蘭桂坊車仔麵 (Closed)

星期三的晚上到了pub night，準時收工後就先覓食才有戰鬥力跟好友狂歡。走到蘭桂坊街頭，看見搶眼的燈管有間車仔店，就選了這裡。六點多客人還未算多，但當我們吃完大約七點多就已人頭滿滿，相信亦有不少捧場客。點了五餸麵($64)魚腐，蘿白，水魷，豬軟骨，牛腩跟咖哩汁水魷彈牙，蘿白鮮甜無渣，豬軟骨夠晒淋身有咬口相信這裡的粗麵是我曾經食過的粗麵最好的一間麵店，爽口沒有梘水味，添加了咖哩汁，沒有驚天辣味卻輕輕帶動了味蕾跳動。炸燒賣($20)燒賣經炸過，脆脆外皮，外脆內軟，再配上椒鹽作調味十分惹味。最後簡單配上熱檸茶(+$9)作為完結，稍後再繼續跟朋友戰鬥。

今日同個同事，埋頭幫客人個app做 debug，做到5點幾都未食野， 個同事見肚餓，叫我一齊出去搵食。由於我約左班舊同事放工落蘭桂坊Happy Hour，所以我提議過老蘭食日本拉麵。一到老蘭，我地比一間藍色字招牌嘅鋪頭吸引。當然轉plan B 食車仔麵。 入面裝修幾簡潔，不過最正係四面牆都裝曬 USB 頭，連power supply 都有，捧埋部laptop黎做presentation都ok喎，哈哈。落單都係用剔剔紙，價錢由 1 餸 36 蚊到 5 餸 64 蚊，唔算太平，不過一定平過日本拉麵。都係要自選麵，湯底，配料。我剔咗5餸幼麵，另加椒鹽雞軟骨同埋Coke Zero，同事就要咗3餸菠菜麵，椒鹽燒賣同埋柚子茶。柚子茶原來唔係杯上，係膠樽上，同事話太細樽，唔夠喉，唔太甜，幾好飲。椒鹽燒賣皮唔夠脆，有點韌，比較失色。椒鹽雞軟骨幾脆口，味道都好正路，不過肥咗少少。我碗5餸麵送到面前，發覺店家都幾認真，連公雞碗都係自家出品。幼麵都算爽口，豬皮有咬口，豬肚豬腸乾淨無豬味，素鮑片有點韌，最正係牛腩，夠味夠爽。同事果菠菜麵，佢話菠菜麵好好味，不過甜酸齋太油膩，鮮腐竹好味，豬紅無豬味，唔會一夾就散

食晏諗到頭爆都唔知食咩好，同事話可以試下蘭桂坊開左間四正車仔麵，有多款正斗小食，咁就事不宜遲去試下啦！Lunch time 人頭湧湧，坐無虛席。我地分別叫左6個淨餸$74，賣相靚仔。沙嗲汁惹味得黎又唔辣，啱我口味。老友碗清湯就淡淡然咁，各有所好啦各款車仔餸嘅味道水準甚佳！推介魚腐、豬頸肉、牛丸同滷水大腸👍🏻而我地亦好放肆咁兩個人叫左三個小食，見到個小食餐牌真係好爭扎，因為樣樣炸野都好想食。最終放棄左椒鹽燒賣，而揀左軟殼蟹、雞軟骨同炸魚皮。魚皮夠薄脆，送車仔麵一流。至於軟殼蟹同雞軟骨都係新鮮即炸大量炸蒜蓋面，惹味香口，廿幾三十蚊就食到高質小食，勁滿足！

今晚食完飯約左朋友去蘭桂坊飲嘢，朋友話有少少肚餓，飲嘢之前最好食少少野，我話不如試吓呢間蘭桂坊車仔麵佢好似唔相信咁，乜蘭桂坊唔係淨係有酒吧咩，點解會有間車仔麵㗎，不過又真係好啱佢心水，因為車仔麵呢家野，係我哋香港人嘅珍貴回憶店內格局簡潔整齊，木製擺設加上牆上面霓虹燈的「蘭桂坊」，十分有型格特別推薦門口有幾個面向蘭桂坊的座位，無論望人望景，絕對是最佳選擇極力推薦呢個炸軟殼蟹，即叫即製，甘香鬆脆，一碟有兩隻，辣度啱啱好，必試雞軟骨，香脆有咬口，慢慢一粒一粒品嚐，好過癮講返主角，車仔麵，朋友揀咗大腸、牛腩配幼麵，湯底不濃不淡，絕對有水準我就Order咗個墨魚丸、冬菇、蘿蔔，貪佢清清地，而食車仔麵我一定配粗麵，覺得特別夾，再加上少少辣椒油，滿足極了仲有呢份秘製雞翼，食車仔麵又點少得吖，明明話食少少野，點知都係忍唔住埋單離去的時候，已經座無虛席，好嘢自然多人嚟，無論本地人、遊客抑或老外，都咁捧場，車仔麵睇怕都可以納入文化遺產

上班日子想在中環吃碗車仔麵並不易找，直至這小店於蘭桂坊開業，終於有多一個選擇。中午12:20來到，可順利入座。過了10分鐘，店外已出現一條人龍。原來除了車仔麵，還有飯套餐。我點了一個三餸和很健康的菠菜麵。麵條菠菜味不濃，但夠腍滑。沒有點油菜，但碗中也有幾棵菜心。牛丸彈牙，估計來貨成本也不低牛腩比較多連著脂肪，但燘得香濃入味魚腐味道清淡炸軟殼蟹熱辣辣、酥脆鮮美，仲有少少辣味，必食👍朋友點的車仔麵，試了豬頸肉。豬頸肉帶焦香，肉爽美味，也是餐廳的其中一款招牌餸。

在蘭桂坊飲完酒餓餓地，通常就只有去街邊拿渣店食粉麵，今日見到一間新開的粉麵店，裝修很漂亮，仲在蘭桂坊內的地鋪，不用行到老遠的上環，夠就腳。五餸麵，$64男友叫了五個餸，食到暖笠笠。有魚腐、豬手、牛腩、豬軟骨、豬頸肉配幼麵，清湯底。牛腩分量爆多，鹵得入味，而且肥瘦均勻，口感十分煙靭。魚腐吸了大量湯汁，十分美味。四餸麵，$57金菇、墨丸、豬手、肥牛，咖哩汁。而我覺得太夜了，太飽肚會睡不好，所以點了淨餸。墨丸不算勁彈牙果款，不會太假，混了咖啡汁很好吃。肥牛較像靚牛肉，有肉香，口感都較佳。辣汁雞翼尖，$22原以為是B仔款式，原來是凍吃的。比較結實，而且更有原粒山椒，很重本。我本身很喜歡山椒的香氣，特別欣賞這個雞翼尖。秘製雞翼，$20雞翼的玫瑰露味道很重，香氣很特出。肉質軟滑。檸檬可樂，$20飲完酒，幸好不是太醉，飲飲檸檬無咁辛苦。凍檸茶，$9（ 跟餐）很好的一個宵夜地方！

蘭桂坊唔一定要去劈酒, 食西餐,去食個車仔麵都係得一個好嘅選擇, 今日就唔去飲嘢, 正正經經同朋友去食咗個車仔麵油麵比一般車仔粉麵店嘅質感唔同, 特別爽彈, 佢嘅掛湯能力依然不俗, 而且更容易夾, 更加方便食! 車仔麵配料種類繁多, 特別嘅款式, 例如素鮑片, 芋絲, 豬軟骨, 甚至連響鈴, 甜酸齋都有!今日最想食芋絲, 掂咗佢嚟食, 另外係招牌牛腩, 素鮑片同埋魚蛋, 芋絲非常之爽口彈牙配合埋佢嘅沙爹汁湯底,滋味無窮!另外再叫咗 炸軟腳蟹, 佢嘅體積都唔少, 用避風塘嘅做法, 超級惹味! 辣辣地咬落去鬆脆, 值得一讚

去蘭桂坊唔飲酒可以做啲乜?同男友經過老蘭見到有間車仔麵開正係路中間，一於入去試下!由於我地早餐都未食，一坐底就起勢係咁剔。我同男友都叫左個五餸車仔麵，我果碗係牛丸、雞翼、豆卜、魚腐同響鈴配沙嗲汁加粗麵 ; 而男友果碗係金菇、豬紅、魚皮餃、鮮冬菇同芝士腸配沙嗲汁腩汁加米粉，小食叫左椒鹽燒賣、炸軟殼蟹同椒鹽雞軟骨，同埋唐生菜。飲品就叫左杯凍滋潤蜜糖水同埋凍金牌奶茶，叫完都驚會唔會嚇親其他食客。看似每人五個餸，其實我地交換啲就差唔多變左十餸麵，即使叫左沙嗲汁，車仔麵個湯底都唔會太濃，腩湯加少少沙嗲味，口感不錯，如果同我一樣想食辣啲既朋友亦都可以自行加店內既辣醬~ 至於啲餸其實大致上同外面車仔麵分別不大，唯獨推介要試下雞翼同埋牛丸，口感比外面水準高!麵類方面，粗麵比米粉同個湯底更夾，食落口每一啖都好滋味，難怪男友試左我個碗一啖之後就成日望住我個碗啦~哈哈~小食方面，睇得出廚師好用心整，椒鹽燒賣、椒鹽雞軟骨整得好入味，好似食緊大排檔啲「椒鹽豆腐」咁，認真不錯。至於個炸軟殼蟹，真的是非常出色之選，炸得好香口感非常正，推介一定要叫黎試下!!!!飲品方面，凍滋潤蜜糖水同屋企自己沖既一樣味，岩哂食左咁多

 小時侯最愛以車仔麵作午餐，對車仔麵總有份情意結。從前流動手推車經營車仔麵，已經成香港特色美食，更出現LKF！於LKF開車仔麵當然融入蘭桂坊文化，餐廳有酒牌，啤酒$20支，邊食車仔麵，邊飲啤酒，相當特色店內紅磚、木桌子很有特色窗邊位置有櫃放置銀包電，還電掣，很方便客人配料選擇很多有34款，如果有選擇困難，可以試下廚師推介炸雞軟骨雞軟骨炸得香脆配上炸蒜，很香口餐前小食 車仔麵 車仔麵選擇很多，除了基本油麵、粗麵，還有菠菜麵湯底亦不會太咸重味精蘿蔔清甜大腸肥美又鹵得香還有我最喜歡魚片頭加多+9有餐茶

記得細細個大家姐👩🏻接我放學，多數會帶我去街市食車仔麵😁 小時候覺得車仔麵檔好新奇、好得意。車仔檔有多款麵條同配料選擇，大家姐會教我分辨。👀睇住老闆用神奇摩打手去泡製一碗平靚正既車仔麵，眨一眨眼就出現了-今日同大家姐去中環行街街。行到肚餓搵野食，我地不約而同都想食車仔麵。依間車仔麵檔座位又舒服，環境又乾淨，價錢又唔貴，一於試下啦麵條同湯底都有七款選擇-👧🏻我叫左 $64 五餸麵1️⃣菠菜麵配清湯🍜2️⃣五款配料：➡️紅腸、豆卜、蘿白、墨魚丸、鮮腐竹一邊食一邊讚不絕口菠菜麵柔軟滑嫩，健康營養之選清湯湯底頗清甜每款餸都有水準❤️蘿白大大塊，鮮甜又多汁❤️墨魚丸爽口彈牙兼有濃郁既墨魚味❤️清甜既湯汁滲入豆卜裡頭👍🏼-大家姐👩🏻都叫左 $64 五餸麵1️⃣米線配腩汁2️⃣五款配料：➡️蟹柳、魚腐、海膽丸、招牌牛腩、素飽片米線麵質爽滑，有點煙韌感，腩汁味香濃❤️牛腩肉質腍身，肥瘦適中❤️海膽丸內餡甘甜濃郁；魚腐亦滑嫩-👩🏻大家姐從提往事，話我小時候被逼食菜會大哭大鬧🤭 為左證明我已經大個女，唔再係百分百食肉獸，我叫左碟 $18 唐生菜。嫩綠新鮮，一個人食左2/3 家姐話我終於開竅，明白食菜係有益🤭人大左，為左靚靚嘛-之後我地

同朋友去蘭桂坊飲嘢之前, 就去咗一間新開嘅車仔麵店, 食個車仔麵打打底先, 佢有usb插畀我啦部電話差電, 都幾方便幾貼心!車仔麵個清單非常之清晰, 首先選麵底, 再選湯底, 再選配料, 單餸由36蚊起, 我叫咗個至尊車仔麵, 有魚蛋, 牛丸, 牛腩, 豬紅, 五花腩, 蘿蔔, 魚皮餃, 豬軟骨, 時菜, 所有餸都放滿麵既上面, 非常之有滿足感我特登轉咗菠菜麵, 綠色比較清新特別, 咬落去有口感, 又唔會太容易淋, 個湯底無味精, 加左腩汁惹味, 最欣賞佢嘅就係佢哋五花腩, 厚切, 肥肉同瘦肉分配岩岩好, 蘿蔔一啲都唔苦, 吸收晒湯底既精華! 另外食咗個雞尖, 麻辣雞尖真係非常之出色, 越食越辣, 雞尖肉質之特別, 有骨膠原既感覺,

不知大家在復活節假期有沒有外遊呢? 其實我每年復活節都會外遊, 但今年卻沒有……不過, 身邊有不少朋友都飛了一轉, 有去澳洲、有去澎湖、有去大阪, 也有去韓國, 自己沒有去, 唯有聽聽大家分享旅程的體驗, 望梅止渴。今晚就約了一位剛去完韓國的朋友仔邊吃邊談, 不知她在旅途上有什麼趣事?友人在中環上班, 故今晚就相約在這區。落了蘭桂坊, 但並不是去酒吧, 而是去吃車仔麵, 反而很適合不愛蒲吧的我倆。大大個藍光管店名招牌鑲在餐店的正中高處, 相當搶眼奪目, 而門口設計帶點傳統的色彩。走進內裏, 裝潢富心思, 紅磚及灰泥的牆身鑲上一塊塊街道牌, 挺特別! 另一邊牆身亦擺放了一些傳統中式瓦碗, 帶點懷舊。地方不算大, 設有兩排面牆的單人座, 中間則有兩張四人枱, 最吸引我是面向街景的單人座, 前方有一扇窗, 感覺很舒服呀!細閱餐牌, 由淨餸麵至五餸麵, 價錢由$36-$64, 另加配料就每份$10。粉麵類和湯底均有七款, 配料有三十多款, 仲有十款小食和兩款油菜, 選擇相當豐富。而飲品也有十三種, 店子雖小, 但選擇一點也不少。******************************我要了

話說未識A姐之前，小弟每個月都總會去一趟蘭桂坊，高峰嗰陣仲每個星期都出沒，什麼Magnum，什麼Prive，有咩未去過。不過今時唔同往日，往事只能回味....... 今日我決定重出江湖，帶A姐去老蘭，不過唔係去Club，係去食車仔麵。係呀，你無聽錯，蘭桂坊係開咗間車仔麵，仲係叫蘭桂坊車仔麵。M佬之選：蘭桂坊至尊車仔麵話明係至尊，就當然係大集薈，啱晒啲唔想諗嘅朋友。裏面有魚蛋、牛丸、牛腩、豬紅、五花腩、蘿蔔、魚皮餃、豬軟骨同時菜，真係好多餸。值得一讚，蘿蔔入味清甜，牛腩入味香濃，魚蛋鮮甜彈牙。A姐之選：豬肚+水魷魚+素鮑片+龍蝦丸+金菇+米粉呢到有7款麵，7款湯底同37款配料，A姐左揀右揀，用咗5分鐘，終於諗好。豬肚煮得好腍身，水魷魚爽口彈牙，素鮑片口感豐富，最正係個辣汁。麻辣豬耳豬耳爽口彈牙，麻辣味濃，嘴唇有少少麻痺，好過癮。辣汁雞翼尖識食一定食雞翼尖，辣味十足，食到又愛又恨，流晒鼻水。炸魚皮魚皮脆卜卜，就咁食又得，浸湯食又得，得咗。（記住Like同Share畀朋友）By A姐M佬 玩樂日記

下雨天的中午沒有刻意走到太遠、反而來到附近的蘭桂芳車仔麵來個簡單午餐。以車仔麵店來說、這間可說是非常舒適、店裡放著乾淨而排列整齊的木桌椅、坐到窗邊的枱還可以看街景。貪心地要了五餸車仔麵，也只不過是$64，中環來說是相當抵食。比較特別是菠菜麵、麵條煙韌爽滑、可見麵裡面有點點菠菜、吃起來比較清淡健康。個人認為腩汁可再濃一些、豬頸肉爽口唔肥、腐皮也很滑、 蘿蔔、魚腐都不錯。另外點了秘製雞翼$20、味道像鹵水汁、幾入味。加$9 有自家制的滋潤蜜糖水、清甜解渴。

蘭桂芳竟然開左車仔麵，車仔麵係我至愛，飲完野想醫下肚，所以試下。叫左d小食先，咖哩魚蛋入味彈牙，鷄軟骨好香口。見到menu菠菜麵，好好奇想試，但太好賣，夜晚已經無哂，所以唯有叫粗麵。最愛多種類嘅我每次都忍唔住叫多樣野  ，所以兩個人叫左兩碗麵加一碗淨餸，哈哈，太肚餓。紅腸，酸齋，冬茹，鱼腐：好味至愛肥牛：正，美味金菇：爽口貢丸： 彈牙好味飲品：柚子茶，解喝好飲，潤喉。呢間車仔麵種類多，價錢合理，滿足，推介！！