撈得喜火鍋冰室

Open Now

Now Closed

估你唔到咁抵食，雞煲/烤魚任飲任食火鍋包海鮮，都係$200咋！七點至九點每人都係$198，七點前離座或者九點後入座就$178 ，食足2個鐘，仲有冇人趕我哋走，所以咁嘅價錢就吸引咗好多街坊， 8:00嚟到，已經基本上全場爆滿👉🏽麻辣雞煲雞肉都唔會有好大浸雪藏味，特製醬汁有好重嘅椒麻香，辣得惹味，仲可以無限量加雞，我下次應該要試吓烤魚！！👉🏽海鮮有大蝦、生蠔、大蜆、鮮魷，啲蝦都幾大隻同新鮮，爽口彈牙，d蠔都唔會好腥👉🏽其他火鍋配料啲配料都係放晒出去雪櫃自己揀，最快比人清晒係肉類，有牛肉、豬肉，各款蔬菜同丸👉🏽小食仲有其他小食，包括麻辣雲耳、炸響鈴、魚皮👉🏽飲品/雪糕呢度嘅啤酒都係任飲，所以好容易回本!!最特別嘅係仲有啲自家製嘅冷泡茶另外仲有一個雪糕櫃，口味多幾多~

今次介紹嘅餐廳晚市主打五種味道嘅烤魚，七種火鍋湯底以及雞煲，選擇豐富，除咗香辣嘅湯底迹亦提供蕃茄，梛子等湯底，適合各種不好辣嘅食客。即使選擇烤魚亦可以餐廳睇落雖然係茶餐廳格局，但老闆仍用心經營絕不馬虎，配置多個材料櫃提供食自助火鍋食材，飲品，甜品等，係係元朗當中令人感到驚喜嘅晚餐。餐廳價格為對比同類型餐廳相近，🌟 - $198任食（7點-9點期間）餐廳將大過手臂嘅原條新鮮鱸魚對半切開油炸，魚身調味上有較多孜然粉，同魚唔算好夾但接近年輕人口味。而浸係乾辣椒等多樣秘制配方調配嘅湯汁之上，以鱸魚嚟講烤魚魚味尚算充足，但勝在新鮮，肉質結實雪白。魚身上粉漿薄身炸得香脆。湯汁中蘿蔔、萵筍、薯仔、芽菜煮得軟身吸滿湯底嘅香辣惹味。配料 & 飲品食完烤魚後嘅自助火鍋配料豐富，提供鮮蝦、蠔仔、花甲等海鮮，亦有牛栢葉，鵝腸，鴨血等，以任食嚟講種類豐富。飲品有店鋪提供嘅特飲，生果並非用罐頭材料可見有心思。綜合推薦度：🌕🌕🌕🌗

🐽 麻辣雞煲湯汁夠辣夠香，雞件嫩滑入味，每啖都充滿麻辣香氣，汁醬勁濃郁，生啫肥牛同埋牛柏葉仲有鵝腸真係食極唔膩🐽 美國肥牛切得好薄，放入鍋中輕滾幾下，已經夠嫩滑，肉味濃郁，完全係我心目中嘅肥牛標準🐽 美國豬肉片同樣唔失禮，肉質嫩滑，油脂分布均勻🐽 滑雞件雞肉滑溜，配合雞煲麻辣湯底，簡直係絕配🐽 牛餐肉、芝士腸、炸魚蛋、牛丸、海膽丸都正常發揮，特別係芝心丸，內裡嘅芝士流心一流🐽 鯪魚球、牛柏葉、豬皮、鵝腸食材處理得當，冇腥味，同樣出面自助bar任拎🐽 新鮮蝦同海蜆好夠鮮甜，啖啖都係鮮味，尤其係蝦勁大隻，絕對係回本之選🐽 粟米、白蘿蔔、金菇、娃娃菜蔬菜配料亦都新鮮爽口，吸收湯底味道後變得更加美味

住元朗或者天水圍嘅朋友相信對呢間撈得起一定唔會陌生🤣 晏晝係冰室，夜晚就變成任食烤魚或者雞煲，真係朋友聚會嘅好去處之一，大家唔洗讓嚟讓去，中意食咩就食咩😚🌟 椰子雞煲🐔3個椰子1煲雞🥥 呢句真係好順口😆 上次食過麻辣雞煲好惹味，今次就同👩🏻試咗清清哋嘅口味，大讚好味呀😋用嘅雞係山野散養咗180日嘅清遠走地雞🐥 入面除咗椰青水之外，仲有蘿蔔、馬蹄、粟米🌽 就連椰子肉都有添🤣我仲加咗啲海鮮落去，沙白同海蝦都大大隻，放埋一齊煮超鮮甜😋手打丸好彈牙🫶🏻肉類、丸類、炸魚皮、響鈴，呢啲更加唔少得啦🙈成個鍋都好天然健康好味道，係名副其實嘅養顏湯💓 飲品方面除咗常見嗰啲外，亦都有自家製嘅無糖冷泡茶同水果茶，又多一款選擇了🤩食完仲有雪糕同涼粉布丁做甜品🍮 一個價錢食到飽，唔食嘅話點對得住呀🤩

撈得喜火鍋冰室 (元朗)元朗屏昌徑14-48號聯發樓地下9-10號舖朋友們相約到了一家人氣爆棚的打邊爐餐廳，元朗必吃！香辣味烤魚香氣四溢，魚肉鮮嫩，外皮炸得勁脆，搭配特製的香辣醬汁，令人一口接一口，根本停不下來！每一口都能感受到魚肉的鮮甜與香辣的完美結合，香葱和辣椒的加入更是讓口感提升到另一個層次，真係好味到爆！各式各樣的打邊爐丸讓人目不暇接，特別是牛丸和芝士丸，蝦丸和魚腐的彈牙口感，讓我一試成主顧！蝦丸的鮮甜與魚腐的嫩滑相得益彰，令整鍋湯底更加豐富，食唔停口。而蜆則是讓我驚喜的一道，鮮味十足，真係意想不到的美味！牛柏葉和肥牛是我們的最愛，牛肉片在熱湯中一煮即熟，鮮美的肉質與豐富的湯底交融，讓人忍不住一片接一片，食得過癮！

元朗區兩小時任食火鍋放題，都係$200！有雞煲、烤魚、椰子雞選擇👍🏻今次試左烤魚，口味選擇有剁椒、蕃茄、酸菜、香辣等我地最後叫左酸菜味，上枱時好吸引好大份！炸得金黃色脆身，調味十分惹味，而家冇咩骨啖啖肉🐟食完魚之後就可以加湯自助打邊爐🍲基本火鍋料都有，食到回本嘅當然係海鮮區：有大蝦、生蠔、大蜆丸類就一般般～普通打邊爐質素，勝在有手打鯪魚球，夠新鮮！中場休息仲小食，例如麻辣雲耳、魚皮、雪糕🍦飲品除咗一般紙包同罐裝飲品外，仲有幾種啤酒同果茶任飲$200黎講，性價比十足～

近近地去朗屏同屋企人嘆麻辣雞煲，每位$198/位，另外加咗 $28 惹味椒鹽蝦，最後加湯打邊爐，驚喜嘅係竟然可以任食海鮮，包括大蝦、貝類同生蠔等等，捧住個肚走🤓雞煲醬汁係秘製秘方，有多款香料，味道濃而不膩，麻麻辣辣好過癮🤤 係會想一口接一口嘅味道。雞件份量恰好，啖啖肉，唔會切得太零碎。肉質唔粗糙，吸收晒醬汁精華，呢個價錢嚟講冇得挑剔！惹味椒鹽蝦 (+$28)有六至八隻嘅椒鹽蝦，相當有鑊氣，有少少似大排檔小炒咁😍 肉質未到彈牙但仍然合格。飲品有自家製酸梅汁同冷泡茶，欣賞！環境整潔！

今日突然想食烤魚 就即興同朋友係元朗食撈得喜 這已經是我第三度回訪 因為它真的性價比很高 最貴時段都只是$198可任食2小時.之前試過惹味麻辣雞煲同椰子雞煲 今次就試下烤魚🐟 烤魚有幾款口味選擇 有剁椒、蕃茄、酸菜等 我們最後選了香辣味 而辣度都是可自選的烤魚上枱時很吸引 好大份同埋炸得金黃色好靚 可以容易夾到大舊魚肉 碎骨唔算多食完魚之後可以加湯打邊爐 基本的火鍋料都有 值得讚位是有蝦、蠔仔同蜆！個人應為同烤魚好夾 可以變了海鮮鍋😎 再加上有炸魚皮、響鈴等可以吸哂湯汁 飲品除咗一般紙包同罐裝飲品外 還有幾種牌子的罐裝啤酒任飲 真係岩哂打邊爐 最後食埋球雪糕就攬住個肚走喇.另外發現原來佢午餐都有火鍋餐 可以揾機會試下

今日入咗元朗探朋友，作為地膽嘅佢，推介左一間平靚正、專食雞煲烤魚火鍋嘅餐廳。晚上七點至九點，每人都係$198，食足2個鐘，全程冇人趕我地還枱👍麻辣雞煲採用秘製配方醬汁，加入咗好多香料，椒麻香撲鼻，辣得惹味，層次香濃。煮咗咁耐，雞肉仍然保持鮮嫩又juicy，難怪朋友話我一定會深深愛上!之後嚟到打邊爐環節，我同朋友去咗自助區毫不手軟咁夾。食到回本嘅當然係海鮮區：有大蝦、生蠔、大蜆、鮮魷。最快比人清晒係肉類，有牛肉、豬肉，店員都refill得幾快。丸類，我最鍾意手打鯪魚球，夠新鮮，打至起膠。其餘，仲有貢丸、墨魚丸、牛丸等，五花八門。蔬菜類都有不少選擇，我鍾意食爽口嘅蔬菜，例如萵筍、白蘿蔔、芽菜、冬瓜。朋友就鍾意食豆卜、風琴豆腐呢啲最吸湯嘅食材。中場休息就食小食，例如麻辣雲耳、炸響鈴、魚皮。飲品方面，飲啤酒，食雞煲，係基本吧。朋友要揸車，所以冇得飲酒精類，佢話水果茶和冷泡茶就岩晒佢，清涼解渴！

今日同朋友出嚟元朗掃街🍡朋友講起之前佢Friend推介一間任食火鍋都係喺呢度👍🏻重點仲要係勁平💕一於跟佢食下先😋幸好朋友一知道要食嘅時候即刻打咗電話嚟book枱👍🏻勁多人😵呢度除咗烤魚之外，仲有雞煲可以選擇‼️🌶麻辣雞煲選擇咗雞煲BB辣,仲加埋椒鹽蝦🦐都係加多$2️⃣8️⃣ 咋😆 椒鹽蝦整到脆卜卜,勁好食,而且份量都唔少㗎😍雞煲用秘製醬汁製成,醬汁滲透晒落啲雞件度, 愈食愈惹味💕而且雞嘅份量都好多，食落都好嫩滑㗎🥰食晒之後，就可以加湯打邊爐啦♨️自助區嘢食都唔算少,有大量蔬菜、丸類、肉類、海鮮等等選擇...海鮮最估唔到有生蠔🦪可以拎,仲有蜆同埋蝦🦐重點係任拎呀😱抵到喊🙈肉類就有雞肉、牛肉、豬肉選擇真係唔好講笑，呢度真係勁平🙈成人$200都唔使,仲有咁多樣嘢食😍飲品任飲💕食足2粒鐘最後食完野,唔好忘記食雪榚呀🍨

行開元朗想食火鍋，經過見到呢間冰室有烤魚加火鍋或者雞煲加火鍋覺得幾特別，平日七點前嚟座178一位幾抵食。店員推介食烤魚係舖頭嘅招牌菜，所以我揀咗酸菜味烤魚烤魚係炸魚好香口。 不愧為招牌菜，烤魚果然唔錯，炸得啱啱好，魚肉好嫩滑一啲都唔係鞋。仲可以出去自助飲拎火鍋配料，基本要有嘅火鍋配料都有齊，仲有蝦，啲蝦好大隻食落亦都好爽，真係唔係間間食到咁大隻嘅蝦。調料區仲有新鮮沙薑，唔係間間有，加埋一齊好好味。整體嚟講好滿意，估唔到隨意揀嘅一間火鍋有驚喜。

呢間位於元朗嘅雞煲火鍋好吸引！好多朋友介紹我去食，因為佢哋嘅海鮮係自己攞㗎～雞煲份量多，店員提我哋煮4分鐘就可以撈勻醬汁食，雞肉煮得啱啱好😍食完雞煲之後，可以加湯底變成火鍋～自助吧有唔同嘅肉類、海鮮同埋蔬菜可以攞，而且仲有自助飲品吧同埋多款雪糕俾大家揀！任食兩個鐘頭，餐廳入邊好乾淨好光猛！如果唔鍾意食雞煲，仲可以揀烤魚！🏠 撈得喜火鍋冰室 (元朗) @lao_de_xi 📍 元朗屏昌徑14-48號聯發樓地下9-10號舖

早個零禮拜即興約左朋友去左一間火鍋冰室到打邊爐+雞煲😘先食雞煲～啲雞好鮮味十足🥰入味均勻😎雞好嫩滑😙夠晒麻辣🥵正～推薦⭐️⭐️⭐️⭐️⭐️之後開始打邊爐🍲叫左個清湯湯底💫以自助形式去攞食物～有海鮮類、蔬菜類、菇類、丸類～種類繁多🙂而且係任食～食得好滿足😌飲品有汽水🥤茶類、都係任飲☺️一個價錢就可以任飲任食真係好抵🤗餐廳位於元朗朗屏🙂‍↕️鄰近西鐵站🫡行3分鐘路程已到達餐廳🤗

好多餐廳都有推出非繁忙時段優惠，今次推介來自元朗的烤魚火鍋店，七點前離席$178/位，加一後每位都是$200有找！而且基本火鍋配料，雪糕啤酒都有，認真抵食！😍店內環境寬敞，店員安排一張卡位入座；原來火鍋是烤魚或雞煲二選一，單是烤魚已經有六款口味選擇。經店員推介挑選了辣味勁的藤椒味烤魚，上枱已經聞到辣勁，仲有大量藤椒和辣椒油，味道愈滾愈濃烈，幸好當初要BB辣。鱸魚應該有輕微炸過，外皮香脆，魚肉嫩滑，最重要無太多魚骨。火鍋是自助形式，基本上打邊爐配料，如肥牛、丸類和蔬菜都齊全，連海鮮蝦、生蠔都有。飲品方面汽水、自家製茶飲和啤酒健力士、喜力任飲，這個價位性價比超高！🍻兩小時任食烤魚火鍋，時間剛剛好！價錢親民又抵食，完全無say no的理由。

天氣再熱都無阻打邊爐的雅興 但朋友稱想食烤魚既然如此 倒不如全都要！發現朗屏站附近竟然有餐廳可滿足貪心的我烤魚總共有5款咪道選擇 我哋選了香辣味在等待期間先去看一下自助區有火鍋的配料 也有小吃調味料等等配料有很多海鮮選擇特別一提 蝦跟蜆都是十分大隻一點也不孤寒 另外更有鵝腸蠔仔未開始火鍋都已經令人心花怒放了基本菜蔬、丸類應有盡有而且質素並不差 性價比很高飲品方面更有自家製的水果茶及冷泡茶！另外驚喜是放題價錢竟有啤酒任飲烤魚上桌 香脆的表面已不禁令人流口水而且尺寸是非一般大 太佛心吧急不及待開爐滾一滾了 魚肉外脆內嫩 表面調味十分之惹味 有種熱浪薯片的錯覺香辣味突出又不影響魚的鮮味 愛魚之人的大滿足之後火鍋環節 當然就是海鮮放題的節奏外面配料補貨很快手 不會出現沽清情況 值得稱讚而且海鮮質素很好 並沒有出現死蝦死蜆的情況最後當然是滿足甜品胃 雪糕任食味道選擇亦十分之多今餐用餐體驗從頭到尾都只有 滿足 兩個字推介指數：⭐️⭐️⭐️⭐️⭐️