叻沙味道 (Closed)

一整個黃大仙商場，也缺少粉麵店，晚上八點半，餐廳人流已經很稀少，以為呢間可以試一試，點知失望而回，而且是人生中的 “一次深刻經歷”。首先一碗全無味道的叻沙，已經是十分難煮成的，為何可以配上椰菜在內呢？另外點解茶餐廳，沒有服務可言，可以收加一服務費呢？ 其實我已經不算揀飲擇食了，最後，成碗麵我只吃了一口，便起身走人，不會再來了。

本人昨晚 去到黃大仙商場 找野食，見到一間門口 標明 '叻沙味道' 餐廳，心想一定好正，滿懷希望 走進去試！點知來了一碗完全沒有 叻沙 外貌的一碗 普通麵！再試湯底，完全冇味道。可稱為 淡而 無味的一碗麵，俾車仔麵更難食！下次一定不會再去。

午餐獨自一人，便隨意嘗試一下越式湯河。套餐附贈飲品，看起來頗划算，懷著對「扎肉」的好奇選擇了扎肉湯河。上菜速度頗快，湯有些偏鹹，扎肉看起來像普通的肉餅。嘗試了一下，確實有些相似，特別的應該是上面的小黑點黑椒，為其增添香味。河粉與普通的河粉差不多，也頗滑。本店需要加一，但總體而言性價比不錯。

午餐時間偶然經過，正好看見別家店都太過擁擠，便抱著嘗試心態前來。店面頗大，環境中上。選擇的午餐是香茅雞翼墨丸油麵叻沙，湯看起來很濃，但其實還好。有著獨特的香料味道，令人頗有食慾。雞翼是炸過的，外脆內軟，還有咖喱香味。油麵並不油，麵條細膩勁道。總體而言不錯，但客人較多，店員應接不暇。

這次是我第一次去吃這家店的叻沙 只能說佢給了很大一碗的所謂叻沙味的油麪 但是那味道卻令人不敢恭維 因為真的是沒有味道 根本就不像是叻沙 只能算是一個很大一碗的車仔麪 不過肥牛的質感挺不錯 $34吃這麼一大碗的肥牛算是挺划算的了

某日同家姐係黃大仙中心lunch，心血來潮嘗試了一下這家餐廳，本來唔知叻沙係咩，嘗試過後感覺還是不錯的。選了精選午餐F，睇落幾好味咁，有點像咖哩，味道濃郁，都幾香。雖然餐牌有畫辣椒，但其實唔辣我本身唔太中意墨丸，不過呢個幾好味！帶著咖哩的香味，墨丸爽滑彈牙，咬下去還有湯汁溢出，不錯雞翼是炸過的，泡在湯汁中有些軟了，但吃起來倒還是外硬內軟，像咖哩雞翼，幾好味。魚片同墨丸一樣有彈性，都好滑。我中意就著d湯汁，感覺香d雖叫油麵，但並不會油。面不算很筋道，但也挺有嚼勁，配著濃郁的湯汁莫名有點像沾麵。午飯時間店員都很忙，等待的時間略略長了一些，但可接受。店面乾淨，店員態度也不錯。總而言之，第一次嘗試叻沙的印象不錯，如有機會還會再去。

幾個月前終於跟阿爸在叻沙味道吃飯。其實幾年前已經想試一試但一直沒機會。我們一看見檯上張紙就確定要什麽了。那天的兩味餸：肉骨茶飯餐(配參巴醬炒雜菜、白飯）和無骨海南雞飯（配油飯、湯）。還叫了一碟白菜仔。飲品有熱檸水和熱咖啡。海南雞飯先到。賣相算ok、雞塊擺設有點亂如果放得好一點會好看一點。飯雖然黃但沒有味而且乾、一看就知道不好吃。幸好配菜和湯味道還可以。下一道菜也不太合格。菜本來沒事但問題出現在蠔油上。味道怪怪的、好像是變坏了。最後主菜出現了。骨湯藥材味好重、材料充足不是我杯茶。喜歡中藥朋友們不妨試一下。雜菜新鮮但洋蔥比較多、白飯就一般了。最差應該是杯即溶咖啡、好像水溝泥一樣。飲了一啖都嫌多！整體來説真是好便宜啊、可以説是一分錢一分貨。

点可以几款食品都无味，最多人叫嘅海南雞都可以无味，叻沙无乜味，D米線仲硬嘅添，上湯豆腐貢丸浸娃娃菜喎，不如用清水白灼仲好啦，服務態度又麻麻，入去前问过話有蝦，坐低叫果下又无，咁樣嘅服務，揾你下次幫襯

我是叻沙迷，明知伏位都試一試。叫了碗最便宜的叻沙，$34+10%。竟然可以叫摻摻，即是米粉撈油麵。要中辣。我好少因為難食而浪費食物，但呢間野真係難食到我覺得全日都會行衰運。豆卜像未煮過，又硬又凍，魚蛋也不熱，麵太淋。湯算是最好的了，不過除了椰汁咖哩沒有其他香料。結果食到一半就放棄了。這碗麵成本應該低過十元。

第一次試這間 叻沙，坐下睇下餐牌，才知是 敘福樓旗下分支，叫了兩個午市套餐， 海南雞飯，雞肉比較乾，出廚房前，其實可以處理好些，保持熱度，反而油飯同湯都唔錯， 叻沙油麵，味道失望，雞翼不熱，但反而有辣度 ，有微，小，中，大辣選擇，比較細心。

身處黃大仙，想吃海南雞，與其去茶餐廳，不如試試這家叻沙味道，起碼個店名都係做星馬菜。不過，原來，這也只是茶記一間。但既然在門口，都唔爭在入去試試。一心想食海南雞，不想吃辣，所以沒叫店家的主打叻沙。海南雞套餐，有雞、油飯、湯，以及飲品。海南雞質素麻麻，沒雞味都唔係大問題，肉質都唔嫩滑，就不好了。三色醬，我只看重黑漆漆的甜醬油，但味道其實也調得不好。油飯，一點不香，失望。湯，當然也不預期會清甜順喉了。咁既地方，咁既服務，唔明點解要加一囉。

小弟係早上十一點半去食, 如圖, 冇咩人 (呢個時間正常)見到39蚊個飯, 比外面40幾蚊便宜, 小弟又唔想食快餐, 覺得唔錯就入左去食. 叫左一個頭腐火腩飯, 檸茶, 冇叫凍飲, 因為凍飲要加5蚊個飯黎左, 睇睇個飯...細都算, 我諗住可能好好食.....一食落去....嗶我頂! 得幾舊火腩, 好辛苦先拉到一舊冇骨既火腩放係面影相其他舊舊都有骨既!而且係大大舊.D汁真係火腩用既汁!?一D味都冇, 就只有個「糊」字不如叫豆腐排骨飯!!! 檸茶.... 紅茶味一D都飲唔出.... 有個疑問佢地係用中國茶沖定係....?------------------------------除佢個飯難食, 佢地仲搵個著住校服既中學生黎做唯一一個侍應. 環境係一般茶餐廳既樣, 一邊食一邊聽到貌似老闆既人用粗口同老闆娘(貌似)講人是非我覺得OK, 好正常, 因為唔係酒樓唔係集團既食市, 當你小本生意.呢D野成日係大排當或茶餐廳都會發生.------------------------------難食?唔緊要! 環境差?唔緊要! 侍應唔pro?唔緊要! 老子當係黎禪定身心! 但係重點黎啦:比錢個

路經多次，及在太興吃過laksa後想再吃美味的laksa，然而未有時間去好時沙嗲（其實還有哪兒的laksa著名??），順道來此店。女朋友仔就是點了「墨丸貢丸海蝦河粉咖沙」看似濃湯? 其實很淡薄，辣味欠奉，其實可能和即食的味道差不多，喝得出湯底完全沒有火候。墨丸亦很hea...連譚仔的標準也未達，死板沒咬口。河粉又淋又碎，像小bb吃的一樣。太興的laksa竟可連易取勝。那我試試海南雞飯如何吧。餐牌標明「配油飯及湯」，但那油飯其實有多少油? 連油香都感覺不到。雞，好的是去了骨，但其實沒丁點兒雞味，雞肉亦稱不上鮮嫰。餐牌供參考餐牌供參考

以"叻沙味道"為店名，主打好幾款東南亞菜式如肉骨茶或海南雞飯等。仲以為叻沙係呢度嘅招牌菜，會整得好出色，點知原來得個名。呢度環境唔錯，空間大而且有好多卡位。睇睇menu，除咗東南亞菜外，亦有中式小菜。見set lunch已有叻沙揀，所以order咗套餐。鯪魚球海蝦肥牛叻沙。叻沙可選辣度，我揀咗大辣。見到碗麵，我嘅感覺係油到冇朋友。所謂大辣，同我自己加大量辣油冇嘜分別。真係湯都唔敢飲多啖。味道方面，有啲失望。完全冇叻沙應該有嘅椰香同蝦膏嘅惹味。如果＂叻沙味道＂係咁，我之後應該唔會再食叻沙囉。配料就只有鯪魚球好食。連個豆卜都好硬。雖然份量足，但重量唔重質。套餐$38，凍飲+$5，盛惠$43。雖然唔係貴，但食一次就夠。

由於開業不久來吃下午茶，所以不用等位便就坐了。點了個海南雞湯河粉，雞很新鮮，吸收了叻沙湯底，十分惹味！河粉量也算多，可惜好像煮得不夠淋，未能將湯底滲進。加了杯青檸梳打，夏日飲一流！總括來說，以下午茶的質量來說，還算是值得一試的！