米線伝

Open Now

Now Closed

我地叫左3個米線，1個蕃茄湯米線（叫師父特登走麻辣俾小朋友）2個麻辣酸米線👍🏻個湯底食落係似無味精，因為唔駛要狂飲水👍🏻餸我地揀咗慢煮牛肉，炸豬扒，貢丸，唐生菜，豬頸肉，蘿蔔。幾樣餸味道同湯夾到，都好味😋 腩肉本來會試，不過佢地話今日賣晒，下次再試👍🏻酸薑皮蛋，本身有啲抗拒皮蛋，但係試咗之後發覺質感都唔差，酸薑好好味又好爽（老闆話係同交鏞記嘅供應商攞😱）👍🏻跟餐配金羅漢果水及冰菠蘿，完美地中和口內麻感及口氣😂環境：ok (舖頭唔大，都有兩邊枱凳)服務：ok (可以幫忙唔要麻辣酸，又有比多張落單紙比我地下次叫外賣)下單流程：ok(因為我地入去時無其他客人，所以落單都好快)有待改善既就係，menu 如果加返多d選項會更好：⭕️蕃茄湯米線（無麻辣酸）⭕️多蔥⭕️多芫荽⭕️多芽菜

放工去食晚飯，揀咗公司附近嘅一間米線餐廳。佢哋星期一至五下午2點至6點都有超值下午茶餐。✨牛魔王米線 $59 （下午茶價錢）可以免費轉湯飯。我揀咗清湯、多芫茜。佢哋嘅湯勁香，食完唔口渴，比起其他米線餐廳嘅清湯好味。牛丸大粒彈牙，肥牛嘅份量十分之多。✨日式牛肉飯 $48 （下午茶價錢）大量牛肉鋪滿晒成個白飯。而且夠多牛肉汁餸飯。✨香脆炸魚皮 $20特別薄身同卜卜脆，配米線或者係湯飯都好啱。📍米線伝 (九龍城)九龍城獅子石道84號地舖

要係九龍城搵間米線鋪，係唔易❤今日行過見到呢間，即刻入去會下先! 餐廳環境光猛，座位坐得舒適~自選米線😎叫左個 清湯 多蔥 多芫茜 多芽菜 炸豬排 雞翼 陳皮魚蛋 唐生菜 蘿白，大推佢地既豬扒! 夠哂厚肉Juicy又唔會太油膩，而且都幾大塊!而蔬菜類既就可以索埋d湯汁，食起上黎更鮮甜!一個人食，份量岩岩好，佢仲有其他配菜 芽菜 蔥 芫茜，食得好滿足。😀精選套餐😎我地就叫左個牛魔王米線 麻酸辣 多芫茜 多芽菜 加底。湯底，夠酸夠辣夠麻，個湯好惹味! 米線煙韌有咬口，索埋d湯汁，正~兩粒振興牛丸一咬就爆汁，勁JUICY，而肥牛一d都唔鞋口，份量都有返咁上下，中意食牛既你可以一叫! 🤪

九龍城泰菜同魚蛋粉都成日食😂米線真係好少見，又難得呢區開左間新既米線店，一於幫襯下好唔好食☺️。叫左個自選米線配「麻酸辣湯底 $32」，餸就擇左炸豬排 $15、腩肉 $9、雞翼 $7。湯底叫少辣，真心有驚喜！夠辣夠麻，米線有咬勁，啲餸先不得了，幾蚊雞翼有2隻！炆得好林、腩肉超厚身、有4-5件、仲有分碟上既原塊炸豬扒。餸黎講係真心正！呢個價好抵食！。🥢日式牛肉飯$53 除左米線，呢度竟然仲有牛肉飯😂又估唔到都幾正，主要個飯底係好食！牛肉超級多好嫩好多汁，配埋飯食真係好飽足。。叫飯/米線可以加杯野飲，「雪梨乾金羅漢果水+$8」真心建議！好飲唔太甜好解渴。。九龍城難得一見米線店👌🏻好食又大碟！絕對會encore !

途經九龍城，突然想吃小米線，見到呢間門口企理的米線店， 於是入去試試麻酸辣米線，蕃茄麻酸辣米線，清湯米線三款可選擇，點了肥牛麻酸辣米線，大辣的辣度高，麻加辣加酸調得恰到好處、肥牛肥瘦適中，咬落有口感，米線軟硬適中另外點了蕃茄麻酸辣米線、基本上是麻酸辣味道但加入一點蕃茄、而點的是小辣，所以吃得出點點蕃茄味，餸就選了爽口的豬頸肉和肥瘦適中的腩肉小食點了老虎蝦卷，炸得外層卜卜脆，內裏蝦肉彈牙牆上貼上日本A5和牛麻酸辣米線海報十分吸引，下次一定要來試試

這家小店的裝修風格是新式，採用簡潔的佈置。無論是食物質素、口感還是裝修風格，都不錯椒鹽炸三寶丸，丸外表金黃內嫩，口感極佳！內部保持多汁而且非常彈牙，還滲透椒鹽香氣，惹味！生炸老虎蝦卷外皮酥脆，內層夠彈牙帶蝦肉香，高質。餐廳提供自選清湯米線，您可以根據自己的口味選擇湯底和配料，陳皮魚蛋和魚皮餃。陳皮魚蛋陳皮香氣，味道獨特富有彈性。魚皮餃外皮薄脆，內餡鮮美。生炸雞脾米線，配以麻酸辣米線，雞脾調味後炸製而成，外酥內嫩。配以麻酸辣湯底米線，濃濃香香好過癮，米線份量亦夠多。

米線伝一個人食午餐🫰係九龍城睇中醫，再係附近搵野食。天氣熱辣辣，想食湯麵🍜咁啱有咪錶🚗就泊正係米線伝前面，入去坐低，中午時段麵幾多人流🧑‍🤝‍🧑服務員姨姨笑容滿面，有禮貌，掃QR code 落單套餐抵食過自選，就食牛魔王$59 包兩粒振興牛丸，🍜🥩慢煮肥牛，先講湯底，小酸小辣小麻，個湯好好味呀，大量芽菜米線好軟滑振興牛丸食過，就知道係會爆汁嘅，超級正😍另外可以加$3加倍飲品🥤，都係可樂、雪碧、有汽檸檬茶，仲有自家製嘅雪梨茶🍶中午返$60嚟講係🥢食到咁高質量湯底嘅米線係抵食嘅

餐廳：米線傳 (九龍城)地址：九龍城獅子石道84號地舖九龍城呢間米線傳新開咗接近2個月，佢哋嘅招牌豬骨麻酸辣湯底每日現煮，麻、酸、辣嘅滋味就好似一齣交響樂咁互相輝映🌶，仲可以按個人需要增加或者減少麻酸辣度，吸引咗附近一眾愛米線之人🍜✝️自選米線 $76番茄麻酸辣湯底，以酸香番茄湯頭🍅，襯托出餐廳自己調製嘅麻酸辣香，自選餸揀咗炸豬排、慢煮肥牛、牛丸同唐生菜🥬，豬扒酥香厚肉夠Juicy，慢煮肥牛以和風口味炮製🇯🇵，牛丸都算彈牙但牛肉香味同肉汁唔多，識食一定叫埋索汁嘅生菜，咁先可以更仔細品嘗到湯底嘅滋味😋。米線比較煙韌硬身有咬口，份量都幾多，入面仲有唔少蔥、芫荽、芽菜等配料，算喺大碗👍✝️雪梨乾金羅漢果水 $15(跟餐+$8)夏日炎炎最啱飲返杯去消暑解渴、冰涼清熱🔥，自家製無加任何糖份，帶嚟陣陣天然清新甜香，大熱天時絕對唔可以錯過🤓着校服嘅全日制中小學生有85折優惠🎉，仲有多款五十幾蚊起嘅湯飯、客飯、米線套餐，下次有機會試埋佢哋嘅極上日本A5和牛麻酸辣米線先🐮

九龍城出名多好野食，今日來試呢間新開冇耐嘅♥︎米線伝♥︎，呢到好乾淨企理，重有電視睇👍🏻有精選套餐，亦有自選米線，QR code落單好方便。唔想食米線，亦可轉珍珠米湯飯，佢呢到有日本A5和牛米線$149，相當有特式❤️鍾意食和牛嘅朋友可以來試吓。我order左自選米線$63🍜豬頸肉，墨魚丸，唐生菜，紫菜豬骨清湯米線，相當大碗😋湯底清而夠味，配料新鮮好味。小食紫薑溏心皮蛋$18原隻皮蛋，紫薑酸酸辣辣好開胃。雪梨乾金羅漢果水加$8呢個係店主自己煲架，甜度岩岩好👍🏻天氣熱飲一杯清熱解暑生津。

Today I ate a bowl of rice noodles, it's really nice! First of all, its soup base is so fresh, with a very strong aroma, which makes people feel very comfortable after eating it. Their rice noodles are cooked just right, not too soft or hard, and have a good springy texture. Also the rice is quite ok, it is better than the meal in the school canteen. That's why most of the people having the food are students.

今日lunch time去咗九龍城搵食，行過聞到好大陣麻辣味，原來係間小本經營嘅米線店傳出，決定入去試下！老虎蝦卷真係豐盛又美味！啲蝦卷滿載著新鮮嘅蝦肉，炸得香脆金黃，一口咬落去，嘩！好juicy!香脆炸魚皮，真係一絕！魚皮炸得薄脆，咬落去嘅口感好鬆脆，浸米線湯食又另有一種風味陳皮魚蛋麻辣米線，真係辣到好爽！啲陳皮魚蛋好香好足料! 麻酸辣米線夠麻夠酸！秘製豬扒腸仔米線配紙包飲品係個餐，啲豬扒腸仔煎得恰到好處，加埋米線好飽肚！食落去，真係好有屋企嘅感覺！最後，我試咗佢哋嘅冰鎮菠蘿，清涼又開胃！啲菠蘿凍得好脆，一口咬落去，啲汁液爆出嚟，酸甜嘅味道真係解渴又開心！

每次路过九龙城都能看到这家米线店，今次来试试看啦～店铺虽然位置不大，但是很干净啦建议大家都去点〈精选套餐〉喽，因为还大概一杯喝的～〈牛魔王米线〉牛魔王里面有振兴牛丸2颗以及慢煮肥牛，牛丸真的很不错，咬下去一口爆汁～汤底我选的番茄🍅麻辣啦～确实是有一丢丢麻，整体来说不错〈秘制肠仔猪扒米线〉真的超大一份猪扒，还有几个肠仔，看到就流口水。超大一份，我朋友喝到连汤都不剩～还看到有A5和牛米线还有一些其他饭类的套餐～准备下次也试试看喽

來到九龍城一個人晚餐，吃米線就最適合，一個人也自在，選了一間叫米線伝，它的湯底吸引了我。入店後QR CODE落單很方便，食物不一會就送到。米線湯底是蕃茄麻酸辣，比平時吃的酸辣多了一陣麻，可自選麻、酸、辣的程度，我選了少麻和少辣，而加上蕃茄味也是坊間少見，感覺味道添上一個層次，湯底夠濃郁，酸辣很開胃又帶麻感，可以邊吃米線邊喝湯。米線很滑溜，我選了喜愛的金菇，混在米線中同吃，比較清爽，也加了生菜補充纖維。米線的主食選了炸豬排，豬排是另碟上的，不會影響風味，它沒有炸得太強烈，感覺不會太熱氣，正適合我，咬下去相當嫩滑多汁，味道少鹹。另外選了一個小食是老虎蝦卷，一般吃這些蝦卷會有硬邦邦的感覺，但它是比較軟身的，口感細緻，啖啖蝦香且口感豐富，推介!飲品選了雪梨乾金羅漢果水，清甜滋潤，也有解辣的作用，而且大大杯相當抵飲。

平時我絕對唔會食米線，但呢間隱世米線小店，唔敢講係全香港最好食，但絕對係有誠意嘅米線店，尤其是個肥牛、白蔔白、豬扒，加上個即煮嘅蕃茄湯抵同埋杯解渴嘅雪梨茶，絕對值得搭車或揸車過黎買外賣食。這小店的缺點：暫時未有分店，最好快d開喺我屋企樓下😂

和牛酸辣米線真係第一次見，嗜牛成狂既我又點可能放過，睇下你$149點日本和牛法！見佢有溏心皮蛋同炸魚皮都想試，但一個人食唔晒。點餐係自己掃code 落單，不過店員都有主動話唔識可代點，態度親切有禮，讚👍🏻餐送到嚟和牛好有驚喜，諗住都係好似拉麵咁少得可憐的兩塊肉，點知份量都幾多，好足料。我同個店員講話啲牛都幾多喎，佢話老闆堅持每碗和牛都要有100g或以上，因為老闆都好鍾意食和牛😆講返碗米線，啲和牛係生的，但放進湯內好快便5至7成熟，好好味，加上啲酸辣湯唔會太搶啲牛味，油脂分布剛剛好，A5係唔同啲，值得一提的是加$8個杯金羅漢果雪梨乾水很很飲，甜度適中，如果再凍啲就爽啦，小店嚟講係有誠意的，份量唔孤寒，起碼好過啲日式拉麵！