湖越

Open Now

Now Closed

好耐無返香港，返到嚟又好想食返啲越南嘢，但係出親去好多都係啲唔正宗嘅或者係唔好食嘅越南嘢。今日同屋企人出開大尾篤，見到湖越就心血來潮嚟試吓。睇到餐牌，雖然唔係最正宗嘅越南Pho，但係好明顯大廚係放咗好多心思係個湯底度。本來想叫順化牛肉粉 Bun Bo Hue，但係見到個餐牌上面有呢個順化黑豚豬肉湯粉，就叫咗嚟試吓。一上菜就聞到好香嘅蝦湯，唯一美中不足嘅可能就係個麵唔係最好既麵。但係個湯底同配料真係值120分。想食越南嘢嘅不妨嚟呢一間試吓。價錢也相當唔錯。推介！

聽聞又有新餐廳 緊係黎試試佢寵物友善餐廳仲要係越南嘢即刻狗衝去試先講環境寵物可以坐出邊頭頂有風扇專登晏晝去試 睇吓有幾熱坐低都還好 有風扇吹下唔太熱但開始食湯河就覺得熱所以揀夜晚玩入秋後佢會舒服啲叫咗兩款食物西貢椰香咖喱鴨肉湯河鴨肉脆卜卜 咖喱嫌椰奶唔夠多 不過都好味意想唔到仲有豬紅個湯河係正宗越南河粉 浸耐左都唔會發漲越南牛油雞翼呢個不得了牛油勁香重要啱啱炸起雞翼又大隻裏面啲肉夠滑會再encore美中不足係套餐唔送飲品可以半價叫野飲下次會帶埋狗狗過嚟試

第一次去到湖越，室外位置有得坐貓狗，雖然有風扇，但日最後都係頂唔順，轉返坐室內。環境好好，室內位置冷氣夠。我地叫左個牛肉粉，牛湯好清甜，貨真價實。另外叫左紙米卷都出色，即叫即做。咖哩軟腳蟹免運費加碗麵包或白飯，我地揀左麵包，數量都多足夠食哂成個咖哩。埋單都唔使人頭$200其實今次係同隻貓慶祝生日，店員都送個芒果糯米飯比貓貓，仲細心到插埋蠟燭😂雖然都係我吹，今晚都好多人，門外有免費車位，下次可以帶埋家人試下。

提早父親節食飯，因我們一家都是越南華僑，見大美督新開越南菜就特意入去試下，一於離開九龍。預先訂台六點半坐室外位置，環境優美。食物新鮮，生蝦刺身是新鮮入貨，配上店鋪自家製既汁醬好Fresh。另外要一讚係個蝦多士，1D都唔油膩，鋪滿蝦膠同芝麻好好味。三文魚牛油果米紙卷第一次食，本身呢兩樣野都好夾，而家配埋米紙同其他蔬菜，點上沙律醬真係天依無逢，唔洗成日食蝦米紙卷咁悶。仲叫左個撈檬都不錯，無咩評論，正正常常。其他飲品都Ok，埋單先$100左右一位，都算幾抵食

見到大尾篤新開越南菜，所以嚟試一試，味道唔錯! 感覺和隔鄰的泰太廚房是姊妹店，飲品款式很相似，和姊妹店一樣，食物保持質素， 我家只選自己的喜歡的食物，都好好味!(我家的肥仔話~樣樣食物都好好味!)

晚市恢復，一定要出去走走！最緊要一定係要download 安心出行才可以入餐廳進食希望疫情快啲過去！一切恢復正常💪🏻第一次光顧湖越，環境清靜，對山面湖，今晚人不多，坐室外唔錯！方便傾計二人同行叫左以下食物：1）小食拼盆- 豬肉串好味，食得出好新鮮，墨魚餅淡淡肉2) 生蝦刺身 - 蝦新鮮，大隻，汁惹味！3）牛魔火車頭 - 足料！牛丸爆汁，牛肉靚，還有牛柏葉好爽，湯清澈而濃！可算是隱世餐廳，竟然係呢度都可以食到咁正既越菜！一定要介紹多d人！唯一係價錢真係比出面貴好多！

星期日約埋班老友踩單車入大尾督，見到呢間越南菜新開一於試下，環境好靚望住個湖，門口有一大隻船好吸引所以我地8人決定食呢間午餐。價錢真係唔算平，都成百蚊一個頭。我地叫左安格斯牛肉粉，豬扒越南麵包，同幾款小食一齊share，味道確係正宗，真材實料，反而老婆個豬扒包仲幾出色幾好食，都成一百蚊個，個包夠兩人食，一個人太多了，而個安格斯牛肉湯粉亦非常出色，碗湯非常美味，平時出面餐廳飲完個湯會口渴，呢度反而無，下次會帶多D朋友試下，剛好食碗粉就繼續出發。

趁住今日復活節假期最後一日 就帶埋寶貝入大尾督行吓 搵下食入親大美督多數都係食泰菜 今日見到有間新開嘅越南嘢 又見到佢有戶外位 又有得泊車 二話不說就選擇咗佢 啱啱好戶外有一枱埋單 變相唔使點等位就有得入座 好lucky坐低睇吓餐牌 好簡單 一張睇哂 咁我就叫咗個牛摩火車頭湯粉 加炸蝦餅屋企人就叫咗個生熟牛肉粉 同埋香茅豬扒雞翼飯 加個滴漏咖啡☕️上菜都快 10分鐘左右就上咗個炸蝦餅 熱辣辣新鮮炸起 加分之後就嚟咗我嗰碗牛魔火車頭 如果湯底再濃啲就very good再嚟過雙餸飯 不過個豬扒變咗雞扒 屋企人太肚餓嘅關係就照食 佢就覺得係正常水平啦生熟牛肉粉 可能係肥妹仔食嘅關係 覺得個粉多啲就最好總括而言 我覺得係一個新選擇

我係大尾督居民，見到新開業越南菜，踩單車來試一試，因本人十分喜歡食pho所以期待已久，叫左個安格斯牛肉湯粉，十分出色，真材實料，淡淡湯都是精華，牛肉美味，河粉嫩滑，環境清幽，價錢略貴，有渡假感覺。當日室外無位，幸好坐室內仍可看見美麗風景。

今日天氣好一行4人去行山，行完八仙嶺落山見到呢間越南菜新開即管試下。先講環境，門口有好大隻船非常吸引，望住個山景湖景，香港真係已經冇咩呢D地方，個日涼涼地，非常舒服坐室外。食物方面價錢亦算中上，食碗粉都過百，不過小食算平，加埋其實都係每位一百元，正常而家香港地郊區都係咁上下價錢。味道方面真係出奇地好味，叫左個安格斯牛肉湯河，好大隻碗，牛肉靚，湯清甜，成碗都飲得哂，仲可免費加粉，當然我加左啦，真係好肚餓。小食方面都不過不失，春卷好足料，比起湯粉算抵食好多有咁既環境同質數，埋單一百蚊到一位，都算午餐或下午茶好有質數既一間，有機會再呢邊行山都會試多次。