Lilium

Open Now

Now Closed

晨早起身去做運動，跑完步，成個人都鬆晒，吖醒老公一齊去食早餐。好耐無嚟過海光街呢頭，四圍逛下，喺海光苑地下搵到間新開嘅台式餐廳，原來呢度有早餐供應，而且價錢非常親民，三四十蚊就已經有交易，一於試下。餐廳位於小巷內，位置雖然有點隱蔽，但其實入面地方都幾闊落，座位亦算多，近門口位置更設有一排高腳凳，環境清幽雅靜，感覺舒服自在。我哋點左個西式早餐 ($45) 同 櫻花蝦台灣擔擔新竹米粉 ($36)，另外再加左份台式厚多士 ($30)，打算 Share 嚟食。個西式早餐材料很豐富，有香草雞扒、煙肉、茄汁豆、炒蛋、沙律菜同多士。雞扒煎得好香口，食落無雪味，而且肉汁都幾豐盈。雞蛋炒得很滑溜，中間仲夾住蛋汁，入口蛋香撲鼻，很討人歡心。好耐無食過台灣擔仔麵，今次配左新竹米粉，湯底嘅味道幾鮮甜，米粉幼細雪白，吃起嚟煙韌爽口，加上甘香肉燥同酥脆櫻花蝦，別具滋味。套餐配有腸蛋同牛油包，+$2 可轉多士或生煎包。兩個生煎包都很好吃，外形小巧的骰，底面都煎得乾脆金黃，但又不致焦燶，食落非常香口，而且肉餡鬆化無雪味，咬下仲有肉汁。台式厚多士配煎雙蛋，多士可以揀配紫薯醬、花生醬或果醬。多士烘得好香脆，面頭塗滿紫薯醬

We go to a Taiwan restaurant nearby for our early dinner for a lazy Sunday. We order Gui Fi Chicken Roll Noodles Soup, Taiwanese Fried Chicken and Braised Pork Bento, add the extra snacks, Romaine with Braised Pork, together with the Hot Milo. The food portion is large, the chicken roll is special, and we didn’t try it before. The fried chicken is super juicy. This is made per order, therefore the chicken is hot. The bread size is small but still contains meat soup inside. Overall, you can have

星期六返完工去咗鰂魚涌食下午茶。揀咗呢間座位寬敞，裝修得好雅緻嘅台灣餐廳。 餐廳側邊有一排座位向住路邊坐，有半室外嘅感覺。餐廳用心地將呢啲座位對住嘅位置裝飾到好綠化嘅感覺。 喺度食嘢感覺都幾chill。食物表現幾出色，有驚喜😎😎鹽酥雞滷肉飯58蚊（包咖啡）鹽酥雞炸得香脆，非常惹味。滷肉位置靚，每嚿都係一齊肥膏隔住一層肉，豉油味非常之惹味。下午茶分量一啲都唔細，加加埋埋好多嚿肉。飯底好食，唔會太乾。👍生煎包及滷肉米粉 （＋$15 凍嘅蘋果蘆薈蜜）性價比好高，一次過可以滿足到你又想食生煎包又想食米粉嘅願望。米粉曲新嘅，掛湯力強。質地幾好唔會太林亦都唔會太硬。💞生煎包包皮有咬口，同平時食開嘅有啲唔同。

中午放飯，行咗去鰂魚涌食。入咗去一條巷仔，見到幾有特色既台灣餐廳。成個門口油咗Tiffany Blue既顏色，好靚呀，見唔到任何招牌，有個bar枱，方便自己一個去食既朋友。入面環境幾靜，同埋都幾暗，啱晒想靜靜食飯嘅朋友。因為仲有幾分鐘先到兩點下午茶，服務員會比定餐牌你睇，等你諗定食乜，夠鐘佢哋就行過黎同你落單。叫咗個五香牛肉麵，跟餐有美祿。五香牛肉麵 $60份量適中，不過有好多塊牛肉牛肉有啲好多筋好韌，有啲就好淋整體而言，都係食個環境。

鹽酥雞滷肉飯鹽酥雞係台式菜中必定要試的野，呢度鹽酥雞肉嫩，炸粉唔厚，鹽酥雞滷肉圍住晒個飯，份量超足!滷肉係用半肥瘦豬腩肉。肥而不膩，D汁好香肉味。幾驚喜伴飯仲有椰菜沙律，同半隻糖心蛋，貴妃雞卷豬骨湯麵雞卷係其他台式菜餐廳比較少，雞卷表面有烤過所以好香。台式麵，正常發揮。小食加配：肉燥伴A菜:肉燥就真係肉碎，同個滷肉飯的滷肉係唔同。質素唔差!麻辣皮蛋:麻辣醬配埋皮蛋好開胃！生煎包:內餡多汁滷水雞翼: 雞翼好入味 飲品:益力多爆珠綠茶及蘋果蘆薈蜜

鹽酥雞滷肉飯鹽酥雞岩岩炸起，炸粉唔厚，雞肉嫩，鹽酥雞量多。滷肉唔係肉碎，係用半肥瘦豬腩肉。滷肉汁唔油膩少少黏口，好香肉味，配飯一流！伴飯仲有椰菜沙律，可以中和一下！仲有半隻糖心蛋，呢碟鹽酥雞滷肉飯值回票價！貴妃雞卷豬骨湯麵雞卷比較少見，外面有少少烤過，少少焦香。湯麵都正常發揮，相比下，鹽酥雞滷肉飯出色好多！小食加配：麻辣皮蛋比較結身既特製麻辣醬好特別，唔係非常刺激性既辣，配埋皮蛋食好開胃！生煎包偏向似炸，細細粒，但內餡唔少又多汁飲品益力多爆珠綠茶蘋果蘆薈蜜

Lunch dine in: we go there around 12 so we can be seated right away. Line up will start around 12:40. I love how they serve the rice with some pickled veggies to balance with the meats. 🍗🥒Tea take away: I got a 10% off from using an app to order the take away. It’s such a great deal for the quality of food they provided. 🍠 🍗 Will go back for sure 5/5Service 5/5

鋪頭唔算易搵，埋藏o係d 橫街窄巷。佢與太古坊商業區毗鄰，單叫Lilium 無中文名，sound like會係間decent o既西餐廳；而內裡格局尤其係陽台bar 檯座o既設計，直覺都係好西餐廳，不過佢其實係食台式食物的！下午茶餐最平$28 已經有6 個生煎包，唔使加一連o野飲，消費唔高。我地試o左客貴妃(雞) 卷配雙色地瓜條($38)，頗大o既一份，附上沙律菜，紫薯同蕃薯都甜甜的。主角貴妃雞卷超好食呀……呈長條狀有d 似台式腸，外層燒至薄脆而且富有少少層次感，裡面o既雞柳啖啖肉又juicy，簡直wonderful！食得台灣o野點都要試下佢o既台灣牛肉麵，紅燒牛肉牛丸麵($58) o既牛腩札實入味，牛肉彈牙而帶有脂肪粒，味道濃郁。湯底也係好重牛酥香，令到每一口麵線都有豐厚o既口感。以上o既餐都可以特價追加小食，加埋當然更覺完滿。分別叫o左滷水雞翼3 隻同滷水大腸(都係加$19)，雞翼大隻飽滿夠晒抵食，豬腸不嬲都係我私心之選，佢又特別多面積吸汁，索滿惹味滷水汁，愈食愈好食~餐飲朋友叫美祿，都比較少見，通常茶餐廳得阿華田，不過佢就話比較淡。我則加$15 升級o左做蘋果蘆薈蜜，正~ 少少酸

週末早晨過來公司附近吃早餐，跟平時大不一樣超級少人。找了好一會才發現這個隱市咖啡，早餐超級便宜，兩個人吃了不到90，東西大份又優質。 環境很寬敞舒適，一早進來放的是周傑倫的歌曲，好像坐着時光機，回到從前。聲音和氣味都是有記憶的。一不小心，就打開時空隧道，體驗也只有自己知道。 西式早餐 香草雞扒 醃肉 茄汁豆 沙律菜 多士超級大份，值回票價，又有菜菜，又有肉還有炒蛋，一整天的營養都補充完整。 五香肉丁 新竹米粉米粉還配了包，和煎蛋，也是超級大份。喜歡這樣的口味。Lilium鰂魚涌海光街13-15號海光苑地下3-4號舖

今朝返工前去嘆個靚早餐先呢間台灣鋪頭係新開的，咁岩開係公司附近，無理由唔黎試下架早餐有多款既選擇，麵類既都有配飽同埋炒蛋，似平時常餐咁樣我就試左個all day breakfastAll day breakfast價錢只係$45，比起出面既平左成一半但性價比都幾高有香草雞扒、煙肉、茄汁豆、炒滑蛋、多士同埋沙律菜，都有幾多款式，香草雞扒好大件，而且好綆，掩得都好入味煙似煎得金黃但唔會過燶，多士上面鋪滿牛油，好多脂肪哈哈炒蛋都好滑，仲會見到有蛋汁，幾高質既all day櫻花蝦台灣擔擔新竹米粉$36好有台灣既風味，櫻花蝦同肉燥配米粉係最無敵的，好香，湯底令到米粉都好入味，呢個餐有配多士配炒蛋兩個餐都有配飲品有美碌/豆漿等選擇

鰂魚涌新開左一間台式餐廳，因為係附近路過個陣比鋪頭既音樂同裝修吸引住🤩，所以就入左去食午餐😙。店內播放住抒情既台灣歌，餐廳係半開放式，好有特色😍，好似台灣啲餐廳風格咁，而坐bar台仲可以感受住新鮮既空氣☺️☺️餐廳有早餐、午餐同下午茶餐，價錢方面係鰂魚涌黎講都算係相當便宜😝而且份量十足，cp值都好高👍🏻👍🏻🥢紅燒牛肉牛丸麵 $78麵既份量都幾多，面都幾寬身好有咬口，牛肉爽口彈牙😌咬個陣仲噴啲汁出黎🥰湯底味道好香好濃郁😽😽跟餐配左凍奶茶+$3，奶茶夠凍，配埋牛肉麵真係好夾😊👍🏻🥢鹽酥雞飯 $68除左有鹽酥雞之外，仲有大量既滷肉🥰🥰，啲材料同飯真係有載滿成個碗，滷肉拎黎撈飯，味道真係好飽肚😙😙。鹽酥雞真係炸得好香脆，大大粒，好有口感😝😝跟餐配左凍豆漿，好味😃

周末同屋企人黎呢間新裝修既餐廳。呢到位置唔明顯，行近太古坊方向過黎既話，就要經便利店轉入黎。但店面外觀好特別，一望就會望到。可能天氣轉涼，舖頭無開冷氣，而係開哂一個個窗，感覺好通風舒服，亦十分環保！店內氣氛亦好舒適寧靜，好似去左一間遠離市區既小店咁。我地兩點幾先到，岩岩好可以食下午茶。我叫左滷肉飯，屋企人就叫左貴妃雞卷配炸雙色地瓜條。雖然係下午茶，但滷肉飯依然足料！滷肉肥瘦適中，而且仲食到少少軟骨，無論肥肉瘦肉抑或軟骨都好入味同軟淋。另外仲配有紫椰菜中和滷肉既膩感，溏心蛋既熟度亦剛剛好！偷食左屋企人叫既雞卷同炸地瓜條。呢份下午茶淨係外表已經夠吸引，雞卷亦算係技巧菜式，雞肉好嫩滑，炸地瓜條用左紫薯同甜蕃薯，對比一般炸薯條感覺更健康！跟餐可以再叫小食，我地就叫左肉燥伴A菜，味道都唔錯！另外仲叫左兩杯野飲。屋企人叫既係蝶豆花茶，睇落藍藍紫紫咁好靚；而我就叫蜂蜜柚子綠茶，甜度適中。呢間台式小店真係好高質，性價比確係高，絕對係值得回頭再食既餐廳！

星期天，準備帶小朋友出去鰂魚涌公園逛遊，當然在大人小朋友放電之前，要食下野先，在太古坊附近一帶，再上網揾一揾，發現開了一間新台灣菜小店，喜愛幫襯小店兼是新店，我當然走去試吓先！位置是海光街，但需要轉入內街才找到餐廳正確門口位置餐廳半開放式，打開所以窗戶，可讓新鮮空氣進入餐廳內有下午茶餐牌，經濟實惠紅燒牛肉牛丸麵，份量十足，沒有因為係下午茶餐而減少份量，牛丸好彈牙，牛肉片好淋，配上濃郁嘅湯底五香牛肉麵，麵條口感煮得剛剛好，本人最怕食淋麵鹽酥雞滷肉飯，滷肉汁配白飯簡直是絕配，雖然是半肥瘦肉，但一D油膩感都無生煎包，即叫即整，上枱時候不要即時咬落去，好盪口滷水雞翼豆漿，好香滑益力多爆珠綠茶蜂蜜柚子綠茶

雖然未到食飯時間高峰但已經要等位入坐台灣食物已經嚟過一兩次, 都係食鹵肉飯飯質好有咬口, 今次分量適中👌（因為係下午茶唔知點解嗰份量好鬼少😡）... 食得魯肉飯就要唔介意肥少少啦😅😅, 有啲配菜, 蓮藕和酸菜絲.但係杯咖啡就非常普通, 係一般茶餐廳嗰啲苦澀味咖啡, 如果改善埋呢樣就可以再打高啲分裝修簡約, 亮點係有一排可以變做半開放式嘅大窗, 感覺開陽好多我一個人被安排坐高櫈, 仲好可以高人一等😜, 可以畀開少少嘈雜聲😬

又是星期日一家四口覓食時間，毫無頭緒下在家附近四處閒逛，竟然給我們在一窄巷找到一間隱世小店，姑且進去一試。內裡装修還是簇新的，而且寬趟舒適，主打都是中式台灣菜，而下午茶價格相對廉宜。我決定各叫一些菜色，四人分享來吃。先叫了一個紅燒牛肉牛丸麵，別以為下午茶份量一定很少，那就錯了，這碗份量足夠我們四人各分一碗。跟著又叫了一客鹽酥雞滷肉飯，這個鹽酥雞炸得外脆內嫩，配以滷肉飯的滷汁簡直和味非常，而配菜亦十分豐富。最後還叫了一碗五香牛肉麵，同樣份量十足之餘，牛肉亦入味鬆軟，極易入口。值得一提是以上的下午茶餐還可以用優惠價加配小食，於是我們叫了二客滷水雞翼和一份生煎包。嫩滑的雞翼配以滷水汁，吃得我兩個小朋友不亦樂乎，而我和老公則甚欣賞那煎得金黃的生煎包。下午茶餐可跟附免費豆漿，我倆小魔怪硬要喝特色飲品，但亦只多加$15元而已，一杯益力多爆珠綠茶和柚子蜂蜜綠茶，又得確特別、好喝。最後這頓午餐祇需$263元便能令我們四人吃得飽飽滿足的離開，確是十分超值