Le Soleil

Open Now

Now Closed

小弟一向認為帝苑酒店可謂香港酒店皇牌之一，平日路過尖東，亦不敢窺看。今日把身家豪盡一擲，本來想到J’s Bar Bistro 食西餐，但遇上裝修，轉食越南菜餐廳Le Soleil。先講環境，可能小弟未見過世面，個人認為帝苑稱得上堂皇，中通設計有優雅之感，但可能有些少歷史，顯得有些陳舊。講回食物，越南菜而言，收貴算頗貴，當然是因為五星級酒店。前菜不過不失，個人認為味道與外面的越南餐廳無異。到Main dishes 的珍寶帶子，有驚喜，帶子彈牙軟熟，與黑松露頗夾。酥皮牛腩上菜時稍微涼了一點，但牛腩配上酥皮，口感頗為豐富。驚喜的是，食到Main dishes ，已感到飽滿，份量而言豐富，並非「貴夾唔飽」。之後上了Noodles的金邊粉，個人認為與也是不過不失，而份量亦剛剛好。最後的Dessert, 酒店甜品當然不會失望，咖啡味的焦糖布甸有驚喜、水果撻的酥皮甚有層次，滿分。以此價錢食越南菜，甚貴。但論環境、氣氛、服務，可謂相對的。如果你與小弟一樣大鄉里，偶爾吃一頓有人為你開關門、侍應在旁窺探你晉食進度然後安排上菜的服務，一試無妨。畢竟最近疫症影響，酒店顯得份外冷靜，為免成為州際後塵，有能力就支

環境優雅舒服，午餐set包前菜同甜品，全部$200內搞掟。#柚子海鮮沙律有少量大蝦、魷魚同帶子，主要有青瓜同柚子，醬汁清爽，幾開胃。#越南生熟牛肉牛筋湯 可選金邊粉或河粉，加啲辣椒更加香，湯好濃郁，但飲得多有啲口渴。牛肉切得簿，入口唔韌。另外仲有粒牛丸同一兩塊牛栢葉。#越南咖啡 必試!!! 咖啡帶甘甜，入口順滑，有啲榛子既香味，可能飲開齋啡，完全唔使落糖。甜品有芋頭西米露，西米煮得好淋，芋頭好粉，食完好滿足。

週末又係搵好嘢食嘅時候，Royal Garden呢間越南餐廳絕對係好選擇之一。環境坐得舒適之餘，夜晚仲有歌手表演👍🏼至於食物亦好出色，一坐低先送一份蝦片小食，脆卜卜，正越式蒸粉包食越南嘢最鐘意試粉包，果然冇失望！皮嘅厚薄適中，餡料夠晒多，味道調教得岩岩好。蝦餅見到漲卜卜都知蝦肉充足，夠晒實，絕對唔係假蝦味，加埋個sauce更香口。大蝦紙米卷蝦好爽口，加上沙律菜等食材好新鮮，口感一流。海鮮湯超級足料嘅海鮮湯，極鮮味，熱辣辣，佢本身可以配埋椰汁但我對椰汁麻麻，終是要求唔落。其實唔覺得有需要落，鮮味十足👍🏼脆皮咖喱牛腩呢個絕對係Le Soleil 嘅signature 菜式之一。軟林林嘅牛腩上面有一層薄薄嘅脆皮，加埋辣度岩岩好嘅咖喱汁，配埋蒜蓉包，味道一流，好好味😋😋極力推薦一定要試👍🏼蒜蓉炒椰菜苗味道正常不過略嫌炒得林咗啲，全晚唯一冇乜驚喜嘅菜。全晚坐得舒服食得開心，埋單discount 後3個人每人大概$530（我地都叫咗好幾杯飲品）。呢個價錢要對比平時食開嘅越南餐廳當然偏貴，但有此服務及食物質素絕對可接受😊

吃過帝苑的自助餐很多次了，原來一直不知道從自助餐樓層上了小樓梯之後，就是另一片吃東南亞菜的地方，位置一樣的舒服開放，同樣在中庭聽著現場音樂，更有闊落的sofa位置，好relax啊～ 餐桌上的蝦片小吃，一吃不得了，會令人停不了，很厚實的炸蝦片，不是像吃空氣，從小事上看得出酒店水準吧看餐牌的菜品，也是很熟悉的，例如越式粉包、蔗蝦等，平實中吃得出水平更高，溫度很好，入口都是熱㷫㷫的。有驚喜是鱈魚配芒果汁，魚肉很滑，芒果汁調得恰好酸甜，不錯！

星期六，又到家庭日，今次選左Royal Garden ge 越南菜，見食評不少推介，滿是期待,之前有在二樓吃過一次自助餐，除了有live music添加氣氛外，請容許我講句老實話：食物太沒質素👎👎👎。但今次是三樓之越南餐，所以沒被之前壞印象影響到。照訂位去試....脆皮真係好鬆化，咖喱香濃，可惜牛腩實在太乾完全唔juicy，頗失望😞蒜蓉飽要另加24元越南火車頭河，有幾片生牛鋪在河粉上，牛骨湯底牛味濃，都係一般越南河粉味道，沒什麼驚喜🥱加埋一碗定價成$2百元一碗越南河，牛肉可以選用高質素的和牛片才比較合理牛柳鐵板上，加左一隻蛋白，拌勻，加左蛋白的牛柳更滑，加埋炒香洋蔥，好嘢味，算今晚最出色的一道菜👌👌👌👌越南春卷六條，但這個好唔掂，春卷上枱時熱嘅，但米紙春卷皮係淋嘅，相信是一早炸好的春卷用微波爐加熱，好難接受，收得人客百幾二百蚊一客春卷，點可咁唔尊業，就算老趙D街坊小店都唔會咁離譜吧！好嬲😡😡😡😡👎👎 埋單差唔多要千八元，食D咁嘅嘢，公道話，係完全唔值，一次都嫌多

今日同左女朋友去尖沙咀果面食下午茶，佢成日都想食英式下午茶，不過今次見到有呢個咁得意越式 crossover 法式下午茶又話要試下個巴黎鐵塔一拎上枱，我哋就哇咗一聲，睇落去好靚，佢分左兩層，下面係越式鹹小食，上面係法式甜品扎肉法包有少少硬，個粉包，春卷同埋香茅肉碎蝦片都唔錯鮮蝦羅文生菜沙律下面加咗乾冰，煙霧效果都幾吸睛。蝦同芒果都幾新鮮 & 鮮甜之後就到試佢 d 法式甜品，整體上都幾好，最鍾意佢果杯薄荷紅桑子薈萃，甜酸度覺得啱啱好最後埋單嘅時候仲送左英格蜜兒嘅禮包，女朋友超開心

話說尖東唔多越南粉面餐廳，今日友人好想食，於是就去左帝苑裡面呢間。Set lunch 都有好多 offers, 由$178 起跳，包括前菜，主菜，甜品同咖啡或茶。由於亞馬遜森林大火嚴重影響地球氧氣提供，為了減少碳足跡（特別係由巴西出口的肉類），決定黎緊呢1 個月都會減少食用肉類。基於呢個理由，及濕濕熱熱既天氣無咩胃口，前菜㨂左青木瓜青芒果沙律（含少量豬頸肉絲），希望可以開一開胃。味道非常好，酸中帶少少魚露咸香味，加上水果本身少許澀味及青檸汁，感覺好 fresh ! 主菜叫左新豬肉三文治，新豬肉係一種 plant base meat, 蛋白質含量比美豬肉，豆味唔重，可塑性好高，適合做唔同既菜色。講番呢個三文治，佢用新豬肉加香葉炒成，有少量花生，再加上一片薄青瓜及開胃醬料，配合青新得宜，係一個好適合夏天既菜色。另外要讚既係個包，用上越南常用既法包，上碟前烘得脆脆，加埋青新配料整體很值得推介。如果想做到無械可擊，有2 點提議：第一要加入醃青瓜/蘿蔔絲，提升酸度及加強爽脆口感；第二點可以斟酌，就係加入鴨肝醬，該香氣確實無可取替令人難以忘懷。但可惜鴨鵝肝培養方法過於不人道，所以我寧願唔再食。甜品

五條女出街其實有好多要求想搵個地方靜靜地，但係又可以傾吓計。想搵個地方有得食，但係唔想食太甜。想有得打卡，但係又唔想係戶外身水身汗。咁多條件嘅前提下，最後我哋搵到呢間有得食afternoon tea.我哋去嗰陣佢又做緊promotion.越式下午茶，又有巴黎鐵塔擺設。滿足晒我哋又想食，又有得打卡嘅願望。今次下午茶鹹點比較多，同一般其他酒店食下午茶有好大分別。鹹點有越式春卷法包，粉卷佢個沙律都好特別架，上枱嘅時候有啲乾冰係底，有啲煙係碗底漂出黎，仙氣十足，令到成件事好夢幻。反而甜點就好似相對弱左少少。真係冇乜印象食咗啲咩🙈 總括嚟講呢個下午茶同平時食開嘅好唔同，好特別。原來鹹點下午茶都可以咁浪漫🌹

今日係要睇演唱會 🎤泊低咗架車喺紅磡火車站之後就要去食飯🍴 紅館對面嗰個商場冇咩選擇，又唔想食food court，而且仲有時間。 決定慢慢行去尖東搵食突然好想食越南粉，醒起帝苑酒店裏面呢間高質素越南餐廳， 於是就walk in啦1） 軟殼蟹青芒果沙律 - 好味，尤其是salad. Sauce正！2） 鮮蝦肉碎米紙卷 -呢個我嫌佢裏面冇放薄荷葉,唔夠味道。點個sauce又麻麻地3） 火車頭越南粉-呢個就冇失望！湯底好好好飲,食完唔會覺得頸渴 而且裏面好多牛肉呀

又到Happy Friday🤓諗好weekend去邊未？😌想chill下可以食tea喎 舒舒服服同朋友坐下食下傾下計 叉足電下星期再努力過😌越法風味下午茶 $438 / 2 person前排就同朋友食咗呢個越法式afternoon tea用咗巴黎鐵塔做主題 有10款食物個人覺得鹹點比較出色 春卷同粉包好好食 法包就略嫌個包硬咗啲最特別係波士頓龍蝦配鮮果醬及羅文生菜除咗好食 仲好好睇因為下面有乾冰 上枱時會有仙氣飄出黎😍甜品就普普通通啦 慶幸佢唔係好甜🤣

難得約到一班朋友聚下，不過大家都話近排聚會唔係中餐就西餐，於是乎就諗起尼間位於帝苑酒店𥚃面嘅越式餐廳。沒想到餐廳平日都爆滿，好在早就預訂左枱人齊又係揀野食嘅時間喇，真係花多眼亂⋯⋯食住蝦片，飲住野慢慢揀第一碟上嘅係越式蒸粉包，平平無奇嘅粉包，真係無諗過可以咁好味道之後重有軟殼蟹青木瓜沙律同埋庶蝦人多嘅好處就係可以一次過試多幾款，基本上所有菜式都唔錯，其中火焰燒鵪鶉真係整得非常出色因為剛好有朋友生日，所以早就响酒店嘅餅店訂左個芒果拿破輪蛋糕幫朋友慶祝一下，蛋糕係餅店嘅signature ，真係實致名歸，好味到不得了希望下次可以嚟尼間餐廳試下佢個下午茶

今日約了2位一段時間無見的老朋友食飯，他們指定要食東南亞的菜式，馬上想起好似無同他們食過此餐廳。其實此酒店都應該好耐無裝修，仍然保持10年前的風格，個MENU 同一年前好似差不多，但價錢當然貴了，我記得幾年前第一次來食大約每個LUNCH SET 係$130-$150左右，依家最少都$180。因為我每次都係隔幾個月至一年才來一次，所以試過一次脆皮咖哩牛腩後，差不多次次都點此菜式，我太太點了越式香露燒三文魚，2位朋友叫了香脆春卷凍檬加一個單點的札肉櫻花蝦青木瓜沙律。單點的青木瓜沙律同跟餐份量相差一半左右，所以下次應該都點套餐抵D。我幾鐘意頭盤的煎札肉，另外試了太太的越式香露燒三文魚，三文魚外脆內軟，很甘香，份量亦足夠。為什麼我每次都點”脆皮咖哩牛腩” ，因為炸過的牛腩更香口但又保持到D肉腍身唔會太老，個咖哩亦是十分正宗的越式咖哩，令人好開胃。今日的甜品係芒果紫米，我唔太鐘意紫米的食材，所以感覺一般。而這裡的咖啡真係唔錯有回甘，我只係點了普遍咖啡，而我朋友加$38點了越南滴漏咖啡，我試了之後發現同普通咖啡差不多，下次我都會點返普通咖啡。今次需要改善的地方是服務，可能有新同事或客人比較多，點菜

閨蜜最中意去食tea，上網見到呢間下午茶係以越式做主題比較特別，就決定一齊去試下。造型係巴黎鐵塔好吸睛，用黎打卡一流。甜鹹點都幾精美，我閨蜜最中意炸春卷，夠曬香脆。我就覺得個沙律配乾冰好靚又fresh。甜品方面，幾款都用左Tiffany色，味道都唔錯。而且而家原來英格蜜兒gift set送，有得食又有野送真係太正啦。餐廳環境都幾寧靜，好休閒地度過左周末既下午~

Le Soleil是我在香港最喜歡的越南餐廳, 她令我理解到越南菜不只是可以很down-to-earth的速食菜式, 在食材上和表達上也可以去到Fine的境界. 我最喜歡的, 都是肉! 脆皮炸牛腩比很多粵菜菜館更精細, 炸皮只是剛好附在牛腩上, 脆而薄的質感令我更能感受牛腩的腍, 牛味濃厚得就算不點咖喱醬也夠滿足, 這裡的咖喱微辣, 沒有太多椰漿, 主要是香料的香氣. 乳豬件肉骨相連, 不要忘記香港大部份乳豬也是由越南入口, 在越南餐廳吃越南乳豬是一件很理所當然的事吧! (哈) 肉質嫩滑而Juicy, 和牛腩的口感相映成趣, 配上蔥油的吃法和廣東人吃雞配薑蓉倒是有點相似.

Where do you have a business lunch with your customers? Hotel? cafe?This restaurant is a great place for business lunch. The environment is quiet and comfortable. Both the food quality and price are reasonable. Lunch set is around $200 including dessert and drink.AppetizerCrispy-fried Spring Roll, Rice Paper Roll with Roasted Pork Fillet, Deep-fried Shrimp Cake I really like this Rice Paper Roll the most among the others Vietnamese restaurants. Excellent!Main courseVietnamese Beef Noodles in Sou