瀾亭 (Closed)

因為依個位附近有好幾間壽司店，即使係屋企附近，經過好多次都無食過，今日收早左就買黎試下，冇諗過$50，仲包埋野飲，食落好新鮮，又多料，佢隻豉油係昆布豉油，食落唔算好咸，以後又多個飯堂。

新年期間偶然路過呢間鋪頭，見個menu好多選擇，所以買左$99就極上刺身飯番屋企食，有埋飲品送，覺得好新鮮，份量都好多，性價比高，有驚喜！今日親戚聚會，想食D壽司，所以就即刻同屋企人提議呢間小店啦！因為我需要12：45取，所以早兩日已經落單！今次叫左極上壽司，極上刺身，四式前菜，蟹子沙律，壽司刺身係party set 份量！一開盒，大家都嘩一聲，好吸引，好新鮮好好味！大家都話下次要encore! 下次要試下D 手卷同炸物先得！

今晚嗌左三盤壽司，一盤刺身1. 特選壽司盛（菊）三文魚壽司四件三文魚腩壽司四件八爪魚壽司四件油甘魚壽司吞拿魚壽司四件甜蝦壽司四件帆立具壽司四件紋甲魷魚壽司四件螺片壽司四件赤海蝦壽司四件熟蝦壽司四件2. 炙燒壽司盛（竹）黑椒三文魚壽司四件醬燒三文魚腩壽司 四件炙燒黑椒蝦大司 兩件炙燒赤海蝦壽司 兩件炙燒帆立貝壽司兩件蒲燒鰻魚壽司 兩件炸蝦卷六件3. 極上刺身拼盤三文魚刺身 15件吞拿魚刺身 5件油甘魚刺身 5件帆立貝刺身 6件赤海蝦刺身 6隻八爪魚刺身 8件已經第四次幫襯，新鮮抵食特登由屯門出旺角買店員有禮貌美中不足只有外賣沒有堂食

呢個丼飯有小食連野飲55蚊，性價比非常高。之前已經食過刺身包括三文魚腩，三文魚油甘魚，同唔同嘅手卷，全部都好好食。好有心做希望佢長做長有！ 不過佢好似剩係得外賣，坐低嘅位好似得兩個。

夜晚經過見門口有好多款手卷既相所以入去買黎試吓食物質素方面，食材好新鮮，價錢好抵即叫即做黎講，唔算快手不過新開小店黎講，服務非常好因為收錢女仔見到我大住個肚入黎買手卷竟然主動搬自己張凳出黎叫我坐低等嗰女仔好有愛新店要加油

💕愛我的男人知我今日唔開心😭等我放學帶我買壽司🍣食我嗌咗一個特選壽司盛(蘭)$115👉🏽三文魚壽司兩件👉🏽帆立貝壽司兩件👉🏽油甘魚壽司兩件👉🏽墨魚壽司兩件👉🏽甜蝦壽司兩件👉🏽赤海蝦壽司兩件三文魚腩刺身$40/4件pcs軟殼蟹手卷$28Total:$165 試業期間有九折優惠整體上所有壽司好食，最特別最驚喜嘅係軟殼蟹手卷，我哋點咗Wasabi同豉油，咬開原來裏面仲有Wasabi😂🤣食到我哋又笑又流眼水🥹

舖頭開咗冇幾耐已經幫襯咗好幾次，店舖由幾個年青人經營，老婆收工會買三文魚角切魚生飯做晚餐，試業9折只需45蚊(慳家)。由於老婆試咗幾次OK，所以就叫我幫襯。我偏向食熟野，所以兩週前叫過一次灸燒壽司盛，當時有個Set 170蚊9折後153蚊，有廿幾件灸燒壽司真係又抵又好食。不過今日再叫已經冇咗嗰個Set了，而家一個類似嘅灸燒壽司Set要185蚊9折後166.5。雖然開業冇耐就加價，但諗唔到今次每件魚都比上次長了，算係品質同步提升。另外亦叫咗2件灸燒左口魚試吓，整體來講所有灸燒壽司質素都唔錯，而8蚊追加味付螺肉亦算大盒。其他生壽司冇食過，不予置評。

一星期內吃了三次 性價比高，值得寫食評推介。(有圖)以下評論 是用 *外賣壽司店* 作為標準評論。 瀾亭丼# 飯量不多； 也不少，正常丼飯操作。壽司#三文魚腩/吞拿魚/ 鰻魚/左口魚： 魚的溫度,厚度,重量,性價比極高!!壽司＆刺身 油甘魚: 滿分到爆燈！！！本人油甘魚控； 就算跟 大部分壽司店堂食比較 都冇得輸！！暫時新店開業有九折 所以 性價比非常之高。就算正價 之後 也會是高評價之選。利申： 我只係試過油麻地旺角新蒲崗 同類型外賣壽司店 15間左右； 暫時給予最高評價!!