法國小屋

Open Now

Now Closed

今日經過呢個法國小屋，就比佢餐廳出面嘅氛圍吸引左，有啲閃閃嘅波波燈掛喺出面，好靚！所以就決定今晚happy friday嘅晚餐就食呢間！好好彩我入去嗰陣仲有位，我坐左陣，餐廳就開始滿座了。餐廳入面嘅佈置好溫馨，好有feel一坐低，店員好有禮貌咁介紹餐牌，而佢哋餐牌上面嘅食物、甜品及飲品種類都好多。以下就係我ordered嘅食物:法式龍蝦湯 $48好濃郁嘅龍蝦湯，幾好味。西班牙風乾火腿沙律 $46 有藍莓粒同蕃茄粒，好清新。啲菜好新鮮，加埋西班牙風乾火腿，真係好好味！秘製醉雞翼 $38 呢個醉雞汁好入味，大大隻，好好食Tiramisu 咖啡 $48呢個係我飲過咁多杯tiramisu咖啡黎講，最好飲嘅一杯，佢唔會好甜，上面層cream好creamy，好似食緊tiramisu咁。同埋個啡底都唔錯！明太子蟹肉意粉 $88望落好細兜，但份量其實好多。好多明太子醬同蟹肉，超級滿足焦糖香蕉窩夫 $62 +曲奇雪糕 $10 呢個窩夫真係必食，外脆內軟，唔會太甜，加埋雪糕一齊食，真係超滿足半份即焗蘋果批 $48呢個蘋果批好特別，唔似平時出邊食開嘅口感，佢係用千層酥疊埋一齊，上面放上好多片蘋果，口感鬆脆，

牛油蒜蓉番茜煙肉意粉🍝牛油、蒜蓉、蕃茜依三樣都係好香嘅材料，加埋一齊自然香氣四溢，煙肉都落得好足，就算冇加到太多花巧嘅食材都已經好食，簡簡單單而美味，因為餐廳係半開放式嘅廚房，所以一直都聞到香味，流晒口水😋法國龍蝦湯🥣即焗蘋果批🥧本身想叫雙層芝士蛋糕，但係咁啱依期係榴槤味，唔啱我心水，所以試咗蘋果批，蘋果批有得叫半份啱晒一個人食，即叫即焗酥皮非常酥脆，每一層都係又薄又脆，面頭一片片嘅蘋果帶有肉桂嘅清香，甜度適中，好食！甜品相信係依度嘅主打，後尾發現差不多每枱都有食甜品，尤其係窩夫，下次嚟可以試下🧇依間小店有十幾個位，位置雖然唔近港鐵站，但係今次平日夜晚嚟到都坐滿人，而且外賣訂單都唔少，應該有一定口碑～

當日係公眾假期下午去食大概等咗15分鐘先入坐🤝🏻餐廳坐位不多裝修亦好普通,唯一勝在店員多👣但當日嘅坐位就係靠緊店員的位置,就不斷聽到聲音有點似去咗茶餐廳🍴感覺就真係不太好加上食物質素也很一般,與價錢不成正比真係有點失望😥🔸招牌千層芝士薯片 $48好耐之前見到呢個已經好想試😚但食落就真係好普通完全冇特別🥲只係薯仔切成薄片再加上忌廉同芝士🧀係有層次的但真的一般~🔸日式明太子蟹肉意粉 $98意粉真的不太行😣成個意粉係好多明太子但同意粉完全融合唔到😮‍💨意粉還意粉,明太子還明太子😶而且蟹肉嘅份量真係不多,存在感偏低,呢個價錢真係唔太值🤲🏻🔸招牌咸牛油焦糖窩夫🧇 $58叫上後唔洗3分鐘就上咗擺明就唔係即叫即整,窩夫只有微暖😅窩夫係脆身個隻冇咩口感而且有一點焦糖糖漿同cream👀咸牛油就真係唔太知係邊~🔸Tiramisu 咖啡 +$38真係有一層tiramisu 係咖啡上面☝🏻但tiramisu 冇咩咖啡同酒味💦加上味道係咸的,感覺有點奇怪🤔幸好撈勻後味道正常一點但價錢真係唔太值🫧🔸焦糖脆脆涷牛奶咖啡 +40同平時飲嘅有點不同,咖啡係另上的🙌🏻焦糖脆脆份量不多同好普通~🤤好味度 : 4/10🔙回頭

由元朗西鐵站經YOHO行大約10分鐘 又或者輕鐵大棠路站行5分鐘 穿過大街小巷 就找到這間法國小屋餐廳如其名不是很大 但亮光度高 坐得很舒適 很有法國風味的一間餐廳 唯一缺陷就是在小巷中有點難找！其他一切都很完美！主食揀左明太子蟹肉意粉同西梅汁西班牙黑豚肉飯分別升級咗套餐 可以任揀一杯嘢飲同埋有個細沙律細沙律菜望落去唔係好多 但食落係好夠 小小嘅調味十分開胃飲品揀咗自家製朱古力同埋Tiramisu咖啡飲朱古力最怕係好似飲緊糖水咁 而呢度嘅朱古力好濃好滑絕對唔係得個甜字而Tiramisu咖啡我夠膽話係元朗最好飲手指餅好脆 點少少cream同埋可可粉 將手指餅提升到另一個層次咖啡唔會太酸太苦 就算平時唔鍾意飲咖啡嘅人都可以入到口明太子蟹肉意粉唔使$100 但超級足料 每一口都係充滿明太子同埋忌廉 但係佢一啲都唔油膩 作為配菜嘅木魚同埋蝦 令到成個意粉更加香口西梅汁西班牙黑豚肉飯 望落去冇乜特別但係成個醬汁係同黑豚肉好夾 相信係餐廳特別調製所有配菜都係出乎意料地好食 無論係菇定係西蘭花 冇一樣係會令你失望 好快就食晒成碟飯另外加錢配咗個龍蝦湯熱辣辣咁樣上枱 香味隨住煙不斷咁樣升上嚟聞落去超

今日天陰陰，落住毛毛雨，令人提唔起勁，食甜品就啱哂啦。餐廳位於大街嘅後面，雖然不太起眼，但夠清靜舒服。餐牌有意粉主食，鹹甜窩夫等，都相當吸引。Nutella朱古力窩夫窩夫烤得香脆，淡淡嘅蛋黃香，配上nutella同caramel，好sweet呀!! 半份即焗蘋果批金黃色嘅批底，加上一片片嘅蘋果，外表已經非常吸引了。一口咬下，批底非常酥脆，配上蘋果嘅柔軟，口感一流。批底嘅牛油味突出，加上酸酸甜甜嘅蘋果片，唔油膩之餘，仲有果香，真係食到停唔到口呀!龍蝦湯橙紅色龍蝦湯，香味十足。飲落順滑，如果加點蔬菜，定能增加湯嘅層次感 。雪山與白雲（蝶豆花牛奶）一杯好適合打咭嘅飲品。外觀好靚，一層紫藍色嘅蝶豆花，一層白色牛奶，真係好似雪山與白雲，好有詩意。雖然天氣一般，但可以係恬靜嘅環境下，食到美味甜品，都算係賞心樂事呀。

元朗都有高質素嘅waffles 🧇✨, 法國小屋出名蘋果批係元朗人都知, 估唔到佢哋個waffles 🧇都咁好食仲要勁高質素🫶🏻✨雖然係小店但係估唔到佢哋有外籍廚師添👨🏻‍🍳🌟今次我叫咗辣肉腸長通粉同埋芝士千層薯片, 味道同外國食嘅真係一模一樣好正🫶🏻🫶🏻🫶🏻❤️❤️雖然係小店但係食品質素高服務又好好👍🏻👍🏻👍🏻我諗夜晚坐喺出面更加正因為見佢哋有小燈飾✨佢哋仲有個新鮮水果無糖冇防腐劑嘅水果茶🍹非常貪靚嘅我當然叫咗個🍎蘋果🍋檸檬水果茶啦又有美白功效又有維他命☺️❤️下次會試吓夜晚嚟先打卡影相📸一流, 又夠浪漫😂❤️

😋😁主題遠離市區法國小屋 元朗合益路9至15號紀業樓1號地下驚喜的是附近有個停車場， 停車場有機會要等一段小時間， 行一分鐘就到。店舖細小精緻，環境光亮，氣氛舒服，店內有幾處打卡點，門外放置兩set枱櫈!😋😁明太子蟹肉意粉 配搭得很好，意粉咬入口有彈性煙煙韌韌😋😋😄牛油雜菌煙三文魚配蕎麥窩夫 賣相好靚😃 三文魚牛油雜菌蛋放在窩夫上食入口融為一體😋 juicy有口感 伴著新鮮生菜沙。😄最後一杯冰涼檸檬茶， 完滿😍

晚上帶毛孩出街食飯，搵到呢間可以坐室外。餐廳提供主菜可以加錢升級換套餐。明太子蟹肉意粉$88，加$40升級套餐包沙律和飲品（$25內飲品），特色是濃郁的明太子醬汁。意粉煮得淋軟，搭配香濃的明太子醬汁，非常惹味。略嫌乾身。西梅汁西班牙黑豚肉飯$118，加$55升級提供沙律和任何飲品。這道菜以西班牙黑豚肉為主要材料，搭配上酸甜的西梅汁，豬排有兩件，配料有蔬菜和菇類。套餐提供的田園沙律。份量適中，帶來健康元素。推薦試試他們的西柚梳打，無糖、清新的西柚氣泡飲品帶來清爽解渴而消滯。注重健康的女仕選了熱檸水，非常配合這種隱世而清靜的餐廳小店。睇相甜品幾吸引，不過今次無食。

趁平日放假🏖️，預先留定室外位，同狗狗🐕嚟歎lunch。午餐選擇多，冇記錯好似有多款素食🌱選。餐牌上的主菜，+$40可變套餐🍽️，包沙律🥗+飲品可減$20，另外亦有set lunch。最後，我選擇主菜變套餐，而餐廳仲額外俾我點咗半鹽味焦糖窩夫🧇。份田園沙律🥗：點俾狗狗。細細碟，蔬菜都新鮮👍🏻，不過沙律菜上係淋咗芝麻醬（以為僲係油醋汁），所以要儘量撥走啲醬先俾到狗狗食。黑松露野菌意粉🍝：賣相、擺盤好靚，幾有心思；忌廉汁非常濃稠；菇的份量ok又新鮮😋；意粉食落好大碟抹茶latte🍵 ：好飲，但未至於念念不忘，屬正常水平鹽味焦糖窩夫🧇：窩夫夠脆，唔係硬、鎅口果種，而係鬆脆👍🏻；窩夫啲格格唧咗cream，上面又淋咗鹽味焦糖醬，所以食唔到蛋味🥚；啲醬都好味，只係邪惡咗少少😈埋單$174，以lunch嚟講少貴，主因係我加配咗好多嘢。如單點set lunch，黑松露野菌意粉🍝+凍檸茶🥤=$98。店員友善、helpful，會問我狗狗有冇需要飲水💧。原本冇得點半份窩夫🧇，但因為我想一次過試埋甜品，所以老闆娘（我估係）俾我額外加配（$24）。環境方面，坐店外的座位幾舒適，唔侷促，因為餐廳位於人流較少的巷仔，感

落住少少雨，係元朗小巷入面見到依間特色小店。💡招牌千層芝士薯片 配沙律 $68將千層麵嘅麵變做薯仔片，薯仔片之間夾住滿滿嘅芝士，再加橄欖油去焗。啱啱焗起，熱辣辣。薯仔無焗到冧pat pat，仲有一片片薯仔嘅口感，加上滿滿嘅芝士，幾滿足。焗盤細細地，旁邊加上新鮮沙律，份量啱啱好，唔會太過油膩。💡 明太子蟹肉意粉 $98份量十足，足料。每一條意粉都掛住明太子醬。明太子辣辣地，再加少少蟹肉味。意粉都幾creamy同香口，唔錯。💡半份即焗蘋果批 $48蘋果批細細份甜而不膩。上面鋪滿一塊塊嘅蘋果，以佢嘅蘋果蓉仍然有蘋果嘅口感。批皮薄身，熱辣辣上枱，切起嚟好酥脆，食完唔覺得滯。特別鍾意佢上面鋪咗層烤過嘅杏仁片，同蘋果甜甜地嘅味好夾。比起其他蘋果批，依款唔係入面包嘅餡料嘅。咁樣一層層上，更食得出蘋果嘅香味。完全唔甜之餘，仲有淡淡嘅肉桂味，幾特別。💡水果茶有好多種水果，有西柚、藍莓、士多啤梨、檸檬、奇亞籽。無加好多嘅甜味，偏純粹嘅水果同茶味。食完主食之後，有杯清清地嘅嘢飲，幾舒服。好飲嘅水果茶，唔好浪費，梗係要食晒啲水果佢🤭😆。💡Cappuccino 都算大杯，正常水準嘅Cappuccino。🍄特別欣

舖頭位置旺中帶靜，店面細細，感覺溫馨。小店菜式選擇種類繁多，我同朋友分別點咗辣肉腸蕃茄尖通粉同埋明太子蟹肉意粉。落單之後餐飲好快就到咗，飲品好大杯，而且個杯嘅形狀係好似一個水壺咁樣，真係好得意！辣肉腸蕃茄尖通粉辣肉腸微辣，而且帶有香料味；尖通粉軟硬適中，加入大量新鮮蕃茄蓉翻炒，每條尖通粉都吸收了蕃茄的精華，酸酸甜甜嘅蕃茄令人食慾大增，唔會好似坊間嘅蕃茄類主食一樣過鹹，蕃茄味濃郁。明太子蟹肉意粉意粉上面有大量木魚碎作點綴，意粉口感爽滑。明太子微微辣，醬汁濃稠，每一條意粉都能夠掛上醬汁，配合埋木魚碎一齊食，口感相當豐富。意粉食到尾聲嘅時候，發現好多蟹肉喺底，就咁食個蟹肉，食得到蟹肉嘅鮮甜，非常足料。本身都想試埋小店嘅招牌窩夫，不過實在太飽啦，唯有留返下次再試啦！

餐廳好的骰，細細間好溫馨。門口有燈串裝飾，如果夜晚係户外位置食飯會好有feel 。餐廳入面淺色tone 裝修、幾個綠色盆栽、木質餐具，食法國餐都冇壓力，好舒服。聖誕節期間有一個限定套餐上邊有嘅嘢食都係主Menu牌冇，黎食嘅時候會有驚喜。另外都有一個法國廚師主理套餐，都好抵食，有前菜嘅湯同埋沙律、主菜之後甜品，仲會包一杯野飲。法式芝士煙肉洋蔥批（7寸）$228酥皮批底好鬆化。洋蔥焗到完全冇辛辣味，佢嘅甜味同埋芝士煙肉好夾。熱辣辣嘅批好有節日氣氛。酥皮杏仁批原來酥皮杏仁批，又叫法國皇帝批。批餡係杏仁醬，而批面用咗杏仁片做裝飾，表層焗左嘅蜜糖面令到呢一個餐畫上完全句號。

朋友介紹一間神秘溫馨小店，裏面竟然有真正的法國大廚🤩與店員閑談，原來法國廚師在大約10年前已移居香港開餐廳，主要製作廚師的家鄉菜，喺香港少見👍🏻價錢仲要唔貴(無收加一)，性價比很高😭一定要推介俾大家❤️‍🔥今日一行六人可以試到唔同嘅菜式，套餐已包餐湯、沙律、甜品和飲品：1.西梅汁西班牙黑豚飯 $268月份量很多👍🏻豚肉爽口彈牙、秘製西梅汁酸酸甜甜非常開胃😋2.法國油封鴨腿配意大利飯 $348正式的法國鴨腿唔係周圍有得食，鴨腿非常大隻，肉質嫩滑，鹹香味十足！配意大利飯味道食剛剛好👍🏻3.牛肝菌汁酥皮牛柳 $328類似威靈頓牛柳，香脆嘅酥皮包住牛味香濃嘅牛柳做五成熟最好味～一切開好多肉汁，牛味濃、軟嫩多汁🥩4.法式羊架配rosemary汁$268雖然得四支骨但都好大份😍呢個價錢包埋前菜、湯、甜品同飲品，簡直係超值👍🏻👍🏻羊架帶少許臊味，肉嫩多汁，食到停唔到🤭得四枝骨真係唔夠喉～～甜品叫咗杏仁批💛兩層酥皮包住杏仁餡，杏仁嘅香味芬香撲鼻😋香脆可口，暫時未喺其他地方見過呢個甜品，店員話係法國傳統菜～果然一試難忘👍🏻朋友嘅鹹牛油焦糖窩夫同苹果批都話好好食，眼見都幾多人專登嚟食窩夫🧇下次會再黎試😜間鋪

元朗嘅法國風情小店Lunch menu選擇好多款！唔同嘅西式意粉🍝沙律🥗飲品又係好多款🤩明太子蟹肉意粉 $73蟹肉超多 多到食到落底都仲有！意粉軟硬度適中 明太子份量都好平均冇話食完好膩👍🏼龍蝦湯 $32(跟餐)味道好濃🤩入口唔會太水或者太結同外國嘅龍蝦湯都幾似！味道比想像中高質👍🏼荔枝茶 $28好大杯！荔枝味好濃🤩但唔會掩蓋咗茶味入面仲有荔枝肉粒 覺得可以得閒就去飲下呢杯茶🤣抵飲！環境雖小 但都坐得好舒服同埋佢哋都有戶外位想要外國風情啲可以坐外面吹下風🤣

我知店都開咗一段時間，但係一直都未去食。今次出街食飯就去試下。店舖入邊唔算大可以擺到六張二人枱，所以如果想你食嘅話就要book枱先啦。菠菜三文魚千層麵 $118呢個係餐廳新出嘅菜式，連餐牌都未上，新鮮滾熱辣，所以一於嗌你試吓。千層面每一層都有足料嘅三文魚、菠菜同埋蕃茄醬汁。上面仲要加咗一層芝士，金黃香脆。呢個配搭好好味。石板街窩夫 $78 係餐牌度見到呢間有好多唔同口味嘅窩夫，好吸引，所以都嗌咗一個嚟試吓。窩夫一上嚟嘅時候擺盤都已經好吸引同埋好香。上面加咗好豐富嘅cream同埋上邊淋咗滿滿嘅朱古力同埋焦糖醬。個窩夫好鬆軟，陳穎仲有一球朱古力雪糕加埋一齊食，真係好滿足。提拉米蘇咖啡基本咖啡裝飾望落去都好吸引，所以嗌咗試吓。咖啡上面淋咗一層厚厚嘅cream cheese，食落有滿滿嘅空氣感，上面仲要有一條手指餅，再撒上一層可可粉，好有層次。