利興餐廳 (Closed)

元朗一向多野食，呢日兩個人搵食嚟到紅棉圍呢間利興餐廳。見到餐牌上邊嘅精選午餐雖然選擇唔多，但係都幾啱口味，於是我哋就叫左一個瑤柱肉碎蒸水蛋飯 ($45) 和一份清蒸鯇魚飯 ($45)，兩個都係飲熱奶茶。例湯清清甜甜，難得係無加味精。瑤柱肉碎蒸水蛋飯，水蛋十分嫩滑，瑤柱肉碎份量適中，味道調教得好好，好好送飯。清蒸鯇魚飯，鯇魚新鮮，魚肉鮮甜無泥味，配上滋味蒸魚豉油，健康好食。熱奶茶，味道有層次夠純夠滑，好飲。呢餐簡簡單單，味道唔錯健康之選。