良友快餐 (Closed)

剛剛返到香港食個快餐就趕返舖頭開檔﹗久違了的良友快餐，對上一次幫襯都有廿幾三十年。已經交帶員工如有急事即刻打電話比我，我只係轉個彎唔洗1分鐘返到。竟然幾個餐都煮唔掂又唔通知我，真係激死﹗搞到我被小人揪秤有位。眼見家庭式作業，溫馨的畫面始起彼落，互相幫助溫情十足。常備消毒濕紙巾的重要性，張枱黑到成隻手掌印出晒黎。帶消毒濕紙巾出街開餐的重要性，張枱污糟到嚇死人。青紅蘿蔔豬骨湯⭐️⭐️⭐️黏膠濃郁有深度有層次，熱辣辣十分和味﹗燒味店的例湯最高質最信得過，大量下欄加餸頭餸尾仲有雞鴨鵝豬骨掉去餚湯，都不用落味精的了？燒肉燒鴨髀飯免斬⭐️⭐️⭐️識食髀梗係成隻拿起原汁原味直接咬！皮脆肉嫩油潤肥美滴著閃爍肉汁，瘦肉緊緻搭上鵝油份外美妙﹗燒肉，肥膏太厚太油膩，食到滿嘴油淋淋，就算大大啖飯一齊食都有點吃不消。大大隻髀大大碟飯疊得高高厚厚非常壯觀﹗未算可以話特別好食，勝在夠份量而質素中規中矩，地盤佬廚房佬的士佬都啱晒，仲要唔貴勁抵食！切雞髀燒鴨髀飯⭐️⭐️⭐️咸香四溢、肥美滴汁的切雞髀，厚滑雞皮鳳脂甘甜無可抗拒，結實白肉滑嘟嘟，夾啖豉油蔥油撈飯大大啖入口，滋味無窮﹗鴨髀雖少但味道一點都不比鵝髀差﹗皮脆香口油脂豐富，醃味得宜

中午呢道良友快餐,叫咗個巨型雞髀漢堡包。貪佢夠平, 連埋凍鴛鴦都只需27蚊。 最初驚唔夠飽就加多十三蚊要多個薯條 。 打開包裝，原來雞髀同埋漢堡包係分開放嘅 。最初睇餐牌嗰陣，我仲要為餐廳會將成隻雞髀去骨，然後釀入漢堡包取替漢堡扒。 點知原來佢係炸雞髀配漢堡包。 漢堡包只有一塊肉餅同埋少許茄汁， 食落有啲油膩，漢堡好似用上咗大量唔新鮮嘅肥肉 ，食落有啲油膩，唔係咁好食。 炸雞髀份量雖然好大份， 但係食落偏乾偏柴冇乜肉汁。波浪紋嘅薯條好淋，咬落粉粉地， 軟pat pat，亦都唔係咁好食。 總括嚟講，呢個餐係幾平嘅， 質素對得住佢嘅價錢。

外賣送錯餐. 打番去話要換個呀姐仲聲大夾惡鬧人. 問佢一句送錯野係咪我問題就即刻cut線.呀叔送到黎仲係reception嘈一大輪. 幾好食都冇用. 貼錢買難受. 其實咁唔想做建議執左佢

喺尖沙咀返左咁耐工，因為疫情關係，叫外賣都食咗好多間唔同嘅餐廳，今次見同事有叫過呢間餐廳話唔錯，就lunch time試吓佢啦。估唔到佢叫外賣都送得幾快，所以打開飯盒嗰吓都熱辣辣。.咖喱雞飯開頭以為會係雞扒，點知原來係原隻炸雞髀，都幾開心。個咖喱汁調味唔錯但係如果有更多汁撈飯就仲好啦。喺OpenRice食評見到話熱奶茶幾好飲，雖然天氣咁熱但Office有冷氣就叫你試吓啦，跟飯餐加$4。奶茶茶味好濃，會掛杯，真心唔錯，糖都幫你落埋。

由於我擔心星期日「西貢公路」例牌的塞車問題，會連累原本安排好，我在家中觀看韓國綜藝節目的計劃受到影響，所以儘快購買外賣自取「咖喱牛腩飯」，回家作為晚餐裡面的食品。結果我在「尖沙咀」「厚福街」入口的台灣菜食店享用完下午茶，擁有「芝麻醬」甜味的「鹽酥雞冷麵」之後，就要尋找購買外賣自取「咖喱牛腩飯」的食店。結果我在「厚福街」裡面，找到「良友快餐」這間港式快餐店，由於我光顧「良友快餐」時已經差不多快要過了「堂食時間」，沒有可能堂食享用星期日晚餐，註定了我必須購買外賣自取「咖喱牛腩飯」。「良友快餐」的「咖喱牛腩飯」食品售價賣港幣四十四元，「良友快餐」「咖喱牛腩飯」價錢相對於其他餐廳跟外賣店而言，已經算是很便宜了。「良友快餐」廚房造好「咖喱牛腩飯」之後，我拿着塑膠外賣膠袋盛載的「咖喱牛腩飯」，看見「咖喱牛腩飯」裡面有大量「牛腩」和深黃色「咖喱汁」，放下心頭大石之後，就儘快坐車返回「西貢」。回家之後，我趁韓國綜藝電視節目還未開始之前，儘快享用「良友快餐」的「咖喱牛腩飯」，「咖喱牛腩飯」裡面的「咖喱汁」質地，雖然隨著時間而稍為凝固，但是「咖喱汁」裡面的辣味感覺仍然十分濃厚。至於「良友快餐」「咖喱牛腩飯

如果說港式茶餐廳的奶茶那間比較出色，這間良友會在我心目中的頭幾名👍🏻👍🏻👍🏻其實由細細個開始食，發現原來一直都沒有影相寫食評，今天心血來潮寫一篇🤣🤣今天午餐叫了一個滑蛋叉燒飯，與外面的茶餐廳不同，這裏是一個蛋花炒成，非常滑口，另外有少少香蔥的味道，味道不會太鹹，好適合用來配飯😋😋😋另外我選擇了瘦叉燒，味道品錯。😋😋😋最後到了熱奶茶，茶味濃郁，每次飲都覺得出色，奶與茶味均勻，不會偏多，值得每星期都飲🤣🤣🤣（冇收錢廣告）

<我至愛既快餐之一 良友>快餐店喺 hk越黎越少 唔係講緊大家樂 m記嗰 d , 係港式快餐 😂 而呢間 tst既良友 我間中經過都會去食 食店好細 只有少量好 hea既坐位 . 好多人點外賣， 食物勝在抵食大件 味道正 😍 我最愛佢既燒味 碟頭飯 同炸既小食😈🍴咖喱牛腩飯 42 蚊 🐂以尖沙咀厚福街黎講 好平， 外賣飯盒 d飯同汁塞滿哂 🍚 佢既牛腩勁多舊 係好有咬口 肉味濃嗰 d . 仲有好兔彈牙牛筋😆 咖喱汁幾香濃 佢仲加左辣 . 好惹味又唔會食唔落 比較得意係落左八角調味 整體 感覺有 d似馬拉類既咖喱 . 而我最鍾意係佢既薯仔 整得好淋 好入味🥔盡吸咖喱汁 好味Score 平均分 <7.5/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#良友快餐尖沙咀厚福街5 號地下~~~~~~~~~~~~

未到糧頭。係尖沙咀又想食價廉味美嘅外賣午餐，我推薦去尖沙咀食街－厚福街的小店，良友快餐。厚福街內食肆林立，而這快餐店可以屹立不倒多年，其實原因好簡單，價錢相宜又加上有港式風味的炒河麵飯，又有香口的快餐小食，炸肶薯條，，佢裝修平實，全店有3/4的地方劃作開放式廚房有1/3是燒味部，1/3是茶水小吃部，1/3是大鑊飯部。今餐叫左乾炒牛河加凍檸茶（$44），乾炒牛河十分有鑊氣，香噴噴的，河粉好滑，加上醬油、大量芽菜、少量洋蔥、沒有筋的牛肉片，食完盒底少油。午市店內都算多人。但因為冷氣不大，所以店內都混集汗水的氣味，建議不要堂食，最好外賣。

素聞良友餐廳快餐不俗， 特意經尖沙咀站前來嘗過究竟， 良友的位置不難找。 甫到鋪內，一陣香味撲鼻，附近環境舒服，頓覺食慾大增。說到底，我來的原因只有一個，就是食炸脾。我隨即點了炸脾。就本人來說，炸脾價廉物美，不枉此行。炸脾即叫即炸，大概需等候數分鐘。從伙計接到雞脾，我迫不及待從白膠袋取出它。嘩！雞脾炸得金黄且頗香。 究竟會不會金玉其外，敗絮其中呢？ 好了，要來的總要來，我一大口連皮扯掉雞脾肉。果然，雞脾也算表裡一致。首先雞皮炸得十分香口，配合調味粉，很有港式味道。雞脾大隻入味但仍有進步空間，肉質亦不錯，入口舒服。以我經驗，炸脾的香脆可口與肉質嫩滑猶如魚與熊掌，不能輕易兼得，不過良友炸得算水準之上，兩邊平衡。當然，良友炸脾在各方面也有改善空間，可是炸脾的水準有點意料之外的美味。可以再試。抵食！題外話，我喜歡舊式餐廳的人情味，良友做到。等候時伙計與觀客甚至老街坊的閒話家常，我很享受。

去 The One 看電影，時間緊迫下只有不足半小時要解決晚餐，又不想老麥，看到這種舊式快餐店正合心意，不用多想了。見有乾炒牛河，二話不說就點了，不用五分鐘就上桌，份量適中，河粉色澤均勻，很完整的沒有炒得「碎濕濕」,依然爽滑有咬口，牛肉有 7-8 塊，入味而不「嚡」,配料是基本的洋蔥銀芽。吃光後碟底只有泛起薄薄的油光，可見油下得剛剛好。很簡單但不易做得好，這個乾炒牛河，算是相當出色，連例湯才三十多元，五分鐘起貨，名副其實的快靚正。

尖沙咀區這種外賣式快餐店真是買少見少了, 要交租的店固然頂唔住這幾年的貴租, 就算係自己物業, 間間都可以賣幾千萬, 比我都賣走啦, 都唔知要賣幾多個飯盒先可以搵得到.呢間都算係最後數得出個幾間了. 晚上要去校外部上課, 唔想食太飽, 於是買了一件”鮮牛肉蛋三文治”, 阿姐(可能係士頭婆) 收咗我行我$16後, 廚房一位阿叔才說, “鮮牛雙併”唔止$16喎, 誰知阿姐(可能係士頭婆)反話, “今次算啦, 下次先收翻啦”, 哈哈… 底比個”笑臉”你…呢件鮮牛蛋治特別之處, 係其他茶餐廳無既, 就係配菜, 竟然有生菜和蕃茄, 重有沙律醬, 果真是誠意十足, 雖然蛋和牛肉都不多, 但勝在材料豐富, 都係物有所值.

話說同肥妹仔打算去尖沙咀拎個耳筒買個MASK, 行下行下, 再睇下錶, 原來下午茶時間到, 又係時候醫一醫個肚!!!!!!!! 肥妹仔真係無時無刻都淨係識食既!!!!! hahahahahaha叫左個炸雞脾, 西多士同埋蛋牛治!!! 3樣都讚呀!!! 首先上左個炸雞脾, 嘩..無咩點用粉炸, 仲落左D椒鹽, 不過落得唔係幾平均, 有dd位咸左d, 不過d肉質都唔錯, 只不過係$13咋!! 我已經覺得好抵!!! 再黎就係西多士, 因為肥妹仔鍾意練奶同多花生醬, 所以就特別叫C fu加多d啦, 誰不知... 真係多奶都溜呀!!!!!!!! 花生醬都非常之多, 真係合哂我個肥妹仔既心意。 正!!! 都只不過係$14咋!!! 最後就係肥嘟嘟既餐蛋治, 料都算幾足, 熱辣辣, 都叫唔錯!!! 只係$8, 樣樣抵呀真係!!!ps 當我地想要paper towel既時候, 佢伯伯毫不猶豫咁係褲袋拎左包私伙出黎, 服務態度真係一流!!!! 再加上餐廳果壬種懷舊既感覺....令人回味無窮!!!!

平時行開都只係路過, 今日想食漢堡包, M記得唔想食, 一見良友, 就諗起時新, 所以即入去試下!芝士漢堡包 - 即叫即做, 煎肉時同老闆娘係咁嗲, 好搞笑。 個包賣相普通, 味道唔算特出; 漢堡肉叫做有肉汁, 芝士都做到融gei效果, 可惜包有d凍, 要靠肉gei熱力, 要整熱個包同埋芝士, 真吃力!雖然良友唔係咩非吃不可店子, 但係懷舊店已經買少見少, 港式漢堡包亦都無幾多間有, 大家要珍惜d!