頹飯 (Closed)

係中環食lunch，要揾平靚正既外賣飯盒，實在吾容易，朋友極力推薦呢間係中環利源東街既「頹飯」,就來試下有幾好食。lunch hour 時段，呢間舖外面已經企滿曬人，不過員工服務非常有效率，落單超快，雖然外賣飯盒係即叫即做，不過都吾洗等好耐就有得囉!啱曬趕時間既打工仔!!~招牌薄牛肉飯配燒肉汁 $62凍奶茶 跟套餐加$9一打開外賣飯盒，燒牛肉份量又多又大件，件件牛肉都手掌甘大，而且牛肉一d都吾肥，煎得香口惹味，配埋燒肉汁，少少微甜，實在好好味。飯既份量好多，女仕可以order少飯，而且仲有少少粟米粒同青瓜，入口新鮮爽脆，可以平衡一下，冇甘肥膩，健康又開胃!!~凍奶茶大大杯，又夠曬凍，啱曬咁熱既天氣!!~頹飯!!~我一定會再來幫襯!!~

上個星期去咗中環工作，記得之前行經利源東街嘅時候見到兩邊有唔少專門做外賣嘅食肆，喺午飯嘅時間都排滿左人。因為天氣熱，又唔想同人迫嘅關係，所以揀咗少人啲嘅一間。其實都諗咗一陣，因為叫做頹飯，都怕佢唔好食，不過既然寫住即叫即煎，所以就試吓啦打開飯盒見到飯餸嘅份量差不多，都幾驚喜。飯量算多，建議可以叫少飯。蛋炒得啱啱好，唔會好老。調味方面可以輕少少手較為健康，但尚可接受同平時食開嘅蝦仁炒蛋唔同，呢度嘅蝦都幾大隻，唔止係蝦仁咁簡單。雖然都係冰鮮，但係都幾鮮味同事嘅熱咖啡，因為可以自己落糖，所以還可以控制甜度。至於凍鴛鴦，飲落都幾甜，所以最後冇飲晒成杯。如果係怕甜嘅，記得帶少甜中環想要食平啲有健康嘅話，呢度都係唔錯嘅選擇。

今日工作需要嚟到中環，因為冇乜時間食飯所以同事推介左呢間主打外賣嘅餐廳。位於利源東街，係排檔嘅兩邊，位置比較隱蔽難搵。門口見到寫住即叫即煎，所以都等咗大概10分鐘嘅時間先攞得走。用嘅係環保嘅紙飯盒，值得一讚。打開飯盒，有啲嚇親雞扒嘅份量咁多。不過粟米就真係少得可憐。如果有多啲蔬菜就比較理想。至於雞扒算係濃味，感覺有少少蓋過咗本身嘅雞味。抵讚嘅係煎得好香，亦都唔會太油太多脂肪。飯質嚟講個飯味唔太香，可能成本關係，用啲比較平價嘅米。不過勝在份量夠多，如果平時係細食嘅，可以選擇叫小飯。黑椒汁分開裝，感覺企理，不過今次就用咗膠。至於熱咖啡就不過不失啦。整體來講，中環食到$45連嘢飲又飽肚嘅飯都認真抵食

喺中環呢邊食嘢大部份都好貴，經過見到呢間外賣店價錢幾不錯，就決定買份外賣做lunch返屋企慢慢嘆😋本身見到頹飯心諗應該都係好似大學canteen嗰啲平飯咁，點知又唔係咁頹咋喎，啲飯盒配搭幾ok~招牌薄牛肉飯~雖然買外賣拎返屋企嘅時間都有點長，但係飯嘅溫度又保持到，牛肉薄片食落都幾juicy，唔會話好乾身，薄薄一片夠大塊，份量夠多，最喜歡佢部份筋位食落幾爽口，附送嘅燒汁配牛肉好夾，令牛肉嘅味道更濃郁~凍杏霜~凍冰冰夠清涼，冰嘅份量OK，起碼唔會溝淡左杏霜嘅味道，飲落仍然有濃郁香味和甜味~

今天下午要開會，present的東西還沒有準備好，到樓下買個快飯。到了"頹飯"買飯吃，店名真有趣，試一試才知龍與鳳，叫了一個薄牛肉飯。除了牛肉飯外，還有個素飯，有正常的雞脾飯，還有很邪惡的厚厚午餐肉飯，跟餐可以轉意粉。由於太肚餓，吃到一半才想起沒拍照，快快拍個照才繼續吃飯。牛肉薄薄的，有點牛肉味，沒什麼雪味，也挺不錯。飯的份量很多，大食的我也覺得夠飽。餐飲選擇了凍檸樂，凍可樂還配有冰底，正，檸檬份量可以。

又到午飯時間，一人出街，成街都係人，唔想同人逼，惟有買外賣，所以去咗專賣外賣嘅利園東街搵食。成條街五花八門都有，我就揀咗頹飯。由於要拎返去食，見佢寫住即叫即煎，拎返去都要一段時間，所以揀佢。我就揀咗香煎無骨雞腿飯，黑椒汁加凍檸茶。簡簡單單只賣幾款，專注做幾款，確保水準。鋪仔細細但好整齊，同埋佢地工作分明，專工專責都幾多人，等咗6-7分鐘左右，拎得。返到去未打開陣味已經唔似黑椒汁味，一打開發覺比錯咗我，係茄汁。費事走返去換，照食。好豐富，雞腿鋪滿哂，重好細心碎上埋。有少少煎香咗嘅黑椒味，唔燶，唔辣同埋好滑。唔單單係茄汁，重有鮮茄。茄汁唔係用油推，食落唔會膩。配埋雞腿又鸔又甜。沉底重有幾塊青瓜添佢地飯盒同飲管都係用紙，好dum本雖然試唔到黑椒汁，但茄汁都好好味。下次再去買先叫黑椒汁試下

星期六去中環睇醫生，等下等下，一點多才能離開，所以餓着肚子四周尋找午飯，不想吃麥當勞，又不想去附近高消費餐廳食飯，便來到這間港式外賣小店，打算隨便買個飯盒就可以了，點知質素己有驚喜，頺飯不頺！小店喺利源東街，需要些少眼力才找到。有不同價位的套餐選擇，貴有貴食平有平食。欣賞餐廳支持環保，用紙飯盒盛載食物。沒想到雞排會是這樣大塊😂足足蓋滿整個飯俠。由於是雞腿肉，肉汁嫩滑，味道新鮮，而且香煎得不油膩👍🏽醬汁也不馬虎，用新鮮蕃茄煮成，仲有青瓜片和粟米粒。意粉份量很多，如果以飯碗來計算，足足有兩碗多。招牌薄牛肉飯也做得挺出色，雖然價錢不便宜，但牛肉份量非常之多，而且脂肪比例不太高，適合注重健康的人士（例如我😂)大大塊牛肉！牛肉味香濃👍🏽配合燒汁十分好食！如果自己一個食晒成個飯盒，應該會好飽😂

今日lunch要開會，所以冇時間落街食飯。好彩有同事好貼心咁幫我買咗飯 ❤!第一次食呢一間，同事真係好介紹。佢個名叫頹飯，但係外型包裝一啲都唔頹。佢用咗一個有好多間隔嘅紙盒去裝住薄燒牛肉，菜同埋飯 ，另外佢再有一杯熱檸水，同埋有一盒汁。我哋可以自己決定食幾多汁，唔會一開始就畀啲飯索曬。而且佢仲有青瓜同粟米。對於追求健康嘅你，呢個絕對係一個好選擇!講返食物方面先。我叫左薄燒牛肉，塊牛肉係屬於小脂肪既一種。佢加埋個燒汁一齊食呢，超送飯呀!😋就算佢比左勁多飯我，我都成盒食晒呀😌😌 同行同事仲加左隻煎蛋，佢話隻蛋邊煎到微金黄燶，同時間，蛋黃做到流心效果，真係100分呀!😋😋😋推介大家下次加黎試下。

今日中環office返工，黎到中環食lunch都成日諗唔到食咩好，一係價錢貴，一係就好多人，最後同幾個同事去利源東街買外賣啦～條街有好多外賣店，最後俾一個叫頹飯既鋪頭吸引左，因為呢排個人都頹頹地，個鋪頭名好岩我食😂都有唔少打工仔排隊買頹飯。有全日套餐，加4蚊就可以多隻雞蛋或午餐肉。加$6就有飲品。雖然個名叫頹飯，但都係即叫即煎喎😆原來openrice都有推介呢間外賣店😳最後我叫左最唔「頹」既牛肉飯加蛋。外賣盒係用環保盒👍🏻嘩，份量駛唔駛咁大盒。牛肉份量都唔少，望落幾好味咁🤤個蛋煎得岩岩好係流心ga,用黎拌飯真係一流🤤🤤汁係分開上，咁就可以自己決定加定唔加😂個飯份量夠同牛肉都好味。下次再食一定要加蛋，亮點。係我頹頹生活食個靚飯好滿足。

又面對同一個問題，中環食lunch真係好難搵位。所以今日決定外賣自取返公司食，同事介紹頹飯，仲特別提我要加蛋，聽完個個名已經好impress!1:00 去到都幾多人等緊⋯但好快就有得拎，所以都ok都唔算好貴，我叫左雞扒腿餐（黑椒汁）+煎蛋！。$45+$4拎到公司，發現佢同環保紙盒，好欣賞！加凍飲加$9，正常個雞腿好滑好夠味！真係要特別讚個蛋！佢係岩岩好流蛋漿！配埋個飯真係好夾！另外要欣賞的就係個飯盒將d source分開左，唔會浸到d飯，岩曬我唔鐘意太多汁，可以比我自己決定加幾多去個飯度。真係好大份！睇下佢個飯！我最後⋯⋯⋯係食唔曬個飯，真係好足料。另外，買完先發現原來可以滿$150可以外賣，要推介比同事一齊叫外賣先得！

每逢到午飯時間，中環餐廳都擠滿人龍，買外賣搵個地方坐低食反而更好今次我同朋友就揀咗呢間位於利源東街的「頹飯」，係一間主打簡單、快捷、方便嘅外賣小店餐牌上嘅全日套餐主要有五款，雞、豬、牛樣樣齊，最平$40起就有一個飯，中環地段來講價錢算係超值。Tea time仲有下午茶餐添～一口鬆軟豬扒飯配黑椒汁打開蓋，驚見飯盒嘅份量都幾大，豬扒同埋白飯都係滿滿的，難怪拎上手咁有重量，男仔食都一定夠飽呢！豬扒已經貼心地切成一片片，放便一口一口地進食。豬扒肉質果然鬆軟，豬肉味濃郁，配上微辣又惹味的黑椒汁，好好食呀香煎去骨雞腿飯配洋蔥番茄汁呢個飯另加$4有太陽蛋，半熟太陽蛋蛋汁四溢，去骨雞腿扒同樣份量十足，厚厚的！生煎雞腿好香口，皮薄肉嫩好Juicy！香甜美味的蕃茄汁裏面仲有蕃茄塊同洋蔥，送飯食一流熱檸水同凍齋啡另外加$6同$9可配熱飲同凍飲～熱檸水嘅檸檬都有成三片；凍齋啡質素正常

中環食飯真係唔平，揀左呢個名叫頹飯既餐廳買外賣，懷念一下讀書係canteen成日食頹飯既日子🤣🤣。間外賣店係小巷入面，都有幾多人排隊買外賣。有幾個餐可以揀，我揀左雞脾飯。原來買滿$150可以送外賣，下次可以同同事夾份買。個飯盒係用環保飯盒，打開發覺一d都唔頹。雞脾份量唔少，都煎得好香口飯同黑椒汁都有唔少，一定夠飽肚😆😆。個汁入面仲有青瓜同粟米。個黑椒汁幾好味，夠辣☺️☺️。一個名叫頹飯既小店其實一d都唔頹。

今日係中環附近做野，想搵d平平地既野，打開openrice search 到呢間頹飯 最初都有小小驚係大學個d好難食既頹飯，但見佢咁平，就試一試啦lunch menu 通常有五款左右，tea set 就有三款，不過今日有小小肚餓所以都係要個lunch大份d 好d，見到招牌似乎係去骨雞腿飯，openrice 最多人推薦都係呢款，咁就呢款啦應該穩穩陣陣掛等左一陣終於有得拎打開見到都幾大份，po滿雞肉，作為食肉獸既我好欣賞意粉都好多，相信連男仔都會覺得好夠食怕太咸可以叫分開裝汁，我要既係黑椒汁，同埋將飯轉左做意粉，個汁同意粉幾配，意粉唔會太諗同埋雞肉幾入味，幾有驚喜，呢個價錢呢個質數絕對係性價比高 加四蚊要左杯熱檸水真係好平啊，連野飲五十有找簡直係中環良心外賣店

中環食嘢成日都好多人排隊，一係就舖頭好逼 唔好坐，所以我成日都買外賣返公司食 ，一路食飯一路煲youtube ：正!今日無意中行咗去 一條街入面，發現有好多外賣店，其中一間叫頹飯，見佢寫住即叫即煮，就好想試下，佢到底頹唔頹 我試咗佢嘅一口豬，等咗大概十分鐘到就有啦。 即叫即整嚟講都幾快，首先講下佢外賣嘅包裝。 佢包裝得好認真，好似日本嘅便當感， 有肉有番茄有飯。而佢啲汁係另外用盒裝住嘅。 45蚊嘅外賣嚟講包裝質素非常好。講返個主菜先。 佢一盒有好多豬扒， 如果多啲飯嘅話兩個女仔分嚟食都得。 佢個豬扒煎得啱啱好，而且肉質好淋，唔會鞋颯颯。 我最鍾意係佢仲會加少少蔬菜喺側邊，咁就唔怕淨係食肉。而且佢啲汁仲分開上，啱曬啲追求健康嘅人! 我覺得買外賣食頹飯 一啲都唔頹值得再返轉頭食多次。

中環食lunch 起碼都七八十蚊起跳，除非行到去上環，早兩日有同事介紹有間野叫頹飯，性價比幾高，特別打工仔想拿拿聲食完飯午睡片刻，今日就行去試下。有6個餐，除左1號餐，其餘5個都唔算頹，揀左最貴嗰個6號仔試下。份量係好大份，女仔未必食得曬，牛都幾入味唔太靭，有兩片青瓜同粟米中和少少，叫做無咁膩啦，如果可以搭兩塊生菜就更好最後食剩兩塊牛，真係好飽，行去買到拎上樓食埋半個鐘攪掂再瞓個晏覺，爽呀！埋單68蚊算係咁啦