Video
Read full review
2018-08-31
35 views
同小鬼嚟旺角睇門鎖，辦完正經事，又到咗搵食時間。小鬼想食越南湯河，問我可有甚麼好地方介紹。老實講，在香港開越南料理，限於租金高昂，不能開得太大間。不過記得雅蘭中心有間叫「品越」嘅越南餐廳，地方唔錯，裝修新潮，而且仲提供不少湯河以外嘅菜式，應該會啱這個鬼靈精嘅口味。餐廳入口其實係喺山東街，要上一層樓梯才到。入面地方都幾大，環境開揚，座位鬆動闊落，裝潢用上湖水藍拼木色為主調，配上天花嘅仿古吊燈，帶南洋風情。翻一轉餐牌，形形式式，選擇頗多，有沙律、頭盤小食、米紙卷、主食、湯、蔬菜、西貢咖哩、濱海、越式撈檬、招牌湯河、炒粉飯等，另外亦有一份飲品及甜品餐牌。先來一客燒大虎蝦米紙卷 ($72/6件) 做前菜，米紙晶瑩剔透，外皮煙韌，入口帶米香。至於入面嘅饀料，除咗檬粉、生菜、青瓜、九層塔等食材外，還有肉爽彈牙嘅虎蝦肉，非常揼本，與碌冧一齊享用，吃起來既清爽又不膩。接著是一客極品牛小排湯河粉 ($108)，牛小排同河粉分開盛載，上桌後侍應會先幫客人將薄切牛肉逐件鋪喺河粉上面，然後再注入熱湯。先輕嘗一口湯底，湯色十分清澈，表面有點油份，不過湯頭飲落非常清甜，味道濃郁。牛小排油花均勻，入口甘香嫩滑又無
餐廳入口其實係喺山東街，要上一層樓梯才到。入面地方都幾大，環境開揚，座位鬆動闊落，裝潢用上湖水藍拼木色為主調，配上天花嘅仿古吊燈，帶南洋風情。
翻一轉餐牌，形形式式，選擇頗多，有沙律、頭盤小食、米紙卷、主食、湯、蔬菜、西貢咖哩、濱海、越式撈檬、招牌湯河、炒粉飯等，另外亦有一份飲品及甜品餐牌。
先來一客燒大虎蝦米紙卷 ($72/6件) 做前菜，米紙晶瑩剔透，外皮煙韌，入口帶米香。至於入面嘅饀料，除咗檬粉、生菜、青瓜、九層塔等食材外，還有肉爽彈牙嘅虎蝦肉，非常揼本，與碌冧一齊享用，吃起來既清爽又不膩。
接著是一客極品牛小排湯河粉 ($108)，牛小排同河粉分開盛載，上桌後侍應會先幫客人將薄切牛肉逐件鋪喺河粉上面，然後再注入熱湯。先輕嘗一口湯底，湯色十分清澈，表面有點油份，不過湯頭飲落非常清甜，味道濃郁。牛小排油花均勻，入口甘香嫩滑又無渣。河粉雪白又滑溜，不會散修修兼發脹，入口帶微微咀嚼感，米香十足，伴湯一起吃，鮮味討好。
主菜點了品越燒乳豬 ($188)，乳豬用木砧板盛上，分量不大，只有 1/4 隻，三個人 Share 來吃啱啱好。叉起一件試試，乳豬外皮很薄，入口脆卜卜，脆皮下是薄薄一層脂肪，下層則是肉質纖維幼細的豬肉。乳豬件不太肥亦不太瘦，入口肉汁豐盈，有豬肉的甘香。
腐乳豬頸肉炒芥蘭 ($82)，芥蘭用砂鍋呈上，色澤油亮碧綠。廚師手勢唔錯，芥蘭炒得好夠鑊氣，食落既爽口又唔硬身，清甜不苦澀。豬頸肉亦很有水準，肉質爽脆有口感，唯一就是稍嫌整道菜略欠腐乳那股沉鬱的霉香，否則食味更佳。
又到甜品時間，本來以為越南餐廳，甜品一定離不開椰漿類，估唔到餐牌上竟然有精選蛋糕、法式焦糖燉蛋同即製窩夫等供應。見即製窩夫 ($48) 賣相非常特別，外形好似一個 Donut，所以決定點來一試。窩夫一客 2 件，配有雪糕，另外客人亦可以自選兩款配料，包括有紅豆、煉奶同忌廉可供選擇。如果想加多一球雪糕，就要另 +$15。窩夫上桌時仍熱辣辣，面頭灑上糖霜及朱古力漿，香味撲鼻，賣相可人，又的確幾討人歡心。切開一試，窩夫外層非常脆身，內裡鬆軟綿密，帶微微蛋香。窩夫配有蜜糖雪糕，另外亦追加咗一份乳酪雪糕 (+$15)，雪糕味道比一般乳酪甜，質感幼滑又清香，夾埋紅豆、忌廉同窩夫一起吃，非常飽足，大家記得一定要留肚品嘗。
飲品點了菠蘿椰子沙冰 ($35) 同菠蘿熱情果梳打 ($32)，兩杯味道都唔錯，甜得來又不膩喉，帶水果的天然甜香，充滿熱帶風情。
如果不想動腦筋的話，其實餐廳有套餐供應，由沙律、米紙卷、頭盤、蔬菜、主食、粉飯、甜品及飲品等，樣樣有齊。
Post
