LC Tea (Closed)

芝士牛油果(牛乳) (7.5/10)奶蓋味道非常濃😋 牛油果味道都濃 又有啲咬口(整個陣見到成個牛油果咁落)所以有啲粒粒咬👍🏼 但頂層芝士奶蓋個味道會遮左牛油果既味道少少 同埋奶既味道唔算太出😗後記：打食評既時候先知佢地已經全面結業 好可惜 希望佢地快啲重開返啦😢😢

🍎 LC TEA 🍵之前難得一次同朋友去咗屯門搵牛點知搵唔到牛騎反而飲咗一間一直都好想飲既 @lctea.lctea 諗住慢慢先出Post一路拖住未出Post點知今日見到佢哋個結束營業post(´；Д；`)水果茶既味道好清新好鐘意個豆腐奶蓋好香濃豆腐味配埋一齊飲真係好好飲架其實之前係俾LC Tea個樽既設計吸引咗#人生本來就有很多事是徒勞無功的點知我買完之後唔係果個樽我仲同個朋友講下次再黎飲啦點知(´；Д；`)希望再見啦呢個「寒冬」真係好難捱連啲集團都停埋業止蝕大家有能力嘅繼續支持小店呀

喺屯門雅都樓下嘅LC TEA🍵 好多款式都採用新鮮水果👍🏻富士蘋果茉莉🍎雖然個樣唔算討好🤣不過入口清甜有茶味幾好飲👍🏻飲得出係用真蘋果打出嚟👍🏻唔係溝糖漿加工嗰啲😛

建議：係新墟GoGoMall 地點好方便👍屯門奶蓋祭最後一站－LC Tea，舖頭係新墟凱都戲院附近。主打100%新鮮水果🥭 唔加任何果醬及添加劑。今次試左：▫️芝士芒果X茉莉 (走糖走冰 大杯HK$38)雖然唔係期間限定🥭 不過就肯定係舖頭既皇牌產品🥤 平時既茶飲店，如果叫芝士咩咩通常都係沙冰。今次既茶底就係芒果X茉莉，估唔到都幾夾，而且面層既芝士奶蓋好濃郁，唔會飲到成口油👍 杯底仲有椰果同芒果粒🧡 口感好豐富。等拎飲品個時，仲發現有平時飲開既芝士牛油果🥑 雖然唔係沙冰，不過配牛奶應該都無得輸💚 仲有仲有竟然有 #豆腐奶蓋 ‼️下次會再黎一戰🤤

第一次試叫左杯豆腐奶蓋四季春首先個奶蓋又稀又淡然後個茶底無茶味又甜成杯野完全唔match好奇怪完全唔知飲緊乜野飲兩啖就棄左浪費左三十幾蚊伏呀，無下次有好多更好既選擇

又到週末，是時候出走點遠的地方，今天去到屯門一探電影<幻愛>的經典場景，這套電影一振香港本土低迷的電影市道🎞在大熱天時欣賞完美景後，急需補充水份，難得來到屯門就當然要去美食集中地找了一家本土台飲店🧋 店鋪位於Gogo mall的門口當眼位置，菜單已經非常色彩繽紛，還有不少文宣，絕對吸引人駐足停留邊睇邊飲。我選了芝士芒果($38)🧃相當對得起價錢既大杯，芝士奶蓋的口感很柔滑，帶點自然淳厚的鹹香味。底下的芒果茶味清新，有果汁的鮮甜，茶味淡逸。當上中下三層在口中混和時有豐富的層次感😋

▫️ 超級四季春水果茶 $36主打就梗係要試下😍好怕有啲舖會加佐果醬 搞到個味好假同唔健康😶所以小店標榜用新鮮生果 🍎即切即沖 絕無其他添加劑🙆🏼‍♀️成杯野真係好足料～幫大家實測咗水果勁新鮮 可以放心飲😛我飲完之後有好乖地食晒啲水果添🥰個蘋果完全冇發黃 咬落好爽脆!!茶底都好清香 但百香果味太濃 有d酸🥲.▫️ 蘋果茉莉茶 $30見到是日推介就試下🥰鮮榨既蘋果汁同茉莉茶55比例💛好飲喎!!! 飲落超清新～小店用佐富士蘋果整會飲到有啲蘋果蓉同碎碎配埋個茉莉茶超香der💕.飲得出依間真係用新鮮生果🍎可以唔洗成日飲肥仔水解渴🙊有勁多款水果茶之外小店另一主打就係奶蓋系列下次去都想試下個豆腐奶蓋!!!依家仲要六點後有八折好抵💛

滿滿百香果四季春茶🥤 $32呢到水果標榜新鮮同即切即沖 中意飲水果茶嘅朋友可以一試🍓🥝🥑今次飲咗百香果四季春茶飲到係新鮮嘅百香果 酸酸甜甜再配上四季春茶嘅清香✨仲有微甜好咬嘅椰果((呢個椰果好好味😋真係好清爽解膩 啱曬配大餐同埋開始轉熱嘅天氣飲🤣

點了一杯大的芝士牛油果（牛乳），那層芝士奶蓋是我飲過最好飲的，比曾經風靡一時某強國品牌的芝士奶蓋有過之而無不及，口感很濃厚但不會杰撻撻。芝士味不鹹，淡淡的和牛油果十分配合，牛油果本身容易被其他食材蓋過，但是由芝士奶蓋到下層的牛油果（牛乳）的transition卻很自然，或者是加了牛乳的關係吧，而牛油果味還是存在的。牛油果牛乳好creamy，跟上層芝士奶蓋的濃稠相近但稍為稀少少。另外值得一提就是杯身非常有特色的插圖，每隔一段時間又會有更新的。

依間次次出新虛都一定要飲杯先安樂。。。因為成日出新野。。又次次都幾好飲！D黃裝飾又特別又靚。。隻黃杯又型。。飲完會唔舍得掉😹今次我地3母女叫左3杯！芝士🧀噴火龍飲落去淡淡既火龍果味。。好清爽。好清新！芝士🧀牛油果🥑好特別。。唔係望到staff整都唔知。。原來依款係會係面加oreo碎！飲落去先知原來oreo同牛油果咁夾。。可以帶起牛油果既香味出黎！芝士🧀玫瑰🌹烏龍茶好香玫瑰味。 。溝雲左仲好滑。。正！👍👍👍😋😋😋

小編早排成日去畀正價食水門雞嘅「雞飯好食」餐，咁去到Go Go Mall無理由淨係幫襯一間㗎嘛，今次就順手買埋喺地下嘅LC Tea！ 😋 原粒牛油果牛乳 $38 早排見朋友介紹咗健康嘅LC Tea噴火龍牛乳，小編被煽動之後都想飲得健康啲，但又唔想飲到成個口都紅晒 見塊黑板有介紹牛油果牛乳，就試吓呢個啦！落完單先見店員拎個牛油果出嚟批皮，成個過程淨係見到佢哋落奶同牛油果，好似無再另外加糖。飲落口覺得好清香，牛油果同牛奶味無話邊個搶邊個，可能兄弟爬山各自努力就係咁解啦😆

有個女仔店員勁臭串，金啡色短頭髮，勁有禮貌咁問下咩係金珠都燥人底，張嘢都冇寫到明係珍珠，問下都唔得？搵緊錢俾錢又勁惡講多次幾錢，明明冇問你，加上後面又冇人排隊🙄黃店唔係大曬，冇禮貌嘅客見得多，未見過咁冇禮貌嘅店員。

芭樂多多  4/5分  M SIZE 30元:好少在香港見到芭樂的飲品,本來想選其他水果茶,但都賣完,所以就選仍有水果的飲品。明顯是新鮮的飲品,見到店員切水果和用益力多製成,非常足料,30元可能你會覺得有點兒貴,但香港真的沒有什麼台飲店會用新鮮水果,所以其實是挺划算的。唯一可惜的是沒有大杯裝,很快就飲完,這一點建議可以修改。新鮮水果台飲店的優點肯定是好飲和質素高,但缺點都很明顯,就是價錢會相對其他店高,而且水果存貨有限,不是種種都有貨。店主選擇以新鮮水果為賣點,顧及的一定是品質為先,值得支持和尊重~

係二樓食完野，落黎地下的LC TEA買野飲先，記得以前元朗都有分店，不過未試就默默咁消失左。小店開放式一眼睇晒，內部感覺乾淨。選擇很多，但最後都係揀左珍珠奶綠所有飲品都可以加珍珠或芋圓，飲嘅芋圓未試過，下次試下先。要左鮮奶綠茶加珍珠，同一時間出左另一杯珍珠鮮奶紅茶，差啲拎錯人地個杯，顏色差不多啊睇住店員沖野飲，用日本牛奶非奶精，杯奶茶真係好滑喎，茶味就淡左少少。珍珠啡黃色，店員話佢地用琥珀珍珠，望落好靚，細粒過黑色珍珠，但同樣煙煙韌韌幾好咬，唔錯唔錯，天氣咁熱係要飲下野㗎嘛。

一心支持同路人💔唉...第二次幫襯，上次嘅茶係勁淡。諗住新店要啲時間warm up。冇放係心。今次直情比人當空氣，等咗5分鐘，2個店員全程背向櫃檯。嗌"唔該"仲比人睥咗眼，當空氣。女嘅望到客想落單，繼續專心打奶蓋，it's ok。👌🏻明嘅。😟但個男店員，係咪皇親國戚？唔使做😶keep住同女店員講人是非。🤭見到客，停低望一眼😒(斜視，同個emoji一樣眼神)，轉身繼續講八卦。要撐同路人，請移玉步到屯市x芳。同路人係可以包容啲，但都要有返正常基本禮貌。