林園粉麵家

Open Now

Now Closed

叫咗碗牛腩河和一碗崩沙腩麵，崩沙腩麵價錢係普通牛腩麵嘅雙倍價錢，但居然啲崩沙腩完全無肉，只係根部位，同平時喺其他地方食嘅崩沙腩完全兩回事。奉勸各位，唔好喺依間麵檔叫崩沙腩，完全有欺騙成份。

凍凍地，放工行過牛頭角，心血來潮去食碗雙併麵/餃子。自從宜安街天園執咗之後，都無咩心機響附近搵有咩可以替代。樂園又經常食，而且出品尚佳，好難響區內搵到比佢好。今次響天園舊位對面見門口餐牌有咁平既麵店/餃子？即管試吓咩料。雙併：牛腩雲吞麵（走青）淨食：潮式韮菜餃（走青）雙併麵先上檯，見係瘦腩，心當堂打個突驚唔係瘦腩係鞋腩。先飲啖湯，正常唔算咸，花椒八角香料味亦唔算重。不過不失之中品。夾起麵，一陣梘水味撲出，心諗唔係下話，咁快就XX出局？好在入口就反而唔多覺有梘水味，麵身亦算爽口，OK.腩係普通切腩，雖然瘦，但入口唔算鞋，反而仲有些少爽口感覺，呢度有驚喜。再到雲吞，噢，我咁大個人第一次見扁既雲吞。咬開，得一細堆肉，蝦呢？好似欠逢。到碗餃放上檯，見餃型都尚算飽滿，的確有雲吞麵店水餃既感覺。再飲啖湯，普通雞粉/肉骨粉開水，呢度就完全無特別。夾起餃入口，都算滑，咬開一睇，餡反而唔多，韮菜含量亦少，唯一可取係唔咸，料亦食得出係新鮮既。間中夾雜一條木耳絲，咁既配搭真係第一次見。整體感覺似係屋企自己包嗰啲咁樣。總結：腩麵先係32, 雙併加8蚊即係40. 碗餃5隻盛惠30，埋單總共70, 我只可以話，不

林園粉麵家今日針灸完，問醫師附近有咩好西食，因為食完要去大口環覆診，醫師介紹我去宜安街食牛腩河，話又平又好食，咁我就聽佢講就去宜安街搵食先！去到餐廳門口見到有一級，不過今次斜板都幫唔到我，原因係入面真係好細間，仲要經過好窄嘅走廊先埋到枱，最後決定買外賣拎走坐公園食！1.秘製牛腩河$32+$1外賣費（8/10）呢個牛腩河入面d牛腩勝在夠肥，一碗有7舊牛腩+生菜，牛腩夠淋唔痴牙，又入味！由於係外賣關係，最驚河粉係痴到一pat pat，好彩呢度d河粉夾起係一條條，又滑又彈牙！2.五香牛筋河$35+$1外賣費（9/10）呢個牛筋河入面有8舊牛筋+生菜，每一舊都好有骨膠原，牛筋又索哂腩汁，好好味！由於係外賣關係，最驚河粉係痴到一pat pat，好彩呢度d河粉夾起係一條條，又滑又彈牙！2人總共價錢$69個人口味總評分：8.5/10地址：牛頭角宜安街4J號地下#牛筋河 #牛腩河 #香港美食 #牛頭角美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstag

官塘宜安街，林園粉麵家，第一次嚟試吓坑腩豬手河粉⋯先試啖湯，味道夠料，估計應該係牛骨湯底，唔錯！坑腩足料又掂，有口感唔會太硬⋯可惜豬手腍滑，但南乳味過咗火太出，如果可以輕手D，效果應該更好！河粉淥耐咗，而且偏腍易斷，好難夾到⋯

好耐無乜去堂食，今次一次叫個三併河本来想叫崩沙腩，老板説今天的坑腩靚，好，就改坑腩，果然不欺人。腩鹵得不過火，夠味帶鮮不咸，肉質咬落有質感，鬆而不黐牙，邊帶少少肥膏有牛油香並且有少少筋的咬勁。牛筋是老板剛炆好放埋邊枱面，一大盆熱氣上騰。即刻改雙併加牛筋，不是淋到散的，卻也算夠味。跟住見個鹵煱面的牛腸夠肥美。牛雜中最愛的就是竹腸與牛腸，心思思又改三併。不過三樣中，腸就略咸了些。魚皮是太太 的favor，夠脆。附上一碗湯帶點籮白香而味較清，魚皮沾一沾放口正合她。附帶一提，奶茶也不錯，有茶味而不澀口。

牛坑腩河 ($40) 🐄🍜✨坑腩肉嘅部分軟腍有牛味，筋膜嘅部分煙韌有咬口；美中不足係切得太薄，令牛肉嘅質感唔可以被好好享受到！🥸如果厚切啲，咬落肉感再重啲就正喇！🥳✨湯底唔會好鹹，可以接受！✨河粉都滑身唔好話好鞋口～🍜腐乳通菜🥬🥬🥬✨通菜大大碟，都算新鮮幼嫩～好食嘅！😆✨腐乳正常水準，如果多啲就正喇！🤩凍檸茶(少甜)🍋☕️✨檸檬份量都算多，紅茶茶味濃但唔會苦澀，味道ok!👍🏻

$32牛腩邊河，爽而有牛香。帶一片筋膜，不是咬不開又是似黄喉般的脆脆感。$40坑腩河，軟淋中帶彈牙肉感，牛油脂味出有油香，炆得又入味而不老。D牛丸都好得，抵食又好食。比起一邊舊粉或硬實的牛丸，它有咬口中間又有肉汁，。雖然店在官塘的內街小巴站側，仲都幾乾淨，不錯的小店。

本身諗住平平哋求其走入一間食 見佢$20幾蚊一碗就走咗入去 坐低發現環境幾乾淨 嗌咗碗牛腩麵同埋炸雲吞 點知一嚟到好有驚喜 以呢個價錢來講 食物質素物超所值 牛腩好香好甜 好濃味好有色水 炸雲吞簡直冇得頂！！絕對會介紹朋友再嚟食過 聽人講佢啲豬手都好好食 成日買晒 一定要搵機會試吓！！😆😆（p.s. 聽到啲餃係自己包嘅 誠意100分！！)之後同老闆傾咗幾句 佢哋都有間分店 叫牛元帥 係九龍城 真心性價比極高 質素好好👍🏻👍🏻最重要個廁所真係好乾淨😍😍

入到去都幾四正，厠所又幾乾淨。里面又有兩部電視，坐得幾舒服，老闆都有心做既。可能係下晝四點幾去，里面唔算多人，可以揀左睇電視既位坐，都幾好呀。姐姐唔會催人落單，可以慢慢諗，又會主動問要唔要杯水同提我加醋加辣汁會更惹味。叫左牛三寶河加雲吞。濃濃既牛汁湯底，飲完都唔口渴，真材實料；牛腩牛筋牛肚有輕微漂白水味，配埋辣油食；雲吞細粒，味道OK；河粉份量可接受。$46都係市價啦。下次想食粉麵，都會想再去依間度試埋其他野。