撈得喜火鍋冰室

Open Now

Now Closed

🍲 撈得喜火鍋冰室 🍲來到元朗的撈得喜火鍋冰室，首先被它獨特的自選菜式所吸引，我選擇了蕃茄味烤魚。這份烤魚份量十足，配菜豐富，口感鮮美，給我留下了深刻的印象。吃完烤魚後，我迫不及待地開始了火鍋放題的旅程。菜單上提供了多種火鍋配料，包括各種肉類、海鮮、蔬菜，甚至還有雪糕！這樣豐富的選擇讓我有些眼花繚亂，但也更加期待接下來的美食。在飲品方面，除了普通的飲品外，還有自製的特飲和啤酒可供選擇。這些飲品與火鍋放題相得益彰，為整體用餐體驗增添了不少樂趣。總的來說，這次的火鍋放題之旅給我留下了十分滿意的印象。豐富的選擇、美味的食材以及舒適的用餐環境，讓我感受到了極大的享受。下次我一定還會再來，期待再次品嚐這裡的美食盛宴。📍 地址：元朗屏昌徑14-48號聯發樓地下9-10號舖

發現了元朗有一間性價比很高的烤魚，雞煲+打邊爐放題，即刻約埋朋友黎試下～環境睇落唔錯，夠光猛～首先要揀咗食烤魚定係雞煲先，烤魚有口味選擇 而雞煲可以揀辣炒雞煲或者椰子雞煲。今日想清清地，所以揀咗椰子雞煲～店員放低左椰子湯底同埋半隻雞 另外放低咗個漏斗比你計算到雞熟嘅時間椰子湯底清甜 店員仲教我哋加兩塊南瓜落去會更加甜食完雞煲之後可以轉另外一個湯底開始打邊爐打邊爐方面佢有各式各樣既配料，基本上肉海鮮配菜任食，唔敢話所有嘢都係最高級數，但絕對唔會差，勁有平時喺屋企自己打邊爐嘅味道！！飲品除咗一般罐裝同紙包飲品外 還有兩三款係佢自家製嘅果茶或者乳酸飲品 另外仲有幾種牌子的罐裝啤酒任飲最後食埋球雪糕就攬住個肚走喇～

經朋友介紹話元朗呢間火鍋店最抵食，價錢相當親民，200蚊都唔洗就可以任飲任食兩個鐘，星期四晚8PM去到都有8成坐滿，真係厲害打開餐牌，原來係先揀麻辣雞煲、椰子雞煲、唔同口味嘅烤魚、水煮魚、酸菜魚等等做火鍋湯底，最後，我哋揀咗麻辣雞煲（小辣、小麻），估唔到個醬汁味道幾正，麻香十足，雞件大大件，肉質嫩滑，而且相當入味，豆卜索晒啲汁好惹味，食完雞煲已經有5成飽之後加湯食火鍋，自助區有好多火鍋配料，有海蝦、海蜆、蠔肉、肥牛、滑牛肉、豚肉、丸類、豆腐類、唐生菜、蘿蔔、 雜菇、 皇帝菜、腐皮、娃娃菜、 雲耳 、粟米等等，選擇都幾多海蝦、海蜆真係大大隻，好新鮮，飲品有各式汽水及果汁、 冷泡茶、啤酒等等，仲有多款雪糕口味添真係食到好飽啊，呢個價錢有咁嘅質素，真係超值💸7PM前離座 / 9PM後入座 $178 /位💸7PM - 9PM $198 /位

朋友話食過呢間幾好想再食，7點前離座或9點後入座$178，假如7點半到11點半食4小時$288，公眾假期同假期前夕加$10，我地食7點半，入座起計任飲任食120分鐘收費$198，幾抵食⚡️火鍋可揀麻辣雞煲/酸菜魚/剁椒魚/香辣魚/蕃茄魚/藤椒魚，唔食辣可以叫椰子雞，另有一般打邊爐湯底皮蛋芫荽、豬骨、清補涼、蕃茄、四川麻辣等等等🍲再極致啲可以叫羊腩煲底，餐牌寫住”期間限定”，或者睇時候先知有冇😗任食區域有兩大個雪櫃放滿肉類，丸類，菇類，蔬菜類，沙白蜆，大海蝦等，飲品櫃除基本汽水啤酒外仲有自家製冷泡茶/水果茶/火龍果汁🥤小食有白雲鳳爪、拍青瓜、麻辣木耳、拍青瓜等，有自助𢳂雪糕櫃；員工服務勤快，會主動幫忙換碟、執拾枱面垃圾；叫咗麻辣雞煲，雞件嫩滑夠晒多肉，醬汁惹味到會追住食😁整體算係唔錯，食材樣樣都新鮮，就算唔係大胃王，隨便食一round都已經回本🤣

元朗風味烤魚🐟🔥+火鍋🍲唔駛返大陸啦！ 元朗都有特色風味烤魚🐟🔥+火鍋🍲！ 價錢仲好抵食！60幾款湯底：正宗四川麻辣火鍋，滋補清補涼湯底，任飲任食兩小時原條秘製麻辣烤魚約2斤原條爐魚，要配搭豐富配料洋蒽、金菇、萵筍片、蓮藕片、豆卜、莞茜！蒜香🧄 口味最被廣東胃認可，放料真的是毫不手軟，魚身上鋪滿了炸得金黃的蒜蓉，提鮮又增香，鐵盤底加熱！ 蒜香隨著溫度升溫， 烤魚吸收晒配料嘅味道，非常惹味！大量海鮮火鍋配料！ 除咗種類多，質素都好重要！特別海鮮配料竟然可以係自助式去夾，同埋可以新鮮！海蝦非常新鮮，大量生蠔，好多鮮庵！ 🍤🙏🏻　餐廳:撈得喜火鍋冰室 地址: 元朗屏昌徑14-48號聯發樓地下9-10號舖

• 撈得喜火鍋冰室 •ʕ·͡ˑ·ཻʔ︎ ————————— ฅ՞••՞ฅ︎烤魚+邊爐任食 $198 per head 加一 (公眾假期同假日+$10)餐廳有雞煲邊爐或者烤魚邊爐揀～今次揀左烤魚～烤魚都有5個口味揀🤭我唔係好食得辣所以揀咗酸菜味～完全唔食得辣嘅朋友可以揀蕃茄味🍅酸菜份量好足🫶🏻餐廳用海鱸魚🐟魚夠大條同好厚肉👍🏻煮多一陣魚肉已經好入味 鍾意酸菜味嘅朋友應該💯基本嘅調味都有齊～但其實個湯底本身已經好濃味基本上都唔使點🤣值得一提嘅係！竟然有涼拌小菜😍我食嗰日就有青瓜、雲耳同埋鳳爪👍🏻全部都好入味 雖然偏辣 但好好食😂食完烤魚之後可以加湯打邊爐🍲邊爐料選擇都好多～牛柏葉、鵝腸、鯪魚球嗰啲唔算話間間都餐廳提供嘅呢度都有🤤香港地好多人都鍾意食海鮮😂呢度仲有任食嘅蜆、蠔🦪同埋蝦🦐😍😍😍一開始好擔心會好快俾人攞晒😂😂但係店家都好好會不斷fill😚蜆夠大粒～蠔鮮味嘅～蝦值得一讚好彈牙同大隻！呢度嘅飲品有店家自己沖嘅水果茶同埋無糖茶～岩曬唔鍾意飲汽水/紙包飲品嘅我～最後再食埋甜品🍧同雪糕🍦甜品係細細杯喺雪櫃自己攞嘅～揀左仙草🤤ʕ·͡ˑ·ཻʔ︎ ————————— ฅ՞••՞ฅ︎餐廳推薦程度：🔆🔆🔆🔆🔅（5個

昨日在元朗跟朋友打邊爐聽說有間火鍋很好吃,對面馬路已經望到佢個巨型招牌！入到去地方乾淨衛生,燈光很光猛！這裏跟一般火鍋店不一樣,先是揀一個鍋底這裏有多款鍋底選擇：青甜椰子雞,麻辣雞煲,重慶烤魚等...我們叫了一個麻辣雞煲但走辣,因為我本人不能食辣嘢,店員都好配合可以不加辣..這個很多地方都做不到！這店的雞煲份量十足...多雞多配料..雞肉非常香滑嫩口..吃過雞煲後加上濃湯開始打邊爐了食物也多款式也有生蠔及貝殼類,飲品也有自家製的,最後每人整多杯香滑雪糕...真係very good！因為我們九點後入座,每位都係$158任飲任食非常超值！

去完元朗按摩之後就喺附近食個晚餐，見到呢條街都係一啲火鍋店就選咗呢一間撈得起餐廳食烤魚🤣🤣呢間餐廳嘅川菜選擇都十分之多，我哋就選咗烤魚微辣😎😎 條鱸魚都非常之大條同埋炸得亦都非常之脆，店家仲好細心咁樣擺咗湯喺枱上面👍👍等我哋食完魚之後可以自行加湯再有一啲配菜除咗基本嘅魚蛋菜之外，呢度仲有少少海鮮，例如蜆同埋蝦可以提供到俾我哋，另外嘢飲亦都有自家製嘅茶同埋果茶😎😎👍人均：200地址：撈得喜火鍋冰室 (元朗)元朗屏昌徑14-48號聯發樓地下9-10號舖

近排一直都好想食烤魚，咁岩經過朗屏就黎左呢間撈得喜火鍋食晚餐。9點後入座$178 任食任飲2小時，性價比極高。餐廳內設有小食區，調料區，飲品，自助火鍋配料。採用新鮮海鱸魚烤魚都有好幾款口味，有辣啲有麻啲任我地揀。全部統一用鱸魚，大條肉厚，只有大骨偏少細骨，食得幾方便，魚身炸得均勻香脆，肉又保留到好滑唔乾。再係湯底度炆一陣，夠哂香口味濃。另外我都見到有傳統湯底同雞煲，下次可以試下。打邊爐配料方面，可以講得上係超值，大蜆，海蝦，蠔仔任食，隻隻都大大隻，配料嘅風格比較港式，牛柏葉，水魷，豬紅，連鵝腸都有。refill 亦都好密，隨時隨地想攞幾多就幾多。另外飲品前菜甜品都係任食任攞，飲品仲有冷泡茶同水果茶。特別推介開胃前菜嘅酸辣雞腳，天氣熱最啱食嘅開胃嘢

趁踏入炎夏前，我決定來「撈得喜」吃一個熱騰騰的椰子雞煲。據說椰子雞煲是他們的特色湯底，而我本身對於椰子這個成分，一直非常喜歡，所以充滿期待，而「撈得喜」的美食亦無令我失望！首先，讓我來談談椰子雞煲的湯底。湯底是用新鮮的椰子肉和雞骨熬製而成，散發出濃郁的椰香。湯底的口感非常滑順，入口後令人感到一陣陣暖意。椰子的香氣也與雞肉的鮮味完美結合，帶來獨特的風味。整煲湯底充滿了豐富的層次感，讓我一口接一口，忍不住一直喝。接下來是食材的部分。這家餐廳提供了多種食材供選擇，包括牛肉、大蜆、蝦和肉丸等。大蜆的鮮美海鮮味道與湯底完美融合，為整碗椰子雞煲增添了海洋風味。蝦的鮮甜和彈牙口感為這道菜帶來了豐富的口感層次。肉丸則提供了肉質的鮮嫩和豐富的肉香，讓整個椰子雞煲更加豐富多樣。而「撈得喜」提供的牛肉十分高質，嫩牛肉片切得非常薄，烹煮後保持了肉質的柔嫩，口感非常好。牛肉丸則有著彈牙的口感，吃起來十分有嚼勁。搭配湯底的牛肉完全入味，每一口都讓我嘴巴充滿了牛肉的鮮香。最令我驚喜的是，雖然這間只是簡單小店，卻亦提供了雪糕任吃。當雪糕的冰涼與湯底的熱情完美融合，這種對比讓我驚艷不已。而「撈得喜」的飲品極具特色，有冷

🐟呢晚同朋友做完facial後, 係朗屏搵咗呢間任飲任食嘅烤魚火鍋放題😋 呢度除咗烤魚仲可以食雞煲~ 我哋嗌咗烤魚, 嘩! 一上枱已經覺得條魚好大條, 仲係度話食完條魚已經飽左😂 條魚係炸得好香口嘅海爐魚, 大條好厚肉, 魚肉鮮甜唔多骨, 唔食辣嘅我哋就揀咗蕃茄湯~ 加埋惹味醬料成個鍋超香口呀! 湯底仲有超多嘅薯仔, 蘿蔔, 芽菜, 蓮藕, 未食其他野已經好飽啦~ 食完之後再可以自助出去拎火鍋配料, 有唔同蔬菜, 肉類, 海鮮, 麵類同飲品~ 最後仲有自助雪糕食添呀!!! 小丸子食到好飽😄😄😄 .📌撈得喜火鍋冰室元朗屏昌徑14-48號聯發樓地下9-10號舖.#hkig #hkfoodie #foodporn #foodphotography #likesforlike #instalike #followforfollowback #yuenlong #hotpot #hkfoodstagram#元朗美食

而家香港嘅放題質素高左好多價錢仲係非常之抵，$198就食到雞煲+打邊爐‼️自家冷泡白桃烏龍茶仲有兩款川味前菜，好好味，辣味十足呢個雞煲一嚟到就有zi zi聲，香味撲鼻我哋要左微辣，辣味好香，唔會有嗆喉feel，不過越食辣味就越突出🌶️雞煲醬夠乾身，勁惹味食完雞煲就加湯打邊爐，一定要食蝦，好鮮甜又大隻口感非常爽口！仲有啲蠔都係必食，粒粒都脹卜卜❤️呢間嘅火鍋料好高質，一啲都唔hea仲有雪糕任食，抹茶&朱古力味都好正，忍唔住食左兩碗兩球雪糕

朋友介紹元朗撈得喜的火鍋放題，多款湯底揀都係二百蚊人頭，極親民，是晚就黎試下先。可以揀麻辣雞煲、椰子雞煲、酸菜魚、水煮魚、名爐烤魚，又或者淨湯底唔要雞或魚，總有一款啱心水。成人$198/位食兩個鐘，$288/位就食足四個鐘，抵😆揀左麻辣雞煲小辣，賣相唔錯呀，開蓋好香😋份量約有半隻雞，連雞頭雞腳都有好均真。食完雞就加湯打邊爐，自助區有唔少火鍋料選擇。蜆、蝦、蠔、肥牛、豬肉片、各類丸腸，蔬菜等，最有驚喜係手打鯪魚肉丸，鮮味彈牙，其他火鍋料不過不失啦。雪櫃飲品有冷泡茶、可樂、雪碧等，仲有嘉士伯、喜力、金獅啤酒，啤酒係最受歡迎的，我見枱枱都飲十罐以上😆最後食埋雪糕，滿足滿足。呢個價錢無投訴啦，咁怪得星期一晚都滿座要等位。

之前聽過朋友介紹，話元朗呢間「撈得起火鍋冰室」食物質素唔錯，趁今日放假同老公入元朗行街，順便過嚟食過午餐。今日叫咗兩個午餐套餐包主食，餐湯及飲品🥢孜然薯仔牛柳粒飯 $58牛柳粒和薯仔切到一口大小，牛柳粒軟淋，唔會韌，加咗孜然粉，微微辣，更加惹味。🥢金湯酸菜魚薯粉 $60上枱有驚喜，真係好大碗，兩個人都夠食。魚肉超多，配菜仲有酸菜、椰菜花、木耳、支竹，大豆芽，薯粉食落口感爽滑，材料豐富。我唔係好食得辣，都可以接受。餐湯:蓮藕，粟米，紅蘿蔔豬骨湯真材實料，湯底清甜，蓮藕爽口，大大嚿豬骨夠淋又好食，飲得出冇味精。凍檸茶凍檸茶茶味濃，檸檬又夠，叫咗少甜，篤爛啲檸檬，酸酸微甜，最好飲。凍齋啡咖啡香濃，沒有加糖，真正飲到咖啡嘅味道，超正。總結裝修簡潔乾淨，燈光明亮，服務員有禮貌。下次會再來，試下雞煲和火鍋。

收工約左朋友係朗屏站附近一間任食雞煲烤魚火鍋食飯西鐵站行落黎5-8分鐘 都好方便呢間餐廳CP值超高首先比你揀雞煲或者烤魚 食完就打邊爐今次我地揀左香辣烤魚 超超超大條 肉身又厚 啖啖肉最特別係魚外皮炸到脆卜卜 好好味出面配料任食 選擇都幾多 有我最鍾意食既鵝腸同豬紅🥰肉類有最基本既豬肉牛肉海鮮方面有蝦有蜆 仲有鯪魚球野飲除左有冷泡茶同紙包飲品最吸引既就係啤酒都係任飲～老闆超好人 有咩需求都好快到 得閒約埋朋友仔黎食晚飯都係一個好選擇👍🏻