品越越式料理 (雅蘭中心) (Closed)

品越是我飯堂，常幫襯。無他，就是喜歡它食物有水準，夠穩定，而且價錢合理，環境舒適。品越在旺角雅蘭中心1樓，在各區還有分店。今日都是幫襯雅蘭中心品越，餐廳佈置優雅簡潔，環境舒適。喜歡坐在窗口架座，居高臨下，望向山東街一帶，邊享受越南滴漏咖啡，邊欣賞遊人如鯽的街景，十分寫意。 點了黃金椒鹽軟殼蟹 ($88/1件)、法式黑松露海皇炒飯 ($118)、串燒拼盤($118)、甜品香芒黑糯米 ($42)、飲品越南滴漏咖啡凍($35)和椰汁冰($28)。黃金椒鹽軟殼蟹，軟殼蟹炸得金黃色，外層粉醬薄而脆，內層軟殼蟹夠乾身，酥脆甘香，一點也不油膩。為方便客人食用，廚師上碟時已預先將軟殼蟹切成四份，很貼心。法式黑松露海皇炒飯材料豐富，有帶子、鮮蝦、蝦米、炸蒜、紅蘿蔔粒、粟米粒、蛋絲和蔥花，伴碟還有沙律菜。飯炒得香，夠乾身，味道不錯，唯略嫌黑松露味道有點不足。串燒拼盤有豬肉串、雞肉串和牛肉串各兩串及菠蘿一大件。各款肉串都夠大串，肉質鮮嫩，肉汁充沛，配上沙嗲醬，更加好味。伴碟大塊燒菠蘿，十分香甜多汁，一口咬下，菠蘿汁四濺。甜品香芒黑糯米， 黑糯米軟綿黏韌，芒果肉清甜味美，伴以濃香的椰汁一起吃，樂也。越南滴漏咖

昨日休假一天，本有鴻圖大計要辦理多項事務，卻因懶惰二字，全被拋諸腦後。小妹自知是在找藉口，不過這排睡眠質素的確差，經常眼光光等天光，難得周公突然急call，當然是應邀瞓餐飽、抖個夠啦！餓醒了，便施施然出旺角搵食，想起久久沒吃越南菜，那就一於去刷餐飽。這間越南餐廳位於一樓，拾級而上，便見門口位置放了輛舊式綿羊仔。店子地方寬敞，燈光充足，梳化座靠窗而設，最為舒適。餐廳供應的食物款式多樣，分為沙律、頭盤小食、燒物、米紙卷、湯、主食、西貢咖哩、蔬菜、濱海、越式撈檬、招牌湯河、炒粉飯等，還有一系列特飲和甜品。海虎蝦仁牛油果沙律($88)率先出場，色彩繽紛，令人眼前一亮，正好掃走下雨天的悶氣。海虎蝦仁共有四隻，體型碩大，爽口彈牙，拌以魚露調味，饒富越南風情。牛油果粒豐潤綿綿，健康有益；配合多汁的車厘茄、經醃製的蘿蔔絲、新鮮的沙律菜，以及酸酸甜甜的醬汁，醒神開胃。峴港焗扇貝($55/2隻)原殼奉上，色澤金黃，賣相不俗。撥開面層取出主角，一股白煙立即冒起，香噴噴熱辣辣，令人垂涎。扇貝肉比想像中細小，幸而質感柔韌，橙紅色的彎月入口粉粉的，尤其甘美。由芝士和沙律醬調配的焗料非常香惹，不過多吃會膩，此時可擠

晚上七點去到都算幾早，所以唔使等位。環境都尚算闊絡，侍應態度好好，好好笑容，仲好識氹小朋友XD。言歸正傳,講返食物質素方面，大致上都唔錯，整體味道唔會太搶，太重口味。叫咗個軟殼蟹米紙卷做前菜，米紙卷非常足料，軟殼蟹加埋青瓜口感鬆脆，味道不錯。芝麻雞份量都多，口感鮮滑，不過略嫌未夠熟，入面仲係有少少紅。串燒有雞、牛、豬頸肉，全部都好入味，不過豬頸肉有些少韌。至於青口椰香飯嚟講，青口味道正正常常，唔會太鹹，椰香汁同炒飯好夾，味道好好，甜而不膩。甜品叫咗芒果椰汁黑糯米，份量適中，酸酸甜甜味道不錯。龍眼茶清甜暖胃。總括嚟講，菜式價格稍高，不過有良好嘅環境，食物質素同服務搭救，值得一試。

同小鬼嚟旺角睇門鎖，辦完正經事，又到咗搵食時間。小鬼想食越南湯河，問我可有甚麼好地方介紹。老實講，在香港開越南料理，限於租金高昂，不能開得太大間。不過記得雅蘭中心有間叫「品越」嘅越南餐廳，地方唔錯，裝修新潮，而且仲提供不少湯河以外嘅菜式，應該會啱這個鬼靈精嘅口味。餐廳入口其實係喺山東街，要上一層樓梯才到。入面地方都幾大，環境開揚，座位鬆動闊落，裝潢用上湖水藍拼木色為主調，配上天花嘅仿古吊燈，帶南洋風情。翻一轉餐牌，形形式式，選擇頗多，有沙律、頭盤小食、米紙卷、主食、湯、蔬菜、西貢咖哩、濱海、越式撈檬、招牌湯河、炒粉飯等，另外亦有一份飲品及甜品餐牌。先來一客燒大虎蝦米紙卷 ($72/6件)  做前菜，米紙晶瑩剔透，外皮煙韌，入口帶米香。至於入面嘅饀料，除咗檬粉、生菜、青瓜、九層塔等食材外，還有肉爽彈牙嘅虎蝦肉，非常揼本，與碌冧一齊享用，吃起來既清爽又不膩。接著是一客極品牛小排湯河粉 ($108)，牛小排同河粉分開盛載，上桌後侍應會先幫客人將薄切牛肉逐件鋪喺河粉上面，然後再注入熱湯。先輕嘗一口湯底，湯色十分清澈，表面有點油份，不過湯頭飲落非常清甜，味道濃郁。牛小排油花均勻，入口甘香嫩滑又無

一入到去，店舖佈置令人覺得好舒服，同每張桌密度唔高，好舒適😌員工好有禮貌👍🏻👍🏻服務又好周到👍🏻👍🏻👍🏻講解好細心，同會問我地口味，再推薦合適食品，👍🏻👍🏻叫左一個4人套餐，另外再加錢轉左推介食物食物賣相賞心悅目，份量好足，4個人食唔晒，大家一致都覺得好好食，叫左幾樣軟殼蟹食品，味道都好好🤤🤤🤤🤤🤤🤤見到隔離桌食嘅野都好吸引！值得再黎試下其他野食👍🏻👍🏻👍🏻

前晚同朋友去旺角行街睇戲，之後就食埋DINNER 食返家~我地本身想等牛氣，結果太多人>< 我地揀左隔離既越南菜，估唔到又幾有驚喜～我地一開始先叫個牛油果大蝦沙律，入面 d 牛油果剛剛熟，好食，而蝦肉夠哂彈牙爽口，賣相都幾靚~之後黎個番茄蝦肉湯，賣相好惦，入面Ｄ 料真係好多，真材實料，有開邊大頭蝦、蝦丸等等，我地2個人都好滿意，仲飲到2大碗!!亦叫左盤串燒，入面有牛肉、豬肉同菠蘿，菠蘿非常JUICY!! 而牛肉同豬肉都燒得岩岩好，唔會太老，加埋旁邊D 汁冇得輸.另外個蝦紙米卷，感覺清新唔熱氣，NICE~　之後黎個芥蘭，睇落翠綠，又健康～仲有２杯沙冰, 夏天飲真係透心涼, 正!OVERALL 真係唔錯，下次有機會可再黎 =]

第一次食越南菜，呢間餐廳價錢略貴，食物質素不錯個芝麻雞好嫩滑，但係有少少生咖哩牛腩好食，牛腩好滑，咖哩不太辣，我唔係好食辣嘅人都食到芒果糯米飯唔太甜，我第一次食芒果糯米飯都覺得好好食

平時食開都係中西日韓泰居多，比較小食其他特色美食，係間唔中先至有機會食到，唔知道仲以為唔鐘意食其實都唔知幾想食，只係偏偏冇人想食唯有等下次，今次終於等到可以去食越南風味美食好耐冇食過真係未食先興奮，首先看看餐牌有乜特色推介菜式包保食物有質素，先有燒大虎蝦柚子沙律，唔止食到蝦肉夠爽彈，再食啖柚子沙律一樣咁清新又開胃來度點都要食番個品越小食拼盤，又一次過食到不同味道，有蝦餅入口彈牙，春卷香脆鬆化、札肉入口啖啖肉、豬頸肉米紙卷呢款比較少食到夠特色、酸辣鳳爪開胃又刺激食完一輪美味小食，再飲杯特色沙冰香橙西柚解解渴，再來有越式黑白芝麻雞（半隻），面頭灑上黑白芝麻食落特別香，而且雞肉香嫩又肥美，嗱嗱聲食番件先，食到鷄肉飽滿又嫩滑再配上醬汁食特別滋味到另一款係黃金椒鹽軟殼蟹，當然會食到香濃鹹蛋黃同埋蒜蓉嘅香味，軟殼蟹咬落卜卜脆內裏鮮嫩又香滑，加上用咗椒鹽食落特別惹味唔覺唔覺又食咗幾款人氣美食，係時候食埋精美甜品，我就揀咗法式焦糖燉蛋食到焦糖嘅香脆燉蛋入口滑溜味香濃夠滿足，又品嚐一餐地道風味美食。

得閒又去食吓嘢，尤其係旺區鬧市到處都大把嘢食，只係有冇機會食得到佢，趁假期又可以出來搵食之餘順便行吓街，講返今次又去食越南美食，當然有佢吸引之處，可以食到美味菜色，呢度當然有齊所有特色美食都點了幾款人氣美食，先有係法式牛油雞翼(4)件，已聞到香濃蒜香牛油味雞翼夠大隻，食落香脆加上滋味香料，而肉質鮮嫩多汁食得惹味必食推介唔少得有串燒拼盤，分別有豬，雞，牛同菠蘿，燒得入味之餘帶點香辣，當然食到肉質香嫩又啖啖肉夠晒滿足，眨吓眼又食咗一輪美食輪到主菜有順寧燒羊架（2件）配鮮菠蘿雜菜沙律，賣相不錯而主角燒羊架份量十足肉質飽滿，表面灑滿香料已知用料足，而且每啖都會食到肉嘅香嫩同肥美，陣陣油脂係口中滲出來夠滋味再食番啖沙律中和一下，最後食埋精選甜品芒果黑糯米，芒果香甜多汁配埋椰汁同香軟黑糯米簡直完美配搭又食完一餐特色美食。

今日同舊同事去到旺角睇戲，之後佢話食越南野～我地就黎到雅蘭中心果度食=]一開始，先叫個番茄蝦肉湯，賣相好得，相當有驚喜～入面有特大開邊大頭蝦，仲有幾粒蝦丸，而且２個人，每人都飲到2大碗!!之後叫左個牛油果大蝦沙律，牛油果既份量都幾多，而蝦肉好彈牙爽口，個沙律愈食愈開胃～另外叫左炒通菜，好翠綠健康，而且唔油，好好食。最後我地SHARE 左個牛小排湯河，唔好講笑，佢D 牛肉好靚，而且係一大盤，夾上黎起碼有8塊！仲要冇咩脂肪，牛肉鮮嫩，之後個職員會淋D 湯上去，熱辣辣，好值得推介比大家～

想起來，已很久沒一家出城行街，就趁放假天，出旺角逛逛，順道幫囝囝買龜當養小動物。 假日的旺角，人多到癲，還是趁時間尚早，找個地方醫肚。雅蘭中心附近極多食肆，不愁找不到好地方。 早兩年曾經光顧過品越，地方幾闊落，食物水準不錯，故地重遊，看看有沒有進步。 洛神花茶（$56）太太點了洛神花茶，原壺用蠟燭保溫，感覺良好，而且可以refill熱水，微酸令人增添不少食慾。 三仔爺反而點了芒果椰子沙冰（$35）、菠蘿椰子沙冰（$35）及菠蘿熱情果梳打（$32） ，賣相各有不同，但都是偏向清香鮮甜，好啱炎夏飲返杯。 燒魷魚牛油果沙律（$88）燒魷魚柔韌香口，墊底的沙律菜帶微酸，口感清新，加上炸過的蒜片，就更可口。 清沅蒸粉卷（2件）拼扎肉（$48）太太指明想食的小食，回想起來，原來至少有一年以上沒吃過了，扎肉味道大路，蘸點些少魚露來提鮮果然不同；粉卷皮薄，可以看穿內裡的餡料，而且柔韌有彈性，夠水準。 法式牛油雞翼（$62）炸漿夠薄已經討好，雞皮炸得香脆，充滿牛油香味，而雞肉保留嫩滑，略嫌油份有點多。 腐乳豬頸肉炒通菜（$82）通菜好入味，但豬頸肉有點格格不入，若果分開

今日喺旺角買完金，daddy 話泰國野唔啱佢口味，想食下越南野。雅蘭中心就有一間裝修幾特別，企理又別緻嘅品越越式料理。食物質素亦冇令我地失望。Newspaper style 的Menu 有圖有真相。先食個沙律開下胃 燒大虎蝦柚子沙律 $88。兩串燒大虎蝦 香氣撲鼻，細心地蝦殼已經剝咗，食得好味、彈牙, 又方便! 成碟柚子都好清甜，仲有啲香脆腰果。食越南菜又點少得 rice paper 呢？！紫羅牛肉米紙卷 $72，牛肉味濃郁，被滿滿的蔬菜包圍，入口清新豐富口感。串燒又係我哋每次都必叫嘅食物，串燒拼盤 $118。一次過有晒我哋想食嘅野，牛肉、豬肉、雞肉、仲送菠蘿。新鮮出爐辣辣的串燒最好食，加埋菠蘿嘅清甜，正！清清地要咗個新鮮椰青 $38 飲吓，清甜解渴！連越南菜都有咁精美嘅甜品，果然係驚喜！法式焦糖燉蛋，無論外型定味道都一樣吸引。今晚完美了。

聽日終於星期五啦，放工近近地去旺角食啦食返以前係旺角返工既lunch飯堂品越晚餐多好多選擇，仲有d係夏日限定就食個牛油果大蝦沙律先啦，酸酸地幾開胃。個蝦都好彈牙又夠大隻再黎一個濱海同蔗蝦，濱海無咩特別，蔗蝦合格呢個番茄蟹肉湯有驚喜呀，除左有1隻特大開邊大頭蝦，仲有4粒蝦丸呀 估佢唔到。唔中意飲湯既大少都飲左2碗呀飲完我都飽飽地 但係大少仲想食 唯有叫多個菜同扇貝啦。扇貝幾嫩滑但係個菜就太濕要扣分最後飲埋沙兵就去行街lu整體黎講都keep到水準中上既，員工好熱情，上菜速度唔算快 不過feel到佢係即煮因爲d野食好熱 同埋佢成日走黎update要等幾耐好有交帶唯一要講既係價錢唔算平 但係拍拖一流 因為坐得舒適 環境開揚

今晚同太太試呢間越南菜。無錯係比女人街貴少少，不過食物質素好好，又坐得舒服，係物有所值既。先黎個軟殼蟹柚子沙律。軟殼蟹好大隻，炸得剛剛好，外脆內軟。柚子份量都好足，食左好開胃😋跟住係鮮茄石斑魚片湯檬。斑片都好大塊，而且竟然唔係雪魚，新鮮彈牙。個湯都好多鮮番茄，好鮮甜😋最後試左火焰燒春雞飯。呢味真係好有心思，原來d飯係釀左係隻雞入面既，而且上檯時隻雞係會著火既，係一隻真正既「火雞」😂食落真係唔錯，隻雞燒得剛剛好，皮脆肉嫩😋總括黎講，呢間d食物係有誠意既，一d都唔求其😊