品越越式料理 (奧海城) (Closed)

一同4人去左品越下午茶，$45左右一個餐，包熱飲。我地叫左牛河，咖喱牛腩飯，海鮮炒飯，牛肉撈檬4個餐。我食左個牛河非常普通，牛肉偏硬少肉，河粉質感好其怪。咖哩牛腩個咖啡汁好希，味道好淡。其餘2個餐我就無試到。夜晚就無試過，唔知會唔會好的。整體而言，價錢算Ok,但食物一般，有待改善！

天氣開始熱 連口味都變左少少想食啲清新既食物—越南菜。生牛肉湯河 $58上枱時還見到牛肉呈粉紅色不消一會 熱湯就煮熟左件牛肉🙈不過仍然好嫩滑 唔會熟左就嚡口而且牛肉同河粉份量都夠多河粉尚算爽口 湯底就一般 淡淡的 。四式湯河 $68包括有生牛肉、牛𦟌、牛坑腩？、雞絲材料都好豐富 又新鮮牛肉都好入味 吸盡湯既精華個人認為依個四式好似抵食過單點。香芒軟殼蟹米紙卷 $64芒果無咩味 唔新鮮？軟殼蟹亦唔夠脆 大多都腍哂可能是一早炸定的關係 完全沒有爽脆的口感⋯Ps. 湯河值得一試！環境同服務都不錯👍

第二次黎呢間，地方比較優雅，二人傾計食飯好地點，嘢食好好，河粉湯熱，仲有個蝦餅唔係一般嘅炸蝦餅，係好似腐皮卷嘅脆巨皮包住蝦餅，好好食！另外推介軟殼蟹柚子沙拉！好少食到有蟹味嘅軟殻蟹。

約了朋友選了這間餐廳，外面看起大，原來入面不算很大，叫了三色冰，d 豆好少，一碗生牛肉就可以看出真功夫，這裡都勉勉強強，可接受，米紙軟殼蟹卷，味道可以，米紙不夠薄，焗青口牛油味香，味道好，燒雞半隻買110元，味道普通，大蝦袖子沙律，蝦很香，袖子切得大，自己需動手切細，又不夠juice ,好似食生果咁，浪費服務都Ok,總的來說，還可以

It was nice to visit this restaurant every now and then. I had a beef pho as part of the lunch set menu.The pho is not as great as before. The soup is oily and the flavour of the beef is not that good. Their drink Mint fantasy was okay. It came with rice wraps which was actually not bad.I used to like their food but not sure I do this time.

環境同食物不錯的越式餐廳，這裡樓底很高，地方顯得特別寬敞舒適！加上店外有些綠色的裝飾，增加了一份悠閒感「腐皮炸蝦餅」撈檬，確實幾有驚喜，腐皮外層薄脆，卜卜聲個隻😂入面蝦肉份量比預期厚😋撈檬個汁又無得輸 ，唔會太稀同淡口（好怕溝左水落幾多一樣無咩味）成件事好完美，為午餐劃上完美句號😎大滿足！Lunch Set $58 (加一，送熱飲）朋友呢個係「越式咖哩牛腩」賣相很吸引，牛腩炆得夠林，而且好足料，若醬汁濃縮多一點點，撈飯更一流😋 Lunch Set $6X (加一，送熱飲）

一碗生牛肉金邊粉絕對係越南菜嘅重點，今次呢碗粉，湯底加左太多味精，結果要不停飲水。但牛肉嘅質素唔錯，有少少厚度，食落有咬口。金邊粉唔會痴埋一埋，或者一夾就斷。整體而言，合格！

在商塲內眾多的食店下，選了這間品越，入內坐下不久便選了一個二人餐，有燒蝦沙律、牛油雞翼、米纸較殼蟹、豬頸肉抄金邊粉，以雞翼處理得最出色，香口美味和燒蝦同樣地鲜味，還另外加了峴港焗扇贝，賣相極吸引，味也鲜而特別因加了些蛋，跟餐叫椰汁三色冰和滴溜coffee,最後送上甜品棷汁紫羅米，這是整個餐最差一環，單調的紫米得個甜字。最後想講這食店服務也不錯，不断加水和收碟，而坐得也舒服因是so fa 卡位

原來奥海城都有越式嘢食呢！ 而且地方寬敞，坐得舒服，星期五都無話太爆太嘈。 朋友介紹咖哩牛腩，賣相不俗，牛腩肥瘦恰到好處 ，但咖哩就完全唔辣，本人就鍾意有返啲辣味既。 蒜蓉包過左火位，太硬了，也不太有蒜蓉味… 唔知係咪唔當灶，唔太嫩，一般般。 釀雞翼唔多掂，炸得過火，加上唔太食得出入面釀左啲乜。 本身對呢個紙卷幾有期望，作為前菜黎得最遲。 成隻碟都已經係咖哩，又點食呢味？內餡亦少軟殼蟹 ，不過青瓜尚算新鮮清新，仲無落一般餐廳都有既薄荷葉，對我黎講係好事既 呢度有埋甜品，比想像中大份呢，不過比例上黑糯米是太多了。Overall黎講唔算太差，但有好大進步空間。

9月初，跟朋友去奧海城睇電影，順便係奧海城食個LUNCH！ 結果我地係越南跟泰國料理中，選擇了越南料理 --- 品越2個都是東南亞國家但越南食物給我的感覺：因為有撈檬，感覺比較涼快 (當日天氣超熱！)La Taste 餐廳環境很好，夠明亮，下午時間不是太多人。我們選擇了「一人優惠套餐中」的 P2 及 P3。飲品朋友叫了三色冰，我叫了青檸梳打！其實我真的很喜歡青檸梳打很re-fresh的感覺，而品越的青檸梳打有外加沙糖 (不是糖漿)，我也是喝到最後見底才發現！ 整個感覺比起加糖漿好，不會很甜，清新又涼快。主食： P2 越式炒金邊粉配雜菜沙律沙律 – 普普通通的雜菜，但很新鮮，配上酸微微的凱撒汁 (醋味)，食了很開胃。炒金邊有雞絲在裡面。 味道偏淡 ，但不油膩，份量其實夠2-3個人吃。 主食： P3 雞翼撈檬配春卷配春卷雞翼脆卜卜，熱辣辣，非常惹味  再吃檬粉，口感非常涼快，令我吃完一口再一口。 春卷炸得外脆內軟 ，用生菜包著吃，香口又新鮮，入面都是蘿葡、黑木耳、米，不油膩也比較健康。 我們吃了一個多小時，2份餐都份量都很多，味道都不是太濃也不油，很健康。環境舒服，如果不是要趕去看戲，可以

澳海城搵食一d都唔難, 由於選擇太多, 真係十五十六! 去邊間好? 最終和朋友 行了一個圈, 決定試吓呢間越南菜.外面裝修都可以, 只是坐位與坐位之間非常的窄, 如果身形較胖, 是根本無法逼進來的.套餐我點了香茅豬扒飯 + 粉皮, 朋友點了河內生牛河+沙律.食牛專家的朋友看見端上的生牛河, 他還沒開口我已問, e…. 你不是點了生牛肉咩, 點解好似係熟牛肉嘅….. 他笑了一笑, 就吃了兩口, 相信我也不用多說了, 因為他臉上已掛了一個「失望」二字, 看來他點了一個 「港式生牛河」!看我的香茅豬扒也不錯, 味道也剛剛好, 粉皮及沙律和其他越南菜的做法也大同小異! 不置好評, 也沒有劣評, 只能給中評!咖啡很香，朋友當然說ok, 如果連呢樣唔得，怕啫好快關門大吉lu! 我們兩個人都一致認為最出色係d食物夠熱, 正因如此, 商店該考慮如何保持生牛肉的鮮味, 並不是變成熟牛肉, 這要下下功夫啊!我個人認為最值得一讚是牛油雞翼, 夠脆夠香, 但如果牛油香味能鎖在肉質上, 那就perfect! 而朋友就厭皮沾得太厚粉, 我就覺得接受到!最後, 希望該店不要用過多調味品(雖然我不感肯定有沒有味精),

屋企附近唯一一間越南嘢,我記得曾經午市幫襯過中環分店,質素不俗,於是今晚試吓呢間.7時多只有一半人,不用等位2人Order 佐蒸粉卷豬扒濱海炒通菜雞絲湯河蒸粉卷, 只有二件, 粉卷亦太乾...豬扒濱海, 豬扒脆口, 配上濱海+生菜, GREAT!炒通菜 OK, 不會過咸雞絲湯河 OK, 只是湯底魚露味太重 Overall is ok

今日有點病病地，又未食lunch, 最想食碗越南湯粉作為下午茶。這裡提供的下午茶餐選擇都幾多，由越式三文治、沙律、湯檬、撈檬到小食拼盆都有，價錢最平的$38，最貴的好像$70 多，我今日就揀咗豬頸肉湯檬。配埋凍檸茶，$47 攪掂，話平唔平，但坐得舒服又夠清靜，乾淨企理，相信我以後都會常常來tea!至於食物方面，豬頸肉共有兩串，應該係新鮮熱辣剛燒好的，醃得唔錯，跟埋一個有些似點串燒沙爹嘅醬，幾好味！湯底就一般啦，唔夠濃，稍微淡了少少，但加番d 新鮮青檸和辣椒，即刻好味番曬！最抵讚嘅係湯底非常夠熱，與及服務員一次過將湯檬、分開上的豬頸肉、兩小碟嘅醬和青檸辣椒一起送過來，感覺良好，免除我又要再三要求才能拿到青檸辣椒作調味，讓我可以享用到熱辣辣嘅湯粉！

今天遲了用餐，時間來到九時多，很多店子都已經打佯，眼見還有一間越南菜的店子，就這兒吧。串燒牛肉: 沙嗲醬不夠香，水水的...牛肉兩串，味道一般，沒有燒烤的獨有惹味，而且價錢稍貴。法式牛柳粒紅飯: 汁底微甜，拌飯吃不錯，而且飯的份量算多，反而牛肉粒無味，洋蔥成了主角。油菜: 正常越式春卷: 熱騰騰上枱，但很油，油到滲入到裏面，不合格。

見落雨同同事係商場食個lunch. 我叫左個C餐:蕃茄蟹肉湯檬, 見個餐牌有幅相係附近, 雖然橙色湯粉,入面d料係肉丸+札肉, 心想可能張相是但放上去,照叫. 同事叫左另一個餐係香茅雞翼湯檬.後來黎左碗肉丸札肉蕃茄湯檬, 問waiter係咪攪錯左, 佢就成碗囉左去,之後成碗囉返黎話係咁..C餐麻..係呢個..我問邊有蟹肉? 佢就拎個menu 黎話,C 餐麻..張相都係咁..冇錯..叫左另一個同事黎,都係話d蟹肉可能碎D..有架.....算...我照食啦.. 終於食到.....係有d碎粒粒既蟹殼...乜蟹肉都冇 .....肉丸入面仲有條約1cm粗過頭髮既野..嚇親..以為係魚骨... 可惜冇影相，實在食得太唔愉快。個味道其實唔太差,只不過唔係我所預期既午餐.同事果碗...黎果時waiter話係燒雞翼湯檬.....唔係香茅??? 冇下次...