小叻沙 (Closed)

第二次食，如果唔係隔離南記太多人排隊一定唔會選擇它，我明白午市時表間人多，可以理解，但就唔係好明白，店中有位哥仔啲服務態度可以咁差呢？好聲好氣問你，你表現出來傲慢的態度，真的令我不想再光臨貴店。

最近屋企煮飯次數愈來愈少，近年尾都各有各忙，剛好今晚只有我同媽咪兩個，決定去銅鑼灣食小叻沙和行街坦白說小店裝修很一般，不過裡面有很多籃球有關的小物，我總在選擇困難是點選廚師推介 - 虎蝦帆立貝海鮮叻沙，特別order摻摻鴛鴦麵，油麵溝米粉的組合虎蝦有足足十吋半長，爽口彈牙兼啖啖肉，配菜的大魚蛋真的好像乒乓球，太誇張啦，湯底貞夠濃郁~~食光一碗已經要捧著肚子了媽媽的是招牌海南雞叻沙，基本上湯底跟粉是一樣，要讚是雞件，一般放湯的雞肉都會過熟，而這卻不會，還保持嫩滑貪心的我們又點了串燒，想過過口引吧~!!!還是嘴饞壞事^^

喺銅鑼灣做開運動，行過見到呢間新開嘅餐廳，有香港比較少有嘅喇沙，於是就入嚟試吓。我其實係比出邊嘅餐牌吸引左入嚟嘅呢度。呢度夜晚都有餐叫，我地叫左10吋半虎蝦帆立貝海鮮喇沙，仲配一杯凍/熱飲品 $103湯底我哋揀咗王牌湯底，佢係由鮮蝦頭熬製而成嘅，湯有少少椰香味和小辣。摻摻即是米粉同油面雙併。個人覺得米粉入味一啲。重點就係個十吋半虎蝦，好新鮮，肉又實。仲有大大粒帆立貝非常OK星洲炒米望落去不太黃，但係鑊氣足夠！唔油而且乾身，入邊有不少配菜，39幾蚊抵食！串燒拼盤，沙嗲味道都唔錯，肉腌得夠味！

今晚放早去左銅鑼灣波斯富街同舊同事食飯，餐廳叫小叻沙，餐牌上面有一個波士頓帆立貝雜錦叻沙（$133）看見已經非常吸引，再叫一個海南雞飯（$68）share 食。海南雞飯跟一般的海南雞飯套餐賣相差不多，配有冬瓜湯，雞很嫩滑，冇骨，飯很香雞油，如果多點會更好。龍蝦雜錦叻沙𥚃的餸十分豐富，龍蝦半隻、帆立貝、豬頸肉、扎肉、豆卜、蛋、燒雞及菜，份量十足，主角波士頓龍蝦開邊後，都可以算是大隻，蝦肉新鮮，有蝦膏，爽口彈牙配上叻沙一起吃，很十錯。而且龍蝦的鉗更是鮮味十足，老實說，其實跟一些西餐廳的龍蝦相差不多，頗抵吃的。帆立貝亦是珍寶size。濃厚帶椰香及微辣叻沙湯底，配上摻摻，即米粉及油麵，幾滋味。

朋友鐘意食叻沙，朋友話銅鑼灣有間小叻沙，主打多款口味的叻沙湯麵，所以決定去試下。餐廳位於銅鑼灣利舞台對面地點非常方便。餐牌上有好多種唔同嘅叻沙，除咗叻沙仲有其他款式可以選擇。10吋半虎蝦凡立貝海鮮叻沙,湯底用多款香料拌以叻沙醬，惹味濃郁，食材方面更選用矜貴食材大虎蝦，虎蝦鮮甜彈牙大量蝦膏，加上大大粒魚蛋非常入味，米粉爽，麵煙韌。肉骨茶，藥材味濃，肉嫩，口感豐富且入味。油條香脆，另配白飯。燒豬頸肉，肉質爽滑彈牙。奶茶厚滑，茶味奶香並重。

事又搵到新地方食晏，小叻沙喺灣仔有一間，現在開到來銅鑼灣更加方便我們。一眾大胃王除咗每人一個喇沙之外，仲分享個肉骨茶及追加沙嗲。大虎蝦叻沙套餐見到有款大虎蝦叻沙套餐幾抵食，包一杯飲料，重點是睇到廚房廚師在煎，即做自然不會差，本身材料正宗地多款，有蝦、魷魚、豆卜等，湯底白滑，充滿椰奶香。沙嗲沙嗲醬調味幾好，肉滑無渣.肉骨茶湯好飲，藥材味唔重，肉骨大條，喜歡有些脂肪滑些，煲個湯唔算好食，不過肉骨茶就係咁，備以鼓油點，送飯食有風味。有不少籃球佈置，應該同食沒有關係，相信是店主自己鍾意。

今日我哋又去試喇沙。今次目標就係呢間係銅鑼灣新開嘅喇沙店，店面裝修光猛舒服唔擠擁。菜單集中賣喇沙，不過設計就覺得可以改善下，因為10多款的喇沙入面有一款是他們推介的招牌喇沙，就零零舍舍得佢有包飲品，但其他要加錢。而每一種喇沙都可以選擇湯底，有咖喱味，傳統馬來喇沙或豬骨湯選擇。但係服務生話呢個招牌喇沙已經規定係馬來西亞喇沙味，所以點菜時會有少少混亂。如果店家覺得想特顯呢個招牌喇沙的話，建議另外一個格仔寫「招牌喇沙套餐」，咁樣落單就方便啲。湯底好滑，不過略嫌味道不夠咖哩味，牛腩炆得頗淋，青瓜絲份量太少，做不到平衡口感的作用，油麵同米粉嘅份量反而不少。所以都算十分抵食 湯底是馬來喇沙味道，感覺和咖喱湯底分別不太大。不過值得一題是這裏的湯底雖然味道不算好濃，但口感真係好滑，又唔會覺得好重椰奶味，師傅炮製湯底時做得好平衡 魷魚就沒有什麼味道，大魚蛋亦沒有彈牙口感，總括而言，好味扺食的~ 值得推介~

繼續銅鑼灣尋找滋味午餐，經同事介紹來到這家新開的餐廳，位於電車路，一點都不難找。見很多評語說餐廳服務一般，不知是我今天走運，還是店員已經改好了，我去的當天服務挺好的，店員面帶笑容，還挺帶禮貌。點了個扎肉叻沙（$49）跟餐點了可樂（+$9）可樂是罐裝的，所以+$9還可以接受。叻沙選了少辣和摻摻底。摻摻是米粉加油麵，不想作選擇的人大可一試，放心！沒有奇怪的效果。叻沙小辣完全沒有辣度！扎肉是胡椒扎肉，不過沒有越南的好吃！豆腐卜有三顆，這樣就不單調了。總結：沒有大驚喜，味道是可以的，可以偶然來吃。

今日lunch時間去食要排隊入去好在早一步都唔係等左好耐。一坐下來侍應一秒開始問我地食咩⋯⋯大佬！餐都未揭問咩呀？跟住企係度等我地睇餐牌⋯⋯朋友叫叻沙勁咸 d餸都費事話你啦！第一啖湯飲落咸到目定口呆😦另外我叫左海南雞飯 油飯係冇味 雞就好大陣雪味 個蘿蔔湯又係勁咸既🤦🏽‍♀️本身想影相但見到都唔知影乜好⋯⋯食食下搞唔掂都係炸炸林俾錢走人💸搞到要另外再去買野食睇住佢開。由期待變失望 byebye 冇下次了

見佢個名寫到咁行，咪試下佢個喇沙，點知原來一般貨識。惟一要讚嘅係價錢喺銅鑼灣叫做公道，同埋個油麵都幾好食。今日叫咗碗豬頸肉喇沙， 49蚊唔包嘢飲唔洗加一。湯底一般，叫做吾係水汪汪。

檸茶發現有昆蟲，知道生意難做！俏俏告知，心想有D反胃！服務員說，入了單，不能用此理由取消飲品！強行给我換奶茶！但真係唔想再飲！叻沙都不食！唯有迅速照找數！感覺上，服務欠妥善！請檢討！

食舖正正位於利舞臺對面， 食舖可以話係佔盡地理上嘅優勢，吸引街外客逛完街找個地方歇一歇。食物質素不是太標清。今次叫扎肉喇沙，摻摻麵底，姐係一半係米粉，一半係油麵。本人覺得食落口感有啲怪，喇沙湯唔能夠同麵底互相配合，所以我建議一係就全米粉，一係就全油麵，純粹個人口味。另外，湯底好一般。雖然唔講得上係差，但就唔係有水準。佢不但沒有香濃嘅椰香，而且欠缺喇沙獨有鹹鹹甜甜嘅味道。至於扎肉，可以話係中規中矩，胡椒粒令扎肉更香，係有提升嘅作用。其他配料，例如蛋、豆卜同青瓜絲就無咩特別可以多講。

見到星期五晚又冇人等位去左試下，幾扺食。叻沙唔太辣，我唔係太食得辣都ok。杯奶茶係港式，如果係馬拉拉茶會好好多。張枱好細，右邊係牆，好難用筷子食野。staff唔太有禮貌。

早兩月成日揸車經波斯富街，叫到呢間新店裝修，之後見到係食喇沙，滿有奇望。今日下午茶肚餓經過，就入去試下。簡單裝修，掛左d籃球波衫同籃球架之類裝飾，明顯老闆鍾意，但完全同間鋪唔夾。呢d唔緊要，食物最重要。食喇沙最緊要個湯底，叫個最普通既試下，兩片魚片，冬菇，芽菜，少辣喇沙底，39蚊。一飲，就係超市買果d湯包開既湯底一樣，一d蝦頭香味都冇，其實去街市買d蝦頭，或者叫供應商比d蝦頭，做好個膽，成碗麵就可以完全唔同哂。雖然佢餐牌寫到好pro,仲可以叫摻摻，但真係唔直得再去。P.S.樓面班哥哥不斷講跑馬仔，廚房講野出面樓面都聽到哂，呢d軟件野，執執佢喇。

星加坡菜最鍾意食嘅食物就係叻沙， 湯底辣味唔算好重， 如果在香啲就更加 惹味 啦， 間餐廳應該開咗唔係好耐lunch time時間都要排咗15分鐘， 店舖內好企理乾乾淨淨兩個人埋單一百蚊多少少唔算貴👍😘