蘭州拉麵店 (Closed)

刀削麵從來都是我的摯愛，不過通常都是幫襯路德圍的山西，貪它没那麼油，又坐得舒服一些。但今日心血來潮，想看看師傅親手拉麵，就去了蘭州。不過兩間是兄弟店，所以價錢是一樣的。但那天去到，赫然發然它們的下午茶加價了。其實加價後也不太貴，20元有麵食一碗，豆漿一杯。那碗刀削麵還足以令我飽到上心口。只是以前真的太抵了，12元有一碗麵，加五元又有豆漿一杯。不過見師傅真的是即叫即削，當看表演，這個價錢也值回票價。我叫的豬肚刀削麵，豬肚爽脆麵煙韌。不錯！

本來打算幫襯沙咀道那間...但仲未開...行行下黎左呢間...都係岩岩開...選了一個擔擔刀削麵, 麵質相當煙韌, 見佢都係岩岩整起舊麵團, 碗麵落左啲蒜蓉再加埋啲花生粒粒...好香! 呢碗擔擔麵同平時食既唔同...唔係落花生麻醬, 而係帶少少酸辣, 味道唔錯! 間鋪得三幾張枱...真係幾細! 我剩係叫麵就23蚊...加埋豆漿就$28, 如果雙併就$30! 下次會試下個冷麵同埋啲小食!

呢間的位置在力生廣場樓下，即係捐血站入口對面．每次去都係食麻辣豬肚絲刀削麵．即叫即削，感覺良好．煙韌有口感又彈牙，而份量是多的；豬肚絲上面的蒜蓉及麻辣汁很棒！食過的人應該會番單的啊！之前我都試過五香牛肉、麻辣豬腸、豬大腸、豆漿、豬耳；整體感覺都好好，大家可以去試下！！

友人話呢間天橋底o既刀削麵同沙咀道o既係姐妹舖. 呢間就腳咁多,貪近都可以食.以刀削麵o黎講,質地同沙咀道有得揮. 即叫即削,有咬口. 分量亦比較適中. 但係以香辣豬軟骨o黎講,遠遠不及沙咀道果間.環境呢到舖仔亦細細.但係就睇住呀少東係到拉麵,削麵. 一個人o既晚餐就冇咩問題gae

每星期都會專程來這裡，吃個拉麵或買客豬手回家；這裡的拉麵、刀削麵，洋洋耍耍數千字亦寫不盡，只可以說，這裡的刀削麵，屬殿堂級，專程搭車來吃，不會叫你失望，而這裡的蒜蓉及麻辣汁，亦叫人期待，待long vacation再續拉麵故事。說這裡的豬手，是滷水汁炆的，說是豬手，細看皮薄肉削，該是豬腳，滷水汁滲著濃郁八角味，醬油味十足，豬腳炆得入味，微微起膠，一客淨豬才不過$22，南乳豬手吃得多，這裡的滷水，又是另一番風味。

11/12 1:30pm幾個星期無行山, 今個weekend終於有時間.出發前系荃灣搵食,路過此店,久聞其名;今日可以一試.環境方面都頗惡劣下,逼兼吾乾淨.不過無所謂;食物水準補數!我地叫左水餃雲吞刀削麵+凍檸茶$32,麻辣大腸$12.水餃雲吞刀削麵---各3大隻,基本上水餃雲吞餡系一樣,只不過包法不同,餃餡用白菜豬肉,頗新鮮!湯底無咩特別.刀削麵極之煙韌有口感!彈牙!份量十分多,我地2個share1碗都夠飽!麻辣大腸---由於男友吾食辣,叫左麻辣分開上,一大堆蒜蓉灑上大腸面,大腸相當腍,入味,無肥膏!味道一絕!檸茶亦合格!$44食到如此高質素既食物,心情頓時靚晒!

喜歡蒜蓉和辣椒的我，對前者是又愛又恨，愛的是其剛烈霸道的味道，恨的是吃過生蒜後，整晚開口說話時都讓其他人知道吃過蒜頭。是晚在荃灣力生樓下的蘭州拉麵店，以麻辣牛肉手拉麵做舞台，讓蒜頭跟辣椒兩宿敵，在味蕾上摒發連場大戰。麻辣椒以其辛辣先下一城，麻味隨後趕至意圖攻撼整個舌面，冷不防蒜頭卻從另一端竄出，一時之間，混亂不已，又要應付充滿嚼勁的手拉麵，滷成深啡色的五香牛肉片原來跟辣椒暗中串連，對我這個苦主發動絕地反擊。我唯有出動上湯意圖消滅掉全部滋事份子，豈料到鮮甜滾熱的湯頭在戰場上火上加油，倒幫辣椒一臂。最後只好請出太上老君─豆漿清洗太平地。份量充足，大戰上演約半個多小時，算是頗耐吃的一頓，才＄25，把數方一舉韱滅的我身心都非常滿足，搓著小肚腩不雅地嗝氣，恍然大悟在口腔縈繞不已的蒜頭那柔長的餘韻才是最終的勝利者。店子位於天橋螺旋坡道出口的背面，算是不起眼的位置，也沒有派員到外面派傳單，但光顧過的都被其精彩的手拉麵和刀切麵吸引，我已在盤算下齣好戲上演的日期，你哩？

雲吞五香牛肉刀削麵，正。。

麻辣豬腸麻辣豬肚麻辣牛展，味道一樣，係口感軟硬同中間，已經一身汗，再食埋麵，已經完全濕晒…e……仲透透地點添…小籠包…你亦為我仲食到味咩？我食緊自已D汗咋。

刀削麵有咬口，又新鮮，配上炸豬扒/五香牛肉/ 水餃/豬腸，都好正！豆漿超水準，每次必叫。小籠包味道就一般，不過都是即叫即蒸的。

兩日食左兩次,第一次係五香牛肉拉面, 第二次係上海水餃刀削面.我覺得最重要係有heart, 真係即叫即拉, 即叫即削, d面幾有趙口.. 平均我俾六十五分.五香牛肉拉面, d牛肉腍左d.上海水餃刀削面, 整體唔錯,我覺得刀削面比較好..

向捐血站對面.都係食拉麵,刀削麵.同蘭州拉麵皇比,食物款式少好多.味道都ok.間唔中可以食下.