悠蔬食 (渣甸中心) (Closed)

最近減肥，係cwb搵到間幾多好評既素食菜館。我地就膽粗粗去試下先～同老公一齊咁耐真係第一次出街食素😅我地訂位8:30...等左一陣就好快入得。打開餐牌都好驚喜，唔係只得中式菜式、西式、日式同埋印度菜都有。介紹下先：-我點左一碗皇菇竹笙雪蓮燉湯，好清潤～飲落一d 都唔覺得係素菜燉出黎🤤🤤香芒牛油果苜蓿芽手卷、露荀青瓜苜蓿芽手卷：真心驚喜，食落好清新。同日式手卷好相似，做到好爽脆既感覺🤤🤤🤤牛肝菌蟲子菠菜忌廉意大利飯：賣相已經好吸引～飯面上食落去好似魷魚圈，原來係蒟蒻做成～真係估佢唔到。意大利飯煮得剛剛好，老公話好似同平時有肉既味道一樣。食落無咁油膩。推介🤤🤤🤤日式竹炭Pizza: 用上翠玉瓜、青椒、黃瓜、芝士、菠蘿等多款素菜烤食～食落口感好豐富。正🤤🤤🤤泰式奶茶千層蛋糕：味道唔太甜，唯一覺得哩款千層蛋糕果皮如果再薄少少就perfect 啦～🤤起初黎既時候都擔心老公會唔夠飽，不過食完成餐飯對素食完全改觀，原來可以咁好味同埋飽肚又多樣化，真心好味🤤🤤👍

自從上次和朋友食過尖沙咀的雅悠蔬食，被他們的新派素食深深吸引，一直念念不忘，今日來到銅鑼灣閒逛，朋友嚷著要再到悠蔬食回味一下。銅鑼灣悠蔬食以藍白為主題，店內燈光柔和，有一種享受生活，休閒的感覺。悠蔬食經常轉換菜單，今次來又有一種新的驚喜，點了兩個dinner set。前菜先來三款小食，華都夫薯仔松子冰菜沙律沙律材料有薯仔，蘋果，青瓜粒，加入提子乾和炸粟米粒，多重口感十分美味，以冰菜墊底，冰菜外面好像有很多小水點，吃落十分爽脆，首次嘗到，新鮮有趣。紅菜頭蘋果香橙伴合桃上次亦有紅菜頭的小食，但這次伴以香橙蘋果，減少紅菜頭的腥味，容易入口，酸甜開胃，有益健康。麻醬沙薑豆皮粉絲看外表也知道，這味一定是素版手撕雞了。粉皮沾著麻醬，香口滑溜，豆皮青瓜給予更多口感。蘆筍素香鬆苜宿芽手卷香芒牛油果苜宿芽手卷我最愛的香芒牛油果苜宿芽手卷，熟識的味道，紫菜很脆，包著一大撮苜宿芽，吃落草青味十足，加入香芒和牛油果，香甜美味。茶樹菇竹笙黃耳百合燉湯悠蔬食必點足料素燉湯，以白色小盅呈上，配料有茶樹菇，蘑菇，黃耳和竹笙，而且有很多煲腍了的腰果，第一次這樣吃腰果，意想不到的美味，燉湯十分清甜。紅燒砂鍋獅子頭 配珍珠

本人最近喜歡食素，希望清除身體雜質，間中清清地，可以refresh body。無心插柳下經過銅鑼灣試到此間素食。餐牌很fushion, 個人覺得賣相不俗，高紅色素菜番茄汁感覺清新。主菜尤其喜歡他們的意大利飯及焗磨姑。感覺像在意大利餐廳食法一樣。相信我下次會再到此餐廳.

大滿足 色香味俱全近期成日都食肉，突然想食素，朋友就介紹我去悠蔬菜，入到去全場坐滿人，好彩一早book定枱，環境令我坐得都幾舒服。佢地有得散叫或套餐，和朋友兩個人的我地就各選擇了套餐，前菜到甜品都食到，所有食材都感覺好新鮮好足料，好有味道，但又吾會覺得咸，亦沒有油膩的感覺，朋友果然無介紹錯，就連隔離枱的女士食飽都向職員讚好。前菜：有我喜愛的麻醬粉皮，紅菜頭同薯仔沙律，香芒牛油果苜蓿芽手卷配搭得好有口感，好fresh黑松露忌廉蘑菇濃湯：（推介 推介）好有黑松露味，好好飲，燉湯都好足料，兩者上枱時都好夠熱主菜：我地㨂左牛肝菌忌廉燴扁意粉 and 沙嗲猴菇豆卷串燒，又靚又足料又好味搵日要帶食素既媽媽來試，必定令佢有新鮮感

成日都話要Green diet,就試下素食今次簡左呢個，望落簡簡單單，舒舒服服。入面環境用淺藍同白色，淡淡地既顏色，都幾岩打卡😌不過地方唔大，枱既數目唔算多，一到1900呢d時間都幾爆場。不過枱與枱之間有空間，唔會好迫既感覺。我同友人就點左一人一杯鮮榨果汁：1.紅石榴蘋果汁🍎2.Vita-C 奇異果汁🥝2隻一飲就知道無加糖，好味道，仲咬到細細粒既果肉，2杯之下我比較中意Vita-C 因為入面有齊我中意既奇異果、香橙、檸檬、香蕉。之後，叫左個沙律🥗3.華都夫薯仔松子冰菜沙律入面有蘋果、薯仔、松子、提子干、冰菜，2-3個人食岩岩好，沙律唔會太凍，汁唔會太多太甜，配搭岩岩好。我地好中意食沙嗲一見到呢味4.沙嗲猴菇豆卷串燒配薄餅我一定要嗌啦，黎到熱辣辣好正，望落真係好似肉串咁，不過menu寫就微辣。我就食得辣就唔覺得辣。5.酥炸腐皮卷我覺得望落好似釀雞翼咁既樣，一咬落去就食到好多層腐皮卷，好好咬，好正。6.鹽酥靈芝菇我去親台灣夜市一定會叫炸菇，呢味菜有個種感覺，係我下次一定會encore，又熱又香加埋d葉真係好正。7. 伯爵紅茶千層班戟陣cream同埋個皮好滑，同埋唔係香精味，係好真既伯爵茶味

對素食一向不太認識的我，今天有了一個好的體驗。朋友相約到銅鑼灣悠蔬食。室內佈置以淺藍和白為主，感覺很乾淨整潔。我們點了兩個午餐，由沙律、湯、主菜及至飲料，食材都很新鮮，不肥膩，感覺非常好。印象最好的要算是芋頭栗子炆豆腐伴糙米飯和點心拼盤，非常好味又有營養。藍蝶花雪梨汁色澤藍中帶紫，加雪梨汁酸酸甜甜很清爽。甜品最出色，自家製合桃露加湯圓是有畫龍點睛之效。焗西米布甸香軟柔滑！整體而言，這是一所出色的素菜館！

母親節時剛要出TRIP，返到香港約返媽媽食飯，心血來潮想食齋，搵搵下就搵左呢間。上年已經試過同一間係尖沙咀嘅分店，今次就試試銅鑼灣。晚餐分6:00 & 8:00 兩輪，如果唔訂位，可賞試walk in…咁就唔會限定6:00 或 8:00。呢到嘅價錢係偏貴的，但份量都有返咁上下，我地4大1小，叫左2個套餐，1個兒童餐，及散叫2個餸，已經好飽。其中最意想不到嘅，係素食都會有兒童餐，姨甥見到就話要。飛機造型正好合小朋友心意，成日問點解飛機仲未到，我地唯有答佢，飛機要載住你叫嘅餸，好重，所以飛耐D….兒童餐一D都唔求其，有意粉、生果、漢堡，全部都岩小朋友口味，即使姨甥係食肉獸，仍食得津津有味。可惜原本嘅芝士條，但臨時變左春卷。另外叫嘅set dinner，有前菜+手卷+湯+主食+甜品，真係好豐富。前菜：麻醬沙薑豆絲粉皮 + 紅菜頭蘋果香橙伴合桃 + 華都夫薯仔松子冰菜沙律豆絲好似肉，與雞絲粉皮好似，加埋麻醬好開胃。 而紅菜頭&蘋果好新鮮，紅菜頭軟軟地，蘋果爽脆，夾埋一齊食幾好口感。 至於冰菜沙律，我係第一次生食冰菜，好清新，但都係中意食炒熟左嘅冰菜….湯：黑松露忌廉磨菇濃湯 + 茶樹菇竹笙

環境環境優美，以藍色同白色為主題，有電視介紹得獎，點製作。有間房，房入面有圓枱，多人黎食都有足夠的位置。另外，枱底下面有個藍比客人放野，好細心。服務上菜好快，侍應服務好好，有禮貌，好溫柔嘅語氣。上菜時二人枱唔係好夠大，又叫得幾多野食下，侍應會幫我地擺下位。黑松露薯蓉焗大啡菇大啡菇有手掌甘大，有薯蓉同芝士，係薯蓉入面食到有一粒粒嘅馬蹄，好有口感，大啡菇好多汁，隻碟佈滿茄汁，查晒係菇到，所有野係口入面係超好食。日式竹炭手作薄餅薄餅底脆脆地，表面用左茄汁，之後落左黃瓜，新鮮菠蘿，翠玉瓜，菇等等，再用芝士焗，焗完仲灑左啲紫菜碎，好好味，多種口感。香芒牛油果苜蓿芽手卷成個手卷係用苜蓿芽做，好新奇好特別好味，好好嘅配搭，係一種好似菜嘅野，唔會覺得有草青味，入面放有芒果同牛油果，非常好味。蜜汁脆膳用冬菇整，個皮炸得真係好似膳，配埋蜜汁簡直一流。放左好多蜜汁都唔會覺得好甜好甜。伯爵紅茶千層班㦸每一層都好薄，每層之間都充滿伯爵茶嘅cream, 表面更有一層厚嘅伯爵茶cream, 超正，一啲都唔覺得好甜同漏。

幾年前食過尖沙咀店，印象唔錯，今次試吓銅鑼灣店叫左兩個lunch set，前菜係沙律，酸酸地好惹味，同埋南瓜蘆薈湯。主菜係牛油果蔬菜墨西哥薄餅配紅菜頭乳酪沙律，口味好特別，好豐富！另一個主菜係點心拼盤配什菇煨麵，份量好大，點心要打包點心有春卷、菜包、餃同燒賣，最衰太飽，返屋企先試吓好唔好味！午市限時個半鐘，有少少趕，環境一般，兩個人要坐檯同檯中間位，比較嘈吵。

素食是大勢所趨，亦都是一個潮流，但在香港選擇仍然不夠多，中式的大多是很油膩，西式的又多數是沙律或生冷的菜。今日是這個就比較對脾胃了，因為她是以中式為主，但又不是太油膩，而且午餐是套餐為主，前菜，湯和主菜全部都有。沙律是有藜麥和雜菜為主，輕盈得來不會太難接受，例湯亦很甜潤，最重要沒有味精。由於我們有兩個人，所以主菜都分享來食，一個是點心拼盤加番茄麵，點心拼盤就中規中矩，不過番茄麵就非常之清甜爽口。另外一個是炒河粉，有鑊氣不會太油膩吃得十分滋味。價錢就需要100多元，以銅鑼灣來說可能不算是太貴，但這個價錢就不能常常來吃了。

次次食親齋幾乎都係因為要就一個茹素o既朋友，但turn out 次次都幾好食，好幾間新式齋鋪都已被我mark 在recommended list。今日約o左另一個對素食都算有d 研究o既朋友，o岩晒，等我帶你食好o野啦！位於銅鑼灣心臟地帶o既商廈樓上鋪，餐廳設計偏向西式。晚市叫套餐有6 個course，其實都抵食，不過我地驚叫兩個食唔晒，所以叫o左一個only，然後再加d 餸咁，實行食幾多，嗌幾多，唔做大慳鬼。晚餐o既前菜係一個香樁拌翡翠、紅菜頭蘋果香橙伴合桃同泰式鮮果沙律o既三款組合。翡翠應該即係萵筍o個類，食落無渣，連同紅菜頭、合桃呢d 都係健康食材，配上新鮮生果一齊食酸酸甜甜令人開胃，食多d 都無壞。另一個都算係前菜o既手卷，我地揀o左個香芒牛油果苜蓿芽手卷。以呢隻芽菜代替飯，咬落去非常爽口，佢本身無乜味，但夾埋入口即溶o既牛油果同埋芒果則剛好。餐湯揀o左盅姬松茸椰子黃耳竹笙燉湯，個湯濃稠得o黎略為起膠，聞落十分之香，好重松茸o既氣息。細細o既一盅有住多多湯渣，可見真材實料！主菜藍帶猴菇扒墨西哥菇醬漢堡配紅菜頭乳酪沙律及甜薯條(跟餐$258 未加一)，佢模仿肉類o個part 尤其

難得五一勞動節放假，朝早同阿媽去咗睇早場，跟住阿媽話想去食悠蔬食（其實佢講咗幾次，不過最近都冇去食）於是就搭車出銅鑼灣去食。出到去12點幾，紅日冇book位好彩都有位。今次坐咗喺入面房仔嗰邊嘅兩人位，感覺被坐喺出面更加舒服，更加有私人空間。叫咗兩個lunch set，一個係日式拿破崙扁意粉配溏心蛋，一個係葡汁蔬菜白玉焗飯（嗱我都話我好鍾意食焗飯㗎啦）。唔記得咗影餐牌唔記得咗啲名，湯就大家都叫咗西式嘅湯係蘋果甘筍唔知乜乜忌廉湯，仲有個前菜係沙律，嘢飲就普通咁叫咗咖啡。加咗甜品，一個春季銅鑼灣分店限定嘅赤苺紅蓮，一個伯爵紅茶千層班戟。湯同沙律好快就到啦，佢個湯好好味，好濃好creamy，其實份量都唔少，超鍾意！跟住到主菜，意粉先到，賣相幾好，溏心蛋都真係溏心 texture ，啲意粉有啲咬口幾好食，味道 ok 不過就冇乜特別，配料又唔多。個焗飯遲過意粉少少黎，見到已經好吸引，焗到熱辣辣個面脆脆地咁！食落去都令人驚喜，味道就葡汁咁嘅味啦，驚喜嘅係個舊「白玉」，原來係素雞肉，味道幾好，仲要？炸過定煎過，脆脆地又唔油膩，真係好好！其實食完主菜都已經好飽（其實次次黎親都係好飽），不過啲甜品咁吸引都

早幾日同朋友weekday嚟食晏係我第一次黎依橦大廈不過都好方便易搵地鐵站行過去都係3分鐘內由於朋友好鍾意素食所以就梗係聽佢介紹，要佢帶我去正既素食餐廳啦～我哋叫咗兩個lunch set食個前菜嘅時候已經有驚喜個胡麻茄子伴牛蒡好好味茄子口感琳琳地，帶少少汁然後牛蒡又好爽配埋啲胡麻醬味道真係好夾跟住呢就飲湯中湯係天山雪蓮椰子花生雪耳湯好甜，好滋潤，我基本上食晒啲湯料，太正喇！至於朋友就要左西湯係甘筍番茄桃膠忌廉濃湯都好好味（我梗係要試一啖啦😆）個湯係好滑，好清甜我哋兩個飲咗湯之後都已經覺得好滿足🤤🤤🤤🤤因為我個人比較貪心⋯一場黎到，想試多啲嘢⋯所以叫咗set D:點心拼盤同青菜雜菌煨面啲點心好足料，燒賣好結實口感幾好～ 最鍾意隻素餃～咬開全部都係菜，滿滿嘅健康感覺個青菜🥬雜菌煨麵同平時出面食嘅都差唔多不過就冇咁油膩～ 清清地好啱我☺️☺️至於朋友就叫咗個喇沙湯麵佢話個湯都好正基本上佢每個月都會嚟食一兩次講到咁，即係迫我下次再嚟食嘅啫🤣🤣因為大家都得閒所以都傾左好耐計叫埋甜品share左一件千層蛋糕淡淡既焦糖味加少少海鹽唔會太甜或者太膩都值得一試總結依個lunch都食得幾開心每人百幾蚊喺銅鑼灣

朋友推介素食，可以話食過這間素食店會愛上食素環境寬闊，坐得舒服先來個前菜沙律～醒胃中西湯選擇好香意粉竽頭夠香，豆腐入味這個漢堡超巨型，兩人份量，薯條夠香好滿意的一餐

吃喝玩樂唔係後生仔嘅專利，今日我專程請咗兩位老人家去體驗摩登素食， 一向以來佢地覺得素食就係指羅漢齋、齋鹵味、芋頭魚……上到嚟餐廳，如果唔係之前講咗去食素，仲會以為去咗咖啡室！ 因為餐廳用白配天藍，感覺清爽，好有活力！佢哋想知道乜嘢叫做摩登素食， 急急睇吓個餐牌……啊，原來好似食西餐咁，有前菜、湯、主菜同埋飲品，加個甜品仲得!老人家有啲保守，唔夠胆第一次叫哂啲新菜式，我話不如我哋樣樣都叫啲，大家分嚟食啦！前菜人人都一樣， 呢個沙律用料好新鮮， 有火箭菜、 牛油生菜、紅橡菜、紅蘿蔔同鮮瓜絲，係頂仲放咗少少藜麥同果仁碎， 撈埋個酸酸甜甜嘅檸芒汁，好開胃惹味！餐湯有兩款， 老人家鍾意飲中湯， 佢哋話個老火湯煲得夠火喉! 我就揀咗西湯, 個湯口感滑溜, 加咗薑提鮮仲好味!我帶頭揀個漢堡包餐, 幾得意㗎！(1) 猴菇芝士漢堡包:佢外型同一般漢堡包冇大分別， 唯一唔同嘅就係塊漢堡扒， 佢用猴頭菇做材料， 加埋芝士同茄汁，食落口真係以為食緊傳統漢堡包！(2) 紅菜頭乳酪沙律:材料有紅菜頭、 蘋果、青瓜、沙律菜同藜麥，加埋個乳酪汁，鮮味無比。(3) 甜薯條:搞搞新意思，用甜蕃薯代替薯仔，甜甜地脆脆地