利興餐廳

Open Now

Now Closed

茶餐廳文化植根香港多年，講求就係食物種類多，出餐快，好似今日食既利興餐廳，係元朗有幾間分店，正正係由細食到大既傳統茶餐廳。一到門口就見到午市特價套餐，日日都轉款，唔會食到悶。午市套餐唔啱食又可以食燒味，常餐，三文治，真係百貨應百客，梗有一款啱口味。今日啲午餐麻麻啱，叫左個時菜排骨炒河兜亂，阿姐就即刻送上例湯，茶餐廳午市必備之物。坐唔夠5分鐘，炒河上枱，即炒熱辣辣，夠哂鑊氣，幾十蚊一個午餐仲有乜求，茶餐廳真係香港人既食堂。