利苑粥麵專家 (Closed)

細細個我爸爸帶我黎食,一個小鍋和糭,到今時今日我帶我男友食也食同一樣的食品.粥底己經沒有從前的好,肉丸也退步了,但味感總係容易受影響.一面吃,一面細說從前種種,不知將來會否帶小兒來?

今日同左男朋黎呢度食..兩個人食左白粥油炸鬼同埋隻"種"..但係隻"種" 成廿五蚊，雖然係好大，但都唔駛咁貴呀.....

去親叫個皇牌粥,46蚊夠2個人食乜料都有~我最鍾意佢地既肥美黃沙豬潤>v<諗起都想再去食~~伙記算親切~你要調位都唔會"啤啤共",做野又爽手,老鋪黎講,d伙記算係咁啦

艇仔粥, 榣柱麵, 菜艇仔粥份量ok, 但材料唔算多, 粥底ok, 我就未試過冇肉碎既艇仔粥喇, 呢間野就冇俾我睇喇...榣柱麵, 廿蚊碗齋麵, 又唔係大碗又唔係好食過人, 哈哈哈, 得啖笑菜, 好難會差, ok啦

凍紅豆沙($10) , 個質感好攪笑, 我會用好「滑」o黎形容, 好似d 糊o甘, d 豆都好淋, 其實一切都ok, 不過, 真係, 好極甜......

係CWB同女友行街, 行到九點幾, 唔想食咁多野, 只叫了豬潤粥和豬手撈.豬潤粥- 粥底不夠生記的甜, 但豬潤煮得剛好, 好爽可惜有筋.豬手撈–好多麵, 的麵既皂水味好重, 連的南乳汁味都能蓋過, 好彩的豬手都做得不錯, 有三大件, 幾諗滑, 好膠, 但可以再諗的, 個人覺得黃枝記好味的. 埋單七十幾連汽水. 可以一試.

Congee is one of my favourite food and I must say Lei Yuen makes the best congee in Causeway Bay, if not in Hong Kong. Their Pork Liver Congee and Zongzi (Bamboo Wrapped Dumpling) are both top-notch! I agree the waiters are not terribly friendly but funny enough I think their "I don't give a toss" attitude is kind of cool - at least they are not as annoying and instrusive as those "OTT friendly" fakes

除咗呢到既雲吞麵外，一定要食小碢粥，佢地既粥底當然出名，咁多種粥都唔知叫邊樣好，所以小碢粥就最啱，其實係一個什錦粥，夠兩個人份量，而且足料，都係50蚊唔使。

記得數十年前（約莫在七十年代）這店開業時已開始幫襯，多數在附近的總統戲院散場後宵夜，而水準亦多年不變，每種食物都很好味，待應亦是一般粥麵店的水平，這些老店，你不能對它的服務有太多期望，我的最愛是薑蔥蚝油撈麵，及腰潤粥，在別的麵店，蚝油多是欠佳，利苑的郤不錯，麵很爽口，份量也不少，雖然和十元店來比較，價錢不算平，但物值郤高，因不會食不飽．

不嬲覺得呢間野又殘又舊. 朋友講到點好,免為其難試次. D粥唔見得特別好食,衛生又唔掂. 成隻手指放左入去, 搞到我拿拿聲But走D粥. 個老闆又黑哂口面, 食到一肚氣氛!

好耐冇黎呢間粥舖啦，今晚個朋友話要減肥食粥同食菜，我淨係諗到銅鑼灣呢間有粥又有菜既地方(因為通常都只係是但有一樣)。入到去我照舊叫呢度我本人覺得好好味既豬潤粥($25)，我朋友叫碗白粥($8)，我一人再叫一碟菜心(各$11)，因為一碟會唔夠食。好正呀，雖然咁耐冇黎，不過豬潤粥依然好味，就連白粥我個friend 都話正呀！一定要黎多！　=P

岩岩行完Sogo, 忽然想食牛腩, 最近麵店是利苑.牛腩米+菜心全走:菜心出事, 好黃.牛腩更唔掂, 比較乾, 不過幾香lor.老闆上菜, 一隻手指公插入湯米入面, 大佬呀.......

食左個蝦子蠔油撈麵, 蝦子有好多,蠔油仲多,好似唔駛錢成大pet咁...但係食得出用既係靚蠔油~加上d野唔肥膩,如果佢d蠔油少返d就perfect~雖然係鹹,我都成碟清晒

星期五晚，同朋友活動完，已過十二時。人在銅鑼灣，晚餐又只吃過唔湯唁水的三文治，肚空空的，來這裡吃碗粥都不錯，就一個人來幫襯。接近凌晨一時，呢度都仲係唔少人，個舖位旺係唔同D。已夜，不吃那麼多，只要了及第粥。這裡粥底偏稀，份量不算多。比較起幾間粥品名店如李景如生記，這裡的粥明顯給比下去了，粥底不太甜，米下得亦少，還隱約有味精的出現，只屬新釗記及羅富記的水準，非常一般；料亦不算多，最好吃的要算是兩塊豬潤，僅僅熟，爽甜甘美，可惜幾多筋；兩塊豬肚及豬腰都很「化學」，應該給化學粉招呼過；那粒肉丸還不錯，幾有味道亦鬆軟。伙記是有點愛理不理，不過這就是老店的icon，見怪不怪。埋單22蚊，味道一般，可以不試。唯一好處是吃完也不算太飽，作為消夜，剛剛好。

豬潤粥($25)真的好好味，粥底夠棉，味道較純，不覺有加入其他如魚湯、鯊魚骨、豬骨等配料。豬潤亦非常嫩滑。凍紅豆沙($13)都算幾杰，惟略甜。