利苑酒家 (時代廣場)

Open Now

Now Closed

一家大細去食午飯，伙記推介魚(約斤幾，望落細細條), 另加一湯(水魚煲瘦肉)，咕噜肉，炒通菜，炒露筍，燒豬8件，兩籠小籠包，炒飯，加杏仁露。結果大家都唔太飽，味道亦無特别，最後埋單竟然五千幾！！！我地預左佢貴(話晒有知名度)，但如果以呢個價，食甘嘅野，可以話完全唔值！！！無下次！！！估唔到曾經以出品嚴謹！色香味全的優質食府; 變成今日有取巧之嫌的普通食店！真系名存實亡！

平時喜歡去灣仔利苑飲茶，今日同朋友去食晚飯。大家都覺得有啲失望。四個女生，點咗5個餸1個湯。瓷實薏米煲生魚湯好飲，湯渣都幾好味。佢哋嘅招牌蜜汁叉燒都唔錯，夠juicy。但個去殼避風塘炒富貴蝦，就真係唔ok。啲肉一啲都唔爽，好似死咗好耐嘅蝦肉咁。個鳳梨咕嚕肉，直頭似半烚熟嘅肉，再淋啲咕嚕汁上去咁。個煎釀藕餅直頭無味。最後就係蝦乾粉絲椰菜煲，如果唔係碟辣椒醬，我諗我哋一定食淨。Overall嚟講，水準下降。廚師們，俾啲心機啦。食客係食得出喔。埋單：HKD1,193

我致電餐廳訂位的時候，接線生並沒有說晩餐是限時用餐; 但6:00到達餐廳後，門口的知客交一張寫了7:30的紙條給我，我問她「晚飯限時嗎？」她並沒有回答，然後我話「如果是這樣，我半個小時後才入座」，她目無表情地把7:30刪掉，然後吩咐服務員帶枱，我被安排於洗手間通道及員工工作間門口的一張枱，當時基本上有八成空枱，我要求換枱，她徵詢了知客之後，才安排換枱，至於食物，十五分鐘內五個餸上齊，食物味道中規中矩，服務有待改善

蜂巢芋頭盒幾鬆化, 入面係香綿的芋蓉,, 外面脆口。好食。滷水滑豆腐花生話明係滑豆腐, 當然係好滑啦, 真係有D 水準。個滷水就比平時淡, 剛剛好, 否則會破壞滑豆腐。蝦仁腸粉蝦仁係大隻的, 腸粉都滑。雖然唔係平, 不過咁大隻蝦, 算係抵啦。南翔小籠包薄皮爆汁, 正。不過一出來係好熱, 小心會燙口。濃湯腐皮卷比較淡口. 如果再濃味少少係更加好。香煎黑胡椒牛肉包黑胡椒好香口, 包皮都好有咬感 。係其他地方食過類似的, 叫狗不理, 記憶中係京菜, 唔知呢個係唔係一樣呢。

供應商請食晚飯，感謝我們公司2018年多多關照佢。今晚來到得獎名酒家，吃一圍好貴的晚飯。菜單如下:- 錦繡玉鴛鴦 (三文魚撈起)淮杞花膠燉響螺金絲繞龍團自制XO醬野菌炒鮮鮑片清蒸沙巴深海班當紅醬油香燒雞發財好市瑤柱甫生菜鮑汁生炒臘味糯米飯湘蓮百合紅豆沙湯丸花開富貴 (椰香桂花糕)錦繡保健生果 聽講成個餐差不多萬二蚊，真係幾貴! 當然，食物質素和服務都非常好，怪不得榮獲美食大獎。 成個餐，以下是我較喜歡的。 【錦繡玉鴛鴦】即是三文魚撈起，意頭好! 大家一齊撈，越撈越起! Yeah! 【淮杞花膠燉響螺】用料名貴，火喉足! 有花膠、響螺，還有遼參，滋陰又養顏，好味到不得了。 【自制XO醬野菌炒鮮鮑片】炒得鑊氣夠，鮑魚片好爽口。 【金絲繞龍團】餡料充滿蝦膠，非常彈牙。 【花開富貴】即是椰香桂花糕，食落感到好清香。 【湘蓮百合紅豆沙湯丸】唔太甜，啱我口味。紅荳起沙，湯丸有煙韌感。

環境5分：高級中菜廳格局，地方光猛有氣派，可以畀五分。衛生5分：月餅紙盒入面有四隻月餅，全部都係獨立包裝，另加多把膠刀切月餅，衛生可以畀滿分。服務5分：憑券取月餅，店員面口好，好好傾，又夠爽手，一樣畀佢滿分。味道5分：利苑個金華火腿月餅呢，係今年食咁多月餅裡面最有驚喜。首先個月餅皮夠油水，個色水靚，裡面Ｄ金華火腿有趙頭，又足料又濃郁，香到呢，無可能唔畀滿分。抵食5分：唔知金華火腿月餅正價，但味道質素太正，作為中秋賀禮大方得體，所以都要畀夠佢五分。

There are a few location of Lei Garden Restaurants in Hong Kong but this one is not Michelin starred. This is the only Lei Garden I had been to as it is conveniently located at Time Square.I like how you can make a reservation even on a weekend dim sum lunch. Waiting for a table on a weekend can be such a nightmare in Hong Kong. Make sure to request to be seated in the main dining area when you make your reservation, the back room area is not nicely set up and did take away the dining experience

I have been to this branch of Lei Garden a few times before, the food is average (probably the worst one amongst all the Lei Garden branches) but my god is the service horrendous. On previous visits, the service was nothing to write home about but at least they were not hostile. This time, the 2 hostesses at the entrance ignored us for a few minutes despite us saying excuse me and chatted amongst themselves while we stood there waiting. After a few minutes, they rudely glared at us and said n

昨日家人70歲壽辰在此安排兩圍飯局,五點就收到場地可稍作報置,職員亦有協助借用所需用品,晚膳亦準時開席,食物質素很好而且份量也十分足夠,剩下之食物職員也樂意協助仔細包裝好,所以是晚大家都十分盡興!

中秋節跟姐姐一家一齊過節，點了乳豬、黃油蟹、螺頭湯等，味道還是一流～服務很貼心～每逢佳節必來利苑晚飯從6點開始，2 round，還有一場是8點～焗蟹太好吃了！！很入味

利苑輕食，銅鑼灣時代廣場～我去開港島區個幾間，中環個間服務專業有禮貌，北角個間服務員親切，銅鑼灣呢間服務一次不如一次，唔建議大家去。食物：❤❤❤正常，間間差唔多，唔會特別好，亦無特別差。份量：❤❤我每次去都會點過橋象拔蚌，中環個間2人份量每人可以飲到4碗，每碗都有象拔蚌，銅鑼灣佢叫我哋order16兩，每人得2碗，仲要一碗係唔滿既淨湯嚟，失咗預算，唔係太夠飽又夠鐘去睇戲加唔切單。環境：❤❤❤正常無特別，可能有比較，IFC個間靚啲，間位又間得好啲。抵食：❤其實每次我都係為咗個湯嚟，今次個湯好唔抵，好似唔夠湯要將一窩share比兩枱人咁，十分失望。服務：❤❤就嚟到中秋，好多人都會拎月餅，咁我拎咗就麻煩佢哋幫我放雪櫃，由於我食完就要上去睇戲，所以就想遲少少番過嚟拎，亦知佢哋幾點關門，但我問其中一位服務員，佢即時就答我，我哋無啲咁既規矩架wo，你埋單就要拎埋走架啦。聽落令我有啲唔舒服，亦覺得其實唔知驚乜或者唔想煩；幸好埋單後有另一位服務員唔介意，亦夾好我幾點要嚟拎番，所以我加番多個心。總括：我以後掛住佢個過橋象拔蚌都一定唔會幫襯銅鑼灣分店。

未食過咁差的食物，服務又沒有一開口就普通話，以為是內地遊客叫人服務就慢到死，叫埋單就有人應簡直極品完全沒有態度可言，千幾蚊食一餐飯，我覺得值嘅機率是0催3碗白飯，催咗幾次，可想而知，可以有幾慢

Unprofessional and poor service staff. The staff took the "used" ladle from the table next to us to serve our food.A real tragedy for this meal is steamed grouper in soy sauce which come with tasteless sauce and the fish was unproperly cooked.

因為利苑呢個品牌係信心嘅保證我次次有親戚喺外地返嚟我一定會搵呢家食飯但係好明顯唔係間間都好食 同好服務一行入去好友善帶我去坐位跟手問我飲咩茶 同埋我有訂食物我叫佢順手送埋嚟然後我足足坐低咗20分鐘訂嘅嘢食都嚟埋都未有人同我落單連想叫碗白飯都冇人理我其實我叫住咗幾個人佢哋都話等等先超級唔夠人終於我忍唔住捉住咗個人先至可以叫到其他餸菜最後唔使講緊係要等好耐先有第二輪上燒腩仔同叉燒呢啲嘢應該係 有一個地方整定 跟住先送去各分店同平時一樣一流水準半肥瘦叉燒肉汁肥美咬口煙靭燒腩仔層次分明鮑汁蟹籽柚皮 炆得夠淋可惜側邊嗰幾條菜 失曬水準非常之乾藍莓淮山係 特別嘢係甜嘅 而且係cold dish 淮山係爽口係幾夠特別但唔會再叫椒鹽豆腐 有啲過鹹

星期日, 要舒適地享受一個中式午餐, 最理想是找間接受訂位, 座位闊落, 裝修美觀又優靜的酒家, 今次選了去銅鑼灣時代廣場利苑酒家, 真不錯. 特別是有停車場和泊車優惠侍應生有禮，水滾茶靚, 又不設餐前小食.我們選了很多點心 :首先是傳統的蝦餃，蝦肉大粒, 爽口, 蝦夠新鮮, 皮也很薄峰巢芋盒, 賣相靚, 入口鬆脆, 內餡多, 調味很好.松露蘑茹包, 很柔軟, 甜味適中.                  咸水角, 好大隻. 夠脆身, 內餡豐富.生滾牛肉粥，牛肉味鮮, 淥得嫩滑, 粥底很綿, 最好的是那個伴粥的脆片, 優質香脆雞絲炒麵, 雞肉很滑, 麵彈牙, 炒得香口, 調味佳, 吃來滿意！總括這是一家品牌, 吃得開心也放心 !