Video
7-min walk from Exit A1, Hang Hau MTR Station
continue reading
Opening Hours
Mon - Sun
10:30 - 20:30
Above information is for reference only. Please check details with the restaurant.
將軍澳泰國菜唔算多 就算有價錢都唔會太平 厚德街市隔離呢個food court真係好正 呢間正宗泰國菜睇到入邊真係泰國人廚師 連收錢嗰個男人都係泰國人仲要超好禮貌今日叫咗豬手豬肉丸船河轉金邊粉 好似係$40 仲平過九龍城是但一間舖 外賣湯同米都會分開 個外賣兜係譚仔果d款 湯底好正 真係喺泰國食船河既味道 金邊粉勁多 差d食唔晒 而豬手同豬肉丸每樣都有兩至三舊 以呢個價錢冇得輸甜品買左粟米椰汁糕 呢個唔會太甜 仲食到葉嘅香味 好fresh
continue reading
位於「將軍澳」「坑口」商場「TKO Gateway」街市旁邊美食廣場裡面，主打泰國菜的餐廳「檸檬葉屋」，屬於外賣自取性質的食店，店內舖位主要用作廚房，沒有堂食檯櫈座位，如果光顧「檸檬葉屋」食客不想外賣的話，或許需要在美食廣場裡面或者附近，尋找公共用餐區找立食座位享用「檸檬葉屋」製造的泰國菜食品。至於我則在接近下午時間光顧，「檸檬葉屋」偏偏沒有堂食，所以需要外賣自取。結果我購買了「青咖喱牛腩飯」跟「炸雞翼」，作為晚餐裡面的食品。「檸檬葉屋」廚房製作的「青咖喱牛腩飯」實際製成品裡面，「青咖喱」的實際辣味感覺不算很濃厚，不好辣味的食客應該不難接受到「檸檬葉屋」製造的「青咖喱牛腩飯」。而且我從「青咖喱牛腩飯」咖喱汁裡面，食到少許來自「椰奶」的甜味，所以「青咖喱牛腩飯」整體辣味感覺屬於溫和，適合大部分食客享用，包括我在內。不過「青咖喱牛腩飯」裡面的「牛腩」實際肉質相對比較乾和瘦，口感相對會有一點硬，包圍「牛腩」範圍，口感比較軟腍的脂肪不算很多。至於「炸雞翼」感覺屬於即時製作出來的製成品，而且「炸雞翼」實際製成品口感不算很油膩，「炸雞翼」也沒有令人在燙口的感覺。而且「炸雞翼」在我乘坐小巴返回「西貢」，口感仍然保留外層爽脆，雞肉嫩滑口感。但是由於「檸檬葉屋」沒有為小食「炸雞翼」食品，提供任何的調味醬料，所以食客或許需要自備調味料了，如果食店提供例如甜酸辣椒醬的話就好了。雖然「檸檬葉屋」沒有為食品提供相關的套餐，但是「青咖喱牛腩飯」加上「炸雞翼」的實際總價錢不算十分昂貴，當作晚餐的實際負擔也不算大。而且我只花港幣七十元左右預算，就可以購買一餐晚飯裡面所需要的食材，「檸檬葉屋」的價目表符合我對飲食的喜好要求，不需要再在其他地方購買食品。要數「檸檬葉屋」唯一的缺點，就是食店實際上屬於外賣店，沒有提供堂食檯櫈給食客，食客需要外賣自取，攜帶返回家裡面享用，是少許不方便食客的地方，下次光顧食店，外賣自取選擇可能不多。不過我向來都是有點慣性選擇的人，所以即使下次再光顧「檸檬葉屋」，重覆上次購買的「檸檬葉屋」食品作為晚餐，我也沒有所謂。
continue reading
之，前嚟呢個商場食嘢見到隔離有間泰式外賣店，有小食，主食，甜品等，價錢都合理。咁啱今日有同事因為唔想OT而要留公司食晏，身為好同事嘅我當然要幫手做外送速遞員啦，既然我買當然我話事食咩啦。買咗四個主食，一個小食，一個甜品，味道有啲唔錯，有啲一般，店員係泰國人，好有禮貌，包裝亦好好，感覺乾淨。門口有各式小食，淨食。甜品，即食麵，零食。泰式炭燒豬頸肉，燒得幾乾身，無咗豬頸肉嘅油脂口感，睇個人喜好，我偏向有少少油膶感多啲，不過都唔錯嘅。海南雞飯，雞比較鞋，飯多啲油會好啲，湯無咩味精味道。泰式豬手飯，唔夠淋，瘦位有少少鞋。黃咖哩牛腩飯，牛腩唔太淋，有較口，份量滿意，我欣賞個汁嘅椰香味，覺得最好味呢個。泰式海蝦炒金邊粉，配料少，只有三隻細蝦仁，味道一般。千層蒸糕，層次分明，用筷子夾都有軟糯嘅感覺覺，食落唔太甜，幾好味。
continue reading
成日幫襯都唔錯，尋日收工買左份椰汁糕做甜品，返到屋企放入雪櫃，晚飯時間後叫小朋友拎出黎食，食左幾啖先發覺底層出哂水，鬆鬆咁一d都唔實，好似放左好耐咁，睇落去好唔新鮮，打電話又無電話反映，原來間野根本無電話，打去管理處先搵到電話，打去無人聽。拎落去又收左舖，幫佢買野要睇清楚！
continue reading
小店嘅泰國菜對比出名嘅餐廳，無論價錢同味道上一定相對物超所值老公係咁話好擔心呢啲小店會頂唔住執笠轉手轉得快，唔想平靚正嘅餐廳執咗所以希望睇完我呢篇食評嘅人都可以試一次同埋佢係正宗泰國人開之前有問過佢招牌菜佢介紹我哋食金邊粉大家可以當係一個參考冬陰功湯 配料都比較多下次一定會叫個冬陰功湯麵食配埋面應該會更加好食喺出邊飲過$88飲過$1xx但係呢碗絕對唔會比出邊差另外叫咗個生菜包肉碎蛋飯我就只係試咗一口，個人覺得有少少乾左啲肉碎(上次食過肉碎一啲都唔乾好好食,可能有少少失手)不過老公都係咁話正呀正呀 吾知係我食咗面頭冇撈勻定點呢😳😅所以大家自己可以考慮吓
continue reading