撈得喜火鍋冰室

Open Now

Now Closed

好耐冇打邊爐，但又想食烤魚，於是我同朋友嚟到呢間半自助火鍋店-撈得喜一次過滿足晒兩個願望 餐廳位於朗屏站B出口，行5分鐘就到。雖然係平日，但係基本上都已經滿座，果然係平靚正之選。好多街坊幫襯我哋叫咗麻辣烤魚，小麻小辣，但對於我哋唔係好食得辣黎講，個後勁已經好勁了！條魚好大，魚肉滲透住麻辣香味，好野味！當然重點就係食完烤魚再嚟一個麻辣火鍋啦！雖然係半自助形式，但係餐廳選擇嘅嘢食種類都頗多！有肥牛、腩肉、肉丸等肉類，亦都有海鮮，例如蝦、花甲同魷魚。配埋餐廳獨家嘅水果茶簡直一流。當然鍾意啤一啤嘅朋友仲可以飲返幾杯添😂