LIFETASTIC Patisserie (太古城中心2期) (Moved) New Location

相信好多人都食厭平時嘅大型連鎖餅店，所以有時轉下其他店鋪都係好醒辰。草莓乳酪蛋糕$68呢件蛋糕四四方方，好易拎，冇咁容易撞散。賣相好吸引，女子一見就會好鐘意。重點係，佢有好多層，口感好豐富。啲cream唔會死甜或者太漏，本人最鍾意就係果層海綿蛋糕，焗得好綿密，有咬口。少少不足之處就係我覺得粒草莓酸得濟，不過可能都會有人鍾意佢夠酸啦。總言而之，呢個草莓乳酪蛋糕有驚喜，難怪賣呢個價錢。間唔中一次半次買黎食下都開心。

行過Lifetastic，發現假期買一件蛋糕會送三重朱古力蛋糕，好抵！因為平時每件都唔平，唔會成日買，所以嗰日即刻買咗。第一次試咗桑葚蝶豆花蛋糕（無麩質）超好食！真係好新鮮。第二日食埋件贈送嘅三重朱古力蛋糕，都好香濃，真係有唔同質地同口味嘅朱古力層，面頭嘅cream亦都好滑，唔會膩，不過就冇蝶豆花咁特別。過兩日忍唔住又再去買，今次都係桑葚蛋糕，不過係竹炭，同埋含麩質。呢款蛋糕都係好軟熟，不過始終好似蝶豆花好食啲。仲有好多口味未試，就算嚟緊冇優惠，都可能間中會嚟買件開心一下。