撈得喜火鍋冰室

Open Now

Now Closed

呢間撈得喜火鍋好近朗屏西鐵站，我見到好多單車友去食，一嚟佢門口可以拍單車，二黎又有戶外位唔駛怕臭親隔離枱，我見都有好多一家大細同叔叔去食，佢晚市有雞煲火鍋任食，好似都幾抵，百幾蚊一個人。不過我今晚自己一個人就冇叫雞煲火鍋，我叫左佢個酸菜魚。 佢既酸菜魚有一人餐，有得揀麻度同埋辣度，我揀左小麻同小辣。仲可以揀配寬粉定白飯，我揀左跟寛粉。佢碗酸菜魚黎到時都有啲大碗到得人驚，成個面盆咁大！佢啲材料十分豐富，湯底好夠酸辣味，除左勁多辣椒同酸菜之外，佢仲要有勁多魚片，荳芽，椰菜花同萵笋，超級惹味。佢個寬粉吸哂湯底，超級入味！一個人食好滿足！

今日收工收得晏,便去這家撈得喜火鍋冰室開餐,我們約8時半抵達,見到裡面幾乎爆滿,等了幾分鐘才可安排入座,餐廳是一般茶餐廳格局,主要是走平實的路線。我們由于不太能吃辣，本來想要椰子雞煲,但八時半已全部沽清，最後叫了麻辣雞煲(走麻走辣)，雞件醃得非常惹味，而且分量很多， 吃完之後飽了一大半。之後再加入湯底食火鍋，可自行到外邊大雪櫃任取火鍋食材，品種十分豐富，包括肥牛肉片，豬肉片，各類肉丸， 雞件，蝦，蠔，蜆，瓜菜，烏冬等，還提供了雪糕及免費飲品任取任飲，飲品方面個人最欣賞就是冰凍自家製果茶， 甜度適中，而且啖啖果肉粒，夠曬解渴，打邊爐飲就最合適， 總體來說，這店的價錢實惠，不用200元一位便可以食到惹味雞煲及任食火鍋， 絕對十分超值，難怪夜晚八時多仍座無虛席。

天氣開始凍 最啱打雞煲邊爐唔係間間嘅雞煲火鍋放題都咁高質素 經朋友介紹下你到呢間去邊圍嘅 餐廳 佢哋嘅雞煲出名又大又嫩又惹味 而出面任拎嘅火鍋區都有好多選擇 竟然有海鮮 有一啲海蝦 蠔仔同埋魷魚 正 施肥牛同埋豚肉 都唔會話好多肥肉 質感都算唔錯以放題來講 另一邊都有好多唔同嘅丸牛丸芝士丸當然係必備 菜類都好豐富又唔同嘅菇類 有我鍾意嘅娃娃菜 豆腐豆卜 芝士腸等等 當然就唔少得有響鈴同埋魚皮啦最欣賞餐廳係竟然有自製嘅水果茶 裏面有蜜瓜同埋橙 出面嗰啲台灣飲料有得揮 超級解渴

美美同男朋友好鍾意打邊爐🍲元朗都好多邊爐等緊我地去發掘😂今次就試左呢間📍撈得喜火鍋冰室我地差唔多8點半去到估唔到平日夜晚都咁多人都等左一陣先入到咁睇黎應該好好食先會咁旺🤪🤪咁個menu好簡而精啱哂我地呢啲選擇困難症有4種口味嘅烤魚同雞煲揀男朋友唔鍾意食魚 我唔鍾意食雞煲所以我地揀左香辣味烤魚😇另外仲有剁椒🌶/藤椒🫑/蕃茄味🍅呢個辣可以揀大中小同bb辣/麻我見人地啲煲紅到有啲驚所以嗌左小麻小辣🌶但條魚黎到就好後悔其實唔係好辣 中辣中麻應該會正啲食完條魚就夾返啲骨出黎繼續用個湯打邊爐其實餐廳都有椰子雞煲都好吸引🥥🐔不過我地今次想繼續食辣下次先試😗打邊爐啲餸呢就任食嘅雖然選擇唔算好多但該有嘅都有齊 肉呀菜呀丸呀咁個人大推圖2呢個腐皮串🍢索哂啲湯好正另外牛肋條都係幾好食嘅🥩仲有蜆同蠔仔同蝦都係任食呢個價錢真係算好抵食😎爭啲唔記得講佢地自家製水果茶果味濃又解渴🍹我自己都飲左4大杯🤭最後埋單$400有找真係好抵食👍🏼

元朗不嬲好多好嘢食，當中烤魚都已經有幾間，今次試吓朗屏新開嘅烤魚店撈得喜，呢間餐廳除咗烤魚，其實仲有雞煲，酸菜魚，椰子雞，另外主打任飲任食兩小時。今次我哋兩個人所以揀咗食烤魚，烤魚都算多口味選擇，有香辣味、藤椒、刴椒、蕃茄味。魚身都多肉，魚骨偏大條唔洗擔心，烤魚底下仲有大量荳芽菜、枝竹、蓮藕等等，另外自助區都有海鮮肉類蔬菜選擇。海鮮有海蝦，大蜆，同埋鯪魚肉等，海鮮都好新鮮，最鐘意食大蜆每粒都脹卜卜唔會有沙😋蔬果區蔬菜好多選擇，飲品櫃都有自家水果茶，紙包飲品，同埋啤酒🍻

好抵好抵😋任飲任食兩小時都係百幾蚊一位有好多唔同窩底選擇有雞煲同烤魚選擇我就揀咗椰子雞🤭實在太吸引啦♥♥♥♥♥♥♥♥♥♥♥♥♥♥滿滿的椰汁香味浸出鮮嫩雞肉選用泰國椰子海南椰子精選清遠走地雞，180天山野散養女人的養顏美容湯🤭純天然 好健康、好味道♥♥♥♥♥♥♥♥♥♥♥♥♥♥呢個椰子雞煲果然好正！椰味好香，超正，雞好嫩滑😋煲滾水之後倒啲雞落去，之後就拎個沙漏⏳倒轉漏晒就食得喇😆😆😆食完雞煲就可以出去拎野食喇🤩首先野飲方面佢有啤酒都係任飲仲要連水果茶都有!!有啲驚喜咁高質飲一啖發覺有好多切碎咗嘅水果🍉超級正🤩🤩之後愈食愈飽又有解茶😝啱晒👍🏼食物方面唔少得各款菜、丸、菇、豆腐、肥牛、牛柏葉、腸仔、響鈴、公仔麵、烏冬等等….最驚喜係連海鮮都有🤤海鮮都任食真係好抵打邊爐有蜆好正有蝦、蠔仔、蜆、魷魚…..調味料任拎😋最後仲有自助雪糕🍦大滿足🌹🌹🌹🌹

踏入十月尾, 天氣涼涼地除左燒野食最岩梗係打邊爐啦！ 這餐廳除了邊爐之外仲有烤魚選擇, 但我和友人唔想食麻辣所以最後選擇了清潤的椰子雞煲。 既可美顏又滋補真係一舉兩得😬。椰子湯底是採用三個椰子做湯底, 所以當湯底滾起時, 就算帶上口罩也聞到清香撲鼻的椰子味, 之後倒雞件落鍋再倒轉沙漏計時, 大慨八分鐘左右就可以了享用。 識食第一啖一定試湯底先, 果然清甜又滋潤引唔住飲左半碗先開始食😆, 其雞肉是採用清遠走地雞, 難怪食落肉質嫩滑唔“鞋”口仲好有鮮味😋。 餐廳採用半自助式邊爐, 選好了湯底後可在店內自由選擇飲品及食材。 食物種類都頗多尤其蔬菜類起碼有十種以上, 當然仲有其他丸類、 豆腐類, 肉類。 最估唔到係海鮮類竟然有大蜆, 大蝦仲有蠔都係可以任食😍。質素仲要唔差, 蝦肉大大隻肉質仲要係爽口。 大蜆鮮甜又冇沙真係冇得輸👍🏻。

今日響元朗想去打邊爐，見到呢間火鍋店價錢唔貴，平民價錢，所以入去食晚餐🌟 酸菜魚湯底可以揀幾種唔同既湯底，有4種唔同味道既烤魚，麻辣雞煲，椰子雞煲，酸菜魚湯底，我地鍾意食酸菜魚，於是揀左酸菜魚😋酸菜魚本身已經煮熟，所以侍應叫我地食完新鮮既魚片，之後先開制打邊爐😋酸菜魚鮮甜，無骨，魚片大塊，好滑，而湯底我地揀左少辣，唔會太辣，酸度剛剛好，味道調得唔錯👍🏻，而且配料多好足料，有蓮藕，大量酸菜，蘿蔔，芽菜等等👍🏻👍🏻🌟 肉類 x 海鮮x 菜牛肉同豬肉都係自己出去自取，想食幾多可以隨便拎，肉類新鮮，唔會太厚，易熟😋蝦大隻，鮮甜彈牙，蜆都一樣大隻，無沙，好新鮮😋😋菜既選擇都多，洗得乾淨，新鮮👍🏻🌟 小食 x 飲品 x 雪糕小食有紅油青瓜，木耳絲，飲品有啤酒、茶，同埋自家制果汁飲品，雪糕有5種味道，全部都係任飲任食👍🏻

好耐冇打邊爐，但又想食烤魚，於是我同朋友嚟到呢間半自助火鍋店-撈得喜一次過滿足晒兩個願望 餐廳位於朗屏站B出口，行5分鐘就到。雖然係平日，但係基本上都已經滿座，果然係平靚正之選。好多街坊幫襯我哋叫咗麻辣烤魚，小麻小辣，但對於我哋唔係好食得辣黎講，個後勁已經好勁了！條魚好大，魚肉滲透住麻辣香味，好野味！當然重點就係食完烤魚再嚟一個麻辣火鍋啦！雖然係半自助形式，但係餐廳選擇嘅嘢食種類都頗多！有肥牛、腩肉、肉丸等肉類，亦都有海鮮，例如蝦、花甲同魷魚。配埋餐廳獨家嘅水果茶簡直一流。當然鍾意啤一啤嘅朋友仲可以飲返幾杯添😂

呢間舖岩岩開時食過一次lunch，試過酸菜魚味道係唔錯，最近好多人提起佢嘅任食任飲火鍋，今次就過嚟食下，星期四晚黎都真係好旺場，等咗一陣間先有位8點半入座 $178/位加一，有烤魚、酸菜魚或者雞煲選擇，揀左清清地嘅椰子雞煲上餐嘅時候仲有個漏斗，咁就可以食到最嫩滑嘅雞件湯底都鮮甜，煮出嚟嘅雞都有淡淡椰子香食完個雞就出去拎打邊爐配料，全自助形式想食咩就夾咩最吸引嘅係有卜卜蜆、生蠔同埋新鮮蝦啲蜆都好新鮮，每隻都冇沙，同埋係脹卜卜蝦嘅肉質都彈牙又大隻，食得過癮另外肉類質素都唔錯👍🏻平時都食過好多間嘅打邊爐，因為價錢平所以配料質素冇咁好，相反呢一間配料質素真係唔錯🤩仲有新鮮水果茶，啤酒更加係任飲，整體好滿意，一定會再過嚟食

🌃 餐廳設計與茶餐廳無異， 午餐主打川味小菜， 而晚餐主打川味放題， 餐廳大堂有自助吧位置， 擺放前菜、火鍋配料、雪糕、 飲品 及醬料吧等等。.🤠 通粉foodie 就叫了 麻辣雞煲火鍋放題， 平日早鳥時段， 五點食到七點， 任食兩小時， 價錢係158蚊， 除咗麻辣雞煲仲可以選擇椰子雞煲、酸菜魚、水煮魚以及各款口味嘅烤魚。.🍲 雞煲放題包括 前菜類、海鮮類、 肉類、丸類、 粉麵類、 雜菌蔬菜類、 飲品類、 雪糕類。.🐓 麻辣雞煲分量好多， 小編選了小辣， 其他香料幾足， 尤其是非常非常非常多芫茜， 好適合芫茜控 ，炒起嘅時候香噴噴，雞件算鮮嫩， 仲有唔少豆卜索汁好惹味 ，食完雞煲可以倒湯底 打邊爐。.🥗前菜類👉包括川味雲耳、川味青瓜。.🦐🦑 海鮮類👉包括海蝦、海蜆、蠔肉。💟 海蝦是必食的， 大大隻新鮮彈牙。.🥓主要肉類 👉包括豚肉同埋肥牛。.🥕蔬菜類👉包括唐生菜、蘿蔔、 雜菇、 皇帝菜、冬瓜、鮮腐皮、娃娃菜、 雲耳 、粟米。.🍦 雪糕類餐廳供應桶裝雪糕， 要自己筆，有雲呢拿、芒果、 朱古力味， 綠茶味等等 ， 其他口味請看圖片。.🍹飲品類包括 自家製飲品( 水果茶、 精選冷泡茶) 、各

你哋知唔知秋天係有味道㗎 ？感唔感覺到呢！秋天嘅味道，當然就係雞煲同打邊爐嘅味道啦！今日嚟到朗屏附近嘅撈得喜火鍋冰室，價錢相當親民，200蚊都唔洗就可以任飲任食兩個鐘。但配料同湯底都唔馬虎，性價比超高！湯底有十幾款選擇，包括麻辣雞煲、唔同口味嘅烤魚、椰子雞、水煮魚、酸菜魚等等，真係選擇困難症發作呀！最後，我哋揀咗麻辣雞煲，麻香十足，又香又辣，雞件大件但相當入味，數量亦都唔少。如果你係雞仔肚嘅話，分分鐘食完個雞煲都見飽嚕。配料餐廳配料以自助形式，想食幾多就攞幾多，最重要係唔使等呀！火鍋配料超過20款，估唔到呢個價錢連海鮮都有，例如蜆、蝦、蠔等，而且蠔仲要非常甜美肥大，真係無限encore！其他配料仲有肥牛、豬腩片、鵝腸、午餐肉、萵筍等等，真係非常滿足，絕對係科天嘅味道呀！飲品飲品除咗汽水、茶、啤酒同烏龍茶之外，竟然連水果茶都有，如果你硬要同其他台式飲品店比較，佢未必會贏，但勝在打邊爐都可以飲番杯足料水果茶，就肯定夠晒解渴！

元朗出名多好嘢食，這天打風後在屋企附近搵食，見呢間火鍋冰室打完風都可以全場爆滿，一於試一試佢。 打開menu，連人頭收費，食足2個鐘都唔洗200蚊，仲有唔同口味嘅烤魚、水煮魚、酸菜魚、椰子雞煲、麻辣雞煲可供選擇，今日想食雞煲。 這個雞煲是重慶味應該偏麻，所以我地都唔敢叫太辣，只叫小辣，估唔到個醬汁味道幾正，小辣真係小辣，帶點麻香。雞煲配料非常豐富，花椒八角洋蔥紅椒指天椒青椒蒜片薑片豆卜等，配料味道好香，雞煲滾後再炒一炒雞件，原本以為兩個人食都唔會太多雞，點知份量原來都幾多，雞件肉質嫩滑，十分惹味又不算太鹹，下次可以再試吓中辣！ 食過雞煲後可以再加湯打邊爐。食物、飲品方面就自助形式出去拿。 先講飲品方面都算齊，各式汽水、啤酒之外，仲有自家製冷泡烏龍茶及水果茶都任君選擇。 打邊爐食物方面都有好多選擇，有海鮮、丸類、手打丸、肥牛、豚肉、黃油雞、蔬菜、菇類等等，由於是任食，就是食到幾多拿幾多便好。 最後仲有雪糕作結，這夜我們食得滿足，豐豐滿滿地回家。

話說前幾日又入左元朗國覓食🤪原來有間幾抵食既火鍋放題～分別有雞煲.烤魚.水煮魚.酸菜魚.椰汁雞.多款火鍋湯底可以揀 整體味道都不錯同樣係任飲任食兩小時 食物選擇雖然不算特別多但價錢都幾划算食到飽一飽平日晚上去都幾多街坊食😗 住附近可以一試!.▫7時前離座/9點後入座 $158▫7時-9時 $178都係揀左雞煲(՞•֊•՞) 兩個人大約有半只雞雞件大大件惹味卦汁 充滿麻香後勁帶點微辣可以去拎埋魷魚豬皮加料 索埋汁ho jeng😗之後再自行加湯繼續打邊爐～.其他火鍋配料和飲品都是自取的.ᐟ‪‪.ᐟ我要推介店家自家制的生果茶 味道清甜唔錯火鍋配料有各種丸類.豆品類.蔬菜🥬 竟然有長條形油揚 配烤魚感覺會更入味😚肉類有肥牛.豚肉.雞肉.鮮牛肉海鮮有蝦.蜆.蠔.都幾新鮮不錯🙆🏼‍♀️

經網友介紹話元朗呢間火鍋店最抵食，睇openrice見D配料相片，其實無咩期望。見$178位都唔算貴，即本睇下咩料子！地方唔算大，但大部份座位係卡位，坐得舒服又有私人空間。湯底好多選擇，有不同麻辣烤魚，秘制麻辣雞煲，椰子雞煲，水煮魚，酸菜魚...全部都係食左先打邊爐，唔怕餓親。見隔離檯D烤魚好大條，兩個人怕食唔哂最後我地叫左酸菜魚，好快就上左檯。唔係講笑，好鬼足料，食完應該飽晒！魚片連皮好正，唔算多骨，湯底味道剛剛好，食到一半就開始打邊爐。自助形式，款式都係大路野，但要推介佢哋嘅手切牛肉，睇個樣唔吸引，但食落牛味香濃，又唔韌，真心回本！手打鯪魚肉丸，呢個堅真材實料，所以都食左唔少～仲有海鮮有蝦及沙白，同樣吸引。其他配料都正正常常，有我最愛腐皮串串。飲品方面，除左啤酒任飲，仲有自家製果茶，不過我晏左少少去，所以試唔到，so sad...唔緊要，臨走食返杯雪糕補返數。