羅富記粥麵專家 (Closed)

工作煩忙，只好急急地完成午飯。來到傳統的「快餐店」：粉麵店，除了吃河粉之外，今次還加了一碟炸鯪魚球。即口即炸，外形很好，金黃色的，又不覺油膩，而且是外脆內軟，又夠彈牙，真是很香口一個小吃選擇。

服務態度差勁無禮貌懶巴閉，地方窄想坐卡位又唔俾仲要喝住你唔俾換位，張枱又細坐得又迫，特登幫襯佢地但好似欠左佢地，味精又重，食完碗麺勁飲水，大把麺家好過佢，永不幫襯

約了舊同事去中環逛, 於是便想起飲食雜誌介紹過的"羅富記"吃粥麵。這間"羅富記"位於中環擺花街, 有出名的"泰昌蛋撻"就正正在"羅富記"的對面, 可以買來作午後甜品!!每次光顧都要等很耐才有位, 今次好好彩, 我們只等了不到10分鐘就有位...店舖一眼已經望哂, 坐位唔多!!我們order了1) 及第粥(2) 雲吞麵(1) 及第粥 - 粥很綿, 很滑, 而且材料十足, 不過很少米....感覺吃完不久會好快肚餓!!(2) 雲吞麵 - 梘水比較多, 雲吞都ok, 整體來說...都是麻麻....總括來說, 都是值得一試呢!!

好耐之前係上環果間羅富記食過d雲吞...果陣覺得都ok好味...而我今次就食雲吞面...因為比起食粥...始終比較飽肚...今次既雲吞面....d雲吞冇咩點....正正常常咁啦....d面ok彈牙既都....但比起粥....始終都係粥好食d.....

今日唔知係咪早左落去...見冇咩人咁...因為以前食開次次去到都勁多人!!!今次d野食黎得好快!今次都係食牛肉粥...!!!!因為d牛肉粥真係好正!!!!d牛肉好滑!!!d粥又正!!!!!哈哈...聽日lunch都諗住去返呢間食!

假若一個在中環上班的人,有幾間食店,一定會去過,其中一間,就是羅富記.早上的擺花街分店,食客稀少,中環上班大軍來去匆匆,那有閒情坐下來吃碗生滾粥?想不起早上是沒有蜆介鯪魚球,只是得粥品,想吃豬腰,豬潤,肉丸,要個及第粥,錯不了,明知油條不是自己炸,也要一份.粥底綿滑,米煲到爆花,味道香甜,薄切的豬潤帶點爽脆感,豬腰還是有一點異味,肉丸鬆化而味鮮.油條非即炸當然差一點,浸在粥內,已經分不清即炸或隔夜了.及第粥連油條,$31埋單,貴?及第粥當然比有味粥貴,但不會來來去去,也是吃艇仔粥嘛.

I always come here when; (1) it's time for comfort food, and (2) when I am indecisive about what to eat.Some of the best wonton in town, and the cheapestCongee is great, just the right texture, not too thick and not too thin. Favourite toppings; lean pork, fish slices and kidney. Best of all is the consistency in the quality and the friendly staff

都唔知點解會入左去食... 睇左陣諗諗諗係唔知食咩好之下見到(蝦球牛肉粥)當然要問問係碎牛定滑牛啦.一問之下係滑牛woo!Good! 一黎d粥好綿!!!! 牛肉夠林;蝦球原來係蝦仁,ok啦唔夠鮮囉. 朋友叫左炸鯪魚球試過都不錯.

一個人食lunch想佷得清d, 諗起成日經過既羅富記今日係時侯去試下啦~皮蛋瘦肉粥粥底好綿, 足料!起碼有個半隻皮蛋而且瘦肉唔會真係瘦到乾"真真"一粒粒好嫩好鮮炸鯪魚球細碟有三粒, 即叫即炸上枱時熱辣辣點少少蜆蚧, 無得頂!老闆好友善服務態度好好仲叫我慢慢坐下, 唔使急住走食粥一定要去羅富記

羅富記的粥, 是我認為我吃過最好吃的粥. 我對粥十分忠心, 自小至今, 我吃的粥只有一味 — 下火, 即皮旦瘦肉粥 (當然要走青).羅富記的粥綿, 料足, 皮旦靚, 瘦肉的確是瘦肉, 比黃枝記, 粥麵皇更勝一籌, 無味精, 青青淡淡, 最合我運動後要填飽肚又不能大吃大喝, 所以, 她是我最愛的慣常外賣午餐之一.每碗售$23, 抵吃!

呢間蝦子蝦球撈面真係幾好食, D 面冇乜簡水味, 好爽彈牙, 正咁多間分店好似擺花街呢間有得食?? 不過要彈既係質素好似好唔穩定, 試過嚟一兩次, D 蝦唔知係唔新鮮定煮得熟過頭, 爛晒, 要扣分不過講真, 呢間真係好食過澳門好出名果間蝦子蝦球撈囉, 又貴又細碗, 味道都差唔多

星期六中午，開完例會，又係寒冷的一天，諗起不如食粥去，雖然唔飽肚，但係可以暖暖肚。入去當然係叫粥，一碗肉丸粥 + 一碟油菜(菜心) + 酥炸鯪魚球。1. 肉丸粥 - 唔係機製，一睇就知係人手打出嚟，肉質嫰滑，又富彈性，彈牙無比，粥底就更加不用多說，超綿，啲米完全融入水中，好似槳糊咁，加埋大量蔥花，真係食到唔停得口。2. 油菜 (菜心) - 又粗又大，非常鮮嫰，雖然凍天啲菜係靚啲，但係佢真係拍得住酒樓級數，值得一讚。3. 酥炸鯪魚球 - 本人就一向唔好此道，但係小公主極力推薦，就試一試，果真有返咁上下散手，做得唔錯。Comments: 完全係最高境界，每一樣食品都一絲不苟，睇得出由上至下，廚房至樓面，雖然都不算年經了，但真係敬業樂業，佩服佩服。叫得自己做專家嘅，真係唔會亂噏，不過都係睇地區嘅，中環呢區就一定冇走雞，如果唔係，我相信晨早就執咗了。下次希望有機會試埋佢嘅麵食。

雲吞麵(20)，雲吞麵的雲吞算唔錯，蝦味豬肉味都算很配合，皮薄，可是我覺得最好的是這裏的麵質麵爽口彈牙，湯底也很美味，不知道為甚麼總體好像比其他有名的雲吞麵差了一點點，差甚麼又是說不出來。炸鯪魚球(13)三粒，跟蜆芥，蜆芥較油膩但美味，鯪魚球充滿了魚味，炸得又剛剛好，很美味但較熱氣。這裏環境是舊式茶餐廳局格，沒有茶水供應，價錢偏貴。http://icuteee.mysinablog.com/index.php?op=ViewArticle&articleId=1655321

睇下睇下羅富記D食評，搞到我覺得好肚餓添，好想即刻去食返碗我至愛0既魚片粥。但遠水救唔到近火，0甘就不如我都寫返篇來頂下癮都好吖！擺花街羅富記我honey拒幫襯左幾十年架啦，自從拒帶我來食過之后，我經常嘈住要來食，因為魚片粥實在太好味啦 呢度既粥底簡直就同我童年時最愛的粥底一樣甘正，好有米香味，熬的火候很夠，唔會仲見到一粒粒的未化開的米飯，粥底十分綿身，絕唔會太“杰”亦唔會太稀，我最怕食水汪汪的粥。每次我都系食魚片粥(22文)，有時食一碗唔夠喉仲要食多碗（系我大食同太好味，唔關份量的事），呢度的份量算得上大份架啦，只碗夠大而且每次都系裝到滿瀉，魚片份量好多，薄薄的鱼片完全体现出厨师刀工， 魚片的鮮甜味道完全溶入口感十分綿身的粥里面， 而米香十足的粥包住一片片薄薄的魚片， 粥里面仲加入了适量的薑蔥， 將魚的鮮甜味無限放大, 吃上一口，魚鮮味混和著米香，充滿在口腔的每一角落........ 實在是太美味了！好滿“粥”！我honey因為叫了一個牛肉粥，但我唔鐘意食，而且碗端上來時仲見到牛肉有血水，我接受唔到。另外，呢度的炸鯪魚球(26文)都唔錯，honey特別鐘意食，我更欣賞的系拒的蜆疥醬，

試了云吞面和一碗豬肝牛肉粥價錢可以,大概30塊一碗,但分量很大, 粥的確是值得一試!云吞面: 鮮蝦云吞很香口, 麵是試過最煙un的. 很好口感粥: 粥底很濃味, 料也很足夠.一定會再回去 而且一定要試他們最好吃, 最有名的鯪魚球