林記車仔麵

Open Now

Now Closed

雖然依家夏日熱辣辣 係太安樓真係不宜久留但友人話想食 就陪佢食 我係第一次食林記對我黎講 車仔麵周圍都有而林記雖然唔貴 但並唔係特別平二十蚊兩餸 我叫左豬紅同蘿白睇黎係我太睇小佢以往食既車仔麵都無甘多料 的確係幾抵食味道方面 同一般既車仔麵店無咩分別√勝在食物既選擇多√放辣椒油果碗仔好乾淨好耐無試過邊食邊滴汗

與Opp Ma share食完百利既特餐 + 咖央多之後,,重頭戲係食林記。出面幾十樣鐵碗裝著不同的餸菜,,實在令人很難一下子去選擇。諗左幾分鐘之後,,終於選定了豆腐紅腸蝦卷,,紅腸與坊間車仔麵食果啲唔同好有腸味又厚身又大嚿,,豆腐索曬滷水汁食落口好軟稔稔,,蝦卷就麻麻地,,略嫌佢太厚粉太淡味。河粉唔易斷好實淨而且食落都幾有口感。👍而且樣樣餸都好多嚿,,單單紅腸都有五嚿,,豆腐都有兩嚿半,,蝦卷都有兩條半,,仲有幾條菜附送,,$25三餸一麵,,簡簡單單一個lunch其實都很幸福都很美味。

近來天氣時雨時晴,,突然好想食碗車仔麵。於是二話不說同阿媽黎林記。位置好方便，係西灣河mtr a出口，過馬路已看到了!早上11點幾黎到未到食飯時間，店舖已經有很多人了。店舖每個角落都貼上餸菜,以便人們去選擇。$28蚊3餸1麵,是次揀左豬紅紅腸蝦卷配油麵。豬紅同紅腸雖然普通，但佢味道比其他店舖更入味!蘿蔔紅腸豬手,豬手另加$8蚊,好大嚿。炆得好入味。PS:::如果店舖唔好用發泡膠既話會更加環保...

我成日食飽飯散步時都見呢度排長龍，都知佢一定唔野小，可惜我次次行過都已經食咗飯，所以無試。今日專程行去幫襯，因為天氣熱，個度冷氣不足，所以買返屋企食就最perfect！我其實唔係住附近，行去差不多要15-20分鐘，真係誠意可加，如果試過唔好味，真係會嬲爆，哼！一來一回，終於返到屋企，有得食。我叫咗3餸配米粉，$27。返到屋企，d米粉當然係已經索晒d湯，脹晒，但唔算好難容容，我like。配料我叫咗雞亦、魚蛋、牛肚。數下先：雞亦有兩隻，魚蛋有7粒，牛肚有7條，一條菜，仲附送咗1條豬皮，嘩，真係超級足料！底夠味又唔太咸，有少少辣味醒下胃，米粉索晒d湯之後仲正，雞亦係滷水的，好入味，魚蛋彈牙，咖哩味剛剛好，牛肚都好好味，唔會太淋。食完個麵，唔會覺得好口渴。我覺得車仔麵最緊要係選擇多、足料同湯底好味，呢度真係有過之而無不及，好耐未食過一個咁完滿的車仔麵，真係行咁遠去買都值得

太安樓卧虎藏龍，強大的地道小食不計其數，能夠在這裡愈做愈旺的，一定有料到。這家林記車仔麵，足料夠味，我點的是三餸油麵，大腸牛肚都夠晒入味。食車仔麵，走廊旁的摺枱摺凳，才有風味。看車仔檔的靈魂－－即是那一架「車仔」，餸的款式很多，要食得完似乎要再來十次八次。

昔日，太安樓車仔麵檔林立，競爭頗為激烈。然而，大多不敵阿蘇介的李老太車仔麵(當年連招牌也沒有)，繼而紛紛結業。後來，李老太車仔麵遷出太安樓，在西灣河街及成安街交界覓一街舖大展拳腳，乃今日之「超級無敵車仔麵」也。其後，雖則不斷有車仔麵檔出現太安樓，但大多於短期內結業，穩陣派的小妹也不敢貿貿然去試食。因價廉物美又好食，多年來，即使大排長龍，小妹也必移步光顧超級無敵車仔麵。今日，在太安樓落車，因趕時間，想起早前路過人頭湧湧的林記車仔麵，就決定去冒下險。舖頭的一則擺滿雜物及食材，較為凌亂，則整體仍稱得上乾淨企理。店內設有堂食，座位不多，但勝在可以係門口旁擺放枱椅招呼食客。林記車仔麵檔的配料選擇頗多，丸類、肉類、齋類等應有盡有，任君選擇。小妹要了一碗豬紅、咖哩齋和雲吞米線配腩汁 ($24)。先試一口腩汁，腩汁味道較淡，比較普通，不唔惹味，幸有香辣的咖喱汁吊味。豬紅和咖哩齋的數量頗多，嫩滑入味的豬紅切得大小得宜，一口一粒，滋味無窮；咖哩齋的咖喱味頗為濃烈，且具有嚼口，咬下煙煙韌韌的。3粒雲吞沒有淥得霉霉爛爛，仍屍骨完整，實屬難得﹗比起坊間某些雲吞麵檔之作，已可稱得上皮薄餡靚且好味﹗麵底小妹揀左米線

其實住在港島東區.都應知道此車仔麵檔的名氣今年裝修後,第一次光顧次次都要排長龍.所以我都是要選擇性去買.見到少人我才幫親.點了魷魚,牛肺,牛腩,豬皮,紅腸點了瀨粉,味道沒變牛肺是大大舊,其它的份量每次都是情義結的味道好多人的味道也不一樣.所以無話絕對好味 & 不好味來衡量

我去完太古後就立刻行去太安樓,其實太安樓入面很殘舊.而且又黑暗又熱?吸引到我一到西灣河必去的原因,當然是又平又正的街頭美食,闊別太安樓一年多,車仔麵店的確少很多,我上次食的一間倒閉後仍是車仔麵店.但吸引不到客人,我去時完全無客,反而林記就人流不絕,我進食時見到阿姐認真地處理豬腸也影低.阿姐很認真看同剪,顯示出製作認真,同相當衛生.我影低呢張食物相.可以給其他食家.感受下風味.一間車仔.有幾十種餸,熱辣辣俾大家選.也可以加辣汁.三餸麵:腸仔雞腎.豬腸.瀨粉23元.腸仔是靚貸.是貴價廚師雞肉腸.仲一次給2條.雞腎入口相當香口.韌韌地.好入味.豬腸是厚厚的一隻.中間充滿肥膏香味.食落有咬口.甘香.但只宜小食.湯底好鹹,但成碗麵,餸都相當重手,食到底部仲有餸.又飽飽離開現場..其實裏面有冷氣位.但迫迫的.我坐在出面看著車仔,同阿姐處理食物相當有風味.我覺得自己要過一段長時間後才會再去太安樓.

1月29日, 喺太古睇完戲, 想食個下午茶, 我就提議去西灣河太安樓食個車仔麵~ 全港至平至抵食嘅車仔麵非太安樓莫屬, 所以如果食得多太古嘅高級食店, 行十分鐘嚟西灣河品嚐傳統美食都幾唔錯~::: 腐皮卷紅腸粗麵 ::: $17呢個兩餸車仔麵都只係$17, 仲加送幾條菜, 睇住個出晒煙嘅大鍋度煮麵, 睇見都熱血沸騰~ 湯底我要咗個咖哩湯, 加上粗麵尤其索汁, 熱辣辣超有風味~ 腐皮卷紅腸雖然都唔係咩靚料, 但係咁樣坐喺商場條巷度食個味道都親切d.個車仔麵檔都有數十款餸料選擇, 真係要俾d時間先可以作出決定, 其實仲有好多野想食, 不過今日嚟食tea就住就住食, 下次再食唔同料~ 不過一睇太安樓以前好似多d車仔麵檔, 有幾間都執咗, 希望可以繼續維持, 保留特色嘅傳統風情~

我同太太至愛的車仔麵店，堂食外賣隨你喜歡。食物款式多，幾乎你講得出嘅餸都有。麵種亦多選擇，除粗/幼麵、油麵、出記公仔麵、米線、河/米粉外，連賴粉都有得食；但最重要係夠滾夠熱，味道亦唔錯，仲送埋菜添今日我就揀咗：豬紅、豬皮、牛膀、鳳爪油麵豬紅夠彈滑、豬皮發得夠透，但仍不失爽脆；索盡湯汁好味、牛膀及鳳爪夠入味，牛膀唔會「un」，鳳爪仲好大隻添；加啲辣椒油，唔會死辣，且有蒜香大大碗，兩公婆食飽飽都係食咗$57咋；食完仲可以喺太安樓內繼續掃街

淨餸－生菜、牛肚、豬紅、魷魚、豆卜零晨２時。肚餓醫肚，又怕肥，所以到太安樓有名的林記車仔麵點了淨餸－生菜、牛肚、豬紅、魷魚、豆卜。牛肚火候十足，有咬口又不會太韌 。豬紅則實淨，不會一夾就散掉。食車仔麵最重要的還是湯底，加了咖哩汁的湯，再配上任加的蔥花，十分香濃惹味。用料十足的味精湯，只要配上清淡的茶類飲品，便可以消除口渴之感。深夜宵夜難怪林記是眾多食客的"飛佛"。

八月十四日 (星期日)聽聞西灣河太安樓其"H"型設計,造就了不少頗具賁力的隠世食店是日就來個實地考察首站是出名的車仔麵店林記聽說不少知名人仕也曾來幫襯六時已看到長長的人龍大都是街坊街里,很多都是點外賣的有的甚至是點一碗剩牛腩什麼什麼的為是晚加餸等了約五分鐘就有位這間車仔麵店是我們到過之中最多餸菜選擇的多至三四十款,琳瑯滿目好不容易,從入面選了喜歡的幾款香濃的腩汁湯底豆卜當然是最好的配搭加上新鮮爽口的豬腸,份量又多這裡還有較少找到的蝦卷味道亦不錯,有蝦味而爽口牛腩份量多,不過肉質比較粗糙,有點韌魚皮餃則很富魚香,內裡肉質煙韌豬肺也是少有可以吃到的味道香濃,質地爽口三餸每碗只售$22,去哪裡可以找到?林記的成功為我們打下了一支強心針...放心繼續在太安樓覓食!!!

去朋友屋企經過此鋪頭,,,,其實我都唔肯定係咪呢個名不過見到個地址應該係啦,,,,佢d 炸野真係好好味,,,同埋有時會有瀨尿蝦呀,,,可以買黎食重要有雞翼尖,,,真係要乜有乜咁 XD