Le Bon Pain Bakery (Closed)

每次黎到旺角我都想黎呢間店睇下有冇好味既包，因為難得黎到麻同埋行左好耐黎到呢度我都會唔想浪費咁多腳骨力而買下一個包但我後悔今次買了，其實我覺得冇乜包好買，但又抱住一個難得黎到的心情所以...香蒜芝士包$7其實只不過係一個普通的芝士包mix 香蒜味道係唔錯既，不過冇驚喜，同係普通包店買的冇分別芝士幾好味，香蒜的確幾易人入口，味道香濃我想講個包身好軟，我係第二日先食，雖然有點lum了，不過我覺得唔算大勁整體來說的確不錯，不過我覺得呢個包好難會難食，所以不會推介的而且可能仲平d添下次我不會兩再來的，因為好遠，同埋覺得冇乜包好食我中意試新野，但呢間包店的包沒有一個我覺得係新野

前幾日去過呢間, 幾喜歡呢度大大個田園法包 , 夠清新唔油, 幾好味見到有完整嘅包仲暖暖地咁, 諗住買返去做午餐呢度d服務真係見過嘅麵包店中最差, 次次見親都黑口黑面今次收銀時眼超超,求其幫你切個包切幾下就算, 片片忽大忽細, 切口斜埋一面又唔整齊, 唔通想倒自己米?真係浪費麵包師傅原本焗得咁靚

專程由港島嚟試佢嘅麵包同曲奇。買咗蕃茄香草包，香草味濃帶點蕃茄味，唔錯。但就咁食又似乎欠點什麼，可能應該要搵啲嘢夾嚟食。買咗200g 曲奇，每個味都試啲，但有啲失望，甜咗啲，同埋唔中意佢個texture咬落去有啲細細粒咁，好似砂糖咁feel。le bon pain 太過砂糖feel Jenny bakery 牛油味重超群牛油味冇Jenny 咁重，價錢又平啲，我都中意貴族蛋糕牛油味輕好多，唔會覺得滯，曲奇落足料，好實在，啲果仁大大粒，唔孤寒

見到呢間野咁多好評，所以黎左試！其實都幾遠，我係mk mtr落行左都幾耐先到~$8朱古力千層，本來想食心太軟，但我估同普遍4心太軟差不多，所以想試下呢個有幾千層我覺得冇乜朱古力味~，不值得一試，只覺得係普通包$10.1 6個迷你包岩哂我呢d中意試新野既人，佢每種都不錯，朱古力朱角酥內裡都有朱古力，不過個芝士波就麻麻地，有d硬，芝士味不太濃，yamazaki會好食d

每次經過這間在旺角的麵包店都會去幫趁，因為之前試過他們的多款出品都幾滿意。這日去完勝利道看狗狗，經過便又入去看看。最後選了一隻芝士核桃法包。麵包的質感很好吃，皮脆又不會'un'，裡面有車打芝士粒和新鮮香脆核桃粒。很美味！以這麵包的質素，才賣$13，很抵。

入左去好耐都唔知買咩包食好(for 第二天早餐食)其實所有麵包都好新鮮,但見到有排包係無package裝,好似唔錯WOR加上又係推介之選你可以要求店員幫你切,分為八塊唔算太貴 但真係好香 好香奶味本來諗住搽牛油 最後無呢個需要如何層層香濃?真係厚厚的﹑一層層,極有口感一試難忘,家人都一致話好食我會再去買^^因為還有好多款未試....

某天經過這間餅店，入內買了兩件迷你鬆餅回家吃，原來十分好味。這裡的迷你鬆餅有兩款口味選擇，分別是「咖啡提子迷你鬆餅」和「檸檬罌粟籽迷你鬆餅」，每件$5，如果買三件的話，則只需$13。買來了三件鬆餅回家享用。三件鬆餅雖是較為迷你，但都十分鬆軟，「咖啡提子迷你鬆餅」咖啡味濃，三數粒提子乾就埋藏在鬆餅內。「檸檬罌粟籽迷你鬆餅」的檸檬味雖不太濃，但加上了罌粟籽後就為這鬆餅增加了特別的口感。兩款鬆餅的味道適中，香甜可口，是值得一試的美味西點。其實這間餅店還有不少甚為吸引的麵包售賣，下次到來一定要試它一試。

今次係第三次幫襯, 甚少寫食評既我都想為呢間有心既小店寫下食評支持下!!!巴馬cheese粟米包, 4pieces, $12.5嘩, d芝士香到...... 本身想買新包, 又買番佢, 好香好香既芝士, 食落去一d都唔漏, 配合粟米真係好清新!!!希望下次忍到手買第二款包!曲奇$15/100g今次買左兩隻味ja, 有得試食, 有時老闆仲好大方成塊比你食!!!! 加分!!!1. 朱古力燕麥+一隻nut. 好脆口!! 朱古力溝燕麥都唔錯2. 伯爵紅茶, 第一次食有紅茶既曲奇, 都幾有紅茶味, 幾特別, 非常唔錯, 再減少少甜度就perfect!!!!其實呢間野既家庭裝麵包既價錢都幾親民, 單個裝既麵包就同a-one/山琦差唔多, 但呢度既款式特別好多, 味道又特別又清新, 總之令到我每次經過都忍唔住買d番屋企..... !!!!! 仲好多唔同款既小食!!! 芝士脆條, 果子燒, 脆多士, 英式鬆餅...... 太吸引!!!!!呢間算係我既麵包店list既number 1, panash 要去no. 2了!!!!!

我一向5中意又甜又軟既麵包（唯一的例外是菠蘿包），5中意佢食落去好nau而且無口感。呢種麵包比較符合日本人既口味，而偏偏大部份既香港麵包店都是日式風格，雖然說香港買麵包好方便，好多連鎖既麵包店，但我都好少買麵包食。但自從我發現這家小店之後，我又愛上麵包了我好中意佢後面有廚房，所以麵包都是新鮮出爐，到手還有微溫，不像好多連鎖麵包店包好冷冰冰- -而且一走進去已經可以聞到好香的味道，吸引人買多D但最重要的是，我可以搵到我最中意既各種西式麵包~價錢仲好親民尤其是法國長條麵包，一定要新鮮先好食，這樣才能有外脆內軟的口感~！好多其他麵包店都放太耐所以變成又硬又干而有意大利風味的各式軟包又真系5錯！雖然外表好樸素，但食落去有種麥香，咬落去煙煙unun，不搽牛油或者果醬都超好味~另外我覺得有一樣抵贊既是麵包價錢旁邊都會標上用過的材料，對我呢D對某種食物過敏既人來講好有用~~~！甘就可以安心選購啦最後要講下竹炭麵包……其實我都幾中意，不過點講好呢……真系有D奇妙因為……………………………………………………可以推薦俾大便5系好暢通既人我5知道其他人系唔系甘樣，反正我食左之後就好暢通- -b而且有入有出，

到旺角去, 一定不忘這間麵包店!說真的, 這類打破連鎖經營的小店, 能一直維持下去不容易, 當然有其原因的! 我由它開業到現在, 最欣賞的是味道與創意!這個榛子皇冠包外表很吸引, size很大, 十分夠份量呢! 在內裡, 它有千層包的感覺, 看到很多layers, 可惜吃下去則較普通, 沒有我期待一絲一絲的酥香, 欠缺一點油潤感… 味道嘛, 是可以的, 有hazelnut加上椰絲, 不算太甜, 不會太heavy, 不過分佈得不太平均, 整體份量有點少…黑炭包不知從什麼時候興盛起來, 但似乎愈來愈流行, 我在很多地方也試過呢! 其實黑炭沒有什麼味道, 只是感覺健康一點, 這裡的黑炭小法包亦是如此! 與普通硬豬包有何分別? 我不太吃得出來, 真的很一般, 不過挺脆身的!我一向很喜歡蕃茄, 也特別偏好香草包, 所以經常購買這款地中海蕃茄香草軟包, 呵呵! 它很軟身, 有不少蕃茄乾, 或許有人認為蕃茄味不夠重, 而且香草味不算濃, 口味較淡? 但整體上我又覺得是ok的, 起碼就我個人而言, 哈哈!另外, 買了一個合桃雙重朱古力蛋糕(不記得正確名字了), 朱古力味十分濃郁, 遍佈了份量不少的合桃

前往新世紀廣場途中看到這家麵包店，被店名吸引了注意，Le Bon Pain原來是法文「好的麵包」的意思。在店裡轉了一圈，賣的大部份是日式和歐式麵包，亦有售曲奇、蛋糕、果醬等產品。店家在細心地在袋裝麵包架上標明了成分。是次選購了蕃茄香草軟包和原味軟包。兩者都是標榜無糖和素食，比較健康。淺紅色的外皮傳出淡淡蕃茄和香草香氣，有點像Pizza味薯片。蕃茄香草軟包口感軟熟，略嫌味淡，不過無糖吃完的確不會口乾和膩，感覺清新。原味軟包($10)原味有較香麥味，個人比較喜歡原味。兩種包的質素不錯，價格合理，下次會試試其他產品。

行經何文田, 見到有間好吸引的麵包店, 又忍唔住走左入去睇下~ 買來做早餐~好軟熟, 有陣牛奶香味, 但食落口就淡味, 可就咁食, 又可夾火腿/蛋/餐肉...ETC, 都非常可口~ 的的式式好可愛, 冬甩/麻薯波波球/蛋糕仔/牛角包....ETC, 很多迷你版的麵包, 全部都以100g去計錢, 會令人好興奮地夾~ 但其實味道就普普通通......

同老公路經此店,見佢所買嘅產品幾好樣,咪走入去買嚟試囉.今次買咗兩款麵包同各款曲奇,食過後,覺得麵包味道一般,反而曲奇幾好,價錢實惠,100g就$17,買咗十幾款都係十幾蚊,價錢真係好抵,加上味道又唔差,路過此店記住買嚟試吓.講回味道方面,詳細介紹如下:香芋合桃包,包身唔夠鬆化脆口,質感有啲韌,香芋餡味道太甜,難以入口.合桃忌廉芝士鬆餅,做得唔夠鬆軟,有啲嚡口,面頭太多糖霜,整體味道實在太甜,唔係太好食.曲奇方面,試咗十幾款,味道大致上ok,質感鬆化又脆口,加上款式算多,價錢平,真係幾抵食,如果甜度減番少少就非常好了.

今日又黎呢度買午餐,今次買左:香芋合桃包呢個包超正,合桃同芋蓉好夾,芋蓉又唔太甜,正!栗子紅豆包外面酥皮,內裡少少紅豆蓉+多多栗子蓉,好夾!下次一定會再買黎食!

今日買來當午餐,雖然不是什麼大店,但係一間有誠意,創新,有heart既餅店,買了2款包:朱古力心太軟包裏面餡足,而且真係流心架,係朱古力漿,苦苦地,好好味!紅豆奶酪包咬落去,表面有吉士外,仲有食到果占味,內裏紅豆餡足,甜店適中,好味!