃也罷！佛山燻蹄，自家醋超好味，燻蹄肉勁彈，十分有咸香食得津津有味。XO 醬炒腸粉，非常香口微辣熱騰騰好好食。燒肉汁魷魚鬚，燒肉汁？勁甜照燒醬。菠蘿京都骨，放左幾耐架？凍冰冰杰撻撻衰過三餸飯。上湯芥蘭，甜美爽嫩。皮蛋瘦肉粥，味道怪怪的。牛柏葉，爽中有點韌，切得唔好，連住成排過，有薑蔥味都不錯，用烏冬底幾有趣有創意。上素粉果、叉燒腸粉、鮮蝦豆苗餃，免強可以。干燒伊麵，濕淋淋腍腍的，淡茂茂沒怎樣味道，狂撈豆瓣醬是但清掉。瑤柱蛋白炒飯，黑媽媽顏色陰沉既？無洗鑊嗎？鑊氣係有少少，不過炒得濕爛，色香味低於水平。
continue reading