Lilium

Open Now

Now Closed

前排到鰂魚涌附近發掘下美食，係內街見到一間裝修都幾靚又悠閒的餐廳，餐廳位置係內街入面比較難搵，不過其實位置寫得好d就好易搵到！🧒就覺得餐廳位置應該係糖廠街17～18號入面的內街👍👍.首先餐廳主打台式路線，有台式牛肉麵、滷肉飯、鹽酥雞等等。價錢來講，都好親民😗😗 份量亦都幾大份，而且不收加一，確實係附近打工仔中午首選😂😂😂.今次🧒🐥試左個貴妃雞卷豬骨湯麵同鹽酥雞滷肉飯，套餐又可以加d小食，於是點了生煎包同雞翼😋😋😋 整體水準都幾好！.值得一提貴妃雞卷好好食😳😳 係還原左係台灣食既風味！外層燒至薄脆而且有肉汁，如果小食有得單點就好啦🥰🥰   

見到鰂魚涌返工附近新開左一間墨綠色顏色為主嘅台式餐廳，就入咗去試。只見環境入邊位置寬敞，燈光暗有格調。見到佢午餐嘅價錢都相當親民，選擇多。試咗佢哋嘅鹽酥雞擔擔飯，鹽酥雞份糧頗多，而且份量有多過一碗， 十分飽肚。除咗有滷肉之外，鹽酥雞外脆內嫩，而且面頭有淡淡的椒鹽粉， 10分惹味。配菜配上了擔擔汁，偏向有點辣。另外加$19就可以加小食。今次試咗滷水豬耳。見到豬耳份量適中，而且切件厚身彈牙，10分好有骨膠原!另外加咗$15配益力多爆珠綠茶，味道唔算太甜，不過爆珠偏少，口感爭咗少少。Conclusion: 見到佢下午茶價錢更加便宜，而且位置10分寬敞舒服，一定會嚟再試！

帶媽咪去鰂魚涌食台式早餐媽咪要五香肉丁通粉+餐肉反蛋+多士我要沙嗲牛肉新竹米粉+太陽蛋+生煎包五香肉丁通粉正常，咖啡都👌🏻新竹米粉半透明爽口好好味，沙嗲牛肉就好重梳打粉味（所以食淨哂）迷你生煎包仔好得意，未試過早餐食呢個配搭店內環境好舒服，播住台灣歌手嘅歌🎶🎵特別嘅璧燈加上牆上嘅電影🎬海報我嘅眼睛同味覺好似去咗轉即日來回嘅台灣之旅咁呢次嘅美食旅程整體都好滿意（除咗沙嗲牛肉，希望店家會改善)💪🏼

當初搵呢間餐廳都兜咗好遠路，入口可能係新開所以完全唔明顯，連店名都睇唔到。內部裝修似冰室，不過主力推台灣野~價格定位都唔算低，令人更加期待。牛四寶麵有牛腩、牛腱、牛肚同牛丸，雖然賣相一般，但勝在足料。湯底亦都較濃，明顯同街外味精湯唔一樣。鹽酥雞滷肉飯相較之下就較為普通，但都幾好食，飯唔會太乾。鹽酥雞夠晒香，加埋蛋撈飯食非常飽肚，又唔會太油膩。唯一美中不足係，滷肉比較少，但本身個飯已經夠多配菜，所以都還好~午餐轉美祿都唔洗加錢，正~

今日同男朋友出黎側漁涌行街，見到一間荷葉綠色既台式餐廳Lilium ，設有室外bar 枱位，休閒風裝潢襯哂我地既Holiday mood餐廳提供早餐、全日餐及小食職員姐姐好快就安排座位同menu 比我地，而且仲好有耐性解答我地問題我地叫左三個主食配飲品+一個小食小食生煎包：迷你細細個，好多汁 麻辣皮蛋： 唔太食到辣既我都食到，如果再多d 汁就好啦鹽酥雞飯（上）鯖魚滷肉飯（下） 溫馨提示：溏心蛋必食！好入味主角鹽酥雞雞好香鹽味，外脆內嫩，仲keep到多汁而鯖魚肉質嫩滑度滿分💯滷肉碎份量多，珍珠米飯啖啖都食到肉碎，好惹味鹽酥雞豬骨湯麵🍜鹽酥雞同麵分開上我揀左新竹米粉，粉感無咁重重點豬骨湯味唔錯，唔係重味精湯底飲品蝶豆花茶（上）：熱飲用大大個玻璃壺裝起，跟餐飲好come飲蝶豆花茶出名保健抗氧化，女士恩物蜂蜜柚子綠茶（下）： 綠茶味出，唔會太甜我同男朋友都係鹽酥雞fans , 估唔到港島都食到一間烹煮用心既台式小店，餓住黎，飽住走大滿足呀

...呢間台灣野處身於小巷入面，區外人要搵佢可能要花一啲時間～餐廳裝修望上去似食西餐 / CAFE, 你又點會估到佢原來主打台灣野呢😆..時為年廿九晏晝三點鐘，過左最多人嘅時間，STAFF姐姐們見我拎住個盤菜鬼死咁LEI HEA , 勁好人安排我坐左半排窗邊位 😂😂 佢哋話隨便擺啦最緊要慢慢食～..笑死，然後我叫左個鹽酥雞滷肉飯～餐飲要凍嘅美祿❤️🥰鹽酥雞十分之脆，份量仲勁多，數過成十粒，SIZE仲要唔細😂😂😂我見到佢個下都「哇」左出聲～調味酥香惹味，五香粉比較多，亦都唔會話肉質鞋口似食擦膠，值得一讚🥰☑️..結果我一個人清晒成碟飯⋯鬼咩，滷肉飯LOAD埋糖心蛋已經超送飯，仲要加埋佢哋炸得香口嘅鹽酥雞⋯熱氣都唔理了🥲🥲🥲...#會再黎食貴妃雞卷的🥲...

今日去港島行山，上山之前搵啲野食下，咁岩見到有間餐廳幾靚，人又唔多唔洗等位，就入去試下啦環境、色調好舒服，仲可以好似吧枱咁坐出面，好chill呢到主打台灣野食，一見到有鹽酥雞即刻想食鹽酥雞擔擔飯，平時擔擔麵就食得多，擔擔飯都係第一次聽，試下先鹽酥雞勁脆身，調味又足，平時食好中意落好多梅子粉孜然粉，但呢到完全唔洗自己另外加調味都夠晒味溏心蛋夠甜又入味，中間真係流心擔擔飯就有啲似魯肉飯，不過無咁濕，拌飯一流朋友叫左鹽酥雞豬骨湯麵，勁大份勁多雞超級抵食！小食生煎包，外皮卜卜脆，咬落勁多肉汁，啲汁差啲噴到朋友，佢仲話我食生煎包好似食到小籠包咁麻辣皮蛋，唔會好辣，皮蛋軟身套餐仲包野飲，轉台式特飲都只係加15蚊，大大杯好抵

誤打誤撞入咗鰂魚涌一條巷仔，餐廳非常低調，並冇大大隻字掛上招牌，有一種發掘隱世小店寶藏嘅感覺！以為呢條巷仔好難搵就冇人嚟？大錯特錯啦！ 我哋星期日下午茶時段去，原來入面都幾多人，可能係因為呢度環境空間比較大，座位又多，坐得舒服，吸引咗好多鰂魚涌嘅街坊過嚟👍🇹🇼 貴妃雞卷豬骨湯面 $68🔸貴妃雞捲入口啖啖肉，juicy嫩滑🧡🔸雞肉調味惹味，有喺台灣夜市食嘅感覺🔸湯麵份量十分足夠，抵食夠飽🔸跟餐加$19 生煎包，一啖一件，外皮香脆👍🔸加$15嘅特飲大大杯，推薦蜂蜜柚子綠茶🤤🇹🇼 貴妃雞卷配炸雙色地瓜條 $38🔸貴妃雞卷雞皮仍然香脆🔸中間有個沙律可以解解膩🔸地瓜條同紫薯條炸得好香，入口好甜特別滋味

今日誤打誤撞，午餐時候來到鰂魚涌附近，見到一間裝修感覺非常優閒的餐廳，由於位置係喺小街入面，所以唔係太容易發覺，不過試過之後，詁唔到別有一番風味，仲要係台式嘅風味呀！！～全日餐牌都有吾少選擇，有台式牛肉麵、台式滷肉飯、鹽酥雞等等。價錢來講，亦都一啲都唔貴，六十幾蚊起已經包埋熱飲，仲要吾收加一，真心抵食。<貴妃雞卷豬骨湯麵 $68>貴妃雞卷入口啖啖肉，而且雞肉嘅肉質亦都非常之嫩滑，雞肉嘅味道亦都醃得非常之入味好食。至於湯麵，份量亦都非常之足夠，食完感覺非常滿足。貴妃雞卷豬骨湯麵以台式料理來講，吾係好多餐廳有供應，就算有都吾係甘抵食，所以試過呢個貴妃雞卷之後，我絕對係極力推薦的!!<鹽酥雞豬骨湯麵 $68>鹽酥雞份量好多，足足有一整碟，鹽酥的味道非常出眾，酥香惹味，外皮炸得好香好脆，雞肉入口仍然保持到嫩滑，同埋帶有少少肉汁，非常好食。除此之外，台式麵條是粗身的扁麵條，入口彈牙，而且麵質亦都非常細滑好食。湯麵亦附上半隻流心蛋和配菜，製作認真高質。<滷大腸>朋友叫了台式滷大腸作為小食，都係跟餐加$19，非常抵食。我本身對大腸有小小抗拒，不過試完一

餐廳位置前身係港式茶餐廳”好味屋”. 新餐廳改做台式食店. 名叫Lilium. 早餐嚟講同茶餐廳差唔多. 我哋有時叫佢做”台灣嘢”. 開店初期已經幫襯過. 運作暢順. 明顯有餐飲經驗.朝早賣港式早餐. 我鍾意呢個櫻花蝦擔擔米粉. 應該係台式嘢. 可以揀公仔麵, 通粉等. 最特別最夾係新竹米粉. 櫻花蝦同豬肉碎好惹味. 個味癡哂上新竹米粉到. 最佳發揮. 熱奶茶都好飲.另外配炒蛋或煎蛋. 今日呢個煎蛋生咗少少. 加兩蚊可以將牛油方包換成兩粒生煎包. 正正常常. 冇咁悶.總結一下: 早餐嚟講質素唔錯. 水準穩定.

難得平日放假，約了友人下午茶聚，來到久違的太古坊，不經不覺附近的餐廳都轉變了很多。今次我們選了台式餐廳，店舖位於鰂魚涌站A出口，再行數分鐘的路程，見到轉角便利店轉左入小行就到。滷肉新竹米粉 $48最喜歡食新竹米粉，特別爽口，滷肉屬半肥半瘦，幾入味，還有半隻糖心蛋五香牛肉麵 $60台灣式牛肉麵，麵條有咬口貴妃雞卷配炸雙色地瓜條 $38想不到最有驚喜的是貴妃雞卷，雞皮比薯片還脆，雙包地瓜亦很滋味，中間還有沙律菜解解膩

今日收半日，下午正好可以約朋友去港島行山😄出發前就在鰂魚涌呢間開咗冇幾耐的店內醫肚🤣呢度比較隱蔽，係在巷仔內的。店內裝修簡潔舒服,帶點文青風😄鹽酥雞豬骨湯麵～鹽酥雞炸粉唔厚，雞肉嫩，香脆大粒，好有口感😋紅燒牛肉牛丸麵～份量十足而且呢隻麵係我喜歡的那種😋紅燒牛肉超入味和鬆軟，牛丸彈牙有汁，湯底非常濃郁👍生煎包（三3隻）～同平時食開的有啲唔同，呢度的比較細粒和應該係炸的，外皮非常脆口，內𥚃多汁，好特別👍滷水大腸～大腸洗得好乾淨，滷到軟林入味😋😋

星期日放假去teatime。餐廳叫lilium，好近港鐵站，都幾方便。係裝潢比較似西餐廳同cafe嘅台灣菜。其中幾特別嘅位係有d近門口半露天嘅高枱，望落都幾舒服。野食叫左迷你生煎餅同貴妃雞卷配雙色地瓜條迷你生煎餅，有8件，兩三啖就食得哂一件，皮都算薄，而且餡咬開仲有肉汁，餡嘅調味唔太重，煎起外脆，保留到一定嘅溫度，食落唔會太油，係幾出色嘅生煎包。貴妃雞卷配雙色地瓜條，貴妃雞卷有五至六件，外面超薄脆，裏面雞肉好香嫰，食落仲充滿住油香，幾有驚喜，雙色地瓜條有黃肉蕃薯同紫肉蕃薯，兩隻都好好食好香蕃薯味，食落有淡香嘅甜味，炸得唔會軟，而且仲有d沙律菜，可一解油膩感。而飲品凍蝶豆花茶好清新，叫左少甜有飲到蝶豆花嘅清香，適合同d比較油膩嘅食物解膩，係唔錯嘅飲品選擇。係呢到食野望住出面都幾舒服，見到有食客帶住寵物坐半露天嘅高枱，亦有人帶埋書一路食一路睇，望落都特別舍意。

今日去左位於側漁涌嘅餐廳，雖然距離地鐵調好短，但位置就有少少難搵，要大街再轉入嘅小巷裏面先搵到。而餐廳位置都幾多多，坐得都舒服。望落整潔乾淨，餐具冇水漬，每張枱櫃桶都有，亦方便拎。下午茶2點開始，都算有幾多選擇。食物方面，我叫左而五香牛肉麵，滷水大腸，鹽酥雞。五香牛肉麵，麵底較薄同窄身，係扁身嘅麵，食落幾滑，不過要趁機食，唔係就會有d痴埋左。配菜有一大棵小棠菜，而主角牛肉有四大片，牛肉味都算香，食落就比較有咬口，整體味道都唔錯。滷水大腸，炆得夠腍，咬起上嚟唔覺韌，滷水炆完都唔算太重味，份量正常，整得都幾乾淨，幾好食。鹽酥雞，份量超大份，兩三個人share叫一份比較適合，鹽酥雞新鮮炸起，炸到香脆，調味上比較重五香粉，食落香口，配酸梅醬都好夾。飲品就叫左蝶豆花茶小冰少甜，幾大杯，清澈嘅紫色，飲落味道清甜～

難得公司附近有新開嘅餐廳，第一時間同同事衝去試食，今次係一間台灣嘅小店，店舖裝修都幾特別，感覺好似去咗台灣咁樣可能真係太耐冇去旅行，有少少特別就覺得好似去咗旅行咁紅燒牛肉牛丸麵有牛丸同埋牛肉，牛丸好彈牙，係粗麵既質地，口感較佳，朋友話湯底都有啲似台灣風味，唔錯台式滷肉飯其實我唔係太鍾意有啲腩肉嘅飯，因為腩肉往往伴隨儲肥膏，不過啲汁係幾好味嘅，最驚喜係有2塊蓮藕，脆脆地爽口又配啲酸酸地嘅味道，幾醒神開胃佢嘅飲品都係港式嘅奶茶，檸茶，咖啡唯一可惜嘅係冇台灣飲品，例如珍珠奶茶問咗職員佢話老闆遲啲會加返台灣飲品喎，又再期待下先