利苑粥麵專家 (Closed)

禮拜一﹐約了朋友行街兼買衫轉秋裝。路過此地﹐就醫下我們的午餐啦。朋友點了碗雲吞河﹐雲吞好新鮮﹐肉汁好夠﹐河粉夠滑。我點了碗豬腰粥﹐豬腰好爽口﹐入口完全無騷味﹐粥吸收了豬肝的肉汁﹐成碗粥都有肉香味。另外點了碟油菜﹐菜心夠新鮮﹐不過太細碟﹐入口小小淋﹐不過我喜歡吃淋的菜﹐所以我中意。

媽一早便嚷著要食粥, 本想去大坑但又不想駕車, 所以都係行了落利苑算了.都幾年冇幫襯了.這店子又係十年如一日, 內進又係好像時光倒流...綠白的地磚, 木卡位, 牆上的掛燈, 又係老店子 feel.不算多人但都要搭檯.因冇卡位.媽叫了魚片粥, 一隻粽; 我則要星期日才有的雞肉雲吞麵+11蚊碟既油菜.粽先上, 足料, 都幾大隻.媽讚話有"荷葉味", 唔明.我食了少許, 蛋黃, 豬肉都入味.雞肉雲吞有 4 粒, 皮薄, 內有少少冬菇, 好香.麵唔太鹼, ok 啦.另有鮑魚粥系列, 八十幾蚊碗, 有冇人食架...埋單見到架老爺級找錢機, 以為會用啦, 點知掌櫃督檯面部 casio, 吹漲...聽聞此餐廳都有 三十年歷史, 埋完單, 行返出去, 隔住玻璃, 見到師傅在內煮粥, 那一剎間, 感覺好像三十年就只一玻璃之隔咁.如果梁潮偉及張曼玉當年唔係去金雀而係o黎食粥, 你話幾咁浪漫呢...

昨晚看戲兼落吧睇波後，成 11 點鐘，打算求其食碗麵算數。想起這間麵店正在附近，便跟男友來。二人各要了雲吞麵和雙丸麵，雲吞是細粒那種，蝦和肉比例不錯，皮都夠薄，麵條亦見爽口兼冇乜鹼水味，可是賣成 $22 一碗，菜都冇條，份量亦細，自問細食的我都唔係好夠；反而雙丸貴 $2，有 3 粒牛丸 3 粒魚蛋和幾條青菜，魚蛋魚味濃，彈牙卻稱不上，感覺上比雲吞麵好。

放工行行Sogo, 行完找地方食, 找來找去, 始終都是來這一家老店, 食碗麵.仕已經是人多多的店, 坐得不舒服, 賣的只是老店靚粥同老店靚麵. 不平凡的老店, 有著平凡的出品.看見麵檔有靚靚牛丸, 但食麵, 不要牛腩, 魚餃, 總不能欠下雲吞. 來了一碗雙拚麵. 其實雲吞同牛丸味道很平凡, 但清湯非常之清, 值得飲番兩淡.老店風味夠, 亦有一個古色古香的收銀機. 有時一些古舊野, 要作有限度既保留. 行完Sogo, 一兩個人食碗快麵, 就近啦, 就呢度啦

食左bowl 魚皮及弟粥 好腥...D 豬潤係錦"標"血 而且食物價格偏貴唔值唔值

7月21日，20:50又是南下日，在灣仔下車後，本想到蛇王二補一補，可惜full house，便轉到銅鑼灣覓食。粥引起人和竟不賣粥，祇好到這店。店處黃金地段，不愁客源，幸運地攝到位，不用等。但被"黏手"餐牌上的價錢嚇了一跳點了魚腩粥：粥底：不香、不綿，極之單薄。魚腩：因沒有爆過，欠鮮甜；有點實，過火了。配料：有丁點的生菜絲，替平平無奇的粥，添加生氣。吃魚腩粥，還是到佐敦好了。這店我不會再去，因食味和價錢太不成正比了。

利苑巳吃了許多年, 是初戀男友帶我來的. 最喜歡這裡的豬潤粥和裹蒸糭, 自己每次來也必叫. 如果兩個人, 則多會叫一碗魚腩粥, 一碗牛腩麵, 一碟白灼豬潤加一隻裹蒸糭, 再來兩支忌廉, 巳很豐富.是夜胃口不佳, 只要了一碗豬潤粥加碟菜心. 其實利苑的粥品在許久之前巳經退步了, 粥底越來越稀, 師傅也像是越來越多. 但吃慣了, 也還是好喜歡吃. 豬潤又厚又大塊, 雖是給化學品招呼過, 但口感爽脆, 也還帶鮮潤味, 仍然愛吃. 油菜鮮嫩, 輕巧卻温暖的一餐.對一些店舖有著不解的深厚感情, 利苑是其中一間.

光顧過銅鑼灣的利苑粥麵，只覺質素普通。今次光顧就連普通也說不上，不堪入口，點的是水餃伊。水餃的確足料，有筍有木耳，但不夠香。伊麵煮得過冧，一丁點兒口感也沒有，而且沒有味道，因為連煮麵的湯底都無味，稀淡得像清水。服務態度亦不算好，坐了一陣子也無人招呼。價錢亦貴，份量又小。

是近年來食到最差的雲吞麵,由數十年前,它接辦上手開張的時候,已經幫襯這店,因鄰近總統戲院,常常吃的是撈麵和豬潤粥.因搬了家到九龍而少了幫襯.又因它的食物水準是:只知加價,味道郤日差.今天到老銅購物,回家前想懷舊一番,想重温當年的味道,叫了簡單而起碼的雲吞麵.人客不多,只有五成滿,要十分鐘才有得吃.份量不多,面上沒有韭黃,雲吞在底,有六隻,試一啖湯,是很重的味精味,不清,麵不爽,很糊,結成一團,有少許梘水味,可能很久也沒有換湪麵水.再試雲吞,蝦是出土文物,早已沒有任何鮮味,不爽是必然的了,廿二元一碗,連十元店也不如.評價這質素,我只願付三元.如非必要,不會再來.再一提這裡的清潔狀況甚差,有潔癖的要三思.

星期五晚上，跟朋友shopping完畢，已近十時，就吃碗粉吧。我要了牛筋河，湯底算是okay，牛筋炆得淋，但只得小兩塊，河粉好碎，只得幾條。朋友的豬手麵，最後也沒吃完，就知質素如何。另加菜心，花也不切就給人吃，不太專業。環境似乎也不太衛生...

琴日行過見熱就同友人入左去,每人叫左碗艇仔粥+1碟油炸鬼2個分艇仔粥確實用料十足..特別係佢無加肉碎..用左魚擺落去..D魚好味鋪係粥面個D粉(唔知咩粉)令到碗粥仲好味..值得一試..本身好鍾意加胡椒粉GE我都忍手無乜點加個油炸鬼就唔好啦又唔熱..軟哂..仲有陣味,,下次咪試順帶一提..呢間舖頭真係好懷舊feel,,不過d伙記唔多理人

位處銅鑼灣，又係老牌粥麵店，價錢貴一點係理所當然。水餃麵麵身硊口，但略嫌有些少梘水味，相比起水餃麵，牛腩伊麵就較為出色，牛腩炆得入味又夠火喉。不過比起麵食，之前試過嘅粥品又突出好多，粥底棉，料又多，配埋油條簡直一絕！

可能我唔係食招牌野啦,我唔覺得特別好食又細碗,環境又唔係咁好,服務態度又唔好=_="我食左原汁牛腩河朋友食左皮蛋瘦肉粥原汁牛腩河有好多黑色一粒粒好似穫屎o既物體食到成口都係@@"!!味唔係特別好,又唔濃喎D湯,冇味o既!係個牛腩唔鞋口囉! $25一小琉,唔抵>_<"皮蛋瘦肉粥,係幾滑o既,有陳皮味,幾鮮味,應該係"師傅"的關係食到大家都好好好口渴!!!!

同男友夜晚到利苑食粥叫左一碟油炸鬼($6),皮蛋瘦肉粥($22)同及第粥($24)兩碗粥雖然都幾稀,但味道竟然出乎意料ge濃~好好味~皮蛋同瘦肉都夠味,又唔會太冧及第粥男友話d豬潤好爽口下次一定要試埋艇仔粥油炸鬼雖然係凍,但係同粥一齊食就真係唔錯~下次一定要試埋其他粥先~睇呢到食評,見到有人話麵ge湯有皂水味...呢個唔係傳統黎架咩?落左醋呀嘛...而個個服務員都有返咁上下年紀,呢一間又係舊式粉麵店,自然都估到staff態度係無咁好架啦環境都係一樣,睇落好似污糟糟咁,咁先係舊式ge特店架嘛~所以我個人認為,要到此店進膳,請閣下以懷舊心態,放下進入中等或高級食府ge心情進膳否則...我大膽講句:呢到唔岩你p.s.果到有個古式收銀機~雖然荒廢左,但亦不失懷舊風采~相信果d staff做左咁多年,都唔捨得丟~~^^

呢間野懶巴閉、d waiter服務態度奇差，好鬼死惡，好差好差