蘭芳園

Open Now

Now Closed

尖沙咀lunch 搵食，是一間好食又親民嘅茶餐廳， 今次試這set, 蕃茄薯仔濃湯底好夠味，豬扒嫩口，脆皮奶醬豬包冇得輸，最好味嘅奶茶當然好飲，但今次飲冰檸茶也很夠茶味。服務生也很熱情，快手熟練，有禮貌。香港味道嘅茶餐廳，會經常幫襯。

特意跑来尝鸳鸯鬼佬饭，热乎乎香喷喷并不难吃～不过并没有吃到牛肉诶。地方不太好找，费了我一番功夫。大叔很热情，见我听不懂广东话就给我画画，在纸上画一个煎蛋问我要煎单面还是双面😄

今日下午茶時段，本來打算去食碗越南粉，但去到門口突然轉軚都係食蘭坊園，坐低睇下餐牌諗住食少少野，2個人叫左下午茶餐，一份孖腸熱狗，一份咸牛脷包，點知上檯原來係好迷你，個口大啲都應該兩口就攪掂，所以最終加多份午餐卡邦尼雞扒意粉（後加無影相），熱狗用上似脆皮腸嘅香腸，味道普通，食完無太大感覺，第一次食咸牛脷包反而有少少驚喜，口感唔錯，下次可再食，卡邦尼個汁反而唔太夠味，但雞扒煎得好香口，入口感受到雞皮脆得黎同時發出雞皮香味，不過最好都係杯奶茶，茶香順滑，我地2個人叫左3個餐，變左每人飲左1.5杯，下次可以為杯奶茶再幫襯

The tomato soup is really good , rich of tomato.Pork chop little bite thin , but taste not bad.And I like the butter bread with sweet milk , and the bread is crispy，yummy!Also, the traditional iced milk tea is good too. Milk and tea balance and Smooth .

Me and my friend wanted something light before heading to the gym. We past here and thought it’d be easier to get some light snacks. The hot milk tea was good, but not as wow as they make out to be. The pork chop bun was yummy, but it was a bit small. I don’t mind paying a bit extra, if I can get it in a slightly bigger size, and if the pork chop was a bit thicker too. The braised noodles with chicken and spring onion was good, the chicken was nicely fried, and it went well with the spring onion

味道普通所以遍貴What is the value compared to cafe decoral and the like?兩間分店都不預客人坐得舒服，let’s say they make you leave within 10 to 15 mins不見得有什麼老字號的價值

呢日想食個下午茶，原來係尖沙咀呢個好隱蔽嘅food court都有嘢食，其中一間係中環好出名嘅蘭芳園，連裝修都係走懷舊風格(⁎⁍̴̛ᴗ⁍̴̛⁎)🍽食物✨傳統咖央西多士 $38 8.5/10係真係好傳統嘅西多，切開入面係一層咖央醬，外面嘅麵包已經被蛋汁浸透，炸完都仲係濕潤，唔會乾爭爭，加埋牛油同糖漿，簡直係卡路里炸彈🤰🏻不過食完真係好幸福🥹P.s.唔知大家食西多中意配煉奶定糖漿呢？我絕對係糖漿派🙋🏻‍♀️👉🏻咖哩牛腩飯 $46 6.5/10見到賣相有啲嚇親，點解咁似小學陽光飯盒個啲螢光色腩汁😂 好彩味道十分正常，牛腩係好淋好入味，甚至係一絲絲肉嘅質感，但係賣相真係唔係幾開胃✨熱絲襪奶茶(跟餐)馳名奶茶真係冇改錯名，夠滑而且茶底好香，加埋茶底個重澀澀哋成杯奶茶好正宗，我平時唔飲奶茶都特登嗌嚟試吓👍🏻熱華田 (跟餐)就係正常嘅熱華田🤣⛩環境👍🏻裝修係根據返7、80年代嘅茶餐廳設計，綠色格仔階磚、牆上面嘅menu同埋圓枱圓凳，好似返返去以前美好嘅年代咁，可惜而家無論模仿得再似，好多野都已經唔同晒💁🏼‍♀️服務👍🏻員工服務態度正常📝總評 7.5/10茶餐廳嘅出品好多時都唔係要求佢有幾高質，而係食到記憶中嘅味

蘭芳園聞名已久但從未嘗試過， 這是第一次光顧這間七十年老店，但我很喜歡他們的裝潢好有懷舊氣息，有下午茶餐，點了他們的絲襪奶茶配咖央西多士 、豬扒包，絲襪奶茶都香滑，奶味有少少不同跟我平常飲開的，後來我發覺原來他們選用雀巢三花奶不是黑白奶， 是另一種風味不過個人就較喜歡用黑白奶沖的奶香味。咖央西多士味道都不錯， 用㗎央做內餡取代花生醬口味較清新。豬扒包的豬扒煎得剛好，豬扒有肉汁不會嚡口。這間有70年傳統的茶記，希望可以一直繼續用心用力做好，令到我哋香港 承傳傳統美食。

好開心呀！happy! 開心🥳🥳🥳🥳等咗幾個月，尖沙咀店終於係4月尾開返啦！今日2022年4月30號，梗係走去食我最鍾意嘅「煎蛋免治牛肉飯」，老婆就梗係「心多多撈丁」！同以前一樣咁好味，一樣咗正！兩個人都係飲最好味嘅招牌港式奶茶🧋！食完都仲未夠喎，仲要買埋豬扒包同鹹牛脷包返屋企做下午茶😂😂好彩佢仲捱得住未結業，真係好啦！👍🏼一有時間出去尖沙咀，就一定要去食多幾次啦！

喇沙湯底雞翼米粉配奶油脆豬仔包$58喇沙湯底味濃郁，唔算太辣，仲有椰菜、草菇、半隻蛋😍食完飽肚感充足😋喇沙湯底豬肋骨$58絲襪奶茶🧋⋯⋯另+$3，真係好香好滑，平時唔飲都特登試😬奶油脆豬仔包細細件脆邊香口惹味咸檸七用上自家浸製咸檸檬🍋，清潤解火$27最低消費$25/位，唔食都要飲杯嘢就最啱飲呢款😀常餐都抵食👍🏻綠色街磚地板，水吧位置充滿茶檔feel出菜位置大字提醒，無欺騙👈🏻👈🏻👈🏻昔日茶餐廳盡現眼前風味依舊，品質不變；老鋪規舉：只收現金🤌

可能因為我戴住口罩order嘅所以店員將一杯奶茶聽成兩杯然後上佐兩杯，雖然應該算店員的過錯，但我還是用這個理由幫佢解佐圍。佢竟然答我：咪再講了，再講我就要發脾氣了！（系個矮肥仔）我：？？？我身為顧客都未發脾氣，仲畀台階你落你竟然恩將仇報？？？再也不會來這裡不僅態度差食物亦做得好差！豬扒包嘅豬扒又乾又柴奶油豬唔夠脆雞脾飯嘅雞脾一樣好柴仲儂佐，可以把雞脾肉整柴都算系一個＂本事＂奶茶就一般般，無功無過～

以前由中環食到上環再到尖沙咀嘅大排檔茶記回憶。。。係咪首創撈丁🤔已經唔記得，總之撈丁、咖央多士、豬扒包、奶茶☕️、咸檸七。。。係佢必食推介✨尖沙咀舖嘅裝修絶對係懷舊茶記feel。。。門口有拉鐵閘、之前牆上貼滿懷舊歌星海報。。。是日例湯。係我至愛之一《蓮藕湯》😍我哋好鍾意飲佢嘅湯，好好味又足料，冇味精。。。好有飲住家湯嘅感覺😋蔥油雞扒撈丁抗疫期間每人加送多一隻蛋🍳心多多撈丁（多蔥油）🤣好鍾意❤️食蔥油抗疫期間每人加送多一隻蛋🍳啱晒我呢啲心多多有選擇困難症嘅人💕絲襪奶茶☕️必飲之一❤️💯夏天推介佢嘅《咸檸七》我都有買定樽咸檸檬🍋喺屋企，方便隨時自家製《咸檸七》《龍鳳可樂》🤣p.s.疫情期間更推出咗優惠嘅外賣餐，俾我哋呢啲打工仔。。。如果你哋當日午餐有《叉燒雞髀🍗飯》嘅話記得要試吓💯係我必食推介之一過咗幾日後再去🍀

周六近關門時才幫襯。。姐姐快手介紹有咩餐抵食 (因無下午茶餐供應), 又快落單因佢驚廚房收爐又兼好好服務，又遞水洗餐具，又遞埋辣椒油話必試！真係窩心！叫咗 沙爹牛肉通同回鍋肉通，兼加咗 $5轉奶油豬！嘩，個奶油豬真係不得了， 脆卜卜好好味！通粉正正常常！個絲襪奶茶又香濃又幼滑！真係老舖先有咁嘅水準！$50樓下一個茶餐，係尖咀地方算係咁！一定會再支持老舖！

唔知點解好中意食茶餐廳，朋友話呢間係賣懷舊情懷嘅叫我要黎試吓，唔食得都望得咁話行去搵餐廳嘅時候成個地庫好多店舖都執得七七八八，覺得好唏噓啊。餐廳入面嘅佈置都幾精緻。未食之前心情都已經幾好朋友係熟客，佢推薦我食喇沙，所以我就叫咗個喇沙雞扒米粉。佢嘅喇沙湯底有好香嘅椰香味，但係唔會話太濃味都清清地嘅。雞扒烤得好特別，唔知點解我食到有一陣淡淡嘅咖啡味，有三大件好夠食！好鍾意佢啲配菜仲有埋蘑菇，好得意。蛋有啲煙燻茶味食落好香，就咁一碗米粉都有咁多味餸，好評我個人來講就唔太鍾意食豬仔包，所以叫咗全走，淨係食包都幾香幾脆㗎！熱奶茶就不過不失冇外界講得咁好飲。

上次過黎無開到今日過黎食個lunch其實個商場已經乜都無晒...得番幾間餐廳...之前食過豬扒包今日食個窩蛋免治肉碎飯好少出面係好生雞蛋，通常都係太陽蛋賣相幾靚不過啲醬同飯比例吾係好啱，太多醬😅不過好食嘅之後仲嗌左個蛋治普通，雖然個蛋都厚身但係無蛋味🤷🏻‍♀️係無味...