Video
1-min walk from Exit B2, Jordan MTR Station
continue reading
Telephone
23842833
Introduction
一間提供齋菜的餐館，除了一般小菜外，更是供自助齋菜及茶市點心。店內燈光充足，並有三尊佛像供奉著，是佛門善信吃齋的選擇。
continue reading
Opening Hours
Today
11:00 - 23:00
Mon - Sun
11:00 - 23:00
Above information is for reference only. Please check details with the restaurant.
尋日星期二經過彌敦道，見到普光齋，都有多年未曾食過齋，一於試吓幫襯老齋鋪。雖然快下午四點鐘，店舖樓下坐滿八成左右客人，齋舖都有下午茶餐優惠，所以叫咗個下午茶套餐，再多叫一碟齋滷味拼盤。齋拼盤齋叉燒質地好實，顏色紅噹噹微甜，口感不太接受。齋鴨腎質地有咬口，甜甜地似咬一舊硬粉團嘅感覺，味道都係略甜。咖喱齋只帶咖喱香味，軟腍度較為挺身，口感都可以。圓形齋雞就腍腍軟滑，似食德國Frankfurter香腸，味道清淡。甜酸齋軟腍腍，適量甜甜酸酸非常易入口，係我最喜歡嘅一種。豉油齋味道稍淡，煙煙韌韌，口感同甜酸齋非常相似。素鵝稍為煎炸個皮面，質地煙靭味道濃郁，比較好食兼有特色。羅漢齋炒麵就只有炸過嘅麵，炸麵好韌又襟𡁻而且有少少脆脆口，冬菇腍身好味，冬菇木耳同草菇味道略為清淡，整體好一般。蘿蔔糕粉多糊口，食到最後嗰塊終於俾我食到有幾粒蘿蔔粒。齋店裝修似去返70年代嘅時空，枱凳擺設空間較為狹窄，碗筷杯碟及店面清潔整齊，店員服務態度殷勤盡力，對顧客非常有禮貌。並且留意到佢哋有派免費飯盒比街坊，值得一讚！雖然食物水準質素一般，有機會我都會再去幫襯佢哋。
continue reading
不知不覺，普光齋的半價優惠，已經持續經年，想享用豐富素食又想慳錢，普光齋絕對是理想好去處🤗今晚又再第N次（已經多到數不清了）享用半價晚飯，是晚美食如下：1）羊腩煲--大件而有口感，配上清新蔬菜，感覺健康一些。滾燙的煲盛着熱辣辣的食材，在這略帶涼意的日子，帶來絲絲暖意。2）錦鹵雲吞--十分爽脆，配上酸甜汁，增加開胃感。3）糯米飯--軟糯口感固然是吸引之處，不過對版主這個“花生友”來說，數量頗多，味道爽口的花生也是重要的。#眾裏尋素千百道 #veggieEverywhere #veggie #gogreen #普光齋 #佐敦素食 #九龍素食 #半價
continue reading
今日約咗個auntie一齊去食齋, 最後決定去佐敦嘅普光齋度食, 普光齋歷史悠久好出名,聽就聽得多今次係第一次去, 入到舖頭地方好大有兩層, 不過睇得出有歷史嘅痕跡😂, 我哋簡單叫咗個 雜錦齋拼盤同帝王菜鹽酥雞 撈粗麵， 撈麵都幾大碟， 唔會太乾身幾好味， 不過個雜咁齋拼盤， 我要求 酸齋比例多啲 其他少少就得， 第一次畀咗正常比例，我再同佢講一次要酸齋多啲，佢拎入廚房再拎返出嚟嗰碟嘢冇改變過🤣， 不過好多人食， 中午時間全場滿座， 可能太多客人侍應們都忙忙碌碌 服務一般。
continue reading
大家都喜愛吃素菜, 感覺健康吾油膩, 今日在佐敦普光齋訂了檯約朋友一起食齋. 錦繡大拼盤: 共有五款食品. 好受歡迎, 因為大家正肚餓.素欖角叉燒好惹味, 叉燒真像度很高, 色澤賣相同廣東叉燒好相似. 口感很好.素豬扒煎得香, 像肉質般有咬口, 點上沙律醬, 美味 . 東坡肉, 調味正, 刺身賣相吸引, 色澤鮮明, 組合滿意, 味道好均衡. 正中那些脆波波, 香脆可口. 雀巢海中寶: 好傳統菜式, 手工吾錯, 香口滿意.碧綠皇帝卷: 擺碟顏色靚, 這個手工菜好特別, 用薄甘筍片及腐皮卷上皇帝菜, 再蒸熟, 好好味. 金沙海皇翅: 有好多仿翅, 翅很有咬口, 口感不錯. 濃稠適中.法輪素卷: 用腐皮包上材料有冬菇, 筍片, 雲耳, 鮮菇, ......等. 調味好, 芡汁打得適當.香煎猴王菇: 猴王菇好巨型, 煎得香.葡汁焗四蔬: 葡汁味剛好, 內有四款蔬菜, 材料豐富, 蔬菜新鮮, 西蘭花, 菜芯, 生菜, 黃芽白, 煮得不會太腍. 草菇, 鮮菇, 食落有口感. 金沙鴨拼鳳尾蝦: 鳳尾蝦炸粉薄, 不油膩. 炸得香脆, 蝦肉爽彈, 比活蝦不相上下, 配上味道酸酸甜甜的醬汁, 很醒胃. 金沙鴨: 感覺吾太似鴨, 像腐皮包但煎得好好食. 翡翠美國果炒飯: 飯粒飽滿炒得幹身, 有腰果, 露筍 粒和蔥花等一起來炒飯, 油分不多, 非常可口.幸福炆伊麵: 用上草菰伴伊麵, 炒得香, 有鑊氣 .合桃露: 好香濃合桃味, 不太甜, 多食補腦.廚藝及擺碟有進步, 用料優質, 見這店常做慈善派食物給街坊, 好有愛心, 人情味濃厚.
continue reading
家人同自己都信佛，如果做到既初一十五都會去食下齋，普光齋之前經常都會有半價優惠，不過一定要記得落單前show張cap圖如果唔係唔計！最中意佢個素蜜汁叉燒，每次去都必叫。味道有七成似！麵筋煙韌，炸到表面脆入面軟。不過較油膩。芋頭卷用左腐皮同紫菜包住芋蓉去炸，無過多既調味遮左芋頭既天然味道，啱晒我呢個芋頭控。大部分既齋菜都做得好出色好味，係有少少油，但明白素食多數會係咁，係acceptable各位都記得儘量初一十五食齋呀！食素一天，慈悲一天，功德加倍！
continue reading