蘭芳茶餐廳 (Closed)

同bf lunch 去食叫左茄汁火腿雞脾飯我要咖哩石斑飯茄汁火腿雞脾飯，螢光色o既茄汁....但we like it!咖哩石斑飯，薯仔夠多，石斑勁大塊又多!抵!結果食剩一半打包(加$1 盒錢@.@)埋單$60PS 伙計內鬨嗌交狂爆粗....嚇死....

今次由銅鑼灣作起站，在出發前與老友們食個早餐打底。早餐沒有灣仔總店咁多選擇，只有A至-D。大家都要了早餐A，我就轉了厚多士。多士唔錯喎，烘得幾脆，而朋友食的牛油餐包評價亦好。火腿通粉-通粉粒粒彈牙有咬口，好少茶餐廳食到的。奶茶算合格，夠滑，如果再濃一點就更加好。見到有菠蘿包，心思思叫番一個大家share食。有少少失望，菠蘿包外層尚算脆，裡面亦是鬆軟，但缺少了一種香味。以價錢來講，在銅鑼灣區是非常之平，所以我會俾笑面。

有日心血來潮好想食菠蘿油，便來了這兒。不過這兒的菠蘿油係唔熱嘅，所以好像差少少咁。熱咖啡都不錯。邊度Ｄ菠蘿油好食呢？

吃過多次早餐, ABCD, 雖然A最抵食, 但係餐肉麵太好食, d全蛋麵加餐肉香, 簡直係magic...d麵好香的...份量好足, 加杯奶茶, 唔...滿足D侍應叔叔好好人的, 笑口常開架!

同太座去港會打波，之前醫左肚先，佢話想飲奶茶，一諗就諗起蘭芳，就來了這裡。同駱克道蘭芳一樣，這裡也是有ABCDE餐的，不過最抵食的早餐A就只供應朝早。就叫了個茶餐，轉厚多士，再加個蛋牛麵，同奶油多一件。在這裡叫東西，份量是不容置疑，多數夠的。茶餐包叉燒通粉、火腿奄列及厚多士，最好吃的是件多士，油溶在烘熱的厚多士上，又香又脆口，不錯；我的蛋牛麵原來是全蛋麵，疏打牛肉再加隻荷包蛋，同理想中的蛋牛麵有點距離；奶油多雖然不厚，但夠甜又好味，都不錯。叫了茶走，當然濃郁夠滑。我的鴛鴦，就茶味多過咖啡味。埋單47蚊，吃得飽飽，在這裡吃，至少好過快餐連鎖店。題外話1：見隔離檯叫了餐蛋飯，餐肉夠厚，三大片夠份量，仲有不少的菜加了在內，茶餐廳來說，這麼多菜算少見。題外話2：全店吸煙，迷濛一片，怕聞二手煙的不用考慮。