撈得喜火鍋冰室

Open Now

Now Closed

這家任食火鍋店到訪多次，給我留下了非常好的印象。首先，他們的椰子雞火鍋很特別，味道非常鮮美。椰子的香氣與雞肉的鮮嫩口感完美融合，令人回味無窮。   另外，海鮮也都很新鮮，我特別喜歡他們的海蝦和蜆，口感鮮甜脆爽。火鍋的配料種類也很豐富，讓客人有很多選擇，而且每一種材料的品質都非常不錯。   除了椰子雞火鍋，他們還有烤魚火鍋和雞煲。冬天來用餐，需要排很長的隊伍，不過這次我很幸運沒有等太久就有位置坐下。   我這次發現他們新增了甜品選擇，有冰粉可以配上雪糕🍨，感覺很不錯。他們自家製作的果茶也很好喝，一邊享用火鍋一邊喝果茶，有解膩作用。   這家任食火鍋店的整體表現非常出色，食材新鮮美味，選擇多樣化，服務也很周到，值得大家前往品嚐。    

搬左入大西北之後呢一間餐廳真係我既最愛，首先火鍋有好多選擇，我地食過唔同湯底，當中最岩口味真係椰子雞煲，佢真係整到大陸果陣味🤣🤣🤣除咗湯底外佢地食材都非常新鮮，首先啲蝦一定係生猛，食落去隻隻彈牙！仲有無限供應蠔仔，比起其他餐廳用廣島蠔，蠔仔更加岩打邊爐😋啲蜆都好新鮮，無沙！肉類方面選擇都有好多，同人地比較佢有牛肋條係非常出色，打邊爐好好食🤤200零蚊有呢種質素，真係無得輸，當然平就會多人，如果book位再去就穩陣啲

呢間餐廳係食烤魚同埋雞煲為主，我地叫左一條酸菜魚既烤魚，另外呢度仲有多款打邊爐既配料俾客人拎同選擇，手切牛肉都係自己出去拎既，仲有生蠔，蜆，大蝦等等，丸類蔬菜類都算多款，飲品類就少款d建議佢可以再多d唔同款既汽水同甜品。蜆肉煮完入面無沙洗得都乾淨，大蝦條條都好新鮮同大條，生蠔都幾大粒，最推介既食物係鯪魚球因為好快就無晒，仲有手切牛肉，牛肉肉質嫩滑同有牛肉味。烤魚必食因為d魚即叫即煮所以要等一陣，魚肉鮮味。

今日入元朗探個親戚,對一間火鍋店念念不忘！所以帶咗我親戚一齊食,嘆返下！呢間火鍋冰室,任飲任食兩小時,每人都係百幾蚊..食物不錯,性價比高！還有多款煲底選擇如：多款烤魚 、水煮魚 、椰子雞、 麻辣雞煲蝦 、酸菜魚、 水煮牛蛙 、麻辣雞煲等等...有辣有唔辣,任君選擇！先揀咗一個 ：椒鹽雞煲蝦（微辣） 雞肉鮮嫩,仲有椒鹽蝦配搭確係正！蝦肉爽口彈牙 店員強調先攞蝦出嚟食後才焗啲雞,如果唔係蝦會淋曬...大家下次嚟食記得咁做啦！食完雞煲蝦就加湯開始打邊爐..食物新鮮..我最鍾意就係食蠔同肥牛！雪櫃多款嘢飲任飲！還有自家製飲品..飲飽食醉再加多杯雪糕一天嘅辛勞都完全放鬆曬！埋單兩個人都係三百幾蚊,真係抵食！

今次推介呢間係一個價錢二種享受，$188有齊二款(烤魚🐟+火鍋🥘），仲要任飲任食兩小時，鄰近朗屏站，大家可以去試下💥💥原條秘製烤魚（剁椒口味BB辣）🥘真心超誇張，約重大約2斤原條爐魚，真係成個煲甘大，用上鐵盤底加熱，配料也絶不馬虎，面頭鋪滿香蔥、辣淑芝麻等等的香料，爐魚好厚肉，仲要炸得好均勻，非常香脆🔥🔥之後到左打邊爐的時間👅👅海鮮🦪最推介自取食物係蜆同虎蝦，超級新鮮，非常鮮甜美味打邊爐的食物❤️✨疏菜製品✨丸製品✨牛柏葉✨水魷豬紅✨鵝腸✨魚皮✨響玲飲品🥤✨各款茶飲、大量汽水✨自製的特飲（冷泡茶同水果茶）✨三四款大牌子啤酒雪糕🍨仲有多款雪糕享用，最鐘意曲奇&朱古力味，二隻都好正，真係攬住個肚走，超級滿足❤️❤️其實唔洗返大陸，現在香港都有得食，仲要價錢甘親民，各位粉絲快點去試下✨✨📍撈得喜火鍋冰室😋元朗屏昌徑14-48號聯發樓地下9-10號舖

喺元朗廣場行完街之後，我哋就去咗附近嘅街鋪度食撈得起火鍋冰室！好多各式各樣嘅煲俾你揀，最後決定咗揀BB辣麻辣雞煲拼蝦。唔食得好喇，但係又好想食辣，唯有揀BB啦。雞煲好吸引呀！呢一度呢係兩個鐘任飲任食，揀咗馬蹄爽飲同埋一杯白桃烏龍茶，仲揀咗乳酪飲。雞煲一上菜，蝦同雞都買相好靚，味道啱啱好，蝦肉鮮嫩。食完雞同蝦之後就加湯就開始打邊爐之旅。有好多唔同嘅菜式可以揀㗎，有山菜、菇類粟米。肉類有牛肉、魚肉、雞髀肉、豆卜、牛柏葉、蠔仔、蜆肉……可以任飲任食，但係千祈唔好浪費呀！雞煲湯底好濃郁，加好多次湯都仲係好有味，各種菜式同呢個湯底都好夾，最後大家都食得好飽，正呀！

呢間冰室竟然有得食雞煲再加打邊爐，仲要有海鮮食，都係一個價任食呀!!有10款特色煲底選揀，除左雞煲仲有烤魚揀，全部都好吸引，我呢個椒鹽雞煲蝦就加HK$28，都好抵食，D蝦同雞份量都好多，椒鹽蝦好香脆卜卜，好野味，雞肉都好厚肉，好似都冇咩骨咁，係啖啖肉呀!海鮮有大粒蜆同蝦同蠔，任夾呀!蜆肉超大粒，蝦肉都幾實正，想食幾多都冇問題，D質質仲要唔差添。肉類就一盤盤切好比你拎，不過都食唔到咁多，我地都係每樣一盤就完左。

$200唔洗又食烤魚/雞煲/椰子雞等等🐟又任食大蝦🦐、沙白，又任飲嘉士伯、Heineken🍺…… 呢排係咁食呢類型放題餐廳，真係沒有最平只有更平😂😂😂烤魚 + 任食火鍋 $178起/位首先喺九款鍋底自己揀，有雞煲、椰子雞煲、水煮魚、蕃茄湯等等，我就揀咗烤魚！烤魚仲有五隻味可以揀😲今次唔揀周圍都有嘅麻辣，揀咗藤椒味，相對上已麻味較為突出，但其實都辣度可選，不過相對比較容易接受，用鮮活海爐魚，本身都好大條，對半切開烹煮令視覺上覺得更大條😂 魚肉實在但唔係韌，索哂藤椒汁入味，魚皮炸得香脆，增加口感。食完烤魚就直接係個鍋加湯食任食火鍋🍲 接近60款配菜，狂食大蝦同沙白，店員係不停refill，唔會無！大蝦隻隻都咁大，絕對唔係霉果種，沙白直程隻隻都甜😳食咗幾Round都無死咗打唔開嘅沙白👍🏻 仲有魷魚、肥牛、豬肉片、鵝腸、豬紅、丸類、蔬菜等等，全部都唔係he’s處理，乾淨企理，$200嚟講收哂貨，所以平日夜晚9:00嚟都全院滿座😨一班佬/一大班frd/一班飲得之人都輕鬆回本，皆因呢個價錢係包啤酒任飲😳 仲要有3隻牌子，嘉士伯、Heineken同獅威🍻 唔食得飲得嘅都覺得$200抵比啦😂

好耐冇食烤魚，係元朗有好多選擇，撈得喜晚市好熱鬧，除左烤魚仲可以簡雞煲，成個場都好full，不過都理解，因為佢自取既項目都好多😃我數過應該都有成30幾款除左有自家製既飲品，相信好多人為左佢個啤酒任飲而黎🍺烤魚我地叫左酸菜魚bb辣，一開始食到魚皮仲脆卜卜，之後索哂個湯有另一個風味，酸菜好多，岩哂解辣🤗醬料區附近仲有涼拌小食：涼拌小雲耳，涼拌青芒果，開胃醒神自取食物推介蜆同虎蝦，蜆肉隻隻飽滿脹卜卜，虎蝦彈牙，佢地仲有個鯪魚球好得意😊有打邊爐唔少得既牛栢葉魷魚🦑最驚喜係連鵝腸都有，丸類都有成10款以上，蔬菜有准山、萵筍、雜菇、南瓜🎃、蓮藕等食到尾，仲可以試下佢地自家製既奶凍及冰粉，仲有雪糕🍦

又去咗元朗搵嘢食～是晚喺住附近嘅友人帶領下嚟到呢間性價比超高嘅餐廳～竟然任飲任食兩小時都只係$198@位(7-9pm)(另加一)～仲勁多花款可以揀烤魚/雞煲/椰子雞/水煮魚/酸菜魚等等🤭揀到眼都花埋!!仲有汽水🥤、茶飲🧃、啤酒🍺可以隨便飲添～當中最鍾意呢度自家製嘅鮮果特飲🤟🏻🤟🏻.經過一輪商議～我哋要咗烤魚(單單係烤魚已經有好幾款口味可以選擇😝)～最終決定要藤椒味烤魚🫑上枱見原條魚已經炸過非常香口～再放喺惹味x辣味並存嘅湯底之中滾滾吓～齋睇已經流哂口水啦🤤🤤食落魚肉軟嫩且吸附咗惹味藤椒香氣嘅湯汁～越食越過癮!!湯鍋中仲附有蓮藕,洋葱,香茜等等等配菜～實在係好豐富呢!!食完條魚仲可以去自助區任拎火鍋料繼續打邊爐添😝我哋出去再拎咗啲蔬菜,手切牛肉,丸類就收手了～連雪糕都食唔落😂😂實在太飽太滿腹啦～

呢間餐廳可以揀烤魚堡雞煲蝦堡等再打邊爐🍲見好多街坊都黎捧場，就簡係捉咪屋企人黎試下啦，呢度d人真係好熱情☺️成個氣氛好似係屋企食飯咁，勁有人氣🌟雞煲我今次叫左個麻辣雞煲，係BB麻同BB辣🌶️d雞食落去係好嫩d肉好滑🐓又煮到勁入味，入面仲落左好多配菜有豆卜，洋蔥，令個雞煲變得更加惹味🌟自助火鍋肉類呢度既肥牛都好正🥩雪花分配較多，食落去d肉比較香口d，比較彈牙可口😋D豚肉都係勁大一塊，完全唔‘鞋’😚仲有佢新鮮既牛肉，好煙韌，牛肉味好突出，又唔會好肥🌟海鮮呢度d海鮮都係勁新鮮，有蝦🦐沙貝，生蠔🦪d海蝦每一隻都好大隻，d肉都好彈牙可口，好鮮甜，啖啖蝦肉超正😝而個沙貝真係每一個都好粒，入面既肉都好大舊🌟蔬菜類選擇都幾多下，有鮮淮山，生菜🥬大白菜，芽菜，蓮藕，椰菜花🥦🌟其他呢度仲有好多配菜，有豆卜，豆乾，芋頭，各種既菇類🌟凍食區丸類選擇眾多例如牛筋丸🐂細白魚蛋，墨魚丸，牛肉丸等，可以一次性滿足所有中意食丸既人🌟飲品區有自製既鹹金桔，果汁🍹仲有各種既汽水同酒類，可以符合好多既口味

位於元朗風味餐廳2️⃣小時任飲、任食雞煲火鍋💰價錢親民，依個價錢食到咁多嘢，好抵！除了麻辣雞煲，還有椰子雞煲、烤魚、水煮魚、酸菜魚等可選😋仲可以無限暢飲自家製水果茶，味道清爽，有水果粒有口感👍仲唔同款式飲品及啤酒類等🍺揀咗麻辣雞煲(微辣)，有辣椒同花椒調味，麻香好正，醬汁好惹味，雞肉口感嫩滑，半件雞啖啖肉🐓食完雞煲之後加雞湯打邊鍋😋自助配料好多得選😍 肉類特別推介豚肉，每件都薄切，入口算腍滑😚仲有海鮮類(海蝦、蜆、蠔肉等)，不過自己就覺得未到特別新鮮🙊仲有丸類(芝士丸、蟹籽丸、牛丸、貢丸、芝士腸等)和菜類(蘿蔔、海帶結、皇帝菜、腐皮、娃娃菜、白雲耳等)仲有甜品🍧4款雪糕🍦最推介喺豆腐同紅豆味😋📍撈得喜火鍋冰室 元朗屏昌徑14-48號聯發樓地下9-10號舖

有得食雞煲，有得打邊爐，又有得食烤魚嘅餐廳真係唔係到到都有🙈 呢間火鍋冰室就啱哂啦😋 最驚喜係有得食雪糕同有自家製嘅甜品同飲品～ 係滿滿嘅心思呀🙆🏻‍♀️🌟 麻辣雞煲🐔呢度嘅秘製配方令到雞煲又香又惹味，食完一件想一件😛 如果覺得一開始嘅雞煲入面嘅雞件唔夠，出面都有得夾嫁🤤 雞件食落唔會嚡熠熠，而係好嫩滑，食落好惹味🤪 我就最鍾意將響鈴蘸落差唔多食完雞煲嗰陣時嘅精華到，嗦哂之後真係超濃郁👍🏻除咗平時常見嘅配料之外，最估唔就係有小食🙈 個日有鳳爪同埋涼拌青瓜🥒而海鮮方面有海蝦、海蜆個啲，全部都大大隻好新鮮，一樣係一個價錢任食食到飽🤩 大大球雪糕任食🤩仲有佢哋自家製嘅甜品😋同手搖飲😏

路過見到有間任食火鍋 價錢幾平😗人均$200都唔洗 就拉左👨🏻‍🍳一齊食呢間有唔同類型既火鍋🍲有烤魚🐟椰子雞🥥🐔牛蛙🐸款款都想試🙈我地最後揀左麻辣雞煲之後火鍋🐥再升級加食椒鹽蝦🦐一打開個煲蓋 麻辣香氣隨即撲上💭啲蝦勁大隻！仲擺得好靚😍鋪喺雞煲上面$28有8隻大蝦 好抵🤩！蝦啖啖肉 有炒過 充滿胡椒香😍就算唔點汁都好夠味🤤麻辣醬底好濃郁🤤材料十足🌶️目測都好多隻大辣椒每舊雞都沾上麻辣醬 好入味 亦都啖啖肉😋食完雞 就加湯做火鍋喇出面有自助吧 任拎肉類🥩海鮮🦪蔬菜🥦同 丸🍢店舖好揼本 有蜆有蝦任食 真係估佢唔到😳野飲都係任飲🥤仲有自家製木瓜奶同冷泡茶 好有心思💕呢餐真係好滿足😌性價比十足🧡

路過見到有間任食火鍋 價錢幾平😗人均$200都唔洗 就拉左👨🏻‍🍳一齊食呢間有唔同類型既火鍋🍲有烤魚🐟椰子雞🥥🐔牛蛙🐸款款都想試🙈我地最後揀左麻辣雞煲之後火鍋🐥再升級加食椒鹽蝦🦐一打開個煲蓋 麻辣香氣隨即撲上💭啲蝦勁大隻！仲擺得好靚😍鋪喺雞煲上面$28有8隻大蝦 好抵🤩！蝦啖啖肉 有炒過 充滿胡椒香😍就算唔點汁都好夠味🤤麻辣醬底好濃郁🤤材料十足🌶️目測都好多隻大辣椒每舊雞都沾上麻辣醬 好入味 亦都啖啖肉😋食完雞 就加湯做火鍋喇出面有自助吧 任拎肉類🥩海鮮🦪蔬菜🥦同 丸🍢店舖好揼本 有蜆有蝦任食 真係估佢唔到😳野飲都係任飲🥤仲有自家製木瓜奶同冷泡茶 好有心思💕呢餐真係好滿足😌性價比十足🧡