頹飯 (Closed)

今日中環office返工，黎到中環食lunch都成日諗唔到食咩好，一係價錢貴，一係就好多人，最後同幾個同事去利源東街買外賣啦～條街有好多外賣店，最後俾一個叫頹飯既鋪頭吸引左，因為呢排個人都頹頹地，個鋪頭名好岩我食😂都有唔少打工仔排隊買頹飯。有全日套餐，加4蚊就可以多隻雞蛋或午餐肉。加$6就有飲品。雖然個名叫頹飯，但都係即叫即煎喎😆原來openrice都有推介呢間外賣店😳最後我叫左最唔「頹」既牛肉飯加蛋。外賣盒係用環保盒👍🏻嘩，份量駛唔駛咁大盒。牛肉份量都唔少，望落幾好味咁🤤個蛋煎得岩岩好係流心ga,用黎拌飯真係一流🤤🤤汁係分開上，咁就可以自己決定加定唔加😂個飯份量夠同牛肉都好味。下次再食一定要加蛋，亮點。係我頹頹生活食個靚飯好滿足。