Lemongrass (Closed)

本身好少黎奧海城，今日咁岩經過就搵下有咩好野食，不過好多餐廳都係其他商場常常出現既，見呢間lemongrass門面幾靚又少見，一於就入去試下。呢間係食泰菜既，門口都擺左好多泰式零食飲品玩具擺設等等，嘗試製造泰式風情。首先叫左個沙律，青木瓜酸酸辣辣好惹味，個汁仲落左蝦皮，令味道更豐富層次更多；鳳爪都唔少，撈埋落青木瓜個汁就變得好好食，鬆軟爽口。之後有諗過點冬蔭公，不過見到呢個冬蔭煮花螺，就即刻叫左了。其實佢唔算好冬蔭，反而似泰式酸辣醬，個底係濃稠既，酸酸甜甜既，幾好味。值得一提既係佢既花螺真係太多，食到手軟！黎食泰菜點可以唔食咖哩，叫左呢個瑪沙曼咖哩加鬆餅。咖哩唔辣，甜甜的，配菜有洋蔥蕃茄等，牛腩都唔少，切得細件食落好方便。當然配埋鬆餅啦，佢真心鬆同酥，熱辣辣上枱好好味，一啖接一啖根本停唔到口，仲encore 左一碟，為全晚高潮。另外推介呢度既蟹，半價呀！睇落都好好食，亦得店員熱烈推介，不過同行友人唔食蟹，今次就無叫囉。

餐廳環境不俗，以木為主，設計簡約而優雅，空間感十足，更有數張軟綿綿的沙發座位，舒適度高。店員的服務態度頗佳，有禮且殷勤，送菜速度亦高。厚厚的餐牌很精美，圖文並茂，食物及飲品款式繁多，連甜品都有不少選擇，相當吸引。拼盤挺豐富，大致有齊一般泰式小食，素菜春卷極香脆，餡料飽滿，不會好油，好美味。炸蝦餅夠大件又香口，蝦肉彈牙啖啖肉。酸辣鳳爪份量多，口感清爽，帶有酸味的醬汁好開胃。蝦和雞肉串燒淋上惹味沙嗲醬汁，花生味香濃。生菜包是預先將滿滿的豬肉碎餡料放在新鮮爽脆的生菜上，一拿起即可吃好方便。泰式蟹肉炒粉絲挺有水準，炒得夠乾身又能保持應有的軟度，而且非常入味，齋吃粉絲已經十分美味，加入蟹肉更令口感及味道提升。泰國豆奶配紫米冰超大杯，有香濃豆味，甜度恰到好處，配上大量煙韌紫米，好有咬口，吃辣時喝一口豆奶有解辣效果。椰汁千層糕送上時是微暖的，椰香味濃，質感好煙韌。

今日同朋友去左奧海城shopping🛍又無啦啦好想食泰國菜，但又唔想出到九龍城食。點知俾我地又搵到間泰國菜食喎！😋係門口睇下餐牌，見d野食都好吸引下。職員好nice咁介紹下d野食，話餐廳真係泰國人煮，所以泰國菜夠哂正宗。見都好似唔錯，一於走入去喇😊環境都幾大，裝修得幾靚。坐得亦好舒服，唔會覺得好逼。由於兩個人叫既野唔可以好多，所以叫個拼盤食。咩都有得食，岩哂我地。叫左無幾耐就上菜。唔洗等好耐就有得食喇😋特定拼盤🍱都幾大份！😀有6款小食！🍢雞串 🦐燒蝦：好鐘意食串燒，因為會落好香既沙嗲醬😊，夠哂惹味！生菜包🥙：亦係我另一喜愛的泰國菜之一！呢個拼盤有樣好，已經幫我地用生菜包好，方便食。泰式鳯爪：夠哂辣！鐘意食辣就岩哂！蝦餅🦐：炸到金黃色，好香脆。咬落好彈牙，沾埋泰式辣醬更好味。🥙素春卷：好味，又係炸到好脆。幾多配料製成，口感豐富。亦不會覺得鹹。😋另外再叫左：瑪沙曼咖喱牛腩🍛呢個好味，推薦。平時食咖喱都係揀紅/白咖喱。見呢度有個 瑪沙曼咖喱，未食過。我試下先！好香好濃既椰香味，有d似沙嗲，但就無咁“結”身。除左有牛腩同薯仔，仲有d花生，紅蕃茄。牛腩好好味，都幾多件。好嫩肉，配埋個咖喱醬真係好

母親節晚飯用openrice訂位，5/12我為怕沒位， 該晚還致電跟餐廳確認，還加了人數。 5/13的午間時份，還收到餐廳致電給我說留位最多15分鐘，明明訂了6:30，但居然無留枱比我們說留枱15分鐘， 但家人已在6:35到齊，給接待員展示了openrice booking ，但居然說枱給了別人，還說我們沒接聽電話所以無留位給我們。 要我們等下一張。 等到7時才有位。 雖然要等，但幸好食物真的美味， 媽媽吃得很高興。建議貴餐廳教導一下員工查找openrice 記錄。因為我到現在還看見我的戶口對貴餐廳的記錄為「待確認」其他服務員非常好， 加水落order上菜都很快。

The crab is very good, probably better than the one I had the Sai Kung. Overall every dish is ok, but just a bit pricy.

睇佢門面同裝修都唔似質素咁差嘅餐廳， 入到間餐廳裝修同環境都唔錯，食物價錢唔係平但又唔係話貴，但收得呢個價錢食物嘅質素應該唔可以差成咁樣，首先講下個白汁海鮮飯，面頭啲海鮮食落去係冇問題，但食啲飯又爛又濕，椰汁比例可能唔係好啱，跟住就係海南雞飯，附送嘅例湯係鹹到苦嘅 ，伴碟嘅菜心冰凍的，完全係好似啱啱響雪櫃攞出嚟咁，佢個海南雞嘅醬汁味道唔係太好味(好怪， 如果大家唔知乜嘢怪味就去九龍城試下只賣58蚊嘅海南雞飯就知道個分別喺邊度， $94海南雞飯只值25蚊$69係幫佢交貴租)，個臘腸炒椰菜苗更離譜，揶菜苗淋謝謝唔爽口，臘腸唔香好似白烚咁，成碟臘腸炒菜苗水汪汪，椒絲同薑絲嘅刀工連大排檔都不如，有目共睹，居然收人哋92蚊仲未計加一，總括嚟講食完今次下次一定唔會再嚟，完全係茶記出品，高檔收費，因為食物同價錢完全唔合比例，本人覺得不值得一試。

同家人來到大角咀奧海城行街，順便食埋晚飯。爸媽話想食泰菜，就黎左呢間餐廳食啦。呢到裝横十分特別，地方又夠寬敞，坐得頗為舒適。坐好之後服務員立即為我們遞上menu及水我地點左個小食併盤，內裏有春卷、串燒、無骨鳳爪、生菜包.…十分豐富。仲有冬陰公湯酸酸辣辣，飲完十分開胃。生蝦+分新鮮，咬落去好爽口彈牙，點埋佢附上既汁 正其他菜式家人都好滿意

經過澳海城，平時比較少來昵邊，突然發現商場二樓有lemongrass 。好耐之前在銅鑼灣食過。覺得ok,今天來試下奧海城分店先。我地叫左三樣野食：味道都不錯1)泰式豬手：皮滑肉嫰，肉質好冧，好入味，非常好味。2）主食系木桶海鮮飯我覺還不錯，但未去到好好食，有青口，魷魚🦑，蟹柳，同雜菜，焗得都算入味。3）沙爹串，兩串豬兩串雞，沙爹的精髓是沙爹醬，有花生碎，十分惹味。豬肉串同雞肉串都好大串，十分滿足。

餐廳環境有別傳統泰國餐館， 有種fusion西餐廳既感覺，環境舒服闊落，冇好逼既感覺。 我地book 左6:30，唔算多人，但食完就見出面排哂隊，唔想排隊可以選擇早d 食。 今餐叫左泰式蟹肉抄粉絲，本人好鐘意食粉絲，好好味，唔會太咸太濃味，同都算大份，兩人份量，但蟹肉略少，同不太新鮮 第二樣係明爐烏頭，依家做緊promotion 有8折， 上菜時連爐上（冇諗過），連湯，同魚上舖左未熟粉絲，要連湯煮淋佢。呢個菜有d 失望， 魚肉唔滑，如果冇佢個汁點黎食，係唔好味🙁，個汁酸酸辣辣，幾惹味，為呢條魚加左d 分。 個湯本身叫埋芒果糯米飯，但咁早就賣哂，最尾叫左兩杯飲品，偏甜，但好抵飲$68兩杯。

奧海城二期大部份餐廳都試過，一直都對呢間餐廳卻步，因為同事食過話好普通，不過今日轉咗飯腳，同事提議底下當然奉陪!十二點食飯有個好處，就係唔洗等位估唔到泰國餐廳都有肉骨茶（$84）配白飯，馬來西亞口味，藥味濃但唔會好苦，排骨肥膏多但湯唔會太油，藥味滲入排骨，天寒地凍飲碗湯暖胃一流青咖哩燒雞配馬來鬆餅（$88）燒雞半隻比較乾身，我食雞肶都好啲，同事揀雞翼連胸，咬一啖胸就放抵唔食，好在青咖哩做得唔錯，檸檬草、羅勒葉散發香味，小圓茄子同蕃茄仔吸收咖哩香辣，鬆餅煙煙韌韌，乾身唔會油淋淋跟餐有杯飲品，兩個都揀檸檬茶，我零舍麻煩要小甜小冰，但出嚟效果兩杯一樣冇分別~甜品係朱古力蛋糕，味道好似細個時候食既金幣，得個甜字朱古力味好假

一排冇嚟奧海城，原來開咗唔少新restaurant. 今次先試呢間泰菜。咁啱有優惠，明爐魚有八折，味道都幾好，青咖哩唔太辣，好足料，配酥餅就最啱。如果酥餅portion 大D就更加好呢杯梳打好在唔怕太酸，啱啱好😊

Lemongrass 真係好好食 好岩👫我地既口味！！lunch set 唔貴又大碟 本身我點左大蝦炒金邊粉 男朋友點左泰式豬手飯⋯點知黎到我睇中左佢既豬手飯 佢睇中我既金邊粉😂🤡交換食！豬手好好食啊！！！如果我食到豬手有毛係表皮未炆走 係會成碟都唔食🌕但佢炆得好乾淨！好抵讚！！🐷男朋友都讚金邊粉好好食 撈埋花生碎好香口！另外仲點左西籣花 脆炸魷魚軟骨 芒果糯米飯！全部都好食 清哂🤰🏼特飲黑糯米豆奶都唔錯 唔會太甜 岩岩好！！

終於可以平日放下假決定出去搵朋友食個lunch朋友就起奧海城返工為左就佢緊逼既lunch time就專登過去搵佢食佢平時都係帶飯好少出去食話去試下lemongrass好彩我早啲去搵位Lunch time真係好多人Menu都幾多選擇我叫左海鮮喇沙 + 熱咖啡 $80食落都不過不失海鮮都幾多最抵讚係佢杯咖啡真係好飲！朋友叫左個木桶焗飯佢話食落好奇怪唔明點解menu有個手指公recommend佢最後淨係食左啲海鮮最後有個小甜品但已經飽到食唔落

星期六晚同屋企人黎吃泰國菜，七點半左右入去唔使等位。我地三個人叫左 豬肉碎生菜包、軟殼蟹撈檬、鹽燒盧魚、椰青 和 特飲。✅軟殼蟹撈檬（$92）沒有驚喜也沒有失望，味道和預期差不多，份量適中。❌豬肉碎生菜包（$122）唔夠香料，基本上只能吃到辣味，建議有凍飲先吃。肉質較老，而且好乾。份量比預期少，以這價錢不值。❌鹽燒盧魚（$208）賣相不錯但依然唔夠入味，肉質唔夠滑，份量對我地而言剛好但以呢個價錢一啲都唔低。🏠裝修係幾好，環境乾淨但比較吵。鋪面似乎唔夠人手，想叫野吃都等左好一陣先有人得閒幫我地落單，職員都幾急忙。

Lunch hour同同事試左lemongrass。入面環境舒適，餐廳都幾大，有好多位，所以都唔洗點等位。侍應服務態度積極。Lunch set有主食+餐飲+甜品。木桶香芋海鮮焗飯啲飯好有芋頭味，面頭擺滿左海鮮，都算幾足料。