蘭桂坊車仔麵 (Closed)

兩餸車仔麵$48 多一款餸加6蚊餸、湯底同麵好多款可以選擇我叫左麻辣湯底但唔夠辣菠菜麵都幾好味幾特別份量剛好 喺中環都算抵食lunch之選店面裝修幾特別 又唔會坐太逼

這間位於中環蘭桂芳的車仔麵店的環境不錯, 坐得舒適。它的營業時間很長，所以基本上什麼時間去也可以。餐牌上的食物款式也算多，麵類和配菜也有很多選擇。湯底也有7款供選擇。麵類方面, 我點了要菠菜麵, 我好像未吃過菠菜麵, 基於我有很強的好奇心，所以便決定要試一試。配料方面，我選擇了要白蘿蔔、金菇、銀芽、冬菇。另外, 我亦點了一碟唐生菜和朋友分享。菠菜麵的顏色非常鮮豔，雖然沒有菠菜味，但麵質挻彈牙，味道不錯！蠔油冬菇很惹味。另外，這裡的特式豬頸肉也不錯，豬頸肉很嫩。

入到去餐廳，叫咗個七餸嘅車仔麵。而飲品就叫咗清甜柚子蜜，小食叫左椒鹽雞軟骨。就由小食開始講起啦。椒鹽軟骨係炸嘅，炸粉唔會太厚，所以咬落去嘅時候非常鬆脆。每一粒面頭都有好多椒鹽同埋炸蒜頭，夾埋一齊食，又有雞軟骨嘅爽脆，又有椒鹽嘅鹹香，味道不錯，而且份量都算多。講到飲品，柚子蜜唔會過甜，有淡淡既柚子香味。最後當然唔少得嘅就係主菜啦。 不過由於我唔係好鍾意食麵，所以轉咗做米粉，而且叫咗魚皮餃，豬紅，支竹，肥牛，金菇，龍蝦丸，仲有黑椒牛丸做餸，揀咗辣汁做湯底。每個餸大概有三至四粒/棵。本身配咗少少生菜同埋蔥。賣相睇嚟好豐富。咁多款餸入面最好食嘅就係豬紅，又滑又香，食嘅時候，令我想起以前細個喺大排檔食嗰啲豬紅。米粉份量非常之多。成碗車仔麵嚟講， 不過不失，分量頗多，味道不錯。整體而言，以蘭桂坊呢區食肆嘅價錢嚟講，價錢非常合理，而且食得好飽肚，如果大家想懷緬下細個嘅時候食車仔麵嘅回憶不妨嚟蘭桂坊車仔麵試下啦！

今天星期五，中午當然不想再留在公司工作，所以約了個同樣在中環工作的朋友去蒲老蘭，其實是去蘭桂芳吃車仔麵。而餐廳名字當然簡潔，就直接叫做「蘭桂芳車仔麵」。我點了一個《5餸麵$60》配平時車仔麵店少有的菠菜麵，清淡健康。餸方面點了軟骨、魚腐、蘿蔔、魚皮餃和豬紅。豬軟骨-好軟同入味，連著的肉都好吃。魚腐-似腐卜，夠吸湯。蘿蔔-多汁清甜。魚皮餃-成品無特別。豬紅-不鬆散有咬口。另點《秘製雞翼 $18》、《酥炸雞軟骨 $18》和 《菜心 $18》- 雞翼三隻都很入味，而且肉多；菜心鮮嫩夠腍；酥炸雞軟骨好有酥脆和香口，有嚼咀。飲品點了《柚子蜜 $18》甜度適中，清涼而且有柚子絲令柚子蜜更香口。朋友點了跟我差不多的，除了甘菇、冬菇和豬頸肉。豬頸肉爽口入味，唯覺得湯底加了咖哩汁都沒有咖哩味。

好多人選擇好浪漫咁過情人節， 送花、去旅行、 食高級西餐， 不過計我話兩個人喺埋一齊，其實做咩都已經好足夠， 只要互相珍惜相處嘅時間， 已經可以好開心好滿足。我從來唔介意自己A0， 因為感情呢啲嘢唔可以強求， 反而身邊有好好嘅屋企人同朋友， 已經令我每一日都覺得好快樂好滿足， 所情人節呢一日我同細妹呀出嚟行下街， 經過一連串花店欣賞完情人節玫瑰花束後， 就嚟咗食咗車仔麵。餐廳環境開揚，窗邊一排位置可以望出窗外， 窗邊幾盆小植物令到環境更寫意。好肚餓，要開動啦，一叫就叫咗一碗八餸車仔麵，係八餸呀👏👏真係唔知幾多年冇食過豬紅，呢一舊滑嘟嘟，唔會有血腥味， 食落去好有口感。又到我最鍾意食嘅芝士啦， 熱辣辣嘅芝士丸裏面有流心， 一咬開就有拉芝效果， 芝士味濃郁！牛腩份量都唔少，切開一粒粒咁， 方便一口一粒， 啖啖肉， 牛腩粒粒都咁入味， 牛腩汁仲有好香花椒八角同香料嘅味道。話明來食麵，麵嘅質地當然要有要求， 食過好多間車仔麵， 呢度嘅菠菜麵我最滿意， 口感幼滑得來夠爽口， 索曬啲沙嗲汁湯底仲好食😋同細妹再叫多一個椒鹽雞軟骨， 外皮鬆脆，細細粒咁好得意， 上面寫咗啲辣椒同椒鹽作調味， 令到雞粒更

蘭桂芳出晒名係飲酒地，座落旁邊的某24小時營業茶餐廳，大家都好鐘意飲完酒就去食番個麵，順便照一照新認識的朋友仔的真面目，我都好同意飲完野食番個麵真係好滿足，等於畫左個完美的句號，咁多年之後，終於係正蘭桂芳入面開左間車仔麵，有多個食麵新選擇餐廳光猛企理，要睇清楚新朋友絕對唔係問題，當然，飲野之前打個底先，食碗車仔麵都係唔錯的選擇飲野成晚流流長，電話好易唔夠電，餐廳好細心提供左USB差電位俾大家我喜愛車仔麵的其中一個原因就係可以一次過食晒我鐘意的材料，而且貴極都有限竹蔗汁 ($18)竹蔗汁而家愈黎愈少見，飲落唔算好甜咖哩魚蛋 ($18)、秘制雞翼 ($18)、唐生菜 ($18)、炸魚皮 ($18)這裡的小食多數都係$18，咖哩魚蛋唔係發漲麵粉，咖哩味都算濃，秘制雞翼鹵得入味五餸麵餐 ($60)五餸麵餐$60，呢個地段來說唔算過份，我地一人叫左一碗麵，每人叫5個餸再交換食咁就超級滿足，即係一人有成十個餸，麵類來說最特別就係有菠菜麵，麵質不錯，唔會太淋，湯底方面亦有多種選擇，我地揀左沙嗲汁同咖哩汁，帶出不同風味頭先一路都係掛住講飲野食車仔麵，其實蘭桂芳係中環番工地段，相信有唔少打工仔會LUNC

人老了，現在去蘭桂芳「覓食」都真的提去食午飯或晚飯，酒吧已經沒去，餐廳我比較熟。今天中午又跟友人去蘭桂芳覓食，發現竟開了間蘭桂芳車仔麵，營業至零晨，對於夜鬼來說真是一大喜訊，但我還是去吃個午餐好了。點了個五餸麵 $60，配料選擇不少，我最後點了豬軟骨、蘿蔔、甜酸齋、魚皮餃及豬紅，配腩汁和菠菜麵。豬軟骨未至於軟腍，是屬於雞軟骨般有咬口；豬紅有質感不易夾散亦沒有腥味；蘿蔔大件但入味，有驚喜；魚皮餃屬成品不過不失；甜酸齋酸酸甜甜幾開胃；菠菜麵感覺比較健康。朋友亦點了五餸麵 $60，有豬皮、蘿蔔、魚片頭、豆卜和魚皮餃。配腩汁和菠菜麵。豆卜吸湯好味；魚片頭彈牙；豬皮爽口。再點了兩個小食及兩碟菜小食有秘製雞翼$18 和 炸魚片$18 - 秘製雞翼相當入味，味道有點像鹵水雞翼；炸魚片香脆。生菜和菜心各$18，都新鮮沒有煮老。飲品點了樽裝的清甜柚子茶和鮮搾竹蔗汁 各$18，味道清甜不會膩。天氣寒冷，如果有熱飲就好了。

見有宣傳訪問二位創業後生仔，我又見蘭桂坊都離公司不算太遠，就專登去支持下。午膳時間要等一陣，我是單人去，其實望到內裡是有單人位可入，但可能樓面人手很不夠，無人安排單人先入，咁就照等，問題不大。入去都不算太逼，位和位之間都可以接受。就是明顯人手不夠，所有動作都唯有慢慢等。叫了二餸車仔面，等了一段時間，食物上枱了，很好，看上去和吃下去也十分熱辣辣，但一看就知問題在那，個米線少得可憐，我一個女生吃完我覺得無吃午餐咁，我真的為旁邊的男士滴汗，咁少，少到有點不正常吧～不過算了，一餐就這樣過。甜酸齋夠酸甜味道不錯，但豬軟骨十分一般，我個人不能接受，首先d豬軟骨d肉內裡是紅色的，我怕未熟透，吃了一口無吃了，好吃的豬軟骨個軟骨位會入口即化，佢個軟骨還是硬的。米線有彈性，可惜送了三四條油面給我，混在我的米線中，不喜歡，份量也少得夾三次筷子就吃完了。我真的懷疑是否當日他們不夠米線所以特別給我少點？清湯底不錯，但我不會去了，因為一個四十七元的車仔面，大概只能當下午茶，午膳的話女生都不飽。

下午在中環做完facial，要靚靚過新年嘛！聽美容中心姐姐講，蘭桂芳開了一間車仔麵店，她們試過覺得不錯，我就同媽咪去試下！店子外面有時尚的裝潢，走進裡面，又發覺其實走懷舊風，這個crossover有意思！車仔麵可以自選麵、湯底和配料，自由發揮！落單在點餐紙，麵的種類也有7款，挺多的！我有肚餓，所以點了五餸！我選了菠菜麵！清湯加腩汁！有豆卜、牛丸、甜酸齋、水魷魚和枝竹！媽咪的是米粉，有豬皮、豬紅、魚皮餃、肥牛和響鈴！甜酸齋煙煙韌韌，推薦！水魷魚爽口！豆卜好吸湯！菠菜麵軟稔度剛剛好！媽媽的豬皮豬紅也不錯！最重要是湯底沒有令人覺得口渴！另外我們點了一客炸雞軟骨和炸軟殻蟹！想不到車仔麵舖也有這些小吃！好香脆！軟殻蟹還有膏的！蠔油生菜，好新鮮翠綠！不得不提，店子還有叉電位，更有叉電線提供，非常貼心，急救充電一流！星期五、六開通宵，飲完野可以醫下肚！

響中環，食平價嘢嘅地方好少；要食平價又有質素嘅地方就更加少之又少。 難得可以去蘭桂坊搵到一間食車仔麵嘅，當然要去試試!呢度地方好乾淨，已經加咗唔少分， 坐得亦算舒服， 枱下面有位畀你袋仔 ，所以都幾方便。 今次同朋友兩個都試麻辣湯底 ，上次朋友試過辣汁已經話好好食 ，所以今次就試下好多地方都做得唔好嘅麻辣湯底!叫咗一個四餸麵 海膽丸一食落去就已經知道唔係平價貨 皮薄彈牙 質素 好過好多火鍋店 另外紅腸同鮑魚片亦唔錯， 而重點豬軟骨亦都好出色， 軟骨位非常軟腍，值得一試!最後就係麻辣湯底，wow~完全同一般貨色唔同，夠麻亦夠辣，忍唔住問負責人，原來係佢哋自己炒嘅，唔係就咁用現成買返嚟嘅麻辣醬，唔怪得食落完全係另一種口感!嗜辣嘅人一定要試!我點嘅菠菜麵底都係都屬於幼身嘅，麵條唔會過腍，保持返麵質嘅彈性，good~又一個不得了嘅小食!平時食嘅軟殼蟹好多都1得團粉漿，不過今次呢個係有肉之餘，脆漿亦好薄，食得過!朋友叫嘅豬紅蘿蔔魚片頭米粉，豬紅同蘿蔔8盡吸麻辣湯汁，已經叫好又叫座，而餸嘅份量亦夠大件兼量多，所以一個女人能夠鯨吞呢個份量兼加埋魚皮嘅話，都會超級飽，有下次再路經中環時，必須要再嚟食一

呢日我同朋友都放半晝，所以我就接佢放工兼見面會合左佢之後，我地都決定去醫左肚先本身諗住同朋友去食蘭桂坊開左無耐既吉列牛架......點知我地去到就見隔離開左間"車仔麵"店，仲好爆場咁啵朋友見到之後就突然轉軚話想食麵，跟住我地就入左去坐低，準備醫肚當日極級肚餓既我決定食得豐富啲，所以就一口氣揀左6個餸，黎一碗加左腩汁既“五餸麵(另加一款餸)”HKd$60+10嗰日好想食丸，所以揀左牛筋丸、墨丸、海膽丸同魚皮餃，當中既用料都唔係cheap cheap貨色，尤其係牛筋丸仲好彈添另外個兩款餸就更加出色：豬軟骨同甜酸齋豬軟骨炆得鬆化入味，而甜酸齋既調味適中，愈食愈想食麵底我就配左平日比較少見既菠菜麵，麵質爽口，不錯喔我地仲嗌左兩款小食一齊share：“炸軟殼蟹”HKd$28同“特色豬頸肉”HKd$28，呢兩款小食既味道都好唔錯喎當中既豬頸肉肉質爽彈，而軟殼蟹就香脆惹味唔油膩個日我仲飲左枝清潤既“蜜糖水”HKd$18添嗜辣既朋友就一路食一路讚店家既辣椒油好香又夠辣，睇黎中意食辣既真係可以試試從呢度既食物質素同別緻有特色既裝修可以睇得出店家既誠意，所以即使只係食平民化既車仔麵都可以令人食得好滿意

lunchtime 食飯 係中環區一向選擇少價錢高 突然經過蘭桂芳發現新開既車仔麵店 簡直就如獲至寶 諗都唔諗即刻食啦入到去望下個menu 好多餸料 佢係睇你叫幾多個餸再收費 餸料唔係一般腸仔個啲 係打邊爐先食到既配料 例如響鈴呀苧絲呀 仲有得簡湯底同麵底 正我就點了幾款-苧絲 響鈴 蘿蔔 海膽丸 蟹柳 配沙嗲汁菠菜麵 再另叫多個生菜食好夠份量，配料件件都大塊。蘿蔔非常淋，忟得好入味。蟹柳係有咬口個種唔係出面啲cheap 野一入口就融。海膽丸好好食 響鈴唔洗講 索哂沙嗲汁 同打邊爐個味一樣 好正 菠菜麵吸哂湯汁同精華，就咁食個麵都已經夠好味生菜-好新鮮，入口爽脆。下次要帶多d 朋友尼食埋其他食物！

原本系朋友屋企開party 凌晨3點大家都有D餓 其中一個朋友提議黎食車仔麵由於系星期六晚 蘭桂坊系勁多人 而餐廳門口也如是 以為好多人食 原來唔系店員同我地推介波菜麵好健康 我就叫左黎試 最後叫左響鈴豬頸肉 兩餸面 配麻辣汁 呢個汁就系下圖個兜仔好似辣椒油 其實系麻辣汁 味道還好 食到麻同辣 辣度不是太辣 而且可以自己落份量 控制辣度 餸沒有特別 味道Ok 波菜麵同普通面味道差不多 可能被麻辣味掩蓋碗系幾大個 但其實面既份量唔多 女仔食系岩岩好 男士就可能唔夠飽 不過其實系Lan Kwai Fong 飲太多 又或者攰 可以系度食碗麵 休息下 解下酒甘都唔錯 而且有usb插頭可充電店員好nice

前幾日要到中環做facial，所以就打算找間粉麵鋪快快吃完，發現酒吧林立的蘭桂坊竟然新開了一間中式麵檔，名字也就直接了當叫作蘭桂坊車仔麵。裝修有別於傳統舊式粉麵店的格局，燈火通明，企理衛生，不像其他粉麵舖坐到人夾人。半開放式的裝潢感覺開揚舒服，還可一覽蘭桂坊越夜越美麗的迷人夜景。店內貼心地設有USB充電位，用餐時亦可順道為手機充電。枱上還放有可愛佈置 XD以中環區的物價來說，還要是蘭桂坊的遊客區，這裡價位亦不算貴，營業時間由早上11時開到翌晨6時，可說是喜愛夜蒲的平民之選。咖喱魚蛋 $18咖哩味香濃之餘亦不過辣，魚蛋夠入味，不過略嫌質感未算十分彈牙。這晚我選了三餸麵 $48：魚腐、甜酸齋和蘿白配菠菜麵。蘿蔔味道清甜，咬開時仍是燙熱的，呈現熟透的半通透澤潤狀態，既沒渣也不苦澀。甜酸齋麵筋軟滑，不過個人覺得醬汁如果可以再酸點會更開胃。魚腐口感幼滑柔嫩，吸收了清湯的精華。平時食車仔麵都很少見到會有菠菜麵，色澤綠油油，雖然不太吃得出菠菜的味道，但麵條質地滑口有嚼勁。鮮榨竹蔗汁 $18蔗汁味道天然透心涼，蔗味相當濃郁而又很清甜，而且最欣賞是用支裝包裝，趕時間喝不完的話，也可帶走慢慢飲。

一直在中環返工嘅朋友話蘭桂坊居然開左車仔麵店，專程行過來一探究竟，價錢都好合理，隔離店食個花生都要三十草啦，今晚一於豪一豪佢叫多幾樣餸試試。位於蘭桂坊的蘭桂坊車仔麵，感覺有點呃鬼佬，哈哈，唔食過唔知嘅～枱好乾淨，有辣椒油，醋，豉油同牙籤，最正係有USB叉電位呀！裝修有花過心思。五餸麵（$60）朋友一口氣點個五餸麵，食碗車仔麵都要六十蚊？中環黎計唔貴啦，茶仔都要囉…餸要左牛丸，海膽丸，龍蝦丸，牛腩同五花腩片，一睇就知佢係食肉獸，哈哈，味道正正常常無乜驚喜。湯底要左麻辣湯，幾香辣油味，朋友話唔係好辣。麵要左菠菜麵，份量幾多，配埋麻辣湯幾正。三餸麵（$48）自己要碗三餸，揀左墨魚丸，豬紅同甜酸齋，味道一般般，都係啲現醒野無乜特別。車仔麵居然有烏冬揀唔使加錢，試下先，係即食烏冬，都幾彈牙無酸味，OK啦。湯底要左滷水汁，甜甜地咁，食完無口渴都幾好。炸魚皮（$18）椒鹽雞軟骨（$22）很香脆，新炸起熱辣辣，除左椒鹽仲加左少少辣椒粉，辣辣地很惹味。唐生菜（$18）見朋友淨係食肉，迫佢食下菜，很爽甜，但無調味嘅？仲以為會有蠔油添，不過無所謂啦，反正都放落湯到食。滋潤蜜糖水（$18）＆鮮榨甘蔗汁（$18