朗逸餐廳

Open Now

Now Closed

今天在佐敦朗逸酒店的餐廳午餐，整體體驗相當愉快。餐廳環境優美，室內設計時尚而舒適，讓人感到放鬆。餐點介紹**羅宋湯** - 開胃的羅宋湯色澤紅亮，湯汁濃郁，配料豐富。蘿蔔、土豆和番茄的搭配讓湯品口感層次豐富，既有酸味也有甜味，我好鍾意。**牛扒** - 牛扒的熟度剛好，外焦內嫩，肉質鮮美，搭配的醬汁增添了風味。配菜新鮮，讓整道菜式更加均衡，口感上也很搭配。 **鰻魚炒飯** - 鰻魚炒飯香氣撲鼻，米飯粒粒分明，鰻魚的鮮味與蔬菜的清爽相結合，口感非常豐富。**自助式咖啡及茶** - 餐廳提供的咖啡和茶水是自助式，隨意選擇，可以根據自己的喜好調配。無論是濃郁的咖啡還是清新的茶，都是用餐後的完美伴侶。環境氛圍餐廳的裝潢優雅，舒適的座位和柔和的燈光讓人倍感放鬆，非常適合與朋友聚餐或商務會議。整體氛圍讓人感到愉快同放鬆。總結來說，佐敦朗逸酒店餐廳的午餐非常值得推薦，無論是餐點的味道還是環境的舒適度，都讓人感到滿足。如果你想在一個優雅的環境中享用美味的午餐，這裡絕對是不錯的選擇！

環境非常之有特色，而且絕對係打卡影相係個好地方，充滿咗懷舊嘅氣氛，而且非常之寬敞。一入嚟就已經有算盤嘅設計外牆，裏便嘅座位都坐得好舒服。再加上地下用紅色地磚嘅設計，非常之有特色同有心思。食物方便，性價比高，而且喺特定嘅時間仲有優惠添，我今日食咗個牛柳餐，牛柳又夠腍，而且仲有牛肉味，薯仔又夠熱外邊又夠脆，又有湯又有飲品，簡直就係性價比高值得推薦嘅地方。環境非常之乾淨衛生，而且裝修非常之有特色，服務都非常之有禮貌，又細心體貼。

雖然有時行過朗逸洒店，但不會想起會上那兒的餐廳吃lunch,但今次竟然有朋友建議到這兒來，我才知原來這兒也有些set lunch的，而且不貴，可參考以下餐牌。我今次叫了個法式红酒燴牛肋條跟白飯，賣相一般，而吃下去也沒有驚喜，普普通通;個餐湯又好稀，加幾粒薯仔，我個人覺得麻麻，只飲了幾口;餐飲我叫了咖啡，但太苦不夠奶，不是我杯咖啡;唯獨得餐飽還可以，不過是要自己出去'丁'熱的，因為那兒只得一個工作的人，做什麼都是他，所以不要期望即叫即有的服務。所以午餐價錢不能太貴囉!

【 🍽黑松露野菌卡邦尼意粉 】- 堂食 ($90)- 醫護/學生/長者 堂食 ($80)～～～💫 午餐 :- 是日餐湯- 主菜 👉🏻 黑松露野菌卡邦尼意粉- 配餐飲一杯～～～⏩ 呢間係位於佐敦朗逸酒店1樓既餐廳，裝修走復古風🤍，應該唔多人知呢間酒店有餐廳😜！餐廳既環境真係好舒服🏞，絕對係好少人夠灑幽靜既感覺，服務態度都有酒店既style😽，想坐低慢慢傾下計enjoy下就黎呢度啱灑👍🏻，算係鬧市中既寧靜慢活好去處✨！～～～📌 主菜：👇🏻👇🏻👇🏻醬汁係好濃好厚既cream sauce🤩，忌廉味非常之香濃，而且意粉極為掛汁🍝，啖啖都食到好幼滑既creamy口感👅，意粉口感亦帶d硬度，食落好有嚼勁😚！芝士既濃香都好出🧀，配埋黑松露既香氣，再撈埋流心溫泉蛋既蛋汁🍳，滿滿蛋香，加埋好多好多野菌同煙肉，野菌爽口多汁🍄，煙肉亦煎得夠香口🥓，意粉上面有菜苗絲同鋪滿百里香🌿，口感好好好豐富‼️味道又係好有層次🥰，成碟意粉食落味道好融洽好夾😜！---------📌 ：是日餐湯👇🏻👇🏻👇🏻呢碗蘑菇忌廉湯正啊👍🏻，黑椒微微辛香，又有好濃好出既菇菌香😋，入口好creamy好幼滑🤤，係好香濃既忌廉湯！～～～⏩ 整體黎

今天到佐敦購買毛筆與宣紙後，在附近尋找合心意食肆，順便吃份早餐或午餐才回家。在鄰近的東京街「朗逸餐廳」門外，看見$50享用一份早餐，引發起我們的興趣，畢竟在雅緻的環境，優質的酒店服務，享用美式早餐，可謂超值享受。雖然都是熟悉的食物，但用餐的感受非常愜意！火腿絲通心粉，湯味清甜，沒有濃濃味精湯口感，煙肉沒有被燒焦，香脆又挺漂亮的，香腸與火腿味道都不錯。煎雙蛋，蛋黃像一對水汪汪的大眼睛，未吃先迷人！蛋白脆中帶滑，很美味！在西餐廳我喜歡品嚐香濃咖啡，正如我在茶餐廳喜歡港式奶茶。香脆的墨西哥麵包，我愛蘸牛油吃，烘暖的麵包配合甘香軟滑牛油，是我不二之選。我的朋友，則喜愛甜甜酸酸的果醬。

位於佐敦 佐敦地鐵站一出就係的酒店 朗逸酒店返到去二樓坐 地方舒適 裝飾懷舊 價錢吸引護人員更加有優惠 你是只係38呢度坐得好舒適最啱就係嘅朋友慢慢傾計我自己一支工作上嚟坐 順便 休息下觀賞景色叫咗個龍利魚柳白汁意粉 配上餐廳 王牌羅宋湯好足料 甘筍蘿蔔 雜菜全部都有味道清甜味美龍脷柳 冇雪味 魚的肉質口感極深 白汁正正常常 配上意粉恰當好處 意粉比較硬身好味最後配上 餐飲 我叫咗杯熱檸茶熱檸茶用上英國皇家茶包 絕對係酒店級的級數茶味香味濃沃呢一餐我幾滿意

之前去過呢間酒店食過中式炒粉麵， 印象非常不錯， 環境也舒服優雅。 今次決定再去光顧， 但試下西式。今次晏晝食lunch，比平時多人。 我點咗佢個西冷扒餐， 雖然餐單上面冇寫配飯意粉薯菜， 但其實你可以叫佢加， 唔會額外收費， 叫凍飲亦都係同價。 今次我叫咗薯菜， 嚟嘅唔係普通煎薯條， 而係三塊炸薯餅。一開始嚟嘅係南瓜湯， 雖然你見唔到有任何湯料， 但食落口非常濃郁細滑， 口感一流。一般平時去普通嘅西餐廳， 有陣時西冷扒會過份薄， 咬落口又好咸好硬。 但呢間餐廳嘅西冷扒出奇地厚身，肉感口感豐滿， 能夠保留住肉汁嘅鮮味， 切開嘅時候依然是淡淡的粉紅色， 保持到肉質嘅嫩滑。 本身都擔心份量太細，可能唔夠飽， 但食完啱啱好。 總括而言， 呢間餐廳嘅西式扒餐有很不錯的水準。

喺佐敦做完嘢覺得肚餓，行吓行吓行到去南京街，可能時間比較晏嘅關係，有部分餐廳都落咗場，見到朗逸酒店嘅餐廳就行咗上去。上到餐廳感覺光鮮整齊，門口又放咗酒精搓手液同埋信封，可以方便食客放口罩。由於時間晏嘅原故，所以職員都好快安排座位比我。午餐有6款，而我就揀咗雜扒，咩都有唔使諗。點完餐後就上咗個餐湯，坦白講，個湯只見到洋蔥，所以應該係洋蔥湯，不如飲落去竟然有驚喜，好似我喺日本飲嘅洋蔥湯味道，由於太耐無旅行，所以當自己去咗日本飲日式洋蔥湯。到碟扒嚟到，又估佢唔到咁大碟咁多款，豬牛雞都有齊哂，最鍾諗係個薯菜係用薯餅而唔係薯條，明明戒緊澱粉質都忍唔住食咗舊。埋單都只係$80仲要唔使加一，最開心見到有醫護/長者價，如果下次再去佐敦做嘢都一定會再嚟！

入座約於下午一時，食客不多，人聲恰到好處，侍應兩人者而已，爾雅幽靜，舉措溫文，小小的餐廳給我一種寧靜致遠的閑適之感。朗逸餐廳位於同名酒店的一樓，甫踏出升降機門左轉，便見到一間古雅别致，有如上世紀初的茶室小館，深木色的裝飾和枱凳，中西合璧的幾何圖案紅白花樣地磚，牆掛著關於香港歷史的黑白照片，點點滴滴，無不流露一股已然消逝的優雅人文情懷。酒店品菜，余本意屬主流西餐，但細思之下，環顧四周，中式圖案屏風，比比皆是，古意盎然，意境濃厚，若不點中菜，殊不可惜？故嘗魚香茄子炆米套餐。餐湯為南瓜湯，是澄明的芒橙色，輕拌下未見瓜粒肉碎半分，然入口極濃郁甜美，稠度適中，有絲毫微蛋奶香，卻不奪主調，可見不少食材實為完全融化為湯中，不著痕跡。主菜外觀，初看未見精緻，入口倒是香辣有餘，尤其芝蔴蒜椒香氣誘人，徐徐升起，叫人食指大動，份量亦足觀，余傾心至之可算是裏中的茄子，軟而不爛，實而不硬，多汁鮮味，恰好減輕了米線的油膩感，工夫可謂見在此細節上，上品也。最後來一杯清新的檸檬茶 有助清新口腔 香濃的茶味有助提神舒壓

朋友介紹過話呢度環境清靜，食物美味，我喜歡環境清靜嘅餐廳，今日喺佐敦，就特登去呢間餐廳試吓。叫咗午餐「美國牛仔骨配黑椒汁」，包餐湯同飲品。餐湯好快就嚟到，今日係南瓜湯，非常熱嘅湯，感覺真係新鮮熱辣，濃郁嘅南瓜味，簡單而美味。跟住牛仔骨上埋，牛仔骨有啲咬頭，配合埋香濃嘅黑椒汁，幾好味。仲有嗰三塊薯仔餅表面脆卜卜，非常香口。要咗杯熱咖啡，好香好滑好濃，正。呢個午餐本來$80，12:30前結帳仲有早鳥優惠，只係要$65，非常抵食😋

這段時間在佐敦區工作，日日都是茶餐廳或者粉麵檔食lunch. 今日很想靜靜地一個人享受寧靜的 午餐時段，找到了這間位於南京街的朗逸酒店的西餐廳價錢合理有餐湯和飲品送， 便搭電梯上一樓試試。午餐有幾個提供，有我最愛的鰻魚飯 ,不算厚切的鰻魚， 但長長的接近佈滿全碟。鰻魚汁調味適中，並無蓋過本身鰻魚嘅魚油香味，整條魚沒有吃到骨，高質。餐湯是茶餐廳小供應的洋蔥湯，非常之濃郁，洋蔥已經煮到很淋。 一個豐富的餐湯令全頓午餐的感覺增色不小。另外， 這杯跟餐咖啡都用上高質素的咖啡豆， 香味撲鼻 .

朋友之前介紹過我在佐敦有一間酒店內的餐廳，無論環境，價錢，質素性價比也非常高，今日我一個人想靜靜地起一個午餐，就決定來試試。原來是近佐敦道尾南京街的朗逸酒店内。餐廳位於酒店的一樓， 我過了午飯的黃金時間來，不算多人。午餐有幾個選擇， 價錢真的很大眾化呢！餐廳空間感大令人感覺很放鬆 .我點了味菜牛柳絲炆米，跟餐湯，餐湯用上功夫較多的洋蔥湯， 洋蔥煮得很淋， 湯味濃郁。主菜分量很大碟呀！ 牛柳也特別多而且入味，鬆化，下次要叫小米呢！午餐跟飲品，點了一杯最愛的熱咖啡，咖啡高質。下次一定會帶朋友再食

好耐無見呢位做醫護朋友，因為買左啲高level口罩比佢用，所以就到大家既時間，呢日襯大家返工前約出來見見面，打打氣💪🏻💪🏻佢趕住返工，而我仲有少少時間，諗住周圍睇下邊度有好野食，朋友仔就推介我去呢間酒店既餐廳，因為佢地有set lunch可以外賣😋Set lunch款式唔多，不過勝在酒店出品一定唔差👍🏻我就點左A餐，套餐跟杯飲品，既然坐係度等外賣，不如飲品就坐係度飲，侍應哥哥好好service👍🏻外賣既牛扒好大件，雖然大件唔o鞋口，配埋黑椒汁，口感層次提升左😋好彩有配菜跟埋，個薯蓉好好食😋套餐跟埋羅宋湯，唔錯的選擇👍🏻

最近因為疫情, 無哂遊客，好多酒店都大減價。這間朗逸酒店午餐，$65-80就有湯，主菜，咖啡茶。仲唔需要加一。真係好抵，就黎支持下。去酒店食嘅好處，就梗係環境舒適，乾淨企理。配上復古的裝修，別樹一格。睇下餐牌有咩食先雜菜羅宋湯， 熱辣辣，茄味適中，多蔬菜，有特別加上蒜蓉，所以好香。燒汁澳洲肉眼扒肉眼扒五成熟，剛剛好，肉軟淋， 沒有多餘筋位。 配上外脆內軟的三角形薯角， 及色彩繽紛的雜菜，感覺營養豐富。 好睇又好味。外層被煎封，肉汁完全被鎖喺入面。 粉紅又多肉汁!最後再飲番杯香濃咖啡。Perfecto~高質食物，舒適環境，只係$65，真心超值! 

由於最近一直很想食輕便的西餐，所以今日來到在佐敦的這間朗逸餐廳。餐廳格局不算大，但寧靜及舒適。侍應很快地給我帶位。我選了套餐A，燒汁西冷牛扒。侍應迅速地給了我餐湯，是洋蔥湯。味道香濃而且很多洋蔥在湯，味道不錯。而西冷牛扒份量不少，配了三牌薯餅，及雜菜。西冷牛扒應該是五成熟，口感很好，沒有多餘的筋。而且不會過鹹亦不會過淡。雜菜亦有少許上湯的味道，有三色豆，四季豆及蘿蔔。雜菜款式不少。最後點了一杯凍的檸檬水，糖漿是另外上的。讓客人可以自己選擇甜度。